楚撚記大排檔 (日富里百好大廈) (已結業)

天氣咁熱食下小炒，呢間楚燃記，超多選擇！開枝醇滑嘉士伯，碰碰戰鬥碗，暢快beer一beer，清涼爽快！黃金椒鹽粟米🌽呢款唔係炸到勁乾身果款，反而有爆汁感，咬落清甜，外層沾滿咸蛋黃，起沙既質感，味道口感有層次燕麥金沙蝦球🍤綿密鹹蛋黃蓉，沾勻整隻蝦身，金黃亮澤外層夠晒吸睛。蝦球上麥片多到瀉，仲有陣陣濃香蛋黃香燕麥片外層有脆感，食得出幼細鹹蛋黃顆粒，蛋黃味道仲好有後勁，蝦身鮮爽肉厚，夠特色！楚撚記原隻脆皮炸豬手食豬手飲啤酒，夠晒排檔風味！原隻起晒肉上碟，件件厚薄均一，最正係唔駛自己切又排得靚靚～ 肉質紅潤嚼勁，夾雜少許膠質層，入口份外咸香。連皮塊一啖食，脆化感直迫炸大腸，乾爽不油腻。楚撚豬油撈飯 長輩經常講昔日既豬油撈飯，可以親身試下。砂煲仔原盅蒸飯，原汁原味港式食法豬油同豉油打圈落飯面，再灑少少葱菜撈勻食，夠油香又飽肚

 #楚撚記大排檔 唔訂位係一定食唔到!!!!!好受歡迎既小炒小店 撚手小菜同鑊氣小炒呢間鋪冷氣夠凍,爽呀,必食招牌鮮魷同埋脆皮豬手豬油撈飯都係一流架呀!!先評豬手,原隻焗脆,件頭細,肉質細嫩,個皮好似乳豬咁薄咁脆口,口感豐富一流味道咸香而唔會過火,呢度好出色,另有2款醬汁配埋食,但一般唔洗加醬都夠味道!另外一款係鮮魷,原隻大魷上漿炸脆,薄脆既外衣,加上大量既炸蒜辣椒,勁香又滋味,個料頭撈飯食一流魷魚大隻又彈牙,好鮮甜,食過返尋味一定要叫黎食係唯一唔好要等,上菜比較慢仲有炒通菜,仍脆綠,偏重口味但口感味道也OK的

今次應該係第四次嚟楚撚記(西環)唔預約基本上冇機會食今次一行六人 $1400, 平均每人二百幾 , 都幾抵食。我哋點咗都幾多嘢㗎, 有個豬肺湯啦 咕嚕肉 三碟菜 豉汁蒸白鱔 炸大腸 豉椒鵝腸 全部都好食。嘢食方面老實講真係冇乜嘢好彈! 👍🏻👍🏻係地方就少少迫!同埋限時90分鐘的確唔係太好。衰啲講真係要即時落order跟住keep住食食食食跟住就埋單走, 冇乜機會坐住傾。如果真係想傾下偈嘅我諗最好去另一度😄😄😄

楚撚記環境裝修到好有以前既香港大排檔feel,好多手功小菜，好多款都好吸引。者者唐生菜煲，熱煲燒到紅紅，生菜在煲內好有鑊氣，者者整法夠香濃入味，清爽清新既生菜入哂味，正呀！燕麥金沙蝦球，麥片粒包住蝦球，加上用上咸蛋皇醬汁，味道幾惹味，口感又帶層次感，蝦爽彈得黎又有麥片既香脆，幾種口感加埋一齊幾過癮！牛仔骨煲，非常濃味，黑椒香而不辣，牛仔骨啖啖肉又夠入味，青紅椒清爽。豬油撈飯，幾有 feel, 用上 砵仔盛飯，自加豬油， 豉油，青葱！好香好好送飯，夠哂傳統特式。

【舊香港情懷💛 高質素港式小菜！】推薦程度：●●●●◐抵食程度：●●●●◐———環境充滿懷舊香港嘅味道，座位闊敞舒服，比起舊式大排檔更乾淨同涼快，感覺良好👍🏻 食物水準尚高，對得住價錢，但唔算特別平，正常CP值！好適合一班人/同家人嚟聚餐✨🐷 楚撚記原隻脆皮炸豬手｜$138豬手皮超級脆口，肉腍而唔過咸，筋位爽口，有驚喜亦推薦👍🏻🍚 楚撚豬油撈飯｜$23/碗豬油、豉油、蔥同芫茜都分開上，可以因應個人口味去調節份量👍🏻 豬油味香，雖然唔係傳統一舊舊咁，但勝在可以撈得更均勻！超好送飯，好正！🔥 楚撚記小炒王｜$92好有鑊氣同埋惹味，蝦干好脆口，令人食極唔停！略嫌油咗少少但在所難免。同樣推薦👍🏻🌽 黃金椒鹽粟米｜$65唯一唔推薦可能呢款？好睇個人口味，同行朋友覺得好好食，但個人認為唔夠咸蛋嘅咸香味，得個沙沙地口感；同粟米唔太夾，唔太識欣賞。🧆 菠蘿拔絲咕嚕肉(梅頭)｜$99同生炒骨分別應該係啖啖肉？肉好大件，口感腍身，冇筋冇脂肪，唔錯👍🏻 菠蘿係新鮮的，帶少少酸味，好開胃✨ 不過粒糖同糖絲卷夾埋食好奇怪、好甜，做伴碟都好浪費，少少因為噱頭而為做而做？覺得淨菠蘿咕嚕肉都夠出色🤣🥬 豆漿杞子鮮腐竹

當想涼住冷氣 坐得舒舒服服 又想食啲鑊氣小炒 就會諗起楚撚記💛不過記得要book枱 即使係平日夜晚都好full今晚兩個人嗌咗三個餸七味黄金炸一口金磚豆腐 $75真。一口豆腐細細粒 炸到又香又脆配埋上面嘅炸蒜粒 會好唔覺意就啪晒菠蘿拔絲咕嚕肉 $113去大排檔必食依碟仲有有一團拔絲係旁邊 加返點糖份🥰香爆黑椒牛仔骨 $113成煲上 一打開已經聞到好香黑椒+牛仔骨 簡簡單單嘅好味楚撚豬油撈飯 $23好耐無食豬抽撈飯啦🥲豉油+豬油 真係好香好惹味🫠撈一撈 可以食2碗飯🦦再加埋大排檔嘅基本盤可樂Perfect池~~埋單每人$180左右💛

心血來潮想食香口惹味小炒，朋友介紹呢間楚撚記大排檔，專做撚手小菜，雖然叫做大排檔，大熱天時梗係唔會真係喺街邊，係有冷氣的飯店。大家先攞隻戰鬥碗乾一杯，熱身一下！真係好耐冇咁放鬆，啲碗預先雪凍咗，真正飲啤酒嘅人先諗得到，細心呀!睇餐牌仲有豬油撈飯添，哈哈，今晚要放縱。豬油撈飯現在係上品，唔係咁多地方肯做，或者唔係好多人敢食，但其實和牛都係咁多油㗎啦，驚咩呢！呢碗楚撚然豬油撈飯很精緻，用個懷舊瓦碗，分別配上生芫荽、豉油及豬油，大家可以悉隨尊便落幾多。有豬油的確唔同，碗飯真係好香，我唔客氣啦成碗食晒，一粒飯都無剩。兩個人叫三個餸，全部都係招牌：啫啫唐生菜煲燕麥金沙蝦球片楚撚然原隻脆皮炸豬手呢款啫啫唐生菜煲考鑊氣，熱辣辣吱吱聲上，聞到都香，識落好爽脆，食生菜都變得好好味。 燕麥金沙蝦球片有驚喜，最鍾意啲鹹蛋黃金沙，甜甜地嘅，愈食愈想食。最後呢個楚撚然原隻脆皮炸豬手，非常抵食，只係$138，大大隻豬手，揸得個皮好脆，肉都幾好，配酸汁及芥辣，非常正確。

第二次過黎幫襯呢間大排檔每次黎之前都book 定枱 避免排隊等候既時間呢間食店除左吸引倒好多後生幫襯 老一輩既都會過黎食返餐飲返杯 而菜式方便都幾有特色啫啫唐生菜煲非常有鑊氣 口味非常夠既一個煲送上枱開蓋時仲人"炸炸"聲份量亦都比相像多 絕對係二人量菠蘿拔絲咕魯肉（梅頭）今晚最中意既一味餸 肉係用梅頭豬肉香嫩易咬 每一啖我都會搭少少拔絲一齊食甜甜酸酸既味道剛剛好再配合豬油撈飯 非常非常正每次黎我都會叫碗豬油撈飯香爆黑椒牛仔骨煲好夠味道既一個牛仔骨 肉質香嫩骨同肉好容易就可以咬開如果想食得口味濃d 既 呢個係唔錯既選擇丫

_____好味指數：🌟🌟🌟🌟🌟抵食指數：🤑🤑🤑🤑🤑呢間餐廳聽就聽得多啦（可能因為個名太出眾😂）今次終於有機會去食🙆🏼‍♀️8點幾去到已經好full，係咁啱有枱走咗先有位，可見有幾熱鬧❇️香煎黑松露手打蓮藕墨魚餅好好食🤤聞落好香黑松露味，而且恰到好處唔會蓋過墨魚餅嘅鮮味🦑墨魚餅口感Q彈軟綿，仲食到爽脆嘅蓮藕粒，不愧係招牌菜✅香爆黑椒牛仔骨煲用煲仔上菜，打開蓋就聽到「炸炸」聲同見到熱騰騰嘅蒸氣💨牛仔骨熱辣辣同好入味，口感軟嫩同有好濃郁嘅黑椒香🐮而且又唔會痴底，一定要趁熱食🔥✅楚撚豬油撈飯用缽仔裝住靚仔（白飯）更有風味🍚旁邊配有豬油同鼓油各一壼同蔥花芫荽一碟🫖豬油處理得宜，乾淨而帶有珍珠色🐷白飯粒粒分明有光澤✨一直覺得豬油撈飯好肥好油膩，但食落非但唔覺得油仲非常好食🤩 香到不得了，本身諗住食少少試吓最後都忍唔住食晒🤤✅椒絲腐乳炒通菜超級大盤嘅炒菜，腐乳汁調得相當好，夠哂入味得嚟又唔會太濃🥬通菜炒得翠綠爽口，而且呢度上菜速度相當快，可見師傅功架十足👨🏻‍🍳

都一班人去，所以叫左好多款試下。野食偏咸，無鑊氣，份量都偏少。啲餸上枱無嗰種，啱啱煮好嘅感覺。某程度上有啲似好餸啲嘅三餸飯。唯一最熱嘅係黃金九肚魚，都係好咸。黃金椒鹽粟金😖😖咸到呢😖都明白出街食會重口味啲，但佢真係死咸。然後豉椒炒鵝腸就水汪汪的🥲🥲咕嚕肉份量好少，可不吃。豬手個皮好硬，肉都係一個字咸。食得你飽嘅，但真係唔底，又唔覺得好食。唔明點解會有咁多好評，打手咁多咩？😑我覺得就點都唔會再去食了。無野值得再去食。

🔹 雖然佢叫大排檔，但環境絕對好👍🏻 每款份量又多又抵🥳 6個人食11款餸，除返都係每人200以下😛 1️⃣⭐️香煎黑松露手打蓮藕墨魚餅 $96 (8.5/10)⭐️估唔到用黑松露係港式野都咁夾🥰 黑松露味無論聞定食都好香好出😋 唔似得出面個啲得個樣😂 墨魚餅好彈牙🦑 加埋蓮藕粒，食落幾爽口，多左幾分口感🥳 真係要同朋友爭黎食😆2️⃣⭐️七味黃金炸一口金磚豆腐 $68 (8/10)⭐️哩個價錢有50-60粒一口豆腐已經夠晒抵😍 每一粒都好薄粉，又唔怕夾碎👍🏻 入口唔會太熱氣太咸😆 反而食到停唔到，差啲想自己叫一份自私食🤣3️⃣ 芝士琵琶豆腐 $78 (7/10)香港好少人做琵琶豆腐，難得楚撚記有❗️平時Pooh媽會喺屋企整，今次終於可以介紹比朋友🥰 鯪魚肉加豆腐混合，再炸到一粒粒金黃色🤤 有豆腐嘅軟，又有鯪魚肉嘅香味♥️ 加埋芝士食仲特別👍🏻 不過會有少少膩🙈 賣相普通但味道超好，大推🫶🏻4️⃣ 蜜椒薯仔牛柳粒 $98 (5.5/10)平時食薯仔牛柳粒🐮最期待反而係薯仔🤣 味道幾香黑椒味，又唔會過辣👍🏻 牛柳粒幾淋，但偏細粒😗 薯仔粒份量偏多，不過唔夠香脆🥔 整體覺得銅鑼灣嘅大排檔小炒嘅薯仔牛柳出色好多🤣5️⃣ 燕麥

邊個話食大排檔一定要坐街邊熱🔥楚撚記雖然係一間大熱嘅新式大排檔但餐廳裝修同碗碟都保留咗懷舊風唔怕無feel雖然開大冷氣但食物充滿鑊氣絕不馬虎🤩由於長期爆滿記得book咗先去📚 🌟👼🏻鑊氣豉椒炒蜆🔥 $99蜆肉新鮮而且厚肉仲要無沙☺️鹹鹹辣辣食落香口好夠鑊氣唔單止蜆肉連配菜都炒到好入味😋👅味道:8/10🙋🏻‍♂️推薦:8/10🌟👼🏻金沙蛋黃九肚魚🐟 $99大排檔必食九肚魚魚肉嫩滑仲要無咩細骨🦴無腥味唔會炸到散晒👍加埋蛋黃一齊食好邪惡😈👅味道:8/10🙋🏻‍♂️推薦:8.5/10🌟👼🏻避風塘鮮魷🦑 $106平時食開椒鹽鮮魷今次一於試下避風塘😙上菜時有勁多避開塘炸蒜遮住曬鮮魷食落新鮮彈牙無諗過加埋避風塘咁惹味🤩👅味道:8/10🙋🏻‍♂️推薦:8/10🌟👼🏻黃金椒鹽粟米🌽＄65粟米食落超甜多汁唔會炸到乾柴硬曬無粒粟米都沾滿左鹹蛋黃😆粟米甜加鹹蛋黃味係好食嘅不過食落口感覺上唔太夾🧐唔係好食到椒鹽味👅味道:8/10🙋🏻‍♂️推薦:7/10👼🏻啫啫唐生菜煲 $83煲仔菜鑊氣都好夠 好香蝦乾味呀好正🤩調味會帶辣好惹味個底仲會有汁送飯一流🤤👅味道:7/10🙋🏻‍♂️推薦:7/10👼🏻香煎黑松露手打蓮藕墨魚餅🦑 $9

父親節，已經一早book定晚飯，諗住試吓呢間小菜楚撚記，因為節日關係，每段食90分鐘，我們準時去到，食物，味道，賣相，價錢，都比預期想像較為遜色！食物方面：大多數大排檔小菜為主味道方面：我哋叫咗，豉汁蒸大鱔和豉汁鵝腸，好鹹，而西楚霸王雞就不太(鞋)，但硬係好似 (死目目)咁！而黑松露手打蓮藕墨魚餅食落有d粉既感覺，金沙黃金白飯魚好味嘅👌🏻，咕嚕肉同蠔餅都可以👌🏻賣相方面：都有花過心思！價錢方面：八個餸，一碗豬油撈飯 💵$1004，不用加一！整體來說，完全未試過，試吓無妨！如果要再去就不會了！因為出面都有更多好味嘅選擇！

🔹 放寬晚市之後即刻拉一大班同事去食，個個都有各自喜歡嘅菜式😋 食得太多款，所以決定分上下篇出🤣1️⃣⭐️西檸煎軟雞 $88 (8/10)⭐️哩個好食到忍唔住encore🍋 用咗一大塊雞扒黎整，炸到脆就當然的🥳 雞肉好juicy，唔會太厚炸粉🐔 重點係每件都有大量西檸汁，酸甜適中😍2️⃣⭐️黃金椒鹽粟米 $65 (7.5/10)⭐️朋友聽到覺得好奇怪，但一食就話好推介😆 大量咸蛋黃包住每一粒粟米🌽 本身見又咸蛋黃又椒鹽仲好驚咸死，點知完全唔會😋 好特別嘅食法，推薦推薦👍🏻3️⃣ 菠蘿拔絲咕嚕肉 $99 (7/10)用梅頭黎整咕嚕肉，肉質好淋🐽 以為拔絲係同咕嚕肉一齊拔，原來分開係隔離😂 但都幾夾👍🏻 咕嚕肉酸甜平衝得好😍 但每粒有啲細舊🙈 4️⃣ 楚撚記原隻脆皮炸豬手 $138 (6/10)估唔到大排檔都有類似德國豬手嘅野食😂 一早落咗單但就食完先上，個陣已經食到好飽🤫 豬手算淋，但未到好juicy🙈 皮的確幾膽，但仲係好厚，tuk得唔夠炸得唔夠😢 整體好普通🤥

Happy Friday, 要食呢間冇可能walk-in最少都提早一兩星期book但值得佢爆滿嘅因為真係好食好夠鍋氣🍳首先叫咗支啤酒, 啤啤佢🍻🍺係手工啤酒, 荔枝味佢店員走過嚟拆自己台話呢支唔好飲, 但我覺得還好, 荔枝味幾香, 都值得一試金黃椒鹽粟米冇咩地方有得食, 係蛋黃加粟米第一條覺得佢麻麻哋, 但食到第二條停唔到口避風塘仙魷好脆, 加埋蒜粒, jeng蜜椒薯仔牛柳粒依個一定要堂食食先好嗌之前叫過外賣, 淋晒, 炸蠔餅可以試一次, 但下次應該唔會再叫蠔仔比較少, 其他打冷舖頭煎得好食啲飛天通菜煲小辣, 個煲好熱, 好夠鑊氣豬油撈飯啲米係一粒一粒, 配料醬汁自己落, 按個人口味總之呢間嘢一定要多人嚟食, 因為每款都好想試好懷舊款, 買單不算貴, 以上食咗每人$13x必須有下一次🥰