棠記海鮮小廚

營業中

休息中

之前去親三聖食海鮮，唔係公眾假期，就係週末嘅晚市。今日就啱行下晝放假，就試吓呢一間經親戚介紹嘅棠記海鮮小廚。晏晝都幾多人，未點菜已經聞到廚房傳來震震鑊氣。問阿姐有乜好介紹，佢推介左幾味簡簡單單嘅，值得一讚嘅係幾位阿姐都好好招呼，於是我哋叫咗五碟餸。椒鹽鮑魚——雖然係午餐，椒鹽鮑魚嘅功夫絕不揸流攤，首先鮑魚用料新鮮，最重要係調味適中，雖然係椒鹽都唔會覺得太鹹。豉油皇中蝦——三聖幾間酒樓嘅海鮮我都試過，呢個豉油皇中蝦嘅味道同其他酒樓差唔多，價錢就梗係爭得遠啦，起碼唔使食裝修！講返中蝦，都係大大隻，蝦頭都幾多膏，滋味無窮。豉椒炒蟶子王配煎米粉——蟶子好大隻，超級新鮮好爽口。煎米粉煎得又好香脆，最重要係唔油膩，配埋個豆豉汁同配菜（青椒辣椒洋蔥）超級正。生炒咕嚕肉——正在唔係用罐頭菠蘿，屋企人最鍾意食新鮮菠蘿，咕嚕肉好脆口又唔會好肥，咕嚕肉嘅汁味道適中。金銀蛋浸菠菜苗——食咗四碟已經飽得七七八八，加埋呢個菜啱啱好。值得一讚嘅係個碟頭都好足料，下次入三聖食海鮮，一定唔會再揀返要識裝修嘅酒樓。

身為一個屯門人，怎可能不在三聖海鮮街吃海鮮呢？這裏有一排海鮮檔口，亦有不少加工海鮮的餐廳，我們就不去那間出名貴的酒樓，而是隱藏在街市之內的小店。位置：在海鮮街市內的小巷，豐漁樓地下。環境：裝修風格如同一般大排檔，可以在室內或室外用餐。前後都有舖位可提供座位，大圓枱可坐八至十人，亦有二至四人的卡座，舒適明亮。服務：可從海鮮檔口買海鮮，加工費$70，配料再另外收費。晚市：上湯龍蝦伊麵呈上時看到開兩邊的龍蝦，而且是有很多紅色的膏，真是好吸引和開心😍！盤底下的伊麵份量絕對夠四個成人分享，而且吸收了湯汁，非常好吃，不會咸！當然最棒是龍蝦，蝦肉易拆開，熟度剛好，可以看到肉質結實而彈牙，充滿鮮味，果然新鮮的海鮮是無敵，不用點任何醬汁！鮑片炒西蘭花想不到大排檔都那麼用心擺盤，可見四周用西蘭花堆一個圈，中間是薄切鮑片炒青椒、黃椒、紅蘿蔔、韮黃和薑蔥，鮑片爽滑彈牙，帶點欠汁，我們將這碟菜都吃光了！菠蘿咕嚕肉$108雖然有點貴，但貨真價實，因為份量不少，菠蘿都用了地捫的牌子，而且熟透了，加上烘一烘，是我吃過最甜和多汁的菠蘿，我們還問了職員去怎樣選擇靚的地捫菠蘿🍍，長知識了！咕嚕肉的炸粉厚度適中，香脆可口，醬

早幾日去開屯門搵朋友，去左好耐冇去既三聖食飯☺️今次我地得三個人仔，就冇買海鮮，試下鑊氣小炒😍棠記地方好乾淨，好放心帶埋偽韓仔黎食飯，首先黎個滷水鵝先，油香豐富，滷水又夠入味，唔多喜歡食肉既偽韓仔都食左兩舊🤩証明味道真係好正！佢地招牌咕嚕肉，每舊肉都被咕嚕汁包裹住，就算沾滿左汁，都依然好鬆脆！呢度好特別，個菠蘿係分開既，輕輕燒話過，將菠蘿既甜味更加釋放出黎👍🏻食到咁上下，食返一舊菠蘿，超級解膩😋重頭氣黎喇，就係芝士焗大蝦，隻蝦超大隻，上面鋪滿芝士仲可以拉絲，媽媽同婆婆一人半隻已經好滿足☺️呢到就算簡單如一個白飯，都好有心思，係用砵仔蒸既，偽韓仔即刻覺得勁得意，同埋最簡單既炒清菜，都好有鑊氣，係屋企真係唔會做到呢種味道👍🏻

ꕥ·棠記海鮮小廚·ꕥ今日約咗朋友喺屯門食Lunch，佢帶我去三聖村～我哋海鮮街買咗鮑魚同埋蝦😆去咗旁邊嘅棠記加工😍💖鮑魚用蘆筍炒，鮑魚切片～感覺自己好似食緊象拔蚌咁😆好小食到咁切嘅鮑魚(｡ì _ í｡)蝦就整咗我鐘意食嘅芝士！芝士焗大海蝦🍤大海蝦啖啖肉～用芝士焗，焗到面頭脆卜卜呢個都比較特別😬👍🏻另外仲叫咗菠蘿咕嚕肉～脆口甜甜酸酸好開胃！佢個波羅係另外燒🤣影相幾正，不過我比較鍾意食菠蘿同咕嚕肉炒埋一堆🙈🧡◡̈⃝◡̈⃝◡̈⃝◡̈⃝◡̈⃝◡̈⃝◡̈⃝◡̈⃝◡̈⃝◡̈⃝◡̈⃝😋味道：7.5/10🍽環境：7.0/10🎖推薦：6.5/10💰抵食：7.5/10🤤總括：💖💖💖🤍🤍◡̈⃝◡̈⃝◡̈⃝◡̈⃝◡̈⃝◡̈⃝◡̈⃝◡̈⃝◡̈⃝◡̈⃝◡̈⃝

揚州炒飯炒飯色澤金黃，鬆身乾爽，粒粒分明，蝦仁大大隻，爽口彈牙，仲有叉燒粒、翠肉瓜粒同炒蛋，食落口感層次豐富，味道一流！椒鹽瀨尿蝦瀨尿蝦外殼脆卜卜，沾滿炒香咗嘅椒鹽，香、辣、麻嘅複雜口味共冶一爐，香口惹味，蝦肉保持鮮甜多汁，食得津津有味，令人食慾大增，食得滋味，送酒一流！乾炒牛河色香味俱全，每條河粉都有色有味夠乾爽，色澤均勻，牛肉份量多，肉質夠軟腍，食落帶有微微焦香，仲一啲都唔覺油膩，夠鑊氣又香口。

秋高氣爽，約左朋友係屯門踩單車～踩完梗係要醫肚，但係餐廳仔一定排長龍，就諗起去屯門三聖食海鮮～係三聖村睇左一輪，最尾就決定食棠記啦！揀左６樣餸：辣酒煮花螺—惹味之選，啜粒花螺就會連埋D辣酒啜入口！油鹽花甲—一上台見到咁大碟，都有D嚇親～但係一路食就停唔到口， 而且唔會好死咸，帶鮮味既湯汁一齊sir入口，話咁快就清哂！椒鹽瀨尿蝦—食海鮮必食！ 隻隻都大隻，啖啖肉， 蝦殼易剝～脆炆骨腩—除左海鮮，都叫左碟肉！因為骨腩，所以都係”損”D醬汁為主XD酥炸蠔桶—一碟有成10幾隻，同埋每隻都大粒～酥炸表皮一咬就散哂，我就係鐘意呢D！蠔味會留係口到，要飲啖野飲先好食其他野食！西蘭花炒班球—叫返個菜黎平衡返邪惡既一餐～

今日同朋友去咗「棠記海鮮小廚」度食晚餐。我們兩個人點了招牌菠蘿咕嚕肉、脆皮芝士焗大蝦、鹽焗奄仔羔蟹及蒜蓉炒菜心。菠蘿咕嚕肉不像其它茶餐廳的菠蘿與肉炒埋一碟，是用新鮮的菠蘿分開上碟，唔會令到菠蘿全部都變得油膩膩，咕嚕做得很出色，肥瘦適中十分惹味。幾度菜中最出色的算是脆皮芝士焗大蝦，大蝦夠曬新鮮彈牙，配合芝士一起焗,味道超夾超好味。另外鹽焗奄仔羔蟹，切開超多蟹膏，鮮味十足，可惜我們祇有兩個人，點了四個餸再加兩個白飯之後已經超飽，反正這店已經是可以提供最多12人一圍的D類食肆，下次可約多幾個朋友過來，可以試多一些其它海鮮。

來到三聖第一時間一定係簽食海鮮 ，但係有咁多海鮮檔，有咁多款海鮮都唔知食乜嘢好， 當中有一間海鮮餐廳，既有海鮮又有炒菜類 ，所以入去試一試 辣酒煮花螺花螺隻隻大隻 ，酒香味十足，而且十分香辣，未入口已經流曬口水， 螺肉味重而且入口一啲沙都冇 新鮮菠蘿咕嚕肉新鮮菠蘿肉鮮甜味美而且很開胃，咕嚕肉熱哄哄的，甜甜酸酸，入口啖啖都係肉 鹵水鵝獨特秘製嘅鹵水，醃製出美味嘅鹵水鵝，大大碟，而且鵝肉肉質幼嫩，充滿著秘製滷水味 ，食到停唔到口，油香味十足，再加上火喉十足嘅蒜蓉炒菠菜， 中和鵝肉嘅油膩感 最後仲叫左碟蒜茸菠菜見到隔離枱，一大班人一齊食一條大青斑，下次一定會約多d朋友黎食海鮮

通常啲人嚟三聖都係食海鮮本來我地都係 點知朋友放飛機唯有搵間整兩個小炒當下午茶食住先啦菠蘿咕嚕肉估唔到擺盤咁有心思咕嚕肉好脆身 粉漿唔算太厚包晒甜酸醬咬落都仲熱辣辣脆卜卜菠蘿係分開嘅 燒完之後仲甜啲星州炒米呢個真係不得了超香超惹味 夠晒鑊氣 唔係太辣但令人愈食愈想食同埋超足料 好多蝦仲好大隻 夠晒新鮮又爽口不愧係三聖嘅出品 做開海鮮係唔同啲平時出面嗰啲係蝦仔嚟㗎睇左餐牌 佢啲海鮮加工明碼實價價錢都好合理 下次食海鮮都嚟番呢間先

我媽最愛之三聖食海鮮🦀🦐平時食開南記/廣東名門，今次試下小店棠記，估唔到有驚喜😍首先芝士大蝦🍤唔單止肉質甜食，表面嘅芝士好香，同蝦肉好夾，食得出本身海鮮好新鮮😋 其次唔好睇小隻蟹，打開勁勁勁多黃！！真心開心🥳 （阿媽開心笑😛 呢舖掂啊👍🏻 ）隻蟹啲肉好實，鹽🧂焗係好味嘅，雖然要等得比較耐🦀 但係值得㗎🙌🏻加工$70/斤，算抵，可以一試最後叫多咗隻咕嚕肉，又係熱辣辣即炒，燒菠蘿🍍好好味喎，我成曬成條🤣 我哋一路食一路讚，下次晚市多啲人嚟，可以買海鮮嚟再戰😆午市都勁多人食啊，大大份幾抵

去完黃金海岸游車河，FD話三聖有間餐廳食海鮮唔錯喎，咁當然要去試試啦！入到棠記，喺茶記果款，環境算OK，座位之間都好闊落。我們只得2個人，今次揀咗辣酒煮花螺，西蘭花炒斑球同花雕蛋白蒸蟹。花螺好快黎到，睇落個樣好似落左唔少辣椒好辣咁，食落又OK喎，未至於好辣。花螺煮得好惹味，食得出喺新鮮貨，嗦哂個辣汁，食到停唔落口，正！FD唔食得有骨啲魚，所以就揀咗西蘭花炒斑球。西蘭花炒斑球炒得幾有鑊氣，斑腩切得大大件，仲有差唔多15件，配埋啲西蘭花，成碟分量真喺幾大。斑腩食落好幼滑，口味清淡唔會蓋住魚啲鮮甜味，唔錯。花雕蛋白蒸蟹送上來仲好熱笠笠，花蟹今次未算大隻，不過肉都好厚實。已經食唔到啲花雕味，但是蟹肉好新鮮好鮮甜，一人食哂一隻都未夠喉。估唔到FD推薦啲海鮮餐廳真喺唔錯，以後入到三聖一定會encore！

朋友係要見架！路經屯門，地頭蟲朋友帶我去左▶️棠記海鮮小廚屯門三聖邨豐漁樓地下10-11號小廚提供自來海鮮加工服務，每項收費有列明，唔怕唔知價。我地就冇自來海鮮，直接叫啦兩個人叫左3樣。🌈油鹽花甲簡單調味已經突出花甲的鮮味，花甲大大隻，肉質好細嫩，花甲好鮮甜，粉絲索左花甲湯汁的鮮味好好味。🌈脆炆骨腩炸過先炆，骨腩係炆得好入味，食落香口又惹味。骨腩位唔會太多骨，配個白飯就一流。🌈 酥炸桶蠔外層好酥脆，好似食芋角的酥化口感，桶蠔大粒肥芺，炸到岩岩好，唔會好乾身，食落好juicy。

棠記海鮮小廚 (屯門).▪️花雕蛋白蒸蟹▪️.蒸蛋本身就係好餸飯，呢個仲要係有蟹係面，令本身滑溜的蛋更加鮮味！落少少花雕更昇華味道！.▪️西蘭花炒斑球▪️.叫餸食緊係要叫個菜，西蘭花配斑球，斑球夠香！.▪️辣酒煮花螺▪️.螺份量正常，少辣夠惹味。天氣開始涼，食辣野個人即刻暖曬！.📌 棠記海鮮小廚 (屯門)屯門三聖村豐漁樓地下10-11號環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️

難得假日黎到三聖同黃金海岸週旅一下，感受一下遠離城市既感覺，三聖真係比係屯門市區舒服，遠離繁囂放飛下自我。三聖都出名食海鮮，所以到左夜晚我就去左三聖食海鮮。餐廳唔多，所以我最後都簡左其中一間棠記海鮮小廚。黎到食海鮮出名既地方，梗係要食返海鮮啦。最後左叫左脆皮芝士大蝦、椒鹽瀨尿蝦同花雕蛋白蒸蟹三樣招牌海鮮。脆皮芝士大蝦咬落去啖啖肉，仲有芝士流出黎，真心推薦。椒鹽瀨尿蝦，用左椒鹽整，所以好入味，本身瀨尿蝦鮮甜，雙重感覺。花雕蛋白蒸蟹，我都係第一次食，初頭以為好似賽旁蟹咁既感覺，但食落完全唔同，黎到可以試下依一樣。餐廳幾有特色，海鮮好好味。   評分 味道⭐️⭐️⭐️⭐️ 環境⭐️⭐️⭐️⭐️ 服務⭐️⭐️⭐️⭐️ 衛生⭐️⭐️⭐️⭐️ 抵食⭐️⭐️⭐️⭐️

心血來潮想食海鮮加小菜👻於是放工入屯門三聖棠記食🤓朋友果然冇介紹錯，海鮮新鮮熱辣辣而且味道好好，食過真係返尋味🙈酥炸桶蠔：外面層炸衣好薄新，入面嘅蠔勁大隻，咬落勁juicy勁有咬口，正👍🏻辣酒煮花螺：調味對我黎講剛剛好，辣度just 🤩 辣酒帶出花螺嘅鮮甜，而家好彈牙，完全無沙☺️西蘭花炒斑球: 石斑塊勁高質，無骨啖啖肉💪🏻一啲都唔腥，唔鍾意食魚嘅我都愛上😍椒鹽瀨尿蝦：重頭戲黎啦🥳我想食手臂咁長咁粗嘅瀨尿蝦好耐啦，今次終於食到，開心到我呢🙈果然無得頂！師傅嘅火喉果然好厲害，椒鹽夠惹味！瀨尿蝦啲肉係爽脆鮮甜架😎非常新鮮今餐完全愛上👻已經期待下一餐了