棋哥燒鵝餐室

營業中

休息中

今次經過筲箕灣回家發現棋哥的外賣又平了！半斤脆皮燒腩仔加半隻桂香切雞才$118，好抵吃呀！由於武漢肺炎又因為沒有封關令到再次社區爆發，餐廳全日禁堂食，外賣是唯一選擇了。進店購買外賣也要先量體溫，政府無能靠市民加強防疫了。【脆皮燒腩仔】半斤絕對夠一家四口食，不得不讚店員的細心，在發泡膠盒的兩個剪了洞透氣，回到家燒腩仔仍然超脆皮和堂食口感一樣。每件切得四正，味道亦不錯，不算太咸，而且脂肪和肉的比例各一半，好夾！【桂香切雞】切雞最緊要就是味道鮮嫩，雞肉真的很滑嫩又香味撲鼻，加蔥油送飯一起吃超正，每件又切得均勻！

今日約朋友在家商量暑假大計，聽政府話乖乖地冇出街食飯，外賣燒味，慢慢傾慢慢吃，吃得放心又安全。棋哥燒味絕對是首選，朋友住港島東區，筲箕灣最近最方便。平日食開燒鵝已經要讚，今日朋友指定吃燒腩，見到外賣套餐$118，半隻油雞加半斤燒腩，就這個吧。已過午市時段，見到食客等外賣，也有等位堂食下午茶。店外有兩張小枱，等外賣有需要人士也可坐一坐。我叫咗一個套餐，師傅好快手，五分鐘內便叫號碼有得攞。打開盒時真真有驚喜，排得靚靚的燒腩，砌得滿滿的切雞(半隻)，大家異口同聲叫了一句: 嘩！燒腩肥瘦含量好均勻，唔係即時食，燒肉皮依然十分香脆，咬落啖啖油香，肥瘦層次好分明，一口一件，吃到停唔到口呀！白切雞本身好大隻，半隻份量都多，皮香肉滑，雞件肥得嚟皮下脂肪唔多，肉質鮮嫩，加唔加蔥油都一樣好吃。吃了一半，下層的雞依然靚、依然好食，我的雞背脊出場，有肉有骨我最喜歡。棋哥除了燒鹅及叉燒出色，燒腩也是一絕，下次仲要試埋油雞先得。

放工立刻和朋友去食個下午茶才回家，5:50到達💪🏻趕得切限聚前去聚一聚。一直鍾意棋哥燒鵝的炭燒燒鵝香味😋今日食個燒鵝瀨粉，無失望，連菜心都沾染到炭燒香，燒鵝皮依然脆😍不要以為下午茶燒鵝瀨就隨便，都一樣有肉食👍🏻瀨粉本來無味，只係滑，不過沾上少少鵝油汁，味道就立刻升級👍🏻🥳

今天晚上想不到吃什么，随即想到买些烧味回家再加米粉，简简单单又容易做的晚餐。见到很多分店的棋哥烧鹅，便买了双并(烧鹅加叉烧)外卖。只等了一会便可取走。回到家中打开，发现是烧鹅肶，令人真兴奋，而且叉烧份量也不少。烧鹅肶吃的时候还有微温，皮仍是脆的，啖啖肉，真满足。烧鹅肥美，皮又香口，点上跟着外卖的酱汁和甜酱，令这烧鹅肶更美味，不一会便把它吃光了。厨司把叉烧切得够厚，一口吃下去也是啖啖肉很满足。肉并不很咸，厚肉但仍松软，口感不错。甜甜的外皮同样地点上酱汁，把叉烧味道升华，真好味。

曾經幫襯過兩三次，覺得燒鵝比較好味，今次要了一份燒鵝的例牌，水準依然保持到，皮脆肉嫩又多汁，有一點煙燻的味道，比較與眾不同。另外有叉燒，油雞或燒豬雙拼的選擇 , 叉燒味道及肥瘦剛剛好，甜及鹹味亦十分夠，值得一提玫瑰露洒夠香。豉油雞比我預期中更好味，皮脆肉亂又多汁，生熟程度剛剛好，不會柴柴的，豉油味十分夠香，但不會蓋過雞的鮮味味。燒鵝價錢有點貴$150只有一個例牌，個人推介叉燒或其他油雞價錢較公道實惠。特別一提，如果叫燒味飯位置會比較差沒有淨食來得好食，因為棋哥啲燒味飯比較少汁及淡，飯會有點乾身，燒味的位置，亦會比較差但價錢絕對不建議。

其實筲箕灣間棋哥一開 我已經事先去食左 都真係幾有質素 叫咗兩碟飯 碟碟都足料 仲有價錢相宜。叉燒唔太肥 肉汁同調味都有令我停唔到口。油雞白切雞啲肉好嫰口。不得不提燒鵝 竟然有微微炭燒味！仲要口感唔差明明四寶飯都可以令我食過返尋味 我覺得大家都要試下 個人建議最好堂食✨

今晚屋企突然間要加多雙筷，所以就急急腳走落樓下斬料加餸！第一時間就諗起「棋哥」啦！本來很想買燒鵝食，但見到今日燒腩仔和叉燒賣相相當唔錯，所以就忍不住買了。打開外賣盒時，食物仍有微溫，抵讚！叉燒色澤鮮明，肥、 瘦肉比例均衡，香甜多汁，是用心之作👍🏻燒腩仔皮脆肉嫩，油香十足。其脂肪跟肉的比例平均，層次分明，鹹而不膩，是配飯吃的不二之選。買了外賣，立即令整頓晚飯變得非常豐富😬😋😋😋，感覺真好！

今日收工下班去筲箕灣街車買飯盒，在馬會旁見到有間棋哥燒味，外賣都有數個顧客排隊等外賣，再見到餐牌款式都算多，而且有很多不同款的外賣優惠，$10雞非常吸引，只需要四燒鵝半隻就可以，但因為我家人對鵝敏感，所以就放棄了，就決定叫個組合套餐 棋哥叉燒+(半斤) + 桂香切雞(半隻) 原價129，特價$118，再回家煮飯吃。棋哥叉燒 – 師傅切工一流，每一片厚薄近乎一樣，外皮閃著蜜汁的亮澤，微燶的位置散發著炭火香氣，咬下去肉味香濃，伴隨陣陣豬油的甘香。桂香切雞 – 肉質非常嫩滑，雞皮好薄，雞件無肥膏，配青葱、薑蓉食一流，而且份量十足，這價錢簡直無得輸。

由於疫情嘅關係已經唔想係屋企食啦所以決定落街買外賣，呢幾日都係食西式野所以靈機一族就想食燒味，醒起之前有一間新開無耐嘅而且又有好多分店就去試吓啦，見到新鮮出爐嘅燒味就即刻想去試，即刻同師傅講斬半斤半肥瘦叉燒，自己返去煲個飯搞掂快靚正，返到屋企打開仲係熱辣辣嘅叉燒來講呢個超級好食，肥瘦均勻加上叉燒汁送飯簡直一流冇得彈，而且半斤來講份量都好多足夠可以食兩日，其實我見到燒肉都好正但係決定留返下次再食過，而且呢間分店都好多可以方便唔同地區嘅人士去買外賣。除此之外原來仲有套餐可以食真係可以一家大細都去食。

今日收工已經9點 ，疫情關係好多餐廳都閂晒門，嗱嗱臨求其買咗盒燒腩仔返去煮個白飯就算啦，係筲箕灣見完客，見到依間棋哥燒味都好多分店，就入去買咗盒燒腩仔，九點幾間舖頭都仲係好多人，平時喺紫色嗰間燒肉鋪買一百蚊得幾舊燒肉，我哋一家三口都唔夠食，今次買咗一百蚊，返到屋企一打開見到真係嚇親，我哋一家三口食咗兩日都食唔晒，燒肉仲要返到屋企都仲係脆梗，又唔會好肥，另外嗌完先見到買燒鵝，加$10就有隻雞食，連阿媽都話點解唔買返嚟試試佢添。

棋哥燒鵝餐室筲箕灣店非常易找，在筲箕灣地鐵站A2出口，直接過對面馬路就到。但今次不是堂食，是外賣拿走。雖然最出名的是燒鵝，但今次就試了外賣特價雙拼，只需$118能選叉燒半斤或燒腩仔半斤拼油雞或切雞半隻，非常抵食😋我今次要了叉燒半斤拼油雞，回到家打開叉燒仍然微熱，立即食一舊，半肥瘦，稔香但又有咬口，鹹甜比例剛好，非常好吃😋油雞則光澤誘人，皮滑而有肉汁，生熟程度剛剛好，也沒有雞的腥味，送飯一流👍疫情期間餐廳也有提供酒精搓手液就放在門口，客人可以自由取用👍

棋哥燒鵝餐室-斬料加餸今日是家人生日的大日子，由於限聚令關係，所以決定在家中慶祝，貼心的我當然識做，放工之後到了蛋糕店拎生日蛋糕、棋哥燒鵝餐室買燒味，一於斬料加餸，為家人好好慶祝下。桶子豉油雞亮亮深黃色的豉油雞，雞皮滑，雞肉嫩嫩，而且不會太多脂肪，啖啖肉，而且帶有甜甜的豉油味，又不會有任何雪味，再配上薑蓉一流，連家人都大讚！棋哥叉燒棋哥另一招牌燒味的蜜汁燒叉燒，燒得色澤亮麗，顏色深紅的叉燒片，有一點燶邊的燒烤，肉質軟腍，半肥瘦極品叉燒，再加上甜甜的蜜汁，超惹味！

今晚很夜才收工，放工後便到附近的棋哥燒鵝餐室外賣燒味飯。落單後，等一會兒便有，立即衝返屋企開餐。一打開個盒，嘩了一聲！兩盒的燒味和飯都機乎迫爆個盒。<棋哥叉燒飯>叉燒雖然切得比較大件，肉質很嫩，蜜汁足夠，令我不停一口叉燒一口飯吞落肚，很快便吃完整盒飯。<燒鵝五寶飯>五寶飯通常都是將餘下的燒味搭頭搭尾，誰知這個一點也不遜色，有燒鵝、雞、叉燒、紅腸和鹹蛋。燒鵝燒得很香，油分夠，肉質不韌；叉燒的肉質都是嫩滑有蜜汁，最緊要有個鹹蛋點綴，鹹香配飯很滋味。最好的事是簡單的完成了我的晚餐！

今晚去朋友屋企食飯，禮貌上係要斬料先得朋友話好想食燒鵝，就係附近搵到呢間棋哥印象中呢間棋哥有好多分店！半隻燒鵝$250都算好抵不過得兩個人食飯，半隻太多了，所以就決定要隻燒鵝髀熱辣辣架香味撲鼻，看上去好有光澤燒鵝皮好脆口趁熱食係最好味架油香好足夠，不過略嫌不夠大隻如果可以再大隻啲會更好 (貪心mode)酸梅醬同平時食既好唔同，唔會好粘結，味道足以緩和燒鵝既油膩感本身見到桂香切雞都好吸引，黃油雞特別好食不過今次無緣，唯有下次多啲人食飯先再買！

斬大舊叉燒，燒腩仔，燒鵝，白切雞，大家都耳熟能詳，港式燒味可說是衝出世界，有時去到外國也想吃燒味飯，彷彿吃燒味飯就令我想起香港。棋哥燒味飯，燒鵝皮香脆，而肉汁豐富，沾一點酸甜汁更帶出鮮味，每一口也可吃到鵝肉的纖維感，鵝的油香在口腔內慢慢滲出來，另外的主角是米飯，飯裏也沾上了鵝油，簡直使一啖接一啖，不能停下來。脆皮燒腩仔飯，燒腩仔最重要是哪一層入口鬆化的皮，而一層肉一層油就另人非常滿足，不能不提芥辣，芥辣跟燒腩仔就是共生的，可以說是絕配。最後阿姐推介的無加味精的合掌瓜湯，只需加三蚊，就可享受沒有味精的湯，真的超值，湯料很多，湯也非常甜。味道: 好吃，一吃再吃環境: 乾淨衛生: 整潔服務: 尚可抵食: 超值