棠記海鮮小廚

營業中

休息中

夜晚有時都會同屋企人黎三聖食海鮮平日lunch 黎到諗住簡單食個快餐棠記都有海鮮加工服務今次黎試下lunch, ok 再遲下黎食dinner 都好叫左碟炒飯加牛河～～ 最基本既茶記飯麵乾炒牛河都幾大碟，而且牛既份量都唔少炒得都算乾身，又唔會碎哂有d 真係炒得好碎依度無以上兩個問題d 河 粉條條分明，唔會痴埋一大舊調味都唔錯，唔會太鹹炒飯真係好大碟，估唔到仲有d 翠肉瓜多番少少蔬菜，唔錯d 蝦又幾大粒，而且d 飯唔算硬，都軟身又粒粒分明整體唔錯～～

第一次喺棠記晚餐，嗌咗個小炒王椒鹽魷魚鬍蜆介鯪魚球同埋四枝啤酒！小炒王有韭菜。蝦乾腰果。菜脯❤️炒得好香，好有鑊氣！！送酒一流！！魷魚鬚個炸粉好好味好酥脆熱辣辣！！！！加埋啲椒鹽同埋醋好正鯪魚球就麻麻哋，唔夠彈牙不過應該溝多左粉佢個蜆介全部都係蔥同埋姜冇乜蜆仔："( 失色dd藍妹30幾蚊一支 正常價錢！！

首先（發記海鮮檔）買新鮮海鮮💰～聖子皇×4隻～龍蝦×2隻～鮑魚×4隻因為係休魚期（所以海鮮比較貴）🤪之後到（棠記）加工煮海鮮😋～蒜蓉粉絲蒸聖子皇“夠嘢味，聖子鮮甜”～芝士焗龍蝦炒飯底“芝士香濃，龍蝦口感豐富”～XO醬炸鮑魚“失色，早知果皮蒸就算”～嗜嗜雞煲“足料多肉”小朋友啱哂

朋友生日飯想食海鮮，但又唔想出街同人迫，又唔想自己整⋯唯有外賣啦！心思思想食鹽焗奄仔蟹😍朋友推介榮記👍🏻whatsapp 落單準時到鋪頭拎，即刻返屋企開餐🎉🎉叫左👇🏻👇🏻👇🏻蝦子麵😍椒鹽鮮魷乳鴿2隻鹽焗奄仔蟹4隻椒鹽蝦🦐蝦醬通菜炒飯全部清哂😂😂老闆十分老實！本來想叫椒鹽賴尿蝦⋯不過老闆話依家啲賴尿蝦唔抵食！建議我哋食椒鹽蝦👍🏻👍🏻好夠鑊氣！下次會落鋪頭坐喺度慢慢嘆😍亦都會推介朋友去試吓👍🏻

一行九人浩浩蕩蕩老遠跑到三聖村食餐海鮮生日飯，首先去海鮮檔精心挑選生猛靚海鮮慶祝兩位壽星女，滿心歡喜揀好生猛龍蝦、每人一隻大瀨尿蝦、奄仔蟹、鮑魚、蟶子、花螺、桶蠔...等等 各人留肚準備大刷一餐海鮮盛宴.... 但是結果每一道菜都係失望😞 全部都煮過時又嚡又𠼰，簡直浪費我哋買嘅靚靚海鮮！ 芝士龍蝦伊麵完全熟過頭，而且有幾件龍蝦有壓味應該係清潔不足，D麵煮到淋哂成啤醬咁，真係好難食😖 個鹽焗奄仔蟹咸到癲，D肉又係煮到過哂火，硬嘣嘣冇哂鮮味，D膏更加唔使講全部實叮叮！ 另外最期待嘅椒鹽瀬尿蝦居然變成豆板醬瀬尿蝦，雖然唔係難食但係味道怪怪的而且偏咸，好失望😞之後再來嘅酥炸桶蠔，個D酥皮成尺厚成隻芋角咁，蠔亦炸過時好嚡口冇哂汁，真係幾難食下蒜蓉粉絲蒸蟶子D粉絲一吡吡堅唔掂本來高高興興期待已久的海鮮生日飯，結果中伏，真係唔會再去呢間嘢食啦！

去屯門三聖食海鮮，一定畀喺西貢同埋油塘便宜， 我哋一行五人去發記買海鮮（好好招呼）， 揀咗大大隻、生龍活虎 嘅瀨尿蝦、大過手掌既日本帶子、 肥嘟嘟嘅聖子、 兩隻膏蟹、蜆溝蝴蝶蜆，再加咗個桶蠔😋 都係一千頭。之後攞咗去棠記製作， 味到真係好好。我哋瀨尿蝦用椒鹽做，味道辣得剛剛好 ，d殼薄，炸得脆，肉仍然好新鮮同嫩滑; 聖子豉椒炒，再加米粉底，聖子肥美爽口、彈牙 ，米粉餅就煎得脆脆咁墊底，吸哂啲汁，非常野味; 跟住仲有砵酒焗蠔，酒香撲鼻，咬落好有口感，又好juicy, 呢個大家一定要食; 蟹我哋就要求薑蔥炒，佢真係好多膏，係爆曬果隻， 而且蟹肉嘅都好鮮甜，非常不錯; 帶子就蒜蓉粉絲蒸，正常好味; 兩款蜆好甜，都好值得食!總之回味無窮，買的新鮮，煮的好味! 買料加煮每人三百几四百，抵啦！

同媽咪去完大澳一日遊，之後媽咪話想食海鮮，我就二話不說揸車到三聖，好彩時間尚早七點半左右，海鮮檔都仲有好多海鮮選擇我地一行三人選擇左四款海鮮有 奄仔蟹賴尿蝦鮑魚線貝去左依間加工海鮮店油鹽焗奄仔蟹，浪費左我隻蟹，完全食唔到有油鹽焗囉椒鹽賴尿蝦，炸得幾好椒鹽鮑魚，未食過咁既椒鹽，一個字差蒜蓉粉絲蒸扇貝蒸得啱啱好還叫左碟虾醬通菜，成碟野未炒好啲虾醬一忽忽勁求其總括泥講依間加工海鮮店傳統煮法都可以，但複雜少少煮法就唔得啦，不會再來臨

原本幾個朋友準備送別外國朋友前, 到附近屯門吃海鮮再到機場, 在街上店舖點了很多海鮮, 然後海鮮店就介紹到了這家棠記加工店用餐, 把海鮮交給店舖, 第一道來的竟然是海蝦, 我們本來就買了大的花竹蝦, 但來的竟然縮水的海蝦,  這種低劣的手法竟然在香港出現, 這店實在太cheap了, 店員當然對此不認帳, 要不是飯後要去機場, 一定必須投訴封舖拉人!

山長水遠，長途跋涉由九龍乘巴士到屯門三聖食海鮮。是次飯局是慶祝七月之星飯局，我們一行八人，再次來到三聖的棠記加工食海鮮大餐。我們一直以為海鮮是不能給人吃飽及滿足的感覺。經此一役，我們輸了。八人行，八個餸，買海鮮連加工及酒水，每人大約350元。進餐後，我們捧住滿滿的肚子，回味的感覺，回家去了。豉椒蟶子（炒米粉底）：必食推介，整個配搭好match椒鹽瀨尿蝦：瀨尿蝦大大隻，少少鹽少少賴，十分惹味。辣酒煮花螺：螺肉彈牙，酒味不會過重，但辣味十足。如果不太吃辣的，記住要小辣，避免浪費。白灼蝦：白灼時間沒有過長，能保持蝦肉的鮮甜。果皮蒸鮑魚：烹調時間適中，能帶出活鮑魚本身的鮮味。清蒸海魚：時間掌握得好，肉質嫩滑。鹽焗奄仔蟹：見到黃褐色的蟹膏，簡直正正。蒜蓉炒白菜仔：沒有特別的評價。

今天父親節，我們一家出名食海鮮的，甘當然要來三聖村啦!首先我們在發記買好海鮮後，就來得棠記加工，地方都算寬闊，雖然訂晒位，但ok喎，又吾覺逼，今天來講算好好啦。我們將買來的海鲜交给一個姐姐，姐姐話先拿去稱一稱，再過來，睇下點煮首先上湯衣面龍蝦、白灼九節蝦、油盐水煮白貝，清蒸鮑魚、蒜蓉粉絲蒸帶子、豉椒炒聖子、椒鹽瀨尿蝦、白灼花螺及一魚兩食(就食里條魚令到我火都來)，我同姐姐講，魚肉片出來做班球，骨同頭尾加豆腐滾湯，姐姐仲話加豆腐要另外加錢，我們梗係無問題，今天一家人難得齊齊整整出來食反，最緊要開心，但结果……條海班變左西芹炒班片，魚頭魚尾變左炆豆付本來一句sorry，話聽錯甘埋算數羅，點知個姐姐一直係甘話，我們自己講吾清楚，我本來都無出聲，但她太煩，加上對答太無禮貌，我只是講左一句:算啦!仲講甘多做物姐，再講你又吾可以還完條魚。跟住她就收聲，走開。我們除左加工外，另外想叫既食物，除左炒菜外，其他都無，例如蒸肉餅，湯類，牛肉，就算有既蒜蓉炒通菜都變成腐乳炒(最後有換反比我們)。我們七個人買左四千文海鮮，在這加工，卻食之無味…好好地一餐反，被一個姐姐破壞左食野最緊要開心，如果吾係，更好)食的

今年元宵佳節專登入屯門三聖同七位好姐妹食開年飯。其中一位姐妹介紹去附近街市勝記買料，然後到棠記加工食海鮮大餐。我們一共叫八個海鮮加一個金銀蛋菠菜，八個人連海鮮及加工費，酒水，除開都是三百一十元，十分抵食。黃金海蝦🦐～材料非常新鮮，熱辣辣嘅鹹蛋黃覆蓋整隻彈牙多汁蝦，非常夠味。椒鹽斑馬賴尿蝦~重口味之選，中間仲有膏，同普通賴尿蝦完全唔同食法。一個字正！蒜蓉蒸扇貝～非常多汁新鮮。鱸魚炒西蘭花～油比較多，麻麻哋。清蒸海魚～時間掌握得好好，魚肉剛剛熟，非常滑。煲仔鮑魚～鮑魚剛剛熟，又軟又可口，yummy.豉椒蟶子配米粉底～必食，米粉底配搭好特別花雕蛋白蒸蟹～因為佢落花雕酒唔太多，唔會搶咗蟹嘅鮮味，同埋個蛋都好香甜，下次可以encore😄😄今次海鮮餐真係冇得頂，就算搭一個鐘頭車去食都值得。

今日揸車去咗三聖食海鮮兩個人唔係好肚餓，又叫唔到好多野，間餐廳海鮮做公費每斤每款＄48。我哋去咗海鮮檔揀咗大蟶子就好爽嘅紅蝦仲有就係象拔蚌仔！海鮮總共要＄330阿姐仲送咗啲海鮮料俾我哋煲湯蒜蓉聖子好好味好鮮甜，蒸完都好大隻！另外象拔蚌用西芹三椒炒都唔錯！不過象拔蚌煮完之後份量好少。至於白灼蝦就勁好味不知不覺已經全部食晒好重蝦味！阿姐果然冇介紹錯最後個海鮮湯都好濃郁湯渣反而冇乜味最後埋單要＄600，兩個人食都唔算特別平，希望下次可以再多啲人叫餸食

來到8月最後一天，要吃的生日飯都已吃完（應該是... 除非不是!!!），今天一次過加緊將生日飯記載全部完成吧！先由上週日的暖屋派對開始記載，當日下午其實在食友家中已經吃了超豐富的茶點，足夠頂一個晚餐了（我覺得...），但之後一行人仍然按計劃到屯門三聖村晚餐。三聖大概是香港吃海鮮最抵的地方了，這晚照舊先選海鮮，然後就去訂了檯的 棠記 開餐。甜魔媽媽中途離場幫朋友處理一點事情，謝謝爐兄借出美食照片。 選海鮮及如何烹煮的重任都落在食友們身上，我來到吃就是，非常幸福。當晚我們一行8人在合共十款海鮮及小菜，包括：興記來的燒鵝、蒜茸粉絲蒸帶子、東皮蒜鮮鮑、椒豉炒蟶子王、辣酒煮花螺、爆炒瀨尿蝦、炸蠔、鹽焗奄仔蟹（每人半隻），還有後加的辣汁公仔麵、兩份炒菜，最後少不了以海鮮檔送的湯料熬湯。 如此繁多的八人海鮮菜式，連工帶料$2,750左右，非常抵吃，不過是有點味精的，這點興記會較好。再次謝謝大家，能夠一起用餐特別是與美美的 ArDis 一起慶生，實在非常快樂！最後一起吃過清甜美味的 Melon Shower，也是時間回程了～

先去發記買海鮮，店員好有耐性㨂比我地，都有推介，但沒有強迫購買，價錢平宜，買左好多野600蚊有找，然後再去棠記代煮，海鮮好新鮮，椒鹽癩尿蝦大大隻啖啖肉，蒜香像駁仔鮮甜厚肉，蒜蓉粉絲扇貝鮮甜大隻，辣酒花螺無砂辣味適中，味道配合得很好，每隔一段時間會幫忙換碟，不錯，記得一定要訂枱

一提到三聖邨，一定要品嚐海鮮幾味，不過一個人在這地方午飯就不得意要簡單點，在雲雲飯店選了這店午飯 店內外都坐滿食客，午餐種類有很多選擇，適合不同食客口味簡單點了個午餐就馬上有碗例湯送上，例湯味道還好喝了不會嗆喉 薑蔥汁很香噴噴，用來撈飯一流，極之開胃，斑腩份量很多，味道剛好，每件魚腩都很鮮不腥，食材很好，魚骨不多，適合不太㯵吐骨人士，稍為覺得個汁傑左小小，美中有小小不足，價錢最抵，食海鮮飯加例湯和一杯熱飲只須$40元，勝價比高