極尚大喜屋

營業中

休息中

極尚大喜屋在旺角雅蘭開了新分店，環境超大，亦有自助區取甜品、冷盤、飲品，熱盤等！放題食物用手機落單，刺身、壽司、軍艦、一品料理等多款美食可以選擇！刺身方面有三文魚、油甘魚、希靈魚、赤蝦、赤貝等，刺身都好厚切而且新鮮！壽司、軍艦都有多款選擇，三文魚、帶子、芥末八爪魚、花之戀等，款款都整得好靚而且美味！這裡還有花膠干鮑任食，是全港首間放題有得任食干鮑，而花膠同鮑魚味道都唔錯，好入味！燒蠔都是即燒的，用上川式的做法，食落微辣又有孜然味，十分惹味！他們的乳鴿燒到外皮脆身，鴿肉嫩滑多汁，令人不禁叫多幾份食！一鍋鍋的除了有粥，還有牛油煮蜆，味道濃郁又鮮甜！牛肉烏冬都好好食呢！

旺角行街經過見到佢個大招牌都好想嚟試下，今日咁啱雅蘭放工就去試下。我同朋友12點左右去到，平日黎講都幾多客人，幾乎坐滿😏放題當然貪佢任叫任食😍好滿足羊架，刺身，串燒，壽司，雪糕，酸菜魚幾乎咩都叫啲🤣，就連自助區既配菜送菜都唔馬虎，有多類款選擇，熱食凍食都好食。今次最有驚喜既係有任食燒蠔！同干鮑！ 真係無咩日式放題有呢個，估唔到甜品都好多樣揀，真係點都會有一款啱！天婦羅都係熱住咁送上檯，呢個都值得讚賞，食既時候個面同裡面都係熱辣辣既👍👍串燒牛舌同雞軟骨，係我同朋友都想嗌的，食落唔太乾身、有口感，同埋唔會太咸，每樣都打孖咁叫，值得推薦總括：一班朋友如果平日中午來食，其實幾抵食👍冷盤仲有蝦同螺，200幾數仲想點

位於旺角雅蘭中心5樓嘅極尚大喜屋享用放題，環境衛生確實唔錯，座位寬敞，光線充足，自助區嘅食物選擇都好足夠。供應一系列壽司、刺身、串燒、日式一品料理等自助區有凍海鮮、沙律及多款甜品，飲品方面就可任飲日本清酒、梅酒、紅酒、啤酒，適合一大班親朋聚會。 必食花膠鮑魚、燒生蠔🦪、乳鴿、鹽燒牛舌都好正，口感爽彈，我地食咗好多塊，香草羊鞍！羊鞍肉質juicy，意脆炸貓山王榴槤球，中間個餡會流心架！鐘意榴槤嘅朋友記得一定要試、燒溫室菠蘿🍍好香甜解膩食多兩轉都可回本了

平時食放題基本上都係去大喜屋，因為食物質素好高，又多選擇，簡直係食放題嘅不二之選！今次就去咗旺角新開嘅時間極上大喜屋，食物質素當然維持到高水準啦！不過估唔到係呢間分店，有勁多勁多勁多嘅小食、甜品同飲品！完全係酒店式級數👍🏻👍🏻👍🏻日式前菜就唔使講啦，估唔到仲有酸菜魚食，而且魚肉好骨，正😆 嘢飲嘅款式多到可以話係成間超市咁！除咗一般汽水同果汁，仲有自家製冷泡茶，就連啤酒，清酒，梅酒都係任飲！😱就算唔食嘢，齋飲都輕鬆回本🤣🤣嘢食方面，呢度嘅鮑魚，海膽手卷呢啲比較少放題食到嘅嘢都係任點任食，而且質素好高！刺身就唔使講啦，維持到大喜屋一貫水準，夠新鮮👍🏻👍🏻 老實講，食一餐係唔會食得晒佢啲嘢，所以下次一定要食多幾次🤤

今次挑戰一個人食放題😂揀選嘅係旺角嘅極尚大喜屋，去到環境都幾闊落，唔會坐到好迫自助區都有好多食物選擇，有熟食、甜品、雪糕、冰鎮海鮮，仲有軟糖區呀😍😍攞左少少野食就再掃QR code 落單叫刺身同其他野食！刺身既種類好多，呢度仲有埋長腳蟹食呀！刺身都好新鮮！另外仲叫咗三文魚腩、蟹棒壽司，仲有海膽軍艦添呀！另外仲有其他海鮮好似蒜茸帆立貝！200幾蚊就有咁多野食同埋咁高質素真係幾抵呀！所以一個人食都唔怕啦

辛苦揾來志在食，同朋友來到呢間新裝修好日式放題餐廳—極尚大喜屋，揀左晚市2小時自選，見到電梯口大堂有梳化可以坐，方便等位。用手機掃QR code點單後，就出去拎飲品同前菜，前菜有泡菜、蕎頭、酸蘿蔔，夠晒開胃﹗另外仲有青口、凍蝦，熱食有酸菜魚、鮑汁豬手、廚師推介、蒸魚，款式不少。最獨特當然係全港首間放題任食干鮑，干鮑吸晒鮑汁。仲有即燒川式燒蠔任食，燒蠔肥美惹味。皇牌燒乳鴿王，難得任食質素都保持得咁好。最抵玩係有日本清酒、燒酒、白酒任飲，三款之中自己最愛燒酒，少許甜易入口，帶甜荔枝果香。裝修新穎，廁所都好夠大同光亮。旁邊客人都讚口不絕，說食物質素確是不錯，難怪會有不少人光顧。離開時發現有不少客人在門口等候入座，所以要預先訂定枱較安全﹗

朋友知道旺角有放題新場，第一時間叫埋班兄弟姊妹，一定齊去試吓。新環境新裝修，地址就係旺角雅蘭中心4樓，極尚大喜屋。銅鑼灣&觀塘我哋都係經常捧場，所以期望有一個驚喜。我手機掃曲落單，點咗我哋食放題一定點的至愛！刺身未到先食冷盤。三文魚刺身夠新鮮魚油好香，甜蝦、帶子鮮味無比，仲有好特別嘅海蜇刺身。蝦多士非常特別，賣相精緻又好味。即燒川式燒蠔，在放題中非常特別。麻辣夠惹味配合鮮嫩多汁生蠔，味道係好夾啤酒🍻，簡直係有驚喜。再要落單叫多啲，反正燒蠔係任食嘅。燒羊架師傅控制火候非常到位，保持肉嫩多汁，燒牛脷有啲咬口，蒲燒鰻魚肉嫩魚油香，燒扇貝粉絲蒜蓉味夠香，芝麻雞翼都好香口。榴槤炸彈榴槤味真係好重我鍾意，蟹粥夠鮮甜，出品和味道都保持得相當好，我每次都會嗌返碗蟹粥暖位又鮮味。放題環境衛生乾淨，座位闊落，客人都好多，但係又唔覺得有壓迫感。店員個個都忙過不停，態度認真又誠懇，效率高，見我哋缺濕紙巾或餐具都會主動補上，非常貼心。

旺角新開了日本放題餐廳，新淨企理，燈光光猛，到了晚飯時間，座無虛席，人流非常多。除了可在外面的自助區拿食物外，下單的話則以手機掃碼便可，十分方便，而且比以前填寫一張張紙更加環保。出菜效率算快速，刺身冷盤很快就有，熟食則需時較久。首輪先來一大盤刺身，有赤蝦、帶子、油甘魚及池魚，擺盤精緻，有裝飾，毫不馬虎。壽司卷物多款式，還有名貴食材，如鵝肝、海膽軍艦等。一品料理推介有川燒珍寶蠔，蠔肉大大粒，很厚肉，而且上面都是炸蒜粒、蔥花及川式醬汁，不算辣；另外還有蒜蓉粉絲蒸扇貝，也是蒜香味濃，特別惹味，很多客人都再接再厲，點完繼續再點下一輪。另一新品是吉品干鮑魚，一大片花膠、花菇，還有兩粒鮑魚，真材實料。炸天婦羅有南瓜、蝦、日本小番薯、蟹棒，炸粉保持薄薄的。燒物有蒲燒鰻魚、比目魚，魚油豐富，煎得香口。煮物有鮮蟹粥、牛肉鍋、黑蒜油豬軟骨拉麵等。拉麵大大一碗，加添黑蒜油後，味道頓時昇華。甜品除了可自取外面的雪糕、糕點外，還可以點熱的花膠燉鮮奶，奶味香濃，甜甜的，十分滋補。

出咗旺角行街，梗係要同好姊妹食吓放題！放縱一下，因為行開朗豪坊，所以去咗雅蘭中心度覓食，我哋今日試咗大喜屋，因為覺得佢價錢同食物質素都好似👌即興上去，去到已經全場full晒，即刻落單，當然就要叫我最鍾意食嘅串燒先🤣，牛舌，雞軟骨燒得剛剛好，唔太硬身👍加上喺自助食物區，有清酒飲，一定要試吓先仲要俾我發現佢有得揀燒蠔食，仲有埋蒜蓉扇貝，呢幾樣都係我好鍾意食嘅❤️❤️❤️不得了同埋試左羊架都唔錯，唔會諧霎霎好乾身個啲款，係肉質軟熟既刺身都算新鮮，我哋叫咗希靈魚同北寄貝食，美中不足就係我哋兩條女食得太小野，哈哈！反而食甜品仲多😋😋臨last order 時，發現原來任食干鮑任食，真係唔係間間放題有😱仲要連即燒川式燒蠔都係任食，平時最多都係人頭比份量，任食真係第一次，真心抵食，下次出開旺角真係可以再食過🥰

知道有新嘢就走來食，記得第一次食放題，真係好多年前，因為屋企人全部身形肥胖又食得，於是為咗經濟實惠屋企人成日帶埋我去食放題，食得最多嘅一定係日本放題，所以由細到大我對食放題都有一種特別嘅鐘情感。今次同表妹兩個女仔食，雖然我哋兩個女仔唔算識咗好多嘢，但係可以食到好多唔同種類嘅食物真係好開心，然後又慢慢傾偈，咁就一個晏晝。食物方面今日點左：三文魚刺身、 北海道鮮帶子片、龍蝦沙律甜蝦多士、黑松露帶子拖羅塔、魚籽醬北海道帶子、牛油果醬吞拿魚、黑松露大赤蝦……可以睇返相片，見到我食過嘅嘢，太多不能盡錄，我個人覺得食物質素方面，呢個價錢唔太貴，可以任食來講都唔錯。今日仲點左啲鮑魚任食，另外見到有即燒川式燒蠔，我哋兩個女仔點咗幾隻試吓！甜品再遇到大杯裝嘅朱古力味Häagen-Dazs雪糕，想講因為呢款Haagen大雪糕裏邊會有埋龍龍嘅朱古力碎，特別好食，之前食過細杯裝嘅Häagen-Dazs雪糕裏便係冇朱古力碎嘅，我個人覺得大杯裝飲呀朱古力碎幾好食好多！

將近夏天，總係想吃些刺激味覺的食物，但身邊的那位總是要吃日本菜，唯有食放題，滿足大家需求行開旺角雅蘭中心，比樓下派傳單的姐姐吸引了去試大喜屋，姐姐仲話新裝修上到餐廳，餐廳勁闊落，就算二人枱都勁大唔洗迫住迫住，餐廳自助區又大，分隔又整齊，最重要餐廳很光猛、十分企理特別介紹蒜蓉川式燒蠔，烤法十分惹味，再加上蠔够新鮮，想滋潤養顏就要試下鮑汁燴干鮑食放題都係第一次食到甘豪氣，回頭率勁高飲品又有珍珠奶茶🧋味道仲要係高質，仲有芋圓涼粉，食完放題加個芋圓，實在完滿

今次難得有機會同朋友食晚餐，就緊係要搵返間放題慶祝下啦。我哋就去咗位於旺角雅蘭中心嘅極尚大喜屋享用放題，環境衛生確實唔錯，座位寬敞，光線充足，自助區嘅食物選擇都好足夠。食物方面我就選擇咗幾款印象深刻嘅介紹：芝士飛魚籽玉子燒玉子燒嘅甜味好適合飛魚籽嘅鮮味，仲要有埋邪惡嘅芝士，一啖食真係好滿足。避風塘軟殼蟹本身都好鍾意食軟殼蟹，今次都冇令我失望。軟殼蟹香脆可口，惹味嘅避風塘有助提升整體鮮味。金蒜蓉粉絲蒸扇貝扇貝好鮮甜，粉絲就夠彈口，吸埋扇貝原有嘅精華。加上蒜蓉嘅味道，確實係冇得輸嘅配搭。川燒珍寶鮮蠔燒重點推介依個燒蠔。鮮蠔真係好juicy，而且調味方面都好足料。越食越開胃。金湯慢煮吉品干鮑魚花膠盛淨係見個名都知係養生嘅配搭，吉品干飽魚有口感，花膠好滑。難得放題有干鮑食，推介大家叫返份。蟹肉茶碗蒸蒸蛋口感滑滑，而且啖啖蟹肉，超正！如果大家都鍾意食放題嘅，就唔可以錯過呢間日式放題餐廳啦。

新開左就去試下佢，因為吃平日五點時段，所以其實唔係話超多人。落完單，野比想像中來得慢，不過佢幾好係好似台台都有d野食咁。 但最慘係我想食的係出奇地慢，搞到有一刻我地二個人係無野食的。唯一來得較快的係焗蠔，但我唔知係辣架，都幾勁丫陣味。但我想講好明顯隻蠔唔多新鮮囉。叫軟殼蟹係要跟魚皮好奇怪，但味道都算唔錯蒜蓉帶子幾好味。刺生都足量，出得唔算慢，都幾好。三文魚同帶子都鮮甜的。赤蝦都好新鮮。蟹腳唔咸但好似無咩味咁…同自助餐的差好遠，而且叫12件會少左😂 同埋都好細隻。我想試的牛油果蟹肉係無來過….但我見有人有，所以有小小漏單的情況或者比錯左他人。因為一開始都有俾一碟唔係我地叫的野俾我地，我地即退返。鮑魚花膠幾好，個冬菇都好好味，但你叫二份係其他野份量得一，鮑魚變二….羊鞍係幾好味的，我鐘意，燒得唔錯。比目魚不過不失。菠蘿唔夠時間試，但見其他人吃的都唔錯。個蜆非常推介，我覺得好味丫無物沙。貓山王榴連炸彈我覺得同普通榴連炸彈都無咩太大分別。炸鮮奶好味但又係好耐先來。呢間野出面自助的位置好闊，同埋有好多唔同的野飲同雪糕雪條，呢個真心讚！ 生果就一般般啦，但都可以吃少少。整體來講我覺得呢間都係唔太吸

旺角新開雅蘭極尚大喜屋🌈🫧🦥✨《晚餐兩小時任選時間》 $308/一位環境寬敞，新裝修，坐位舒適較寬闊，更有新的飲品和菜式，推介！👍🏻✨首先，大堂已經有金碧輝煌的感覺，光明又寬闊，就算要等位，也可有空間容納。一踏進餐廳，左手邊便是自選區域，有飲品、冷盤、清酒、甜品、雪糕、中菜熱食、中式燉湯⋯⋯等等，空間非常闊落。其他放題菜式均用電話手機QR code形式下單，食物送達速度很快，而且食物種類有很多選擇，不論是日式、中式、西式、泰式⋯⋯任君選擇！最受歡迎的魚生刺身也有多款選擇：松葉蟹腳、三文魚、油甘魚、池魚王刺身、北海道鲜帶子、北寄貝，赤貝、馬刀貝、甜蝦、極品大赤蝦⋯⋯等等壽司方而也有多種特色卷物：黑松露帶子拖羅蓉塔、花之戀、黑松露蟹肉芝士軟殼蟹卷⋯⋯⋯等等壽司亦有很多選題：白松羅油其魚腩、海聯軍艦、黑松露大赤盤、黑松露劍魚腩、鵝肝、牛油果吞拿魚、牛油果醬拌松葉蟹肉⋯⋯等等中式美食包括有：皇牌燒乳鸽王、鮮百合上湯燴大蝦球、金蒜蓉粉絲蒸扇貝、川燒珍頭鲜蠔燒、鮮蟹粥鍋⋯⋯等等總結：新分店！食得開心！坐得舒服！

位於旺角的日式放題餐廳，地點方便，鄰近地鐵站，自助區地方相當寬敞，不過座位則較狹窄，空間有限，食物未能一次過放置太多。餐廳供應的食物款式甚多，不定期還會推出精選新菜式，如乳鴿、川式燒蠔、吉品干鮑魚等等。出面的自助區主要供應冷盤沙律、熱食、炸物、糕點甜品、雪糕雪條、冷熱飲品，選擇甚多。飲品區：各款果汁、汽水、茶飲，還有自家製的冷泡茶及珍珠奶茶等飲料；另一邊還有咖啡、熱茶，甚至燒酒、白酒及日本酒。冷盤區：中間的位置有各款冷盤前菜，如中華沙律、味付螺肉、沙律菜、水果、蝦、青口。熱葷區：熱食有帶子炒西蘭花、酸菜魚；炸物有炸餃子、小丸子，熱燈長期照著，保持溫度。甜品區：雪櫃裡放滿不同款式的蛋糕、奶凍、布丁、乳酪。雪糕區：雪糕、雪條口味多，供應的款式也很新穎，還有自助軟雪糕機。其他食物則在手機上自選點菜。刺身款式眾多，有三文魚、油甘魚、池魚、帶子、北寄貝、馬刀貝、甜蝦、榮螺、鮑片、赤蝦等，還有泰式虎蝦、冰鎮柚子海蜇。另外，各類型的壽司、創意卷物、燒物、煮物、一品料理、天婦羅等都一應俱全，十分豐富。