楚撚記大排檔 (馬頭圍道) (已搬遷) 新店位置

近日成日見到呢間楚撚記在Facebook宣傳，朋友又在附近工作，放工後即可去試試。我們約6點半到，沒有訂位，門口的服務員話得返一張兩人枱，問我們可否一個鐘後交枱，我反問她上菜快唔快，她沒有正面回答，只係話大家配合吓。我們被安排坐响門口的一張小方枱，朋友要坐圓凳。地方不大，但很光猛，又播著8、90年代的流行歌曲；小菜的款式算多，也不是全部懷舊大排擋菜式。本來想叫炸豬手，咕嚕肉，因不想吃太多肉，所以點了豉汁蒸大鱔、西檸煎軟雞和脆皮炸大腸。我們離開時，見到得幾個人在等位，可能大部分是訂位，下次再來試其他餸的時候，一定會先訂定。

我老友之前食過，話楚撚記好好食，上星期就帶我黎食， 喺土瓜灣一個唔起眼嘅小巷裏面有兩間連舖位嘅大排檔充滿住食客。 坐低 即刻店招牌菜 果然名不虛傳!呢個脆皮炸豬手都只係99蚊，好大隻同炸得好香脆， 出面嘅西餐廳食炸豬手勁貴 ，楚撚記呢一度，經濟得黎仲要有水準， 好味到不得了。 之後見到隔離枱食椒鹽田雞食得咁滋味， 我哋都叫咗碟，從來唔食田雞嘅我都食唔停， 嗰啲炸蒜椒好鬼惹味，最緊要係啲田雞作完之後，啲肉都係好嫩滑，一定要試!

友人帶我黎試依間叫楚撚記既大排檔，店面不大，所以友人專登訂位一入到去坐低，感覺唔似舊時傳統大排擋又熱又迫又亂，反而帶點光鮮同乾淨即睇餐牌依頁係招牌菜餐牌，上面碟碟都精選，亦有唔少新派創意美食餐牌其實有好多頁真係揀左好耐先決定到點咩菜依味係古法香煎水菓牛肋條超好食不愧為招牌菜楊桃帶點甜酸，提起食慾，主角牛肋條極有口感牛味濃另一味招牌菜係楚撚記原隻脆皮炸豬手依味又係必試推介豬手表皮爽脆，肉質鮮嫩之極，佢仲薄砌上枱味道好過出面西餐廳食咁多肉當然炒番碟菜啦用蒜蓉炒香噴噴豉椒炒蜆係食大排檔既經典菜式炒得好有鑊氣啲蜆整體質素都不俗，好味最後叫左個鮮甜鴛鴦雞粥所謂鴛鴦雞即係雞同埋田雞依個係細碗即二人份量，用料十足，熱辣辣，好食

朋友突如奇來的一張相話有好野介紹，睇完即刻吹鷄約第晚食飯。又咁啱book到1930有位，我地啲老鬼心知通常book左檯都係要等既，所以盡量早啲去拎位（雖然限時兩小時，但係絕對足夠的）。好啦入正題講食物啦，由約去食飯開始朋友們已不斷上網睇菜單、搵推介，4條友想食既野都唔少，結果係揀左「黑松露蓮藕餅」、「黃金白飯魚」、「啫啫唐生菜煲」、「原隻脆皮炸豬手」、當然唔少得「豬油飯」啦。第一碟上既白飯魚，啲炸粉唔厚，蛋黃味濃亦無蓋過白飯魚本身既味，大少適中，飯都未到就食晒咁濟，做小吃一流。到蓮藕餅啦，先一啖細嘗1/4口，黑松露既香已經好重，到第二啖蓮藕既味道亦隨之而來，真係食過反尋味.....上多個菜，雖然份量唔多，但比起出面的少炒，佢地既味道確係同其他唔同，值得試。上埋last碟炸豬手，個皮真係脆到不得了，肉質嫩度適中，最緊要係唔會太咸，配上酸辣醬+黃芥辣，我連條骨都咬埋（鍾意食筋既人一定會鍾意），加埋個豬油撈飯（第一次係有芫茜同蔥撈埋）原來係咁香口，連戒緊晚餐澱粉質既我都要破戒。我地4個人（1945點餐）2030已食飽（已係慢慢食唔急的，2045已埋單走，始終嗰度既環境其實唔太適合促膝長談，三

《土瓜灣懷舊菜 名過於實但不至太差》朋友見到好多post話呢間好味帶埋我一齊去試，叫咗幾碟招牌菜。#酥炸黑松露菌醬芝心乒乓波牛丸 🐮#黃金椒鹽粟米 🌽#菠蘿拔絲咕嚕肉 🐷#椒鹽九肚魚 🐟#豬油撈飯 🍚牛丸炸得酥，牛肉味都唔錯，敗筆係個黑松露芝心醬，冇芝士味，好似白醬/忌廉湯。黃金粟米，咸蛋黃醬ok好味，但欠粟米味。拔絲咕嚕肉，唔係唔係側邊放堆糖膠就係拔絲。加埋蜜桃🍑？肉係炸成一片片，唔係一舊舊，感覺上好似食緊罐頭🥫生果炒炸肉片😅最後一碟椒鹽九肚魚，本身魚太瘦，個炸槳都唔得🤦🏼‍♀️冇咗椒鹽九肚魚應有既外脆肉軟，魚肉鮮甜既感覺。估唔到是晚最好味竟然係個豬油撈飯🍚可能未食過、冇得比呱......呢間楚撚記真係好多人幫親，平日9點幾都仲有等位，行開可以一試，唔貴，但就唔駛專登去土瓜灣再食囉⋯⋯@chor_land #楚撚記大排檔 #foodblogger #gotravelwithandie #食玩焗煮遊世界 #土瓜灣 #懷舊菜

土瓜灣的楚撚記，名字令人會心微笑，開在土瓜灣的小巷內，開業不久便一炮而紅，我曾經在個人部落格，以洋洋千字來分享我在這裡的用餐經驗。第四次來，這趟由友人飛神發起，來個十一男一女的飯局。近月的訂位非常緊張，好不容易才訂了周五晚上的宵夜時段。既然在座來得最多的是我，點菜方面就由我安排吧，有幾味是不能不吃，不吃便後悔。椒鹽粟米，切件的粟米，炸得金黃香口，裡面還保留其香甜與juicy，友人戲稱這是粟米天婦羅，我不反對。松露墨魚餅，打得彈牙的墨魚餅，爽口甜美之餘，松露香氣欲蓋彌彰，最終我們十二人，幹掉了三碟！首嚐這裡的例湯，菜乾豬肺湯，火喉十足，味道清甜，豬肺爽滑無異味。風沙茄子也是出色之作，外脆內嫩。重頭戲是海山骨，傳統功夫菜落入小炒店手上，以蝦醬醃製的三度排，炸得通透的誘人金黃色，蓋不了其層次分明的外表，入口之時，蝦醬香與豬肉的香甜雙龍出海，任誰也被它降服，乖乖地低下頭咀嚼著這般美味。飯店一直播著八，九十年代的廣東歌，以往的流行曲變了經典金曲，又Lonely又王傑又愛的替身，大廚是否剛剛失戀乎？我們喝得窮兇極惡，喝到飯店的青島啤酒清光，每位＄200，今次最貴，如沒有啤酒的話，每人＄120至＄1

今年朋友生日唔想食次次都西餐咁悶，所以最後揀左食大排擋，食大排檔唔一定要坐街架，尤其正值夏天呢d日子，坐街係絕對接受唔到囉！！楚撚記呢間野近期好似廣告賣得幾行下，上次係另一間餐廳已經比佢嘅餐牌吸引左，所以今日就決定山長水遠黎試下喇. 我地一行三人, 只係叫到5樣野食, 下次真係想叫多D人黎一齊試多D佢嘅野.第一道上嘅菜係黑松露牛丸 -- 呢個牛丸用個籃上嘅, 仲貼心咁提醒大家要, 牛丸係炸嘅, d涵嘅松露味濃郁, 可惜粒丸都有D偏乾身.  有機會係炸得過耐左少少, 我下次會比多次機會佢嘅之後係芝士琵琶豆腐 -- 呢個琵琶豆腐賣相老實講唔算吸引, 而且個芝士汁都只係普通芝士撈丁嘅汁, 不過芝士味道係比平時果D濃D嘅, 但配埋個琵琶豆腐, 就有點格格不入嘅感覺喇.第三道終於到左我呢個愛辣妹期待嘅一味菜喇-- 剁椒魚頭, 雖然呢個菜唔似平時果d咁多辣椒鋪係面度，但辣度都已經好夠同好惹味喇。配埋飯食我諗我2個都食得落啊☺️☺️然後到最香口嘅黃金白飯魚🤤🤤廚師一d都唔孤寒，條條白飯魚都比鹹蛋黃包圍住，但真係要有心理準備，雖然勁野味，但會漏到不得之了的，咁就食唔到其他好野喇🤣食到咁上下要食返d飽肚野🤣

今天約好了幾個難兄難弟來到了土瓜灣探朋友。這位朋友之後就毫不猶豫地跟我們說「今晚帶你們吃大排擋！」點知出到街勁大雨，我心想咁樣嘅天氣還去食大排擋，冇人食啦！原來這間大排擋不是露天的，而且在等的客人很多，我哋足足等左一個鐘先有位。我們在等嘅期間已經想好了吃什麼，一坐低就叫餸了：芝士牛丸 、菠蘿拔絲咕嚕肉、原隻脆皮炸豬手、豉汁蒸大鱔、三絲炒米粉etc 牛丸好食，爽口彈牙但要小心爆漿芝士，我朋友不小心一大口咬下去，芝士飛到件衫都係，有趣得黎又好食（必試）。豬手都好好嘢，皮薄又脆，肉是嫩滑可口，加埋小小泰式辣醬會好食啲！仲有我最喜歡嘅蒸大鱔都係蒸到好嫩滑，而且鼓汁好入味，伴份真係一流等左咁奈都係值得嘅

土瓜灣馬坑涌果幾條私家路，一直都無咩好感，黑媽媽污污糟糟，幾肚餓都唔想係果頭開餐，早排經過，見到其中一條街有一段唔同哂喎，地下鋪埋磚喎，執得乾乾淨淨光光猛猛喎，重開咗間餐廳，就襯第200篇文，入去幫襯吓啦！寫篇讚嘅文啦！又係第一件事，冷氣！佢地冷氣都足夠喎，好，坐底睇吓餐牌先。點咗客蒜蓉炒西蘭花，七味炸金磚豆腐同菠蘿炒咕嚕肉。餐廳叫楚撚記大排檔，大家都知大排檔係上一代產物，所以上至裝修，下至播放嘅歌，都好懷舊，好彩d員工唔係上一代。七味金磚豆腐外脆內軟，滿分，其外兩款西蘭花同咕嚕肉亦不失水準。雖然餐廳懷舊，但小菜選擇一d都唔懷舊架，例如有款菜叫五柳炸蛋，另外黃金炸魚皮，燕麥金沙蝦球等等，好幾款小菜都未聽過，好有心思。

係天光道附近斜對面一條冷巷。。原來有間大排檔入咗鋪。。聽講價錢唔貴所以長期都好爆有人排隊等(最好預先book位)。。今日就有黃雨。。所以唔駛等即刻有位😬😬試咗幾個小菜有水準喎👍 唯一係拔絲咕嚕肉仲差左少少。。但係其他小菜都好好食。有鑊氣熱辣辣上枱。。。最重要係價錢唔貴。。又唔使加一。。但係夥計有服務喎👍。。臨尾仲有免費糖水(番薯糖水/清補涼糖水)。。。

依間大排檔開店並唔係好耐，但都已經見過雜誌採訪過佢好幾次，起初感覺都只係傳媒造勢唔會有咩特別，依日咁岩行經依頭試佢一試，就發現佢係有真功夫！係堅好食！佢餐牌有好多頁有好多菜式揀，我只係俾大家睇佢最拿手既小菜餐牌大排檔風味梗係要啤啤佢但見佢竟然仲有依隻Apple Cider供應，就叫支啦，仲包隻戰鬥碗倒黎飲咁樣飲晒法真係好有豪氣既感覺古法香煎水菓牛肋條係店舖既推介菜式，賣相靚，一上枱已經香噴噴牛味濃厚，煮得岩岩好仲好食過出面西餐廳鋸扒啊必點！另一味必點推介係依隻楚撚原隻脆皮炸豬手外觀已經好有霸氣，第一眼覺得值得一讚係佢已經砌好一塊塊一食落就覺得真係好意外，佢煮得極為鬆脆可口同時每一塊脆皮連帶住均勺既油脂同埋肉，薄薄一片，並無用上任何調味黎煮既味道都已經好好，熱辣辣好食佢仲可以配芥辣或泰式酸辣醬食又係好食過出面啲西餐廳鑊氣豉椒炒蜆係食大排檔經典菜式之一，鑊氣夠、豉汁濃，都不減蜆既鮮味唔覺得有太多沙粒都值得一讚之後黎一煲鮮甜鴛鴦雞粥（細鍋）叫細碗都足夠兩人食。所謂鴛鴦雞即是田雞加雞雙併黎煲粥，都係經典粥款，依家並不常見架，依度有得食就試下用料極為豐富田雞肉質其實同雞都好似，兩者味道亦充份帶入

經常路過都見到有人等位既大排檔，某晚深夜肚餓，見佢開到凌晨3點終於一試！閒日凌晨12點幾黎到，店內竟然仲坐住好多枱人食緊野，但我選擇了外賣返屋企慢慢食，果然冇令我失望。黃金蛋黃魚皮，好heavy 好香脆 啖啖咸蛋黃 好味！酥炸黑松露菌醬芝心乒乓波牛丸呢個我覺得係必食！大大粒牛丸，肉質彈牙，咬開裡面係流心既黑松露菌醬，好特別黑松露味好濃好突出有驚喜！滿滿既黑松露菌醬最後點左星州炒米，唔知係咪個魚皮太重口，顯得呢個星州炒米有點失色，食落味道比較淡，但值得一讚既係裡面既蝦好大隻！下次要去堂食試下其他食物先得！

千祈唔好去walk in 排隊幫拒地做免費宣傳 因為係搵笨，拒地話有的walk in 只係因為想我地站在門口幫他們做免費宣傳， 因為排了兩個鐘也只入了兩張walk in 臺 絕對穩笨, 大家一定都會以為拒地好好呀 有得walk in，唔知原來係比人搵笨！跟著仲要解釋話已經盡量入walk in 台， 明明d台就被人book曬唔同既時間段 懶係照顧所以顧客咁 其實就係別有用心!只怪我地太天真了

朋友介紹呢間喺土瓜灣巷仔入面，個名好特別嘅楚撚記大排檔。喺OpenRice見到booking最快都要去到20號😱好彩朋友一早訂咗位😆！一入嚟見到裝修風格好懷舊，同以前嘅大排檔好相似，連店員用嚟斟茶嘅茶壺都係舊式大排檔嘅不鏽鋼長嘴壺～菜式選擇好多，朋友推介豬油撈飯，一場嚟到一定要試下！叫咗酥炸黑松露菌醬芝心乒乓波牛丸（$78）、香煎黑松露蓮藕墨魚餅（$79）、七味黃金炸一口金磚豆腐（$58）、豆漿杞子鮮腐竹浸時蔬（$65）、媽媽鮮茄蛋煮牛肉（$60）同豬油撈飯（$20）。牛丸份量好多😱，有成八九粒，粒粒都大過乒乓波。一咬開入面嘅芝士黑松露餡爆哂出嚟，牛丸濃郁嘅牛味同芝士餡好夾。香煎黑松露蓮藕墨魚餅，賣相唔係好靚但未上檯已經聞到好香黑松露味。咬落去食到好多切到細細粒嘅蓮藕粒，墨魚餅亦好彈牙，啖啖黑松露香🤤唯一缺點係有少少油膩。七味黃金炸一口金磚豆腐份量超多😂食到尾都未食完。粒粒都好金黃好脆，入面嘅豆腐好滑。豆漿杞子鮮腐竹浸時蔬就普普通通，勝在豆味夠香濃。媽媽鮮茄蛋煮牛肉嘅蛋就少咗d，反而牛肉好重牛味同份量好多😂食落都好滑！豬油撈飯係一個砵咁上嘅，有蔥同芫茜可以落，豬油同豉油可以自己控制份量

好多人等位但等左半個鐘就入得la 建議大家可以book定枱會好d 同舊式大排檔好唔同 除左基本d煲仔小菜之外仲有好多新款菜式揀 真係款款都好吸引點左酥炸黑松露菌醬芝心乒乓波牛丸 呢個真係必食推介 賣相裝飾已經夠吸引 入口超彈牙但食個陣要小心d真係好熱 入面流心黑松露菌醬好香濃野味 秘製黃金魷魚 超級足料 外層香脆超多蛋黃 好特別第一次試咁樣整既炸魷魚而且炸粉五係好厚 媽媽鮮茄蛋煮牛肉 好大碟 味道酸甜適中好開胃員工服務好好 店內仲會播放輕鬆音樂 整個環境令人食得好開心 好滿足既晚餐 推薦