楚撚記大排檔

營業中

休息中

好高人氣好full booking ,係需要按時交枱，如果想傾多陣計就可以再考慮下。食物的味道整體ok,好推薦大家叫金磚豆腐，一上枱又熱又脆仲要好嫩滑，好岩小朋友和老人家食👍🏼👍🏼

同朋友諗住食開年飯☺️☺️☺️諗諗下就揀左楚撚記大排檔呢到地方好大，座位少少迫，但尚可接受不過呢度環境幾舒服😌😌可以喺一個有冷氣嘅地方食大排檔都不錯呀同埋啲野食都幾大碟味道都唔錯👍🏻👍🏻👍🏻💛桂圓手工啤🍻好易入口，味道甜甜係女仔好啱飲嘅手工啤💃🏼佢仲會俾隻碗你當杯用💛菠蘿拔絲咕嚕肉(梅頭)🐷咕嚕肉個脆漿唔會太厚食落口啖啖肉不過我以為啲拔絲會連埋啲咕嚕肉但原來只係喺側邊做裝飾😛😛😛💛香煎黑松露手打蓮藕墨魚餅🦑估唔到黑松露同墨魚好夾架黎到已經聞到好香嘅黑松露味襯熱食仲脆脆地，超讚呀🤤🤤🤤💛楚撚豬油撈飯🐷🍚爭扎左一陣，最後都叫左豬油撈飯係好肥好肥架🙈🙈🙈但係佢又好夾喺大排檔食嘅餸同埋無咩地方有架啦按自己喜好加豉油、豬油、蔥花食落口好香好滑，肥都抵啦🫢🫢🫢💛鑊氣豉椒炒蜆鑊氣係咪好夠又唔覺呀但係個汁幾入味同埋份量都好多唔會有好多隻蜆唔開😋😋😋💛七味黃金炸一口金磚豆腐份量又係好多，食極都有咁豆腐細細粒幾滑不過我又唔係好覺有七味😛😛😛💛椒鹽九肚魚🐠黎到熱辣辣，好香椒鹽味都不錯不錯👍🏻👍🏻👍🏻💛馬拉盞炒時蔬🥗正正常常，無咩特別💛糖水🥣食完晒佢送左碗糖水，都幾好味不過我同朋友飲完都唔係好知係咩糖水只係知有好多

中伏！中伏！中伏！我身為荃灣人，經常路過飯店樓下，見排隊的人很多，以為必屬佳品，原來凡事總有例外，總共叫了八個餸，冇一個可以讚，南乳粗齋煲，甜到離晒譜，芡汁多到嚇親人，啫啫通菜㷛，烚菜水成煲，其他都唔想再諟，總言之這間飯店，我真心覺得差過大家樂，大快活！決不再去第二次！

1直都好期待食呢間大排檔, 試過book左好多次, 唔係full晒就時間唔岩, 今次終於成功book到, 滿心歡喜! 可惜唔知係咪我抱有太大期望影響左, 我覺得係雷聲大雨點小坦白講佢只有7點同8點半兩個時段可以揀, 其實2個時段都唔係好, 如果佢好好食我覺得成件事唔同講法。雖然佢唔係唔好食, 只不過真係好普通, 之前去個另1間鋪頭不相上下 (或者之後可以寫返個間食評, 我覺得個間值得多d人認識)叫左幾碟小菜椒鹽鮮魷 - 魷魚係新鮮, 但佢冇椒鹽味, d所謂椒鹽都上唔到味, 而且個分量少到我地4個人每人都係食得個2舊左右, 第1碟黎呢個即刻分數大減黑松露蓮藕墨魚餅 - 呢個都食得到黑松露味, 同個墨魚餅都夾gei~ 西檸雞 - 個汁我認為係中規中矩, 冇乜驚喜, d雞都炸得脆gei~呢個應該係全晚我覺得最出色gei 1味餸, 個豬手個皮超脆, 肉又嫩, 味道都適中, 唔會過咸總括而言, 試1次係可以gei~ 但我本人除非好好食 (唔計快餐), 否則我好少會食多過1次

本身都覺得佢啲野食幾唔錯⋯⋯所以諗住叫外賣返屋企食打佢去話叫我WhatsApp 落單，心諗又幾好喎，有中央處理，一定唔會漏單點知等左成個鐘，去到佢話冇落到，因為冇send 過張單畀我，代表冇確認我一定知要有單收到先叫確認啦😡😡😡😡😡之後話要再落過，要等多半個鐘，宜家你啲時間就係時間，啲客就可以係咁等？😡😡垃圾！！又要懶有系統咁，最正係佢既職員仲要溫馨提示話下次可以用電話落單，呢下先吹脹，夾清楚先開門啦！！一定唔會再幫襯，再好食都假

🔸️楚撚記大排檔 🌏港式📍荃灣川龍街118號百悅坊地下-1樓有朋自遠方來，梗係帶佢食香港地道野：大排檔。其實自己都未食過🤣成日貪方便，只係食妹記。今次終於有機會試一試佢。用what's app訂位，方便快捷！7點入座，限時一個半小時，餐廳要做第二輪夜市，好好生意～我地5位叫左以下：🗨楚撚沙拉骨 $99🗨沙嗲粉絲金菇牛肉煲 $98🗨椒鹽九肚魚 $94🗨金銀蛋浸白菜仔 $75🗨蜜椒薯仔牛柳粒 $113🗨金沙黃金白飯魚 $90🗨飛天通菜煲 $88🗨激辣避風塘水魷 $99🗨豬油撈飯 兩個 $23@🗨靚仔白飯 兩個 $13@🍻青島三大枝 $88 3枝我地真係幾大食😋🤣叫左勁多野,每樣都好好食！通菜煲係聞到隔離枱勁香先叫，絕對無錯！避風塘水魷真係幾辣，送飯一流！九肚魚去頭尾，超級滑，份量唯為少。黃金白飯魚好正，每條都包到蛋黃，超惹味！豬油撈飯唔係度度有得食，大家括出去，試試佢。食落實在太香，必叫！整體食物濃味亦都係樣樣好食，仲要好抵食，上面埋單$925，5位用，怪唔知甘多人排隊，竹侍應都算唔錯，有禮，出菜收野都快，好評不斷！仲有好多菜想試，下次一於再黎～#荃灣美食 #香港大排檔 #必食大排檔 #大排

一直都好想試楚撚記嘅小菜，今次嚟到荃灣點都要試試佢！佢哋一直都好旺場，我哋大概7點幾嚟到都已經fullhouse，夠晒熱鬧同有氣氛(*•̀ᴗ•́*)و ̑̑🍽食物👉🏻古法枝竹雙冬羊腩煲(淨腩) $298 6.5/10嚟到見到勁大煲，全部都係腩位啖啖肉食得好開心，仲有好多配料好似枝竹、冬菇、冬荀同馬蹄，可惜係湯底有啲稀，搞到啲羊肉好似唔夠入味，不過佢哋會用gas爐一直熱住，食到最後都係暖粒粒👍🏻涼瓜炒牛肉 $90 7/10涼瓜炒牛肉一直都係我好中意食嘅一道小菜，呢到大大碟，牛肉仲多過涼瓜🤣用豉椒去炒夠晒惹味！✨金沙蛋黃九肚魚 $99 8/10食大排檔點可以少得香口野～ 九肚魚入面軟滑，出面脆卜卜，仲有鹹蛋黃包裹住，鹹香十足～✨香煎黑松露手打蓮藕墨魚餅 $108 8/10呢個係楚撚記嘅招牌，見到幾乎每枱都有嗌，墨魚餅爽口彈牙，用蓮藕增加口感，煎到表面香脆，仲有淡淡黑松露香氣👍🏻楚撚記小炒王 $99 7/10小炒王真係好啱送酒，韭菜花、蝦乾同腰果粒炒埋一碟夠鑊氣！✨Hoegaarden Rosee (550ml) $86嗌左Hoegaarden點知佢用咁大個杯上😂同普通啤酒杯拍埋一齊，完住係巨大化

今日難得抽時間，夜晚10點幫襯呢間網上略有名氣嘅大排檔餐廳。晚上10點揸車泊到門口，唔怕抄牌非常方便，晚上10點最忙嘅時間已經過咗，廚師唔會因為踢晒腳所以求其嘅狀態，應該可以一試廚師真功夫行上兩層，到店鋪入邊，即刻入座，之後用手機掃QR code落單，點咗一個豉椒炒蜆，啫啫生菜煲，半隻霸王雞，豬油撈飯，都係舊式大排檔必有嘅菜式，亦都有好多唔同風味嘅小炒，款式之多，起碼要幫襯十次或以上先試得晒。好快，堅係好快就上菜喇～白飯先上，就先講豬油撈飯：豉油加豬油再落啲蔥花喺白飯上面，確係有香氣溢出，但米無米香，豉油加豬油既香味只係一般，未做到食完落肚，口腔仍留有餘香。😮‍💨霸王雞：一望落去，好多好多炸蒜，雞肉好厚，皮有點點兒爽，啖啖厚肉既雞，好合我口味，可惜薑蔥霸王雞，薑蔥味被炸蒜完全蓋過，豉油亦都被超多炸蒜快速吸收，一道霸王雞，無薑蔥味，無豉油味，同一隻白切雞加炸蒜完全無分別豉椒炒蜆：依道菜可以算係大排檔必食之一，先講蜆本身，吐沙方面處理100分，無食到沙，可惜蜆比較瘦，不過去大排檔食炒蜆係食炒功唔係食蜆既肥瘦，炒功黎講，依道餸收汁一流，無水汪汪，依樣好重要😏炒既其他野呢⋯⋯味道偏咸，而且豆豉

見到啲人成日都食 終於搵到機會可以試吓！早一兩日就book定位 成晚都幾full下 餐廳風格都好有大排檔感覺！【菠蘿生炒骨】$90酸酸甜甜！另外生炒骨無好厚嘅炸粉👍🏻【蜜椒薯仔牛柳粒】$113薯仔同牛柳炒到一樣色 好幾次想夾牛柳都夾左薯仔😆 全部都好入味 青椒洋蔥配蜜糖炒 真係好惹味！【黃金椒鹽粟米】$69粟米本身已經好甜 粒粒粟米仲沾滿咸蛋黃！每食一舊都好邪惡 但忍唔住會繼續食😆【濃湯海鮮粉絲什菜煲】$98呢個雜菜煲完全無諗過係咁好食！如果唔想食炒菜咁油 絕對推薦呢個！大量粉絲 雜菜 冬菇 蝦米 蟹柳 魷魚！濃湯煮實在太入味 😆 雜菜煲可以解黃金粟米嘅膩😂【楚撚豬油撈飯】$23自行加豬油同蔥花撈！不過我覺得就普通 唔太特別～🥲🤤Rating: 7.5/10📍楚撚記大排檔荃灣川龍街118號百悅坊地下-1樓

嚟到荃灣，想食啲中式嘢，就諗起楚撚記～呢間人氣店經常好多人排隊等位，好彩今日六點鬆啲嚟到都仲有位，我哋坐嘅位置都算幾舒服～揀食咩真係有啲花多眼亂，因為呢度嘅食物種類好多🤣首先諗都唔使諗就一定係食楚撚記原隻脆皮炸豬手 ($159)，今次呢個豬手嘅皮好脆，我仲鍾意佢嘅豬手唔會好鹹，呢個份量兩個人啱啱好👍🏻另外我哋都叫咗一個咕嚕雞球 ($90)，賣相唔錯不過份量唔算好多，個汁同個炸漿都做得幾好，唔會覺得好油膩嘅感覺😌之後見有一個都幾得意，就係一口脆炸雙重芝士波波 ($72) ，本身以為裡面會係流心嘅芝士，點知原來佢係一個芝士薯波，入面嘅芝士比較杰身，但係味道都非常濃郁，有成12粒咁多，我覺得都幾抵～食啲咁Heavy嘅嘢，最後一定要叫返個菜，我哋叫咗啫啫唐生菜煲 ($83)，呢個感覺真係好有鑊氣，一打開好香，仲要見到有啲都幾大隻嘅蝦乾，唐生菜好清甜，幾好食！兩個人食四個餸真係好滿足，而且人均只係$200 ，算幾合理🤗

見咁多好評就一心去試下排隊 6點walk in去到話一小時用餐時間 七點交枱都照試吓 但05分坐低你6點半就過嚟叫埋咗張單先 炒蜆炒鵝腸蜜椒牛柳粒完全冇鑊氣 微暖上枱 兩餸飯都好食過 唯一係個菜乾豬肺湯正常 呢個價錢吾使食佢

外賣4 人餐，土瓜灣分店，網上訂購，冇人confirm! 上次訂餐已經遲咗2 小時，晚上7:00 要餐，9 時後先到，仲要自己落樓下取餐。今次網上訂購，冇人 confirm order, 自己整左4 人餐，冇通知，打電話去又話冇得改。服務態度差，以後不會幫襯！

一向喜歡吃中式小炒，在網上找到這間，見評價十分好，所以慕名去吃，但真的很一般，如果寄望食熱辣辣、有鑊氣的小炒，會失望！食類似避風塘肉排，應已煮好多時，只翻熱微暖，不會再去。

平日嘅夜晚，約咗好朋友食飯，好朋友話想試吓啲地道野，就嚟咗荃灣嘅楚撚記啦！我哋首先打咗去訂位先嘅，分別係17:30、19:15、20:45同埋22:15，可惜早啲嘅時間已經full左，所以我哋就揀咗20:45。我哋準時到達，上兩層就係座位啦，沿着樓梯行，見到好多香港嘅懷舊裝飾，坐低咗打開Menu，見到超多唔同款式嘅小菜，我哋就盡量嗌啲出邊少見嘅菜式嚟食。🌱楚撚豬油撈飯白飯嘅濕度啱啱好，配埋清澈嘅豬油，淡色嘅豉油，仲有芫荽蔥，好食。🌱蝦醬骨咬開蝦醬骨，肉質非常林，一啲都唔鞋口，而且係有好濃郁嘅蝦醬味，一碟份量都唔少，呢個幾抵食又好味。🌱豉椒鵝腸鵝腸炒得夠乾身，青椒紅椒洋蔥都好爽口，好惹味。🌱黑松露墨魚餅淡淡的黑松露味，加埋粒粒嘅墨魚，非常彈牙，外邊香脆。🌱綠豆爽清心丸最後餐飯食到好飽啊！店員話今日嘅糖水有綠豆爽清心丸，我最鍾意食㗎 ！呢個潮式糖水我覺得真係好好味。我哋三個大人一個小朋友埋單四百幾蚊，我覺得價格相當好，食物亦都好美味，所以我會再過嚟食㗎 ！

一直好鐘意食大排檔既我，覺得要搵間好食既大排檔都幾靚，要搵間咁乾淨既大排檔仲難之前同過朋友黎已經覺得呢度既裝修好靚，整到有舊式香港既感覺，特色之餘D野又好食楚撚記原隻炸豬手好大隻既豬手,豬皮夠曬脆，仲有配芥末醬同甜酸醬，食落唔會太柴，火喉岩岩好，仲保持到肉汁，好味飛天通菜煲同平時食開既馬拉盞通菜唔同，呢個飛天通菜好有鍋氣，食落去仲有少少辣吊味，我覺得又係另種感覺七味黃金炸一口金磚豆腐最鐘意佢舖滿曬炸蒜，正