極尚大喜屋 (加連威老道) (已結業)

完sem梗係要同同學拆餐勁！同學建議黎極尚大喜屋食放題lunch因為lunch平過dinner同埋我地又放假食lunch可以慢慢坐吓hea吓傾吓計lunch時間相對少人大聲笑都無有怕！一黎到梗係要叫刺身拼盤希靈魚好鮮甜 一d都唔腥食到分明的一粒粒口感極佳三文魚都好肥美最緊要厚切咁先滿足㗎嘛！呑拿魚我本身就麻麻所以無食但個個都話好味鍾意食的朋友一定要點啊最特別係佢有蟹食超級鮮甜又多肉真係好正呢度仲有一樣推介就係海膽軍艦海膽超大舊勁甜一d都唔腥飯又唔多，可以食到勁多舊熟食黎講雞軟骨都勁正新鮮熱辣辣口感爽口真係會翻叫呢度放題真係好有水準勁好味

又到放題時間喇。一想起放題，總是覺得自己吃得不多，所以會同大食男去才化算。所以一行三人出動。壽司、刺身、咖喱、沙律、炸物‥‥數也數不盡。唯有揀些是我喜歡的來記錄。首先走唔甩就是刺身吧﹗好肥美新鮮﹗最正就是嗰隻長腳蟹，好鮮甜﹗最重要的是不是間間放題都有。所以勁食。玻璃蝦都好爽甜 encore無限次。炸物都是我杯茶，因為雞翼是我賣飛佛。芝麻雞翼其實間間大喜屋都不錯 香脆惹味。但蝦天婦羅就必點喇。炸粉都算簿，唔算好熱氣，我都食咗三條。跟住要叫出來好﹒好﹒味的，就是呢隻帶子喇。放上去焗的醬是似千島醬味的。我自己一個人都吃三隻，不過不是每隻都完全吃哂啲醬啦。最後的待應遞給我們甜品紙：是哈根大師及 movenpick嘅雪糕呀，yeah。咁飽嘅時候，需要的，不是很多很多的甜品，而是少少的好味甜品。

之前成日聽同事講呢間極尚大喜屋好有質素 經常大排長龍 想walk-in食都有難道。 上星期我同小胖男友終於有機會一試究竟我地食晚市最早果一場 未夠6點已經出現長長既人龍 不過相當快手 轉眼就已經安排晒各位食客入座呢間極尚大喜屋都幾大間下 坐低第一件事當然點野食 第一樣上場既係放題必食既剌身不但有小妹心愛既北寄貝同帶子 仲有鮮甜美味既象拔蚌同虎蝦刺身 就連長腳蟹都有得食迅間覺得自己身處酒店食緊buffet壽司都有好多款式  全部細細件 易入口又唔怕撐飽燒雞翼燒得香口 脆卜卜蒜片牛柳粒質素有驚喜燒菠蘿甜甜的蘆筍煙肉卷都好好味必食吃貨小妹同小胖男友都好鐘意食枝豆 配埋韓國啤酒  簡直爽yy忍唔住要encore多一客雖然小妹唔食羊 但聽小胖男友講話羊架好多肉好juicy另外見枱枱都點咖喱蟹 不過我地食得太飽 已經食唔落最後壓軸登場既當然係期待而久既雪糕有最愛既movenpick同haagen dazs揀  好幸福呢~~~又食到肚滿腸肥 棒住大肚子回家

同轉角嘅大喜屋一樣，每逢嗰個時候樓下就會出現長長嘅人龍， 一個二個為食豬乖乖喺度排隊。每一檯嘅客人都以迅雷不及掩耳嘅速度落 order，務求極速將胃部灌滿。溫泉蛋嘅烹調時間掌握得啱啱好，滑滑捋捋，入面個靚蛋黃充滿蛋香，加少少日本豉油就已經夠哂好味。蟹肉胡麻豆腐，唔知係咪用左日本豆腐嘅關係，豆腐嘅豆腐味勁濃，加上上面嘅蟹肉極其新鮮，無話因為係配菜就俾啲下欄貨你，食材新鮮，簡簡單單配個麻醬就已經好 ok 。刺身全部都好新鮮，又夠哂凍，以前食過其他放題有啲刺身係室溫嘅，真係好恐怖。特別鍾意三文魚，鱆紅魚同天使蝦，天使蝦嘅蝦頭勁多蝦膏，正嘢嚟㗎。牛舌燒得好香，油脂豐富，只係輕輕灑少少黑椒同埋鹽都經已夠哂惹味。極品五香煮和牛筋腩，向來都鐘意食牛筋腩，見佢呢個喺餐牌仲要係皇牌推介梗係即嗌啦，果然無令到我失望，牛筋炆得夠哂諗，絕對係無牙婆都食得嗰隻，牛腩咁啱係半肥瘦位，嗰一半油脂喺口入面爆發出黎嘅感覺，再加上香濃嘅五香柱候醬汁，真係想扒啖飯啊，我選呢個係全晚最美味嘅熱食。天婦羅蝦，好食到影唔切相，炸漿好鬆脆，上枱嘅時候都仲係辣口架，隻冬菇就夠哂厚肉，同樣都係熱辣辣，食天婦羅最緊要係夠熱同埋個炸漿唔會

今日慶祝best friend生日，去咗食日本放題。 市面上嘅日本放題餐廳多不勝數， 不過講到最滿意嘅一定係《大喜屋》系列。 今次就去咗The one隔離嘅《極尚大喜屋》。一到五點九，就會見到人龍排隊入場， 各人都好守秩序等攞飛， 值得一讚嘅係極尚大喜屋有專門嘅位置畀遊客放行李同埋bb車， 就算買嘢買到滿載而歸，仍然可以食得舒服。同埋值得一讚嘅係呢度嘅員工動作超快，勤換碟，勤清枱， 就算食物連綿不斷咁送上，都唔會搞到冇位置放。而且廚房部亦非常好，完全冇漏單，一樣野食都唔洗追。員工又有禮貌就算喺極忙碌嘅工作下，都能夠保持禮貌， 抵讚。講番食物，呢度嘅刺身令人大感滿意。 皆因刺生每樣都非常之新鮮， 而且食落都係凍嘅， 證明唔會喺雪櫃攞出嚟太耐， 唔怕食到肚痛。 特別要推薦嘅係章紅魚，油甘魚，池魚王同響螺片。 每一片都相當厚實， 油甘魚同章紅魚味道極濃， 響螺片亦非常爽口。 每樣刺身食兩片都已經好滿足。特別推薦溫泉蛋， 流心嘅溫泉蛋配上木魚汁， 每一口都係咁滑， 而且蛋味十足， 真係食兩隻都唔夠。呢度嘅壽司選擇亦非常之多， 火炙左口魚邊壽司， 充滿油香。 黑松露油甘魚壽司， 黑松露味突出同油

Lunch time食放題，可以慢慢消化。人流唔多，服務態度佳，上菜速度算快。食物質素尚可，比一般放題新鮮，熟食出色。但主打海膽非常唔新鮮，失望。呢個價錢仲有好多選擇。

好多款式特別既壽司！鵝肝帶子壽司一濃一淡既味道好配合，同時食到鵝肝既油香又食到帶子既清甜！另外海葡萄蝦壽司都好突破，兩種爽口既食材都好配合！芝士熟蝦蕃茄壽司都好食，濃郁香口既芝士配上脆身既熟蝦同清新蕃茄，味道豐富又帶層次！左下角既無花果煙三文魚壽司都好好食又咸又香既煙三文魚配上甜甜地既無花果，味道好夾！蟹腳好高質味道濃郁又新鮮三文魚都好肥美，好正香蔥玉子壽司，甜之中有帶點蔥既香味海膽蝦壽司都不錯依個真係必食既鵝肝手卷鵝肝經過油炸，令肉汁鎖住係入面，唔會搞到飯變油一咬落去鵝肝既美味就爆發出黎配上壽司飯唔會油膩！海膽軍艦都係必食之選海膽質素高，味道好！煙肉秋葵卷好好食！又咸又香既煙肉包住新鮮多汁既秋葵好正最後緊係食埋雪糕先走啦

今日食放題獎勵自己係星期日。第一次黎呢間大喜屋，期待！黎到已經排長龍，好彩book左位。坐低即刻叫刺身。侍應都好好服務，溫馨提示我地，每個刺身叫幾個，總共要食幾十個，問我有冇問題，真係好溫馨。刺身好快就上菜。好多種刺身，果然係極尚！好多未見過既刺身。刺身厚切，鮮甜，正野！仲有我鍾意既松葉蟹腳，好甜好好味！蟹鉗真係好鮮甜！貴少少值得既！之後叫左壽司食。落單時侍應又溫馨提示，餐單b到e都係壽司，壽司姐係有飯，好溫馨，驚我地食唔曬。壽司好味，而且飯既份量少，同材料夹得好好，高質。叫埋個鵝肝手卷，呢個超級好味，鵝肝大大塊，同紫菜味道好夹，味道香，唔油膩，好幸福。之後叫左個芝麻雞翼同炸貓山王。我的最愛，放題必叫。跟住又係個侍應，溫馨提示年糕同炸榴槤係甜野，怕我食完刺身壽司突然跳左個味，一時間handle唔到，好溫馨。榴槤好好味呀，芝麻雞翼炸到入邊仲有好多水份，外皮香脆，味道一流。呢間味道好，高質素，下次可以再黎！

老婆生日指定要食放題 極尚系列既放題絕對唔會出事 哈哈。刺身～ 特別推介池魚 玻璃蝦！池魚肥美鮮甜 厚切 口感一流。玻璃蝦爽口而甜。松葉蟹腳 老婆至愛。雖然唔係好大隻 但勝在鮮甜 肉質OK 又唔會太咸。千島焗帆立貝～千島醬汁配料豐富 青紅椒洋蔥芝士焗帆立貝 都算大粒 咁既食法幾特別 而且帆立貝冇咩雪味 食左幾隻。香草羊架～ 肉質軟熟 燒得剛剛好 唔會太乾。淡淡香草和黑椒 羊肉味濃。咖哩蟹～ 咖哩比想像中辣 但咖哩好香 蟹肉都算新鮮 唔會好'梅'。鹽燒牛舌 雞軟骨 海蝦～ 燒物大致都不錯 偏好雞軟骨 脆卜卜。壽司最深刻係～鵝肝帶子 鵝肝有點騷味但幾滑 帶子都鮮甜。而且壽司飯好細舊 唔會太飽。甜品～ 焦糖燉蛋OK喎 幾滑又唔太甜。仲有一人一杯雪糕 係Haagen Dazs 有幾隻味揀 好滿足。老婆食得高興 我就安落曬。

食物既水準keep得好好，難怪每次經過都有好多人排隊相信大家一入座就點刺身刺身必叫油甘魚，每一件都厚切，件件都好肥美象拔蚌好爽口，鮮甜。松葉蟹大隻，多肉又新鮮，蟹肉好鮮甜，食完要嗌多幾隻燒物必點，牛舌冇燒到乾哂，仍然爽口，一d都唔會覺得喊。燒雞翼，我鐘意食。切好哂好方便食，d皮脆脆羊架林林既肉質，完全冇穌味Mini花之戀，好好食。飯又少，可以食多幾粒時日限定Movenpick雪糕得呢2種口味。不得不再黎幫襯

極尚一直是友人口中的高質放題 但我腸胃一向敏感 加上這段時間因腸胃問題出入醫院幾次 所以被老公禁食魚生的我 對於友人邀請 抱著必蝕的心態赴約。哈哈環境都幾好 有好多卡位 食物種類比一般放題更多 熟食選擇唔少 特別是壽司 例如牛油果軟殼蟹卷 蘆筍牛肉卷 千島大蝦壽司 啱晒我唔食魚生嘅人。特別推介芝士皇帝蟹棒壽司 蟹棒超大舊 配埋火炙芝士好香。玉子壽司好特別 加埋香蔥 有別於一般嘅玉子。壽司嘅飯全部一口size 唔會食到太飽。串燒～encore左煙肉秋葵卷幾次 皆因我係秋葵粉絲 煙肉唔會太硬 幾juicy 配上秋葵爽口 口感層次都好豐富。蒜片一口牛柳粒 蒜片炸到脆卜卜 夾埋牛柳粒一齊食 幾惹味。雞翼有鹽燒有芝麻 我比較鍾意鹽燒 因為係單骨雞翼 食起黎方便 而且都算皮脆肉滑。芝麻較香口 但略微炸得乾左少少。天婦羅～ 熱辣辣新鮮炸起 讚！炸粉唔厚 幾鬆化。鮮冬菇夠厚夠juicy 南瓜紫薯都甜。烏冬我食左兩款～烏冬係手打個種 彈牙。凍烏冬 鐘意佢有好多蒜頭蔥花紫菜。比較特別的是 海膽海鮮忌廉烏冬 海膽唔會太腥 海鮮有帶子和蝦 幾creamy fushion得唔錯。甜品最驚喜的是炸貓山王 雖然甜左

女朋友是個對食很有要求的人，就算是放題這種甚麼類型食物都有的食店，也要選一家質素好的才去。為此，我預訂了人氣很高的極尚大喜屋，滿足一下她麻！早了十分鐘來到，外面已經是長長準備入座的人龍！幸好店員安排很好，很快便可以入座了。先叫了個蟹肉胡麻豆腐很有驚喜，豆腐很滑有豆味。配上大量的日式胡麻醬，和蟹肉蟹子。蟹肉味道鮮甜，幾者融合後味道很夾，口感也很有層次。多數人都把放題的焦點放在刺身，我卻想介紹一下這裡出色的壽司系列。黑松露油甘魚&海膽赤蝦這個是必食的推介，油甘魚很肥美，配上黑松露非常的香。黑松露味道濃郁，回甘重。海膽赤蝦蝦肉新鮮，入口彈牙。海膽亦新鮮，配上蝦肉味道鮮甜。海膽軍艦回本之選喔！紫菜很脆，壽司飯的比例不會太多。海膽是很新鮮的，一點腥味也沒有的說喔。鵝肝手卷另一個回本的必食推介！大大的鵝肝包在手卷中，份量十足。鵝肝味道香濃，油脂的甘香融入了手卷中，啖啖濃郁，我們每人都吃了兩個呢！北海燒帆立貝一上枱就傳來很香的味道。醬汁充滿了沙拉醬和配料。帆立貝大粒，味道很惹味。燒牛舌牛舌是我的最愛！燒得剛好，彈牙有肉汁。厚薄亦很適中，加小許檸檬汁更開胃。蒜蓉蘆筍炒珊瑚蚌&炒雜菜珊瑚蚌很爽身，用了牛

好想好想食放題，係早幾日訂左位去到都要排隊安排入座。坐低第一時間order刺身D刺身厚厚的，好肥美，d魚腥味慢慢滲出我平時唔係好鐘意食蟹，但叫左個松葉蟹腳，好鮮甜既蟹肉不能不encore食放題第一樣野係唔可叫太多壽司，比d飯整到好快飽就唔抵喇意外地叫既壽司好迷你，好cute飯又唔多試左呢3款，我都係最愛花之戀海膽壽司，冇得頂。同男朋友不停encore，肥就肥啦串燒必食既牛舌，雞翼。牛舌唔咸，好有咬口雞翼就燒乾左d，都好食炸鮮奶好少有餐廳會整，今日終於可以再食你落肚。炸粉唔多，入面d奶醬好甜。好味道又係要encore再encore

應該大家都唔會未聽過極尚大喜屋呢個大名，食放題大喜屋集團係品質保證！同埋呢到一定要訂位呀，walk in係好難好難有位咖！坐位比普通嘅大喜屋店舒服，有卡位嘅設計，入座安排都好快捷同暢順。有名叫極尚，食物種類同級數都比較好。首鮮嚟嘅當然係刺身啦！呢到必食油甘魚，厚切肥美。帶子甘甜新鮮大大粒，象拔蚌都有得食，好爽身鮮甜。三文魚唔使講，每一塊都勁厚切。呢到係寫幾多真係嚟足幾多，唔會比多比少，呢樣好緊要。其實我最期待嘅係佢地嘅壽司！創作卷物：鵝肝帶子，牛油果龍蝦沙律，仲有花之戀。用料十足，又唔會大舊，可以試多幾款。最中意牛油果龍蝦沙律，食落真係有龍蝦味又有啲沙律醬撈埋，味道好新奇。火炙系列試咗海鹽左口魚邊，帝皇蟹棒黃金燒，千島大蝦。一定要食左口魚邊！燒過之後配上小小蔥花，入口係即溶，仲要滿口都魚油！蟹棒size夠巨型，一口食唔哂呀。而且唔係頹麵粉個啲，加埋芝士同沙律醬好正。鵝肝手卷回本必食呀！我總共食咗三個咁多～佢唔係得小小一舊當宣傳咖，真係每個都有足足一舊鵝肝係到，食到底都有。而且唔會飯多整飽你，所以喂食妹我食足三個咁多可以！鵝肝煎過香口，而且唔會太油，配埋即整所以好脆身嘅紫菜，真係食到停5

早幾日同朋友去試呢間幾出名既放題...睇完OPENRICE食評好似幾好咁,點知就中左伏D staff超好笑,四個人食50件壽司有咩問題,無啦啦走埋黎話數量太多,叫我地睇住黎落,我地又唔係食唔哂,出面果D都唔會咁話你,仲有最接受唔到既係食物放落枱大大力..又冇禮貌又黑住面咁,比錢食野都要比人攞黎出氣,真係成肚火