極尚大喜屋 (加連威老道) (已結業)

約埋食班朋友食午飯，又要食得好又傾到偈，就最好食午市放題。 最先黎既係松葉蟹腳同新鮮刺身，肉厚、味道鮮甜，食完一盤又一盤。 再黎就係燒羊架啦！肉質幼滑，一口咬啱啱好，味道同高級食店有得比。 北海燒帆立貝必食之選！大隻多肉不在話下，最正係沙律醬夠重手，夠哂惹味！ 成班朋友，一盤又一盤既壽司當然唔少得，每盤點幾款，叫多幾盤就差不多試勻晒，新鮮壽司同火炙壽司同樣好好味😋 最後就緊係食埋甜品啦！每樣甜品叫一件，再加幾款雪糕，總啱唔同既人喜愛。總括黎講，極尚大喜屋係尖沙咀放題首選，味道一流，上菜又夠快，水準極尚👍