楚撚記大排檔

營業中

休息中

一啲服務態度都沒有， 店內吉枱4，5張 足足等了一小時多 也沒有叫任何一個number， 再有再好食的東西，都 不想做，也沒有用。想 幫襯，請三思，要預算等2小時，進餐1小時半

好耐冇試過咁樣食到趕頭趕命，上網睇佢正評都唔少，但服務講真係唔合格明明餐廳有好多空枱，仲要有1張8人枱，但就話因為我地得7個人，只可以坐2張4人圓枱，真係R曬頭快餐店形式，上菜係10－15分鐘內的事，但上碟的食物竟然唔係100％熱，呢到就真係失望。趕客走佢限時都明白，但之後都冇客，完全唔見有人等位，但佢地就真係8點就last order，8：05分就送埋糖水上黎，之後就好心急收我地D 碟，8：20分就要我地交枱。。。食物質素期望越大，失望真係越大食物真係好一般，但價錢以大排檔黎講就偏貴，唔值好多碟都好油，同樣價錢可以有更多更好選擇仲想好多人一齊食一餐開開心心嘅飯？我就建議你搵第2間

終於試到荃灣出名大排檔楚撚記，雖然用餐時間個半小時，但上菜很快，所以時間都很足夠。一黎叫左支藍妹大啤，竟然係用戰鬥碗去飲，好配合主題又得意！前菜選擇左招牌黃金椒鹽粟米。一份有八件，金黃嘅粟米炸得好香，而且裹滿鹹蛋黃碎，賣相好靚！雖然好邪惡，但食落更加好惹味！蛋黃味好香，而且粟米嘅清甜亦都中和左膩感！之後仲叫左黑松露手打蓮藕墨魚餅，同樣份量多！墨魚餅好有質感，加埋蓮藕碎增添左爽脆口感，而且黑松露味道好突出同濃、好好味！之後主菜叫咗原隻脆皮炸豬手，送酒一流！上碟已經見到豬手皮炸到薄脆，脆卜卜，但唔油膩！真係食到一口一啖呀！而豬手亦都唔會咸，有嚼勁，啖啖肉，加埋芥末醬好有風味！我哋叫左兩碗豬油撈飯。原來都好特別，可以自己加豉油、豬油，芫荽，香蔥，撈勻黎食好香好好味呀！豬油仲令到米粒油潤令立立，真係就咁食都食到半碗！最後餐廳仲送咗番薯糖水，好貼心。成餐真係好滿意，而且好飽呀！

話說依間人氣小店勁難book，終於有幸預約同食到，好開心店內裝修好懷舊，播住老豆年代既歌曲，好搞笑店内氣氛幾好，食客個個好開心，係好似食梗大排檔既高級版，有冷氣，靚裝修，適合打卡既菜式同好食由於得2個人既關係，可以食得唒既嘢食唔多，我地就叫左最著名既咕嚕肉，豬手同炸豆腐加豬油撈飯戰鬥碗，有氣氛小店勁快上菜，叫左無幾耐就到菠蘿咕嚕肉，咕嚕肉嘅份量都幾多竟然有焦糖脆脆喺拌碟，睇得食得，正，好少大排檔會做一個菜做到咁精緻酸甜汁整得剛剛好，咕嚕肉亦都唔會勁多肥肉，好食！另一個叫做炸豬手，皮脆內嫩，無臭豬味，仲好細心咁切好一嚿嚿俾你食，唔洗切到手都斷炸椒鹽豆腐，個皮唔會太厚，入面既豆腐都非常滑溜，好食豬油撈飯好得意，豬油份量任你添加，加埋香蔥同埋芫荽，幾有趣值得一讚嘅係，職員們非常勤力，有禮貌！係一個非常好嘅晚飯體驗，唔怪得佢咁短時間內開到分店喇！

避風塘講鮮魷：避風塘做得十分出息，外皮口感甘脆焦香，酥而不膩，蒜香味突出，另外魷魚處理得好好，食得出好新鮮爽口，不知不覺成碟菜食哂。  好評！炸豬大腸：外皮酥脆，內軟，配合波羅食好解膩，又係轉眼間就成碟都清哂！好評！豉椒鴨腸：鴨腸爽口彈口，豉椒送飯一流，整體普通無乜特別。豬油撈飯：同酒樓蒸飯一樣味。金沙蛋黃炸九肚魚：蛋黃味唔突出，魚方面只食到滑食唔到嫩～唔推薦！至於服務同環境方面：明明訂咗枱都仲要係外面等成15分鐘（熱到傻），入到餐廳內發現明明有好幾張空枱，但唔叫人入黎坐。坐低咗之後等咗5分鐘都未有人送上茶水同餐單QR code。 叫完野食等左15分鐘先有第一道餸（豬油撈飯）然後又等多10分鐘先有第二道菜….7點15分入坐，8點last order前野食先到齊…慢！！！另外，餐廳既冷氣唔知係咪壞咗，餐內環境稱唔上涼快舒服，同桌朋友直程食到出哂汗！

今晚同朋友聚餐揀左間良心大排檔食飯💛好彩一星期前已經訂左枱 即時walk in未必有位夜晚訂枱分2個時段 一係7點一係8點45除左堂食 亦都見到好多人揀外賣我哋叫左差唔多12個餸 每款都好好味多人聚會好處就係可以叫多幾款餸而且又夠大碟 食到我哋捧住肚走💛飯後仲有送蕃薯糖水 好滿足😆可惜只有90分鐘用膳 不過無辦法 因為真係好多人幫襯 下次會再嚟💛💛

#chuchu食在荃灣📍 楚撚記大排檔二訪！都係咁好食又大份！#chuchu推介 新式大牌檔始祖！裝修好有特色好懷舊！播嘅歌都好80年代🤣不過建議要book位，好似得5.30同8.45，walk-in應該等到你傻都未有位🤣—————————————————————❣️ 香煎黑松露手打蓮藕墨魚餅 $108一上枱已經聞到濃濃既黑松露味，煎到好金黃，好香！食落除左黑松露味，手打墨魚肉都好彈牙，仲用蓮藕增加口感！鐘意黑松露的話一定要試！.❣️ 鑊氣豉椒炒蜆 $99大排檔嗌豉椒炒蜆是常識吧！夠鑊氣！豉椒汁好味，佢應該用左海鮮醬炒，所以甜甜地，蜆都好新鮮，不過可以大隻小小🤣.❣️ 金沙黃金白飯魚 $90即叫即炸，上枱熱辣辣脆卜卜，勁香咸蛋黃味，白飯魚條條都好大條，唔會炸到冇肉食.❣️ 蒜茸炒菜心 $65正常炒菜，炒得嫩嘅！.❣️瑤柱蝦粒帶子蛋白炒飯 $88好好食搞到平時夜晚唔食飯嘅🐷都食左好大碗飯，炒到好乾身，面頭仲有炸到脆卜卜嘅瑤柱！.❣️ 老火菜乾煲豬肺湯(細）$ 113一飲落去就知係老火湯，好夠味，好滿足，雖然係細唧但係每人都有2 3碗架！.❣️蕃薯糖水 你嗌埋單，staff就會問你要番薯糖水定係清補涼，

［香煎黑松露手打蓮藕墨魚餅］黑松露味勁重，好香濃😍墨魚餅好彈牙，加左蓮藕好爽脆，口感更豐富 😋煎到金黃色，香氣撲鼻而來💛而且食落唔會好油膩🌟［啫啫滑雞煲］雞肉好鮮嫩好彈牙🫶🏻好惹味😆［魚香茄子煲］份量好多🙈茄子炒得啱啱好🍆醬汁偏咸，送飯一流🍚［飛天通菜煲］通菜好新鮮🥬醬汁偏鹹，帶有少少微辣🌶鑊氣十足👍🏻🌟🌟指數(滿分:5🌟):⭐️⭐️⭐️⭐️@chor_land 📍荃灣川龍街118號百悦坊地下及一樓

睇人地寫食評D野好似好好食咁 都好想試下咁就外賣3個餸1.椒鹽粟米2.咕嚕雞球3.黑松露蓮藕墨魚餅嬲到我pk,我其他果兩個都無影相 因為都唔算嚴重⋯最嬲係個粟米⋯咩事呀烚粟米 搽少少麵粉係上面就叫椒鹽粟米？無炸到，無椒鹽 呢到唔需要$71囉 成本價2支粟米$25蚊比盡你！賺到笑啦🤬仲要咕嚕雞球，變咕嚕肉係咩事呀？ 唔識分豬肉同雞肉做大廚？嬲到永遠無下次⋯

朋友：去食飯？去邊度食？我：楚撚記！朋友：我去過！好食喎！以上係身邊朋友去過楚撚記，對於佢食物嘅評價！之前食過一次楚撚記，都係喺荃灣，冇幾耐之後佢就裝修，最近發現佢已經裝修完！好味、大份、抵食、裝修得意有趣，唔洗多諗，要再幫襯！今次已經可以用QR code落單：➺楚撚記脆皮BB鴿$65乳鴿BB肉厚而嫩，肉質鮮美，有醃過再放滾油炸至金黃，外皮色水好均勻好靚，本身唔醮鹽、喼汁都好夠味，擺碟靚過酒樓果啲勁多！➺燕麥金沙蝦球$113燕麥同金沙蝦球嘅配搭好新穎，被鹹蛋黃醬包住嘅蝦球除咗彈牙之外，仲食到鹹蛋黃鹹香。大量嘅燕麥同好細小嘅糖粒混合埋一齊，甜甜地、又好有口感，連埋蝦球一齊食，感覺好特別！➺頭抽豉油皇銀牙炒麵$75豉油皇炒麵係大排檔嘅經典美食，呢個炒麵好夠鑊氣，炒得幾靚，咸度適中，上枱已經跟埋辣椒醬，好貼心！➺椒絲腐乳炒時蔬$72QR code點餐嘅時候可以揀埋邊種菜，腐乳汁好多，基本上每一條娃娃菜都沾染到，咁樣食落先有滿足感！大排檔文化輕鬆、好重人情味，楚撚記嘅侍應好多都係年輕人，做嘢快手快腳，講嘢冇大排檔文化嘅粗聲粗氣，反而用語好有禮貌，多咗份和諧！最後送多碗番薯糖水，夠晒「人情味」！

今日出荃灣楊屋道街市嗰邊食楚撚記，由於太出名，驚冇位，所以當日5點半已去到，估唔到已經坐左幾枱食客，可能晏多一個鐘已冇位。設計風格似舊時大牌檔咁，相當貼地親民，就算未曾到訪亦有一種熟悉感，相當自在。先上枱的是沙嗲粉絲金菇牛肉煲，一上枱時時已熱氣騰騰，啲汁不停彈起，明顯係煲好後就即刻拎出黎，牛肉有咬口，亦相當入味，沙嗲汁既惹味，又不會太攻口，可保留牛肉香，再加上粉絲吸晒沙嗲汁嘅味，伴飯一流。再來是金沙蛋黃炸九肚魚，本身外皮酥香脆口，加上入口即化的九肚魚肉質，已是一流的菜式，餐廳再用上鹹香的金沙蛋黃包裹着外皮，令口感再多一重金沙蛋黃獨有的香味，層次再昇華，變成全晚我最愛的菜式。

疫情關係已經好少去堂食，由其係大排檔。所以今次搵咗一間有大排檔特色嘅餐廳同朋友一齊慶祝吓 ！見到呢啲懷舊嘅擺設，真係好掛住以前嘅香港。以前嘅簡簡單單嘅滋味。大排檔必食菜式：椒鹽白飯魚呢款前菜真係不可少，又香口鮮脆，入口嘅白飯魚唔會感覺好多炸粉，一流呀！上面嘅椒鹽同蒜香好足，真係每一嚿都有，超級入味！大排檔必食之選：啫啫鴛鴦雞煲呢款絕對唔係普通茶記食到嘅菜式，真係要有返咁上下功夫先會整得好食。有齊滑雞田雞於一煲，田雞仲要大大嚿、啖啖肉，真係冇馬虎㗎！而滑雞真係好鮮嫩，拌飯一流！辣味推介：麻辣鴨血韮菜煲韮菜鴨血一向都係惹味菜式，配埋佢哋嘅麻辣汁，加埋枝啤酒就真係正到不得了！鴨血唔會煮得太爛，而且份量超多，反而韮菜如果可以多啲就更正！咁滋味點可以冇飯呢？點了一碗豬油撈飯，雖然唔健康，不過唔係經常食就冇所謂啦，而且豬油撈飯真係好滋味呀！豉油同豬油都係自己落，咁就唔洗擔心會太油或者唔夠味啦！最後仲有一碗蕃薯糖水，一餐飯能夠以糖水埋尾，真係好滿足呀！

荃灣名物「楚撚記大排檔」，未夠五點去到可以坐到卡位，然後五點鬆已經開始陸續多人，好快坐滿一層！餐廳走懷舊路線，裝修有7、80年代格調，播既係懷舊歌，好有feel未夠六點，已經坐滿，好彩黎得早選擇好多黃金椒鹽粟米$65：有八件，粟米粒粒圓潤漲卜卜，入口啖啖咸蛋香，超級邪惡但又超級惹味！避風塘鮮魷$95：魷魚好新鮮，輕易咬得開；炸蒜蝦米乾好惹味，下飯一流，！原隻脆皮炸豬手$138：份量十足大大碟，雖然上枱時唔係熱焫焫，但一樣做到皮脆肉嫩，配上泰式雞醬同芥辣醬，絕配！楚撚豬油撈飯$20：原盅蒸飯，粒粒分明；跟埋豉油同豬油，按自己口味去落，入口啖啖豬油香，無得頂！

朋友生日 佢好想食呢間！所以提早一個月book咗人齊就上去啦 朋友事前好想食😂 佢已經諗好晒食啲咩 所以一嚟就落得單在場食客都好開心 氣氛好熱鬧！⭐️秘製鳳爪 呢個雞腳其實食落呢做法應該好簡單 就係簡單得來我最鍾意食呢個😋個汁好惹味 ⭐️西楚霸王雞雞都嫩滑 平時唔食雞嘅我個都覺得幾好食⭐️香煎黑松露手打蓮藕墨魚餅我覺得一個人食兩舊就得 食得多好似有啲漏 有少少熱氣⭐️飛天通菜煲通菜就正常發揮⭐️白灼鵝腸我食呢個鵝腸我鍾意點雞腳碟汁食😂⭐️香濃南乳粗齋煲白灼鵝腸呢個就健康之選 適合健康/素食人士⭐️老火菜乾豬肺湯我就唔飲豬肺湯嘅 呢個係啲渣但係都唔冇咩人會食啲渣😂⭐️呢個應該係今日嘅失敗之作 睇個樣就知道好乾身 鍾意食炸大腸嘅朋友都冇乜點食（墊喺底嘅菠蘿救咗佢1分）就自己來講 我最鍾意食雞腳😂 有機會可以試吓其他香口嘢

最近疫情冇點出去食嘢，唯有po番舊相啦😔呢間大排檔要預先預約，環境好港式風情，乾淨企理有冷氣，小菜選擇都幾多，最後仲會送糖水😆🔸小炒皇（HK$92）想一次過食多啲唔同野，小炒王就可以滿足到😙韮菜、叉燒蝦乾、腰果、鮮蝦、銀魚仔炒埋好好味，配啤酒定飯都好match😎🔸椒鹽九肚魚（HK$82）次次大排檔必食九肚魚，魚肉嫩滑，無咩細骨，椒鹽味好突出🔸椒鹽鮮魷（HK$92）另外仲叫咗第二款椒鹽小炒，魷魚食落好爽口，不過個人覺得九肚魚好食啲🙌🏻🔸生滾滑雞粥 （HK$82/細）今日突然想食粥就試吓呢度嘅煲仔粥，揀咗細size但係最後送黎唔係用煲裝，雞肉好香滑，將啲特別係會送一細碗嘅油炸鬼，脆卜卜配粥一流😁