極尚大喜屋 (加連威老道) (已結業)

係香港開始興放題我就試過好多放題，好多好食唔好食，食完出事既都試過，但呢間絕對係我美好回憶之一！仲記得當時呢間啱啱開張屋企人就帶我黎食，論食物質素絕對係一眾放題裏面數一數二。隔左幾年，終於有機會再黎到呢度食放題，啲食物種類又比以前多左選擇，目不暇給。黎食放題當然盡可能咩都要試下，整體魚生既質素一如既往咁好，特別推薦三文魚、油甘魚、象拔蚌；至於熟食更加大有進步，牛舌、炸北海道牛乳、天婦羅、鹽燒雞翼、芝士年糕、牛肉鍋等等，每樣野都水準都相當高！甜品當然都唔少得！最後仲有Haagen Dazs限定雪糕，要捧住個肚先返到屋企。