影片
更多
2021-08-15
731 瀏覽
話說帝王水產我自己以前都食過三次，一年係2020年3月尾（應該），一次係個半月前。2020年個次唔提了，重正正常常。個半月前個次有啲唔好既感覺，因為個次見佢單張5點到5點半係189所以上去食，點知一上去屈我價，價錢一開初屈我219，我聽完即刻同佢講係咪收錯價，問完同我講話改左價錢，189係長者價，然後經過幾分鐘討論，比我209（唔包加一）。咁雖然心情已經一般般，但係一來肚餓二來印象呢度放題算ok,咁就坐低食。而今次，我因為朋友生日而再食呢間放題，食既時間係7點。好老實講，無保持到水準之餘，越黎越難食，一味靠食立場，其實好可恥。呢餐除左帶比我朋友一日唔快樂既生日，亦令我對呢間野失去信心。我一次過綜合兩次食物既經驗，講一啲結論同比較，比大家有啲立體的感覺。先講下比較正常同呢間店有質素既野，刺身。刺身食得出係新鮮，三文魚會比腩位，食落會有油脂，算幾肥美。帶子帶腥味，味道鐘唔鐘意就見仁見智，但係口感會有啲空虛。甜蝦有有頭版同無頭版，無頭版細隻蝦味重啲，作為頭盤任食唔虧。有頭版肉身厚實，口感會好過無頭版，不過蝦腸重連住，同埋好易因為浸冰走哂蝦既甜味。壽司方面，生既壽司睇刺身品質，就唔評啦。灸燒系
2020年個次唔提了，重正正常常。
個半月前個次有啲唔好既感覺，因為個次見佢單張5點到5點半係189所以上去食，點知一上去屈我價，價錢一開初屈我219，我聽完即刻同佢講係咪收錯價，問完同我講話改左價錢，189係長者價，然後經過幾分鐘討論，比我209（唔包加一）。咁雖然心情已經一般般，但係一來肚餓二來印象呢度放題算ok,咁就坐低食。
而今次，我因為朋友生日而再食呢間放題，食既時間係7點。好老實講，無保持到水準之餘，越黎越難食，一味靠食立場，其實好可恥。呢餐除左帶比我朋友一日唔快樂既生日，亦令我對呢間野失去信心。
我一次過綜合兩次食物既經驗，講一啲結論同比較，比大家有啲立體的感覺。
先講下比較正常同呢間店有質素既野，刺身。
刺身食得出係新鮮，三文魚會比腩位，食落會有油脂，算幾肥美。
帶子帶腥味，味道鐘唔鐘意就見仁見智，但係口感會有啲空虛。
甜蝦有有頭版同無頭版，無頭版細隻蝦味重啲，作為頭盤任食唔虧。有頭版肉身厚實，口感會好過無頭版，不過蝦腸重連住，同埋好易因為浸冰走哂蝦既甜味。
壽司方面，生既壽司睇刺身品質，就唔評啦。
灸燒系列三文魚係可以入得口，但係舊肉係凍的。
鰻魚壽司不過不失，不過唔熱令佢經過燒既風味全失。
創意卷物勉強啦，都係用沙律醬同芝士醬去創意，無感。
手卷系列食紫菜多過食料，通常一啖食左啲料重有半块紫菜淨，好奇試吓一件可以既。
千萬！千萬！千萬！唔好食杯，唔知係魚生定係飯問題，寧寧捨捨係兩隻杯有事（本人食到吐番出黎）
後面既我一概稱之為「劣食」
先講入座會送既火鍋，我係揀左海鮮鍋。蟹，蝦應該無浸鹽水直接解凍，完全無海鮮味，啲菜好老（黑哂同干巴巴咁），所為頭盤係為左塞飽你而準備既咁。
炸物雖然有啲野揀下，但其實攞貨番黎炸，出品都麻麻。
芝麻雞翼炸太老，見到邊位焦黑，留唔住雞翼既肉汁。
芝士年糕就如同漏氣既氣球咁，食落去軟身芝士咁，做唔到外脆內軟既口感。
薯絲蝦，薯蝦唔脆有啲生既口感，一般。
炸鮮奶係比較好食，但都係因為煉奶加持…
炸蠔一般，還好炸份唔厚，唔會比例差到食粉多過食蠔咁
燒蝦係走油（炸）的，清楚見到蝦肉同殼分離。蝦肉干咁
上面既叫做重放得落口，
下面三款既係我「精選」。
泰式豬頸肉係浸湯，呢個我第一次見。理所當然豬頸肉無燒過，佢亦都唔會係「泰式」
落單落左半個鐘先黎既牛油炒雜菌。啲菇食得出已經變左，我，壽星仔同另一位朋友完全食唔到落口，每人咬兩啖已經吐番出黎
周打海鮮湯成為精選中最出色的表現作。作為西湯必然唔合格，成個湯感覺係加大量生粉水而令佢有種「杰」既感覺，但係你話佢係湯，不如話更似糊狀的黑暗料理（估唔到真實存在）。而味道就係用雞粉同鹽溝出黎既湯味。咁海鮮呢？係「蟹柳」度。
途中多次甩單（今次起碼甩左4張），
改食物數目（特別係刺身），
兩次唔收碗碟（隔離枱大叫），
有小強（隔離枱大叫），
同埋比錯食物（有盤炸物無落單但比我哋）。
而今次價錢係3位825，食呢種質素既放題，可以話體驗極差。如果對比係旺角其他放題，我會寧願去集團式放題都唔會再去呢間店再幫襯。
（提提大家，道地無糖茶放左係雪櫃右邊啲紙箱度，不過擺放位置極隱蔽，同埋會比雜物遮住，大家想要既可以搵搵）
張貼
