格格府御膳 (已結業)

最排朋友超迷延禧攻略，今次趁佢生日，就特登揾咗呢間格格私房菜慶祝，等佢享受下做皇室貴族嘅感覺！呢間餐廳除咗有特色中菜，最特別嘅係仲提供埋唔同嘅古代服裝，女仔可以著住格格裝打下卡，男仔又可以著龍袍扮太子，鬼馬啲仲可以扮卒仔。餐廳仲有唔少打位，係梳妝枱前影就最有feel!同朋友揀咗一個二人套餐。江南三小碟前菜係三款冷盤，有醉雞、燻蹄同雲耳，三款都係帶酸，食落好開胃，醉雞同燻蹄酒味好香醇，但雲耳先係我最愛，夠爽口。黃金大哥蝦球叫得大哥，個份量果然有返咁上下，鴨蛋黃嘅香包圍住整個蝦球，新鮮炸起，切落去，仲冒緊煙。菊花豆腐湯未飲已經心心眼，覺得好考力功，將豆漿切成條狀，呈現菊花，好靚。松子桂花魚一直都知呢道菜好難煮，去骨、剖花，油炸，樣樣齊，但淋上酸酸甜甜嘅糖醋汁，開胃之餘，仲keep到魚肉口感鮮甜同脆嫩。松露醬獅子頭松露醬煮獅子頭係一個幾特別嘅煮法，松露嘅味道滲入咗大白菜，散發淡淡嘅松露香。宮保雞丁呢度嘅宮保雞丁同外面有少少唔同，冇用到腰果一齊炒，而味道亦唔會太辣。高湯浸菜苗套餐必備嘅蔬菜，健康飲食～香橙伴大海呢個係我第一次聽嘅甜品，將香橙皮切成細粒狀，伴大海微稠嘅質感好似燕窩咁，慢慢滑入，感

捐窿捐罅搵野食，今日來到銅鑼灣這幢較少來的地帶cubus大廈覓食。甫入到餐廳已見識到其魅力，地方闊偌，氣派非凡。一聽格格府這名已知道這是吃中餐的地方，裝潢想當然是走中國風，大大個紅燈籠高高掛。格格的梳妝台？😂到處都可見中國風擺設: 噱頭之處是餐廳更預備了多套古裝讓食客即場換裝，連頭飾也有，可以換上一整套格格服享用食物。隔離枱的食客有好幾個小朋友玩得不亦樂乎。餐具高質細緻！馬上點菜醫肚！原本想吃砂鍋雲吞雞，不過餐廳說雞🐔未送來，今日這餐吃不了，有些許失望😢。提醒大家想吃的菜記得打去餐廳確定能有得吃，可能要預約，不要像我們這樣失望而回。前菜是楓葉四小碟 雞絲粉皮勝在醬不會太多，配上青瓜吃清新口感醒胃！醉雞 - 雞肉嫩滑，酒香味濃！陳醋木耳 - 酸酸的開胃小菜，不算特別涼拌青瓜 - 少少偏咸陳醋肴肉 - 這上菜名菜有驚喜！咸豬手肥而不膩，肉質鮮嫩，啫喱水晶入口即化，試得過桂花豆腐湯入口已嚐出濃濃的雞湯味！清香味濃卻沒有雞湯的油膩感，味道恰到好處。能把豆腐切成一朵花，師博刀工可見一班！獅子頭 爽口的生菜包裹著大大顆肉丸，份量十足。肉頗嫩，獅子頭一向多肥肉，不過這肉肥而不膩，加上生菜更中和了肉的

最近全城熱追宮廷劇，令為食嘅我都揾咗間皇宮格調嘅餐廳用饍，過吓劇引，格格府御饍位於銅鑼灣cubus。大紅招牌，氣派非凡餐廳也提供 古裝宮廷服比客人影相留念增加用餐氣氛但小人太肥唔好意思上鏡。格格梳妝台，不同頭飾也可配戴入座後單單枱上餐巾已有與別不同嘅感覺，但餐具上嘅花紋反而令我有種西式古曲味扮晒有品味，睇反餐牌介紹，餐廳主張不加味精，飽和脂肪將中國不同省嘅文化特色，例如北京菜，上海菜同四川菜炮製比客人。而今晚所點由頭盆小食至甜品都有，就睇吓滿意度如何涼拌海參，海參厚薄適中，相信師傅之前已將它炆煮過，所以口感爽彈，簡單調味，咸味似清湯嘅咸，拌勻海參好食，但價錢也相對貴。黃金大阿哥蝦球，咸蛋醬包圍住炸脆嘅巨型虎蝦，份量十足，蝦肉保持嫩滑，鮮甜十個滿足$360/4隻，點餐時原本覺得偏貴，見到實物後絶對值回票價松子桂花魚，這度菜也很不錯，魚肉炸得金脆，而肉嫩汁留，汁料濃度也剛好掛在肉上好食高湯浸菜苗，中規中矩格格府炒飯即係佢哋嘅招牌炒飯，對我而言賣點應該在超級多料，不倫蝦仁或者帶子每啖一定食到幾粒最後甜品有酒釀丸子同呢款香橙胖大海，呢款就較特別，較少機會食到，有羮嘅口感，橙香味嚟自橙皮，確實有

今日去咗一間高級格調嘅中餐廳, 享受一個美味晚餐之餘, 仲可以角色扮演添, 近期延禧攻略非常之火紅, 我有機會可以扮一個皇上角色, 清朝嘅服飾畀大家一齊玩cosplay, 有得食, 有得玩, 非常之過癮!至於晚餐我哋就叫咗個二人餐, 有八款course, 首先就食咗江南三小碟 , 三個冷盤, 有豬手, 有雲耳, 再加醉雞, 斟咗花雕酒, 非常之香醇 , 豬手入口非常之彈牙!之後就食一個黃金大阿哥蝦球, 就係黃金蝦! 配合咗鴨蛋嘅黃金蝦,  蛋黃蝦香, 令到蝦球生色不少, 外脆內彈牙之後又飲過菊花豆腐湯,  豆腐切成幼條, 成個菊花狀, 非常之靚, 入口清甜之後就食過 松子魚,  配合咗甜酸醬嘅松子魚, 酸酸地, 幾開胃之後就食個松露獅子球,  獅子球配合咗松露, 食法非常新穎, 松露嘅香令到獅子頭生色不少獅子頭,  咬口非常之入口即溶嘅感覺宮保蝦雞球, 辣辣地, 幾開胃, 最後就食過香橙胖大海, 將橙皮砌成粉狀, 令到呢個糖水非常之清香, 感覺滿足

《格格府御膳》 #食在銅鑼灣📍銅鑼灣開平道1號Cubus 5樓-大家有無延禧攻略上腦呢？ 會唔會想cosplay下娘娘過下癮？ 咁岩比我搵到呢間食飯之餘又可以滿足你扮娘娘嘅餐廳 仲有皇上同公公架好似每台都會cosplay下 所以大家要排下隊啦 有人玩緊就食住野先🤭 d餐具裝修同擺設都好有心思🔹東坡肉 $108一人一件岩岩好 醬汁甜甜地 仲好濃郁 厚厚嘅肥膏🤤 加埋煮淋左嘅肉 好味🔹糖醋魚柳 $208酸酸甜甜 新鮮炸起嘅魚柳 脆脆der~ 不過粉漿唔算薄🔹麻婆豆腐🔝 $118同平時食到嘅麻婆豆腐有d唔同 佢真係夠麻夠辣豆腐好滑 用黎送飯一流 連d肉碎都好入味🤘🏻 🔹高湯菠菜苗 $138又點小得食返碟菜呢～ 清清地 連個湯都可以飲埋🔹桂花酒釀丸子 $68/位桂花味同酒味做得幾平衡 丸子細細粒方便食用絲苗白飯 $18/碗；茶位$10/位 環境：8/10服務：9/10味道：8/10

契媽就生日，咁就緊係要請佢食返餐啦今年特别啲，決定同佢黎呢到慶祝！！！因為呢度有唔少宮庭服可以任著任影，食前食後都可以慢慢影仲有唔少飾物道具可以用黎增添真實感添影完一輪，我地就點菜開餐啦有套餐亦有散叫，我地個晚就無叫套餐，散叫左d心水黎share先要左碟“陳醋木耳”HKd$98+10%黎開開胃主菜之一就由契媽發牌要左個“酸菜桂魚片”HKd$368+10%桂魚魚片份量多，魚肉亦好嫩滑當中仲有我最愛既煙韌寬粉之後我就要左份“紅燒牛肋肉”HKd$188+10%牛肋肉入味，肉質鬆化，下飯一流最後仲要左碟“上海炒年糕”HKd$148+10%做主食上海年糕片質感Q彈，醬汁味濃，份量唔會太多，兩三人分吃就岩岩好因為要留肚切蛋糕，所以就無order甜品啦契媽對呢晚有得食有得影既安排都好滿意

睇完古裝戲就好想扮演角色，要做梗係做高級㗎啦，就做格格啦。今次突登去呢間餐廳🍴影格格相😍見到一入門口有好多衫褲可以揀，又皇帝有獄卒有格格衫，我同朋友一人一件，仲有頭飾可以影相。😍見到個餐牌都有唔少嘢食，可以單叫同叫套餐。經過精密計算，覺得叫套餐可以食多啲野😚🤔個套餐包括有江南三小碟、黃金蝦球、菊花豆腐湯、桂花魚、獅子球、宮保雞球、高湯浸菜苗、香橙胖大海/酒釀小丸子江南三小碟有木耳、酒釀豬手同雞。覺得個酒釀豬手酒味重，仲有好多筋部，感受到骨膠原。黃金蝦球見到個蝦球好大隻，需要用刀切開，啖啖都係蝦肉，出邊嘅黃金，好有咸香菊花豆腐湯個豆腐真係切到好似菊花咁，味道清香桂花魚一睇就知道個做法一啲都唔簡單，外表精緻，味道係酸甜，皮脆肉嫩高湯浸菜苗食完咁多餸係需要食菜💃🏻香橙🍊胖大海鐘意食呢個甜品，好潤喉，入口輕嚼有陣陣橙皮，好舒服

今日同朋友黎到銅鑼灣既格格府食lunch餐廳門口已經好靚，簡潔有氣派 𥚃面更加有氣派，充滿中國風味擺放左多種中國古代用品嘅擺設，好有特色連餐具都非常精緻，餐巾更加用格格帽裝飾，別具心思成個環境古色古香，睇得出餐廳對於環境佈置特別用心我同朋友都一人叫咗個午市套餐share黎食先來前菜雞絲粉皮，雖然係前菜，但係雞絲都幾多，粉皮口感夠晒煙韌，配埋濃郁嘅麻醬，好惹味除咗午餐之外，我哋另外再加咗個蒜泥白肉，雖然係肥肉，但係一啲都唔肥膩，反而肥肉部份好爽口，點埋特製嘅辣醬，味道濃郁，配埋底下嘅青瓜，令到成個感覺好清新菊花豆腐湯，睇得出師傅嘅刀工好厲害，可以切出咁幼細嘅豆腐絲，個湯好清甜。醬燒牛肋肉，牛肋肉嘅肉質好腍，而且牛味好出，醬汁嘅味道好濃郁，同牛肉好夾，送飯一流菜膽獅子頭，豬肉味道好新鮮，而且咬落好有肉汁，醬汁唔算好濃，清清地反而更加突出豬肉嘅香飯後甜品我哋揀咗桂花酒釀丸子同埋香橙胖大海。酒釀丸子嘅酒味都幾出，但係又唔會蓋左桂花嘅香味，小丸子口感煙韌，幾正。而香橙胖大海，橙味香濃，唔會好甜，唔錯！

看過好幾位身邊朋友到訪好像好好玩似的 所以決定在中秋帶家人去過節提早一天預約也還有位因為小朋友一起吃預約了六點半的位置點了八人餐但這裏的份量真的很大八人餐應該足夠12人吃味道當然不可以和米之蓮相提並論但家人吃飯這裏大件夾抵食黃金蝦不錯只是太大件醉鵝肝幾有特色菊花豆腐湯刀工非常好重點不在吃在於和媽咪和妹妹扮格格媽咪真係好開心但我們家裏的男士都對這個沒什麼興趣我覺得像這樣的特色餐廳不錯一家人輕輕鬆鬆吃餐飯還可以玩一晚 一家大細都開心

同8月之星食晚飯啦一齊做白老鼠去試呢間中菜裝修就唔錯嘅佈置都好好嘅仲俾我地遇到男神吳XX咁當然人地坐貴賓房 官保蝦球隻蝦好大隻呀大隻到用我手掌差不多一樣大咁就個汁一D都唔辣蝦都爽嘅但就冇咩蝦味 雞絲粉皮普通野醬唔算好吸引咁雞絲同粉皮都係咁上下嘅正常野 酥炸銀雪魚銀雪魚就點都滑架喇咁都唔會食到成口油不過不失 雲吞雞原半隻咁上所以要自行分雞濃雞湯味但唔算多油 整體不過不失但就唔吸引去多次食嘅地方題外話佢地應該有提供格格衫俾大家著黎影下相但我地就冇玩喇

早幾日book左呢間餐廳打算週年紀念日去食! 見新餐廳 又多有好評 一心抱住期待心情去試！但岩岩再打多次去餐廳 想準備甜品寫字比驚喜老公!佢話無得寫字！唔緊要！我明白中菜係難有得寫字！再問有咩甜品可以當日加支蠟燭呢？講完個甜品名(唔記得叫咩名）我答好 麻煩安排呢個甜品加支蠟燭比我***電話個員工唔耐煩既語氣竟然同我講 你當日叫呢個甜品都得 到時你叫同事幫你加蠟燭真係O咀！先生 咁小既要求依家都唔可以幫忙提早mark底安排？咁我特登打電話黎做咩？咁小既要求都做唔到！真令人失望既服務！

格格府環境凊幽，拳頭咁大的咸蛋大蝦、炸香蔥雞、黑松露獅子頭，食到大家，食完重有cosplay 玩，可以扮吓格格、皇上、皇后，大家玩到唔捨得走。下次再去要試吓東波肉先!

食物水準一流, 又可以同一班朋友玩清朝crossplay, 瘋狂地扮演格格, 絕對係聚會好地方! 值得推介係拳頭一樣大嘅蝦碌, 色香味俱全. 難得價錢適中, 下次再同家人一齊去! 😊

好友生日飯聚，來到銅鑼灣新開張的格格府御膳!楓葉拼盤鎮江肴肉👍🏼👍🏼👍🏼宮保大阿哥蝦球真係好大隻呀！😱😱爽口、彈牙👍🏼👍🏼個汁酸甜適中，比例非常好！🤤🤤🤤菊花豆腐湯睇得出師傅功力嘅一道菜👏🏼👏🏼👏🏼醬燒牛肋條😋松子桂花魚 👍🏼皇城蔥油雞👍🏼👍🏼(我明明平時唔食蔥，今日竟然將啲蔥食晒)😅格格炒桂花 👍🏼師傅功架真係唔錯，炒得够干身👏🏼👏🏼👏🏼干煸四季豆 👍🏼砂窩雲吞雞 😋😋香橙胖大海(視覺效果贏晒！但食落平平無奇，略為令我失望)

餐廳環境優雅，古色古香，有好多可以影相嘅位，明顯有特別設計過，帶朋友食中菜就啱哂，尤其外國朋友，一定鍾意。侍應服務貼心，有禮，招呼唔錯。菜式相當精緻，味道唔錯，尤其宮保大阿哥蝦球、醬燒牛肋條，好值一試，桂花豆腐湯，刀鋒勁，賣相幾好，味道清清地，可以。甜品桂花伴大海好好食，至於格格府炒飯，雲吞雞味道係可以，但無咩驚喜。晚飯每人平均400-500，係銅鑼灣食飯係呢d價錢，食環境同格局，一句講晒，銅鑼灣價錢。