楚撚記大排檔

營業中

休息中

生日飯要黎楚撚記，超級推介拔絲咕嚕肉！！咕嚕肉同炸大腸好夠脆，生菜煲新鮮，麥皮蝦球有驚嘉，黑松露芝士牛丸噴芝士！食到最尾仲有糖水送！要記得book 枱，切餅費$10/位 基本上所叫菜式都好有水準，冇令我失望，開心仔！高質

星期六終於都試到呢間bookmark咗好耐嘅餐廳，食咗3個鑊氣小菜，幾有大排檔風味。秘製辣酒煮花螺$128呢個係荃灣旗艦店限定菜式。花螺份量足，用小火溫着，可以慢慢食。秘製辣酒風味十足，辣得過癮，花螺下面仲有好多白蘿蔔墊底，完全吸入辣酒精華，食得辣嘅朋友絕對唔會錯過。椒鹽九肚魚$82好惹味香口，九肚魚size適中，唔會太幼身，炸得顏色金黃，一口咬下外面脆脆的，炸粉好薄身，然後係好嫩滑嘅魚肉，鮮味十足，魚汁豐富嘅感覺。蜜椒薯仔牛柳粒$98蜜糖黑椒薯仔粒味道非常好，薯味香濃，一口一粒，蜜糖甜甜的，而且帶有黑椒嘅微辣，好惹味。牛柳粒肉質鬆軟，牛味香濃，火候吵得啱啱好，保持肉汁又唔會硬，加埋洋蔥、青椒、紅椒呢啲配料，色彩繽紛，而且味道好夾。最後埋單仲有糖水送添，我哋揀咗薑汁蕃薯糖水。雖然係送嘅，但係味道都好好，絕對唔會馬虎，蕃薯甜甜的冇筋，薑汁糖水都好香濃，食得好滿足。今次食飯我哋得兩個人，所以食唔到好多款，下次再約多幾個朋友一齊食，咁就可以試多啲招牌小菜啦！

聽聞呢間大排檔啲嘢食大件夾抵食 就同屋企人去試下, 星期日on day打去book 4位都有位不過要8:30pm入座. 佢地嘅大腸真係整得唔錯, 肥膏去得好乾淨, 皮炸得好脆, 一啲都唔膩👍🏻👍🏻 好小何$92嘅小炒皇會咁大蝶咁豐富, 出面嘅小炒皇閒閒地都$100up 仲要超細碟, 呢度嘅小炒皇超大方😃😃 其實唔算太辣, 呢個就味道可以, 都係份量取勝, 但係公平講句$89有咁嘅份量咁嘅味道係非常好的🙃 出面好多地方都無嘅豬油撈飯呢度既然有, 超驚喜, 佢地嘅豬油整得幾香, 撈埋豉油真係超正!!!😋 雖然bb鴿價錢真係好平, 但係呢個質素有啲遜色, 見到賣相個乳鴿皮係偏橙色都覺得麻麻, 食落都係麻麻, 不過$58食落麻麻都唔會差評佢. 不過bb鴿係用左炸芋頭絲墊底, 又係有驚喜的 到我最愛嘅九肚魚, 椒鹽九肚魚就食得多, 金沙蛋黃九肚魚真係好小見. 自問我都對食九肚魚有啲研究, 楚撚記嘅九肚魚真係好食, 可能咁啱又係食九肚魚嘅季節, 啲九肚魚係超肥美, 條條都脹卜卜. 仲要個煮工都非常好, 炸粉一啲都唔厚, 金沙蛋黃嘅鹹度剛好!!!!😍😍😍😍 呢個都係稍微失望嘅, 墨魚餅係有淡淡松露

Food is supposed to be great .. not too bad at all .. prices were surprisingly reasonable .. no waiting at 7:30 .. but you had to turn the table over 8:30 .. not a big deal .. we’ll be done pretty much in an hour anyway .. Soup $98 .. pork knuckle $139 .. hot pot veg $78 .. big bottle of beer $29 (drought beer at $70 or more is a bit hefty) .. free desert came with it .. served at 8:10 to ensure the table turnover .. bill was presented 8:15 and paid promptly .. Of course we’re going to leave 8:3

我真係好鐘意周圍去試唔同既美食, 所以打風冇得出街試好野我會唔開心架,我就趁住係兩個台風中間, 出去搵好野食今次就去佢大大力推薦既楚撚記食好西入面既環境係八十九十年代既大排檔環境, 播住D好懷舊既歌, 好有FEEL, 但當然係比果陣時舒服同乾淨啦飛天通菜-$78炒得好有鑊氣, 微辣令人好開胃, 而且仲有唔少大大隻既蝦乾吊起個鮮味, 好好味風沙蒜香雞中翼-$82雞中翼炸得好好, 可以做到香脆既外皮, 但入面仲保留到唔少既肉汁, 加上個風沙蒜香, 令人回味無窮椒鹽九肚魚-$82椒鹽系列係去大排檔必點的, 而椒鹽九肚魚就係我既首選, D度都做得好好, 九肚魚好嫩滑, 冇咩細骨, 食得好方便, 椒鹽好香口, 完全係大排檔一流既口味豬油撈飯-$20老一輩成日講佢地既豬油撈飯有幾咁好味, 幾咁令人回味, 而我地就好少有機會食到, 見D度有, 就叫黎食啦。當然油香味濃, 淋上粒粒分明的白飯, 冇餸去送都可以好快咁食完一碗啦食完話想埋單, 竟然有甜水送, 仲有得揀係清補涼定番薯糖水, 都幾好飲, 最緊要唔洗錢麻!係咁有回憶既環境, 食咁有風味既大排檔菜式, 我覺得自己好幸福!

餐廳推薦👨🏻‍🍳📝楚撚記大排檔📍荃灣川龍街118號百悅坊地下-1樓食過最好食既大排檔🙈真系好高質🤤🍽麻辣韭菜鴨血煲熱辣辣！！滾的😆好惹味🤤鴨血大大塊好有口感🍽楚撚沙拉骨👌🏻🍽香煎黑松露手打蓮藕墨魚餅好有口感😻小小黑松露味🍽飛天通菜煲好夠味，通菜好青不會老🤤🍽燕麥金沙蝦球um..淺嚐可以🤣🍽楚撚豬油撈飯傳說中既豬油撈飯😭一碗真系吾夠😿❤️#餐廳推薦 #香港大排檔推薦 #香港大排檔 #楚撚記 #撚記大排檔

Bookmark咗呢間餐廳好耐，好彩有訂檯先有得食，weekend嚟walk in可能無得食，想嚟嘅最好訂定檯先嚟。豉椒鵝腸，鵝腸好肥美，又夠晒爽口，配菜都炒得好入味菠蘿拔絲咕嚕肉，外脆內軟，拔絲真係拉到一絲絲，真係好考功夫呀超級邪惡同時懷舊嘅豬油撈飯，豬油同豉油可以按個人口味淋落飯到椒鹽九肚魚，無散晒，同無出水，抵讚香煎黑松露手打蓮藕墨魚餅，黑松露味夠晒香濃，唔會煎到乾晒老火菜乾煲豬肺湯，係媽媽煲湯嘅味道呀，豬肺洗得好乾淨，細嘅都裝夠四碗下次再嚟食真係要叫多啲朋友呀，仲有好多餸想試呀

今日約咗朋友仔去荃灣出名嘅大排檔，楚撚記。其實都嚟過好多次，但係今日終於記得影相😂今日就嗌咗個炸豬手（$168）豬手層皮炸得好卜卜脆，配搭埋佢哋提供個芥末醬好好食，送啤酒一流。椒鹽白飯魚（$88)呢個係必點，因為佢炸得好香口加埋啲椒鹽，食落又唔會太乾，最重要係啱晒送啤酒。馬拉盞通菜 （$78）通菜好大碟，同埋配料好充足，蝦乾蒜頭等等，依個餸唔會好鹹炒得唔錯。當然唔少得我哋每次都會嗌嘅啤酒啦，飲酒最緊要講氣氛，佢依度會提供一個戰鬥碗俾你地，拎上手飲個感覺都唔同。但係好多時佢book位都爆曬，如果真係Walk in最好就8:30打後

食物：91／100 款式：90／100 環境：90／100服務：85／100 性價比： 92／100總分：91／100總結：非常高水準新派大牌檔口味餐廳，食過會再回頭因為有小明演唱會票尾，所以有9折，好抵仲要唔使加一，抵食又好食今日黎到荃灣一間新派好出名既大排檔，楚撚記我認識呢間餐廳追索返喺小明演唱會果時由於佢贊助小明演唱會，當時覺得餐廳都贊助到演唱會咁勁梗係上網openrice睇下呢間既食評見好多人都話一試難忘，所以我地都要黎試下呢到食野旺到無walkin架啦，book位都係得返5點半同8點半揀寧願食早少少5點半過到黎食，而4個人就叫左7樣野呢到款式好多，簡直花多眼亂，樣樣都好似好好食好正咁，價錢亦都合宜，大部份都唔過100蚊，仲要唔使加一，加埋有9折 人均都係150蚊多d，仲要送埋糖水，真係好抵野食上面，保留到大排檔既鑊氣，份量都好得宜食物質素都好高全部野都有讚無彈，除左小炒皇普通d，其他都好高水準環境上，裝修設計有好多打卡位，亦都保留好多古香港大排檔特色堂食更加播返70，80年代既金曲，去到堂食好似返番去80年代既香港咁而枱同枱之間都唔逼，4個人食會比6人枱，有2個位可以擺野，安

荃灣一向多美食，多年前食過位於土瓜灣的楚燃記大排檔，竟然在荃灣都開了分店，今次好彩特地早啲book枱，門口聽到侍應話要2星期BOOK～雖然係一樓要行樓梯，但係沿途有打卡位😎📸 時光倒流幾十年前大排檔的情景。室內裝修同佈置都用心設計到昔日大排檔格局，連全晚音樂都係爸媽年代的經典金曲，我竟然全部都認得曬 🤣打開餐牌簡直花多眼亂，有好多招牌燃手小菜，更有一些創新菜式。第一道菜 【蜜椒薯仔牛柳粒】份量幾大，有青紅椒、薯仔、洋蔥、牛柳粒等，中式爆炒配蜜糖，意外地將這些材料融合一體，特別鍾意薯仔外脆內鬆化配上蜜糖的味道令我食到停唔到手，當然黑椒牛柳粒都鮮嫩惹味，絕對係我每次必叫首選！第二道菜【香煎黑松露手打蓮藕墨魚餅】這道中西FUSION菜一上菜就有陣陣黑松露的香氣，食落去又唔會蓋過墨魚餅的鮮味，咬下去仲食到粒粒蓮藕及墨魚的質感，非常有口感，而且沒有想像中那麼油膩。第三道菜 【豉汁蒸大鱔】呢個魚是我出街食小菜必叫，因為街市買都唔平，而且自己整都複雜。見到碟大鱔好大份，仲啖啖鱔肉，豆豉同個汁都好惹味，完全帶出大鱔的鮮甜，十分推介。另外試了杞子龍眼菊花蜜及清熱五花茶，都是自家製的飲品，杞子龍眼菊花蜜較

同幾個朋友1/10一齊黎試，朋友一早訂左位，我地準時7點到達，已經聽到無得walk in, 全日已full booking真誇張。 激辣避風塘水魷（$89）仲諗住係激辣，但唔係太辣，個芡汁好濃水魷魚唔太入味，反而芽菜粉絲就索曬味豉椒炒蜆（$92）份量多，但好咸好重口味同埋無咩鑊氣菠蘿拔絲咕嚕肉$99呢個好味，肉係梅頭啖啖肉，酸甜適中但拔絲小左D椒鹽九肚魚$82，炸到熱辣辣，咬開出煙😂無骨成舊食，正福建炒飯$88好足料，好多帶子仔😂醬汁好味👍🏻將成個大排檔搬入商場，有冷氣 食得都舒適點👍🏻

呢間餐廳都係之前因為佢有贊助小明演唱會所以認識，咁啱近排天氣好熱，但又忽然想食大排檔，所以就嚟咗楚撚記，嘆住冷氣食😎餐廳嘅裝修都好懷舊，有去咗八九十年代嘅香港嘅感覺，同埋會播一啲老啲嘅歌，氣氛相當唔錯🤣去得大排檔當然要飲啤酒，我同朋友揀咗楚撚記桂圓手工啤，送過嚟嘅時候會跟兩隻戰鬥碗，而且係雪凍左既，相當細心👍手工啤嘅桂圓味唔出，但麥味好濃，又唔算太苦，唔錯👍佢餐牌既菜式都好特別，其他地方都少見，所以嗌左幾碟試下😎波蘿拔絲咕嚕肉呢碟幾乎台台都有嗌，而且佢講明用梅頭肉，所以食落肉質夠淋，唔會太韌👍醬汁亦調得剛剛好，唔怕太酸或太甜香煎墨松露手打蓮藕墨魚餅呢個真係冇喺其他大排檔見過，黑松露味好重，啱晒鍾意食黑松露嘅我🤣蓮藕切粒嘅大細剛好，唔會太細食唔到味，或者太大影響口感👍豆漿杞子鮮腐竹浸時蔬呢個亦都好推介，因為用豆漿杞子紅棗， 令整個菜好鮮甜，我同朋友不斷飲佢個湯🤣金沙蛋黃九肚魚九肚魚炸得好香脆，鹹蛋落得好足，所以整啲菜好夠味，外脆內軟👍👍最後每人都會送糖水或者涼茶

訂左成個月先訂到的餐廳，期待已久，未夠7 點就已經坐滿人，報到完就可以拎台，限時90 分鐘，今次我地坐左去房入面，兩個人叫左四個餸大滿足😍啫啫生菜無煲好惹味，份量都幾大😂仲叫左個西檸雞，炸到好脆，好香口，不過個西檸汁就比較少，多d汁會再好味d,黃金豆腐都炸到好炸，仲有好多炸蒜鋪面，好香口好惹味，仲有七味粉，不過我食唔慣，覺得太咸。我地仲叫左松露墨魚餅😂都係香口野😍幾好味，埋單三百頭，大件夾抵食味道又唔錯，不過就真係好難訂位，值得一讚的係服務都幾好，叫菜時有覆單，又主動俾個汁我地點炸野，埋完單仲有糖水送，下次一定會再來試其他菜式

呢間餐廳 半年前已想黎一直勁多人訂同排結果想食的方法就係早d食哈我地6點前已經去到。。。餐廳位於荃灣近荃新天地同楊屋道街市都幾易搵既 上到去佈置都係舊式香港情懷呢度係一間好企理既大排檔最緊要冷氣夠大 同座位闊落小菜款式多達100款價錢都幾親民因為得2個人 所以點左3款我覺得菠蘿啤 係必點 因為唔重酒精 又唔太甜中和番餸菜既味道 拔絲菠蘿咕嚕肉 甜甜地微微酸 夠熱發揮正常既一道菜 拔絲同咕嚕肉係分開的仲有2粒脆脆蕉糖伴碟小炒皇真心好大碟 有成8款料有蝦 有蝦乾 菜甫 腰果 肉絲 魚仔 鮮魷呢個一口金磚豆腐 真係食到停唔到口勁脆身 薄皮 豆腐滑 整好上碟要趁熱食 好香口 要推介~~小菜真心大碟唔駛叫飯 都飽左仲有糖水送2個人埋單270 好抵食!!!!!!!!!!!

荃灣呢間「楚撚記」成日見好多人排隊，於是一行三人book咗一個平日既晚上去測試下係咪真係咁好食，現場裝修好懷舊係舊式大排檔嘅風格，冷氣非常充足，餐牌嘅菜式都好多種類選擇，今次叫左: 1)豉椒炒蜆 2)香煎黑松露手打墨魚餅 3)椒鹽九肚魚 4)鹹蛋蒸肉餅 5)麻辣水魷 6) 豬油撈飯 7) 豉椒鵝腸，食物分量都幾足同大碟，小炒菜式味道唔錯同鑊氣十足，個豬油撈飯就係會比一樽豬油同葱花你，再按自己個人喜好加落去白飯度再撈埋嚟食，雖然好邪惡但豬油撈白飯真係好好食，整體嚟講呢間都算係食小菜唔錯嘅選擇