楚撚記大排檔 (馬頭圍道) (已搬遷) 新店位置

住係土瓜灣 成日都同屋企人落街食飯 小炒店居多 今天見到內街有間睇落好新淨嘅小炒店 就決定試下 店內裝修係懷舊風 差唔多八點到店內都已經坐滿 人流好旺首先嚟左個小炒王 入面有韮菜 大蝦 蝦乾 魷魚 花生 魚乾 好夠味 餸飯一流👍🏻原隻炸豬手 呢到嘅招牌 侍應話每日只係賣大約20份 好矜貴😂 一嚟到 見到份量咁多 只係$94真係好抵！豬手皮脆 肉熟度剛剛好 有口感😊福建炒飯好大兜 上面嘅料都好足 有好多鮑粒 有炒飯香 唔錯！呢個黑松露蓮藕墨魚餅算係幾有創意嘅一味 應該係因為間鋪都係年青人創業 有香黑松露味 但唔會感覺太漏 而且咬落好full嘅墨魚肉同蓮藕 口感又爽又有咬口 係我全晚最愛👍🏻蒜香炒芥蘭 蒜香味夠 香口好食！三線炒米粉 我覺得冇出面食嘅咁油 有埋芝麻就更香口😊蝦醬骨 食落有蝦醬味 但唔算好重 唔會太heavy 炸得好香脆 肉質都肥瘦分明👍🏻最後仲送蕃薯糖水 好大陣薑味 我最鍾意 清甜又解膩🤗整體嚟講係幾有特色嘅小炒店 份量都好多 食物質素亦高 價錢合理 cp值高 會再encore!

幾個朋友今晚剛好都在土記， 就想帶他們去試試土記地道食品，這區地方雖舊但卧虎藏龍, 最近同事剛介紹附近開了一間小炒店，非常推介，便決定帶他們一試，小店就在兩座舊大廈間的横巷内，但大門口頗為乾淨企理 ; 店舖位置不大，但坐得舒適 ; 牆上掛了很多菜式的名稱，好有舊店風味一間小小的小炒店種類都很多很久沒有食到那麼好味的生滾泥鯭粥，三位朋友也讚不絕口，大大條厚肉的深海泥鯭及綿綿的粥底​ 燕麥金沙蝦球，估唔到燕麥配蝦球竟可以有咁清新的感覺， 燕麥輕微炸脆再加小許砂糖配上爽彈蝦球這個楚撚記原隻脆皮炸豬手， 原隻脆豬手，名副其實皮脆肉嫩， 還有切開的剛好一啖一件簡單的一個豉椒炒蜆，外面很多上碟時還有沙， 但這裏的很乾淨，粒粒厚肉， 辣得來沒有蓋過蜆肉的鮮味​ 飯後還加送糖水， 這一間有機會定要再來試試其他餸菜

今晚放工同屋企人食飯, 從街坊口中得知土瓜灣開左間抵食又唔洗加一既小炒菜館, 正好今晚前去一試!平日晚8點左右, 門外已經有唔少人等位, 果然吸引唔少街坊幫襯。對比傳統大排檔, 唯一不同之處就係環境衛生方面最為整潔, 而且有冷氣, 至於食物款式大致差不多。 牆上亦展示了幾款餐廳推介款式, 當然要一試!【蜜椒薯仔牛柳粒】 HK$82薯仔粒表面微脆, 牛柳粒不會太硬, 有少許口感, 甜甜地既蜜糖平均包住每粒薯仔同埋牛柳, 加上三色椒, 賣相跟味道同樣出色!【酥炸黑松露菌醬芝心乒乓波牛丸】 HK$78大大粒牛丸口感很札實, 一咬之下, 爆漿果然很明顯。牛丸中既醬較杰, 黑松露味很突出, 正!【豉汁蒸大鱔】 HK$138鱔肉偏林, 不是札實那種, 豉汁調味不會過鹹, 配搭惹味。【酥皮炸大腸】 HK$82外皮炸至酥脆, 大腸開邊, 不會過份肥膩, 底層有被火灸過既薄薄菠蘿, 甜中帶微酸, 減少油膩感。【飛天通菜煲】 HK$58呢度既煲仔菜都是熱辣辣上檯, 很喜歡上檯時開蓋都是滋滋聲, 香噴噴, 通菜嫩綠, 當中仲有蝦乾, 每條通菜都能掛上汁醬, 同時食到蝦乾既鹹香, 味道濃而不會過鹹。 最後餐廳

約咗幾個老友一齊食飯，但又唔知食咩好，其中一位提意食小炒，揸車路經土瓜灣看見有間新的小菜館，發現啲鋪頭名真係千奇百怪，呢間竟叫做（楚撚記），開在一條以往的橫行內，但它也整理得很乾淨和過光猛。他分開兩面鋪頭接待客人，但其實位置也不算太大，但也坐得舒服，牆上也用了一些掛牌飾的菜名。先嚟叫個麻辣小食， 鳳爪煮得夠淋也很入味，用作前菜或送酒一流。鹹蛋黃近期都很流行用於食材上， 搭上白飯魚一起炸，炸後白飯魚還很鬆軟，面層有脆金香的鹹蛋味。大大隻彈牙的蝦球， 面頭鋪滿了炸脆的燕麥， 蝦球沾滿了鹹蛋的香味， 但咬落味道清新。呢一個黑松露煎魚餅， 煎得兩面很脆口，而又不會很油膩， 咬落墨魚沒蓋過黑松露的味道。炸得剛剛好，皮脆卜卜肉彈牙不韌，更帶一點點味鹹香味。呢個激辣水煮採用大豆芽及粉絲墊底，滲透辣的味道， 鮮魷味也很新鮮爽口， 辣味適中。有人說煮炒蜆很簡單，起碼蜆要沒有沙，這裏就能夠做出這點， 豉椒味香口能滲入厚肉蜆肉內，當然也不能蓋過蜆肉的鮮味。用上大條的新鮮深海泥鯭，再配上綿綿的粥底，食落很鮮甜，泥鯭也很厚肉，好耐冇食過咁鮮味的泥鯭粥了。小炒王一般都是用上這些材料，但當然也很講求師傅的技術，這師

記得以前細個住東區嗰陣，爸爸都會帶我同家姐去柴灣嘅大排檔食嘢，雖然記憶好模糊，間大排檔都已經無咗，但仲記得好多嘢都係好好味，而且第一次感受到咩叫鑊氣。到依家大嗰咗，呢個年代真係少左好多大牌檔，樣樣都講監管、講規矩、講牌照，好多大排檔唔好彩就執笠，好彩就由街邊檔搬咗上舖。上左舖嘅大排檔，因為競爭大咗，都好似餐廳咁要講究環境、食物特色、服務質素……就到父親節，都想帶爸爸去搵間有質素既大排檔去食，咁咪上網搵下資料又聽下人講，就發現左呢間新新哋嘅大排檔：楚撚記。 為咗確保當日一家人都滿意，所以我就約咗個舊同事去Gathering順便又睇下間嘢咩料啦。其實我唔係好熟土瓜灣啲路，不過間嘢係大馬路，用google搵左坐邊架巴士，落左車行一陣就到，都好易搵。環境方面，裝修都幾搞笑幾有特色，整咗好多個牌寫住有啲咩食，而且仲有好多懷舊海布介紹自己啲撚手小菜。雖然舖仔細細，不過都坐得舒服，無排到好密好壓迫咁，侍應都好細心，仲主動俾張凳我放嘢。聽講佢哋除左一般大排檔嘢食之外，仲有啲創新食物。我最鍾意試呢啲新派嘢，所以叫咗幾樣嚟試試。叫咗個黃金蛋黃炸魚皮，梗係同平時街邊買一包一包嗰啲唔同。咸蛋黃無同魚皮分離，魚

最近行過土瓜灣，發現開左間新嘅大排檔人流都幾多喎，好似幾旺場咁！今日難得收早，就去食下收早可以食個靚飯，真係好開心，六點鐘就去到岩岩好開始晚市！嘩，一開已經幾個人叫外賣，真係咁好食？有別一般大排檔，楚撚記係室內舖，而且地板乾爽，第一印象感覺良好雖然話係新色大排檔，咦！又保留傳統特色佢啲招牌菜樣樣都好吸引搞到我樣樣都想試(說好的減肥，已經拋諸腦後😑)menu都好多頁，搞到我心大心細。。。又想食豬手，又覺得炒羊腩好新穎如果有啤酒飲就一流了嗱，呢個黑松露醬芝心乒乓波牛丸真係好有創意！另有溫馨提示:小心爆醬。。。我其實已經食得好小心，點知一咬😑😑真係爆醬！入口已經食到濃濃嘅黑松露好幸福！牛丸口感彈牙，好快就清曬成籃了鴛鴦雞煲即係田雞加滑雞！最抵係鴛鴦煲竟然唔使加錢，同啫啫田雞煲一樣價錢！！煲蓋打開，仲聽到吱吱聲㗎，熱辣辣田雞香滑入味，滑雞咬落有口感！各有所長！份量都多，又惹味，最岩叫碗白飯一般炸魚皮都比較薄身，今次呢個厚身得黎有咬口，唔會好似食空氣一樣！另外要讚嘅係蛋黃痴曬係魚皮到，唔會蛋黃同魚皮分離！！個人認為味道再鹹少少就perfect池了久違了的番薯🍠糖水😫😫😫食完仲有糖水送，好感動，好

已經係第二次食楚撚記，上次食完之後都想試其他菜式。今次同朋友，四個人又來到了這裡。明明訂左九點半都等到差不多十點先入到座🤦🏻‍♀️今回嗌左：黃金椒鹽粟米，香煎蓮藕黑松露墨魚餅，菜圃銀魚煎蛋角，菠蘿拔絲咕嚕肉，豬油撈飯４碗，飛天通菜煲，激椒避風塘水魷。黃金椒鹽粟米💁🏻‍♀️咸蛋黃味濃，加埋椒鹽真是好香口！粟米係橫面對半切，食落都幾方便。大家都覺得好味道！😝香煎蓮藕黑松露墨魚餅💁🏻‍♀️黑松露味好香，墨魚餅都唔算太油，入面既蓮藕粒大粒，連埋個墨魚餅食，幾有咬口。菠蘿拔絲咕嚕肉💁🏻‍♀️我同朋友貪玩食個拔絲，嘩！勁苦😫唔知個拔絲咩事，可能佢唔預人食掛！用咗梅頭部，味道酸甜適中。但總覺得咕嚕肉較街外既細舊。無咩大特別，個拔絲最難忘🤢激椒避風塘水魷💁🏻‍♀️都幾辣，魷口感幾好，有玻璃魷既感覺。底有粉絲同大量芽菜，撈飯一流！菜圃銀魚煎蛋角💁🏻‍♀️可能呢度菜較遲來，大家已經食左好多香口濃味既野。再食呢個就即時相較淡而無味。所以都比唔到多大意見😬飛天通菜煲💁🏻‍♀️通菜新鮮，偏辣。豬油撈飯４碗💁🏻‍♀️上次黎已經講過喇，就不再多說。－另提好多飲品都無哂…🙄我覺得佢地生意係好好但服務可以再好啲。下次都可以再黎食下其他

同屋企人去試新餐廳, 我地7點半左右到, 餐廳已經坐無虛席! 我地明白好野自然多人等, 所以無損我地想試既決心! 而且餐廳好細心, 在門口放左好多櫈, 讓客人可以等候得舒適一點! 等左10分鐘左右就入得啦! 大家如果有興趣黎試, 記得要訂枱啦!楚撚記有別於一般大排檔, 環境唔錯, 乾淨企理! 裝修以香港大排檔的懷舊風格作為主題! 雖然餐廳唔算大, 但係都坐得好舒服! 楚撚記菜式選擇好多, 有傳統有新既大排檔菜式! 總有一款岩口味!楚撚記小炒王 $60嘩! 好大碟呀! 而且材料好豐富, 包括有韭菜花, 蝦仁, 蝦乾, 腰果, 魚乾仔!小炒王係乾炒, 韭菜花新鮮爽甜! 腰果炸得好脆, 超多魚乾仔同蝦乾, 好惹味! 香煎黑松露蓮藕墨魚餅 $78墨魚餅好厚大足料, 煎至金黃色! 墨魚餅帶有濃濃既黑松露香味!入面蓮藕同墨魚都好大粒, 所以爽口彈牙, 口感非常好! 值得一試!金沙黃金白飯魚 $68 楚撚記有好多菜都係近期好流行黃金(鹹蛋黃)風味! 當然要試一試!白飯魚外層沾滿鹹蛋黃碎! 炸粉醬好薄, 炸得外脆內嫩, 又有充滿鹹蛋黃香味! 一點都不油膩! 真係食到停唔到口呀! 十分推介!燕麥金沙蝦球

天氣咁熱，想食大排檔風味，但係又想涼冷氣，都有個好選擇，就係土瓜灣嘅「楚撚記」👍🏻 餐廳喺馬頭圍道，未夠七點半已經滿坐😵，好多人都book咗位，建議大家book位先去～ 我哋準時入座，環境同裝修唔錯，充滿大排檔特色，好光猛，坐得舒服，小菜選擇眾多，店員亦有熱心推介招牌菜式，我哋四個人叫咗六樣嘢食，最後係超級飽😝😋楚撚記小炒王 $60材料非常豐富，有腰果、蝦肉、蝦乾、肉粒、蒜心、銀魚等，非常有鑊氣👍🏻，炒得好好味😋 大家都大贊好食👍🏻👍🏻👍🏻必點推介😋燕麥金沙蝦球 $82賣相已經好好，味道都好好，蝦球好大粒，配上燕麥、鹹蛋黃，小小甜又有鹹香，非常好味👍🏻😋馬拉盞炒時蔬 $58我哋揀咗通菜，份量好多，亦有肉粒，味道好好，充滿鹹香😋👏🏻香煎蓮藕黑松露墨魚餅 $78有寫住上枱請即食，因為趁熱食更好味，一咬落去已經覺得好香黑松露味，蓮藕爽口，墨魚餅彈牙，整體非常好味，另一推介菜式👍🏻👍🏻👍🏻金沙黃金白飯魚 $68白飯魚條條都好大條，用鹹蛋黃炒到金黃香脆，香口又好味😍 令人食唔停口😝 而且一啲都唔覺得油膩～ 特色甜麵醬蒸魚雲 $98魚雲好滑，有好多件，同甜麵醬好夾，味道好，抵食👍🏻老姜番薯糖水店員

見呢間嘢賣廣告話好得，打去訂位話無枱爆晒，於是同朋友打完波夜晚十一點去試吓佢，一去到有枱入去但佢話執張大枱我地三個坐，咁咪等，係門口睇左超過五分鐘睇佢三四個人執張枱，原來係俾隔離四個人坐。。。我地係坐番張細枱，唔知等黎做乜咁，入去話無酒供應，大排檔話無酒都第一次聽小事，叫嘢食話推介咕嚕肉，我地叫左小炒王，黃金粟米，麥片蝦，激辣尤魚同佢講嘅咕嚕肉，尤魚大把車仔麵好食過佢，咕嚕肉不知所謂。。。肉唔脆成個底係汁唔香囗，睇得出低級廚藝，小炒王正常無特別，黃金粟米有啲新意，麥片蝦唔想提。。。咁搞法呢間嘢好快玩完，隔離佢地員工食反聽到話豉油王炒麵唔得無人去食。。。自己員工都可以整到咁，無言最後一提係呢間嘢價錢都平，咁樣都係四百有找，但我唔會再去食垃圾

今晚6:33 分入到去，我睇咗一陣餐牌，突然有個伙記同我講7:00 要交抬！叫我快D落單！我心想就算我即刻落單，7:00 都食吾切！叫咗三樣嘢！啫啫芥蘭煲，沙拉骨同一碟干炒牛河，落完單等咗好耐先有嘢上枱D，最尾個碟上枱都8:20分！自己煮咁慢又得！服務態度差！勁趕客！食品質數一般！同佢地經理講都系冇用！吾會再去

阿媽看飲食男女得知土瓜灣開了間楚撚記大排檔後便叫我們一齊去試下，我們一行三人大約九點到達不用等位便可以直接入座，然後我們就周圍睇下附近的人客吃什麼餸。我們一共點了四餸一飯，拔絲咕嚕肉、醬爆鴛鴦雞煲、白灼鵝腸、麻辣鴨血煲、豬油撈飯。拔絲咕嚕肉：味道不錯，唯一是做不到外脆內軟的口感。醬爆鴛鴦雞煲：其實是雞+田雞，非常好味白灼鵝腸：須然不是新鮮鵝腸，但可以做到爽脆，口感真的不錯。麻辣鴨血煲：這道菜有點失望，因為很淡，估計鹽不夠，所以完全帶不出麻辣的味道豬油撈飯：阿媽其實因為這個飯而來的，但真係令她完完全全徹底失望因為豬油不夠香，所以帶不出阿媽的童年回憶原本是送糖水，但我們十時半左右結帳時問服務員，他們竟說糖水已經送完。所以我個人建議他們預備足夠，因為他們的營業時間是17:00-3:00另外，我在 OpenRice 見到有啤酒供應，但去到竟説還未領到酒牌，所以沒有含酒精的飲料，更過分是連自帶的啤酒也不能在店內喝

即興一行10人，本身訂座5位變10位🤗住係附近既我都係第一次試，9:30入座仍然全場滿座，始終大排檔呢d鐘數先係最多人。環境都幾唔錯，乾淨企理，帶有一點港式懷舊感。一坐底大家都肚餓，價錢都無咩點睇就一下叫左5-6個小菜。一開始黎個*麻辣鳳爪*唔算太辣，但好香，鳳爪入味又夠淋，唯獨份量唔算多。我地都encore左多碟*黃金脆魚皮*個人覺得份量太少，可以再碎少少上，因為人多唔係好夠食。味道方面，夠脆但咸蛋黃唔係太痴到魚皮，都多咸蛋黃碎係底。我就就咁夾埋黎食，因為我都幾鐘意食咸蛋黃😙*白灼鵝腸*呢碟野我地總共叫左3碟😳👍🏻係正既！鵝腸唔會過肥，質感爽滑，重點係個汁，令到下面d配料（姜、蔥、芽菜、韭黃）都被我地掃清光。唯獨如果跟配埋辣椒豉油就perfect 喇。但我地就叫左店員拎辣椒自製😂😂*醬爆鴛鴦雞煲*呢個煲都叫左兩個，我地叫左加辣添，因大部分人都食得辣。個煲的確幾夠香，醬汁乾身均勻。田雞同雞都滑，配料冬菇都好食*剁椒魚頭*魚頭真心喜歡，食得出新鮮唔會腥，肉質有彈性。剁椒調味適中，愛辣人士必吃！🌶🌶*激辣水魷*本身唔太食魷魚，因食得多我會胃痛。但因為佢話激辣我都忍唔住食左兩條，辣汁又香又惹

尋晚同幾個朋友黎到呢度食，雖然係巷仔入面，但門口都好光猛。由於前一日已經打去book左，所以晚飯時間７點幾入座都好暢順。我地四個人，嗌左：豉椒鵝腸，粟米斑塊，香煎黑松露蓮藕墨魚餅，黃金蛋黃炸魚皮，麻辣韭菜鴨血煲，豬油撈飯，每人一碗豉椒鵝腸💁🏻‍♀️好味，爽脆，帶少少脂肪，口感好。啲紅綠黃椒都比我食埋😋香煎黑松露蓮藕墨魚餅💁🏻‍♀️墨魚餅好厚大，入面既蓮藕亦好大粒，因此口感都非常厚實同有咬口。有點油，建議印一印油會好啲。可能有油光會睇落靚啲掛🧐粟米斑塊💁🏻‍♀️佢地既粟米斑塊同出面街既唔同，粟米同斑塊係分開的，咁斑塊唔會比粟米浸到唔到脆，斑塊大大舊，正！☺️粟米汁好大碗，有蛋花，撈飯一流，可以撈幾十碗飯呀！🤪黃金蛋黃炸魚皮💁🏻‍♀️呢期都係黃金蛋黃熱潮，呢度既炸魚皮好大塊，好脆，亦有好多黃金蛋黃碎碎。個人覺得都幾好食！😋麻辣韭菜鴨血煲💁🏻‍♀️熱辣辣咁上枱！鴨血夠厚，札實，加埋麻辣汁，好好食！😊豬油撈飯💁🏻‍♀️之前上網見到佢地勁推豬油撈飯。萬眾期待咁送到我地每個人面前，但並不如我地想像中好食。豉油太淡，加左幾次幾個圈都要再加。豬油味都香，加上附邊既蔥同香菜，都香口。飯質正常，其實佢都係可以的，只是可

朋友搬左屋啦，過去幫手，搬到身水身汗，夜晚拿拿林去附近食下野休息下，呢餐朋友全包搬到咁攰，要食番碟飯先夠！瑤柱蝦粒帶子蛋白炒飯，飯都炒得幾夠乾身，粒粒分明，而家好香蛋白味，調味幾好唔會冇味，蝦既份量都多黑松露蓮藕墨魚餅，平時屋企都有整墨魚餅，呢到就加上黑松露同蓮藕，口感同味道都多左變化，墨魚餅偏向爽口，炸得香口但唔會太油，黑松露味唔算好重，唔會遮過墨魚肉既味，但有幽香的黑松露味，好吃豉椒炒蜆係小炒必食架啦，蜆肉好多，少少辣，唔會太嗆，成碟炒得超香，蜆冇咩沙激辣避風塘水魷，好辣好辣，但係辣得幾過癮，水魷好爽口，如果鍾意食辣既人可以一試