校長燒肉日韓料理 (觀塘廣場)

營業中

休息中

這間位於觀塘的放題店非常抵食，一個價錢兩種享受，燒肉加火鍋任食唔嬲。店舖非常大，座位又寬躺。自助食物區的種類繁多佢，有日式刺身區，有專人即叫即切。中式蒸點心有小籠包、粉果及燒賣。燒烤肉類應有盡有，有美國肥牛片、孜然香辣豬腩片、牛仔骨、秋刀魚及鯖魚等等，多到試唔晒，食物水準係完全OK的。熟食區有螺、青口、丸子、紅蘿蔔牛腩及瓜菜類等，味道不俗。甜品區也很精彩，有椰汁水晶粉、蝶豆花果凍、泡芙及豆腐花等。飲品花茶區有16款，還有清酒及梅酒任飲，最精彩係啤酒都任飲，仲有6款以上供選擇，所以真係抵食。

觀塘廣場15樓食肆都有幾間，校長個名好有威嚴，火鍋任食放題一於入去嘗試下， 睇睇校長嘅威望先， 一入門口，左右兩邊分開走，都好大地方，人流都好旺，枱枱見客滿，我哋呢次坐到好入好入好入，原路客人出出入入，都見到好旺好旺嘅，座座坐無虛席。睇下有啲什麼食材先。呢度有日本式有燒烤 有壽司、仲有魚柳、蟹柳壽司、三文魚壽司 又有肥牛和牛又有燒腩肉，又有熟食部落嘅嘢，熟食六七款中菜又四五款，光吃已飽了。 飲品更加厲害，你想飲乜茶都有，咖啡奶茶，仲有凍飲品任飲任食，啤酒任飲，仲有 燒烤食品，鍾意食幾多攞幾多，唔好食唔晒就得啦，仲有啲餃子，一盤一盤擺喺度，係日式餃子呀!仲有熟食上面都有好多款六七款，熟食中式嘅任你食。甜品有雪耳有布丁，真係好多品味，再加埋雪糕，雪糕有海鹽，有紅豆任食呀，仲有榴槤雪條紅豆雪條， 甜品有六七款，仲有泡芙呀芝士蛋糕，個肚真係食個不停。個零鐘頭食到個肚都放唔落，咁就唔係難為個肚，食得落就，這一餐食得非常滿意，咁嘅價錢，二百零蚊落樓算係咁啦。

今日朋友來官塘找我食午餐，就去了一間很抵食的韓燒放題，這裡地方很大，全部食物及飲品都以自助形式，任人自由選擇。烤肉款式很多及不同的味道～香草雞柳，肉質嫩，很有肉汁。秘制叉燒，醬汁味道很好，不太咸，剛剛好。薄片豬腩肉，燒出油份後，特別香。豬頸肉，肉質爽口，味道很好。一口牛柳粒，肉質嫩，有牛肉味。蔬菜類種類很多～鮮菇，雞肶菇，三色椒都非常新鮮。菠蘿燒後特別多汁，鮮甜。南瓜及日本蕃薯仔，好甜好好味。另外還有各式各樣的熱盆～炒時菜，豬紅及豬腳薑都有。甜品有啫喱，奶凍，大菜糕，布丁及蛋糕仔，每款都很好味。

之前在觀塘返了幾年工,都不知道原來在觀塘廣場有一間性價比非常之高的日韓燒肉放題,更過份是今次去試過先知道價錢同時包括了火鍋放題,真的抵玩！一入餐廳地方都非常闊落,基本上每枱之間都有著非常闊落的間距,非常適合三五知己一齊傾計,地方都算整潔,就算以燒肉作為主打,也不見得立黐黐。出去看看食物選擇,基本已經分好每個專區,包括為燒肉而設的烤肉區,豬牛雞羊應有盡有,而且用上不同醃料適合各客人口味,肉類都非常新鮮,烤完配合少少醬料已經好美味。當中亦都不乏海鮮,其中個人非常喜歡靖魚,冇骨啖啖肉之餘, 每一啖都充滿魚油香,所以吃不停口。火鍋區同樣屬於自助形式,出去拿個火鍋煲,加入一款自己喜歡的湯底,在火鍋區拿一些配料就可以,,湯底相對比較日式,味道較清,更能突顯食材的鮮味。熟食區同樣充滿驚喜,蔬菜小炒味道都出色,而且不定時換款,不過個人最鍾意都是有提供充滿港式的小食,例如茶葉蛋及碗仔翅等。飲品區都提供不下十款的各類飲品。甜品區的最大發現是有充滿懷舊色彩的鮮水果冰,更加有西瓜和菠蘿等選擇,非常滿足！

今晚約咗朋友響觀塘食晚飯，揀咗嚟呢度食放題，有得食韓燒，又有火鍋，大家鍾意食咩就食咩，食物種類多多，而且價錢好實惠，性價比高。一嚟到就巡視下有咩嘢食先，都真係好多種類，首先拎咗刺身先，有大大隻嘅赤蝦，三文魚，八爪魚，希靈魚，螺片等等。赤蝦超大隻又鮮甜，好有驚喜。赤蝦係限住每次攞一隻，拎多幾次就回本。我哋一d生食，一d拎黎燒，一d火鍋，超正。食完刺身之後我哋就開始燒嘢食，出邊凍肉裏有好多各式各樣應有盡有。我哋主力食牛扒，咖喱雞扒，魚柳，泰式豬頸肉，雞翼，帆立貝等等。啲肉類都醃得好入味，牛扒肉質腍滑，質素唔錯。魚柳好厚身，燒到外皮焦香，內裏保持肉汁，好味。蔬菜類都有唔少選擇，有菠蘿，翠玉瓜，洋蔥，蕃茄，牛油金菇，牛油、粟米等等。火鍋方面，我哋要咗豬骨湯底， 赤蝦用嚟做火鍋，非常鮮甜，而且肉質爽口彈牙。丸類方面，我就鍾意芥末魚蛋。火鍋點少得食肥牛，但因為燒烤食咗好多牛扒，我哋都只係食少少。之後就食吓啲蔬菜類，例如蘿蔔同埋生菜。出邊自助吧其實都有好多熟食，例如點心就有燒賣，小籠包同埋粉果，另有好多炸物，仲有忌廉青口，滷水雞翼等等，花多眼亂。甜品櫃都有好多自家製嘅甜品，例如奶凍之類，我就太飽冇試

今晚突然間好想食燒肉，話說呢幾年疫情真係好少去食燒肉，原來觀塘廣場上面有間校長燒肉，價錢相宜，而且仲係任食任飲。刺身、壽司餐廳食物嘅種類同款色都幾多選擇，刺身有三文魚、希靈魚、墨魚片、魷魚等，而且還有赤蝦，味道新鮮甜美。炸物炸物都幾多款，當中我就最鍾意食脆卜卜嘅春卷，而我朋友就比較鍾意炸蝦片和炸薯條，熱騰騰進食口感香脆，而且仲有自助醬汁，非常周到。另外仲有炸香蕉，呢個真係好得意同埋未見過！燒肉呢度提供嘅燒肉實在太多！牛、豬、雞、羊想要咩肉類都有！而且仲有好多唔同嘅醃製味道，例如有韓式辣醬、咖喱等，真係叫人食到飽為止！熱食、火鍋熱食方面，我冇特別影相，不過嚟到呢度當然係食燒肉為主啦！而且雖然餐廳與燒肉為名，但其實仲可以選擇火鍋。不過今晚真係主打食燒肉。點心都有任食啲點心一直比蒸籠蒸住，確保個溫度keep到。甜品、雪糕、飲品呢度嘅放題真係應有盡有！我飲品我要左無糖嘅茶，甜品我就是咗個雞蛋布丁蛋撻，雪糕方面竟然比我遇到我最鍾意嘅伯爵茶雪糕味，佢標榜住係用日本牛乳，口感香滑，另外仲有幾款水果冰，例如西瓜冰、哈密瓜、冰和菠蘿冰，真的叫人非常滿足呢！

臨近冬天，唔儲多啲脂肪點抵得寒丫😆 有一間適合大吃大喝嘅燒肉放題餐廳，食物種類多不勝數，中西日式都有，又可以打邊爐又可以燒肉❤️ 場地過千尺，食物keep住refill👍🏻 燒爐有塊牛油紙墊住唔怕癡底👍🏻 醃豬頸肉，咖喱雞翼，韓風雞翼，雞軟骨都好入味😆 五花腩調味豐富值得再食！丸類款式好多，芝心丸，蟹柳等等一定會食，仲有雞肉腸，香草腸，台灣腸，鐘意食腸之人一定鐘意燒腸仔🥰熱食嘅豬紅同辣海螺水準正常發揮👍🏻 沙律選擇新鮮選擇又多👍🏻 刺身款式有五款左右，三文魚剌身最正常😂 好肥美😆 座位夠闊枱夠大，一次過拎哂啲食物，放唒係枱就唔洗行幾次咁麻煩啦😃

校長燒肉係好幾個地方都有分店 今日嚟到觀塘分店食燒肉放題 晚市呢度除咗有燒肉之外亦有火鍋同刺身 仲有熟食/點心/炸品/沙律/甜品/水果/壽司等等 不能盡錄 飲品選擇同樣多 除咗有普通紙包同罐裝飲品之登 仲有啤酒任飲添 呢度嘅自助區範圍都幾大 刺身當日試咗牡丹蝦三文魚 牡丹蝦每次限一人拎一隻 我哋仲攞咗幾隻嚟燒 非常鮮甜爽口 蝦頭有汁 好好味燒肉種類非常繁多 例如有豬頸肉/雞翼/牛扒/雞扒/魚柳/豬腩肉等等 我個人尤其推介豬仔骨同牛仔骨 除咗肉類亦有啲蔬果/菇類可以燒 蕃薯仔/杏鮑菇/翠玉瓜/菠蘿係我哋嘅首選 可以中和油膩感火鍋我哋簡簡單單攞嚟煮菜同丸類食熟食當日有碗仔翅/炒青口/辣酒煮花螺/豬紅/炒菜等等 碗仔翅d料都幾多 有素翅木耳肉絲 飲落口感好豐富 炸物有薯條/麥樂雞/芋圓波波/餃子 尤其芋圓波波煙煙靭靭 女朋友好鍾意食甜品除咗有雪糕雪條之外 仲有菠蘿冰/哈密瓜冰/西瓜冰/蛋糕/啫喱同埋大菜糕等等 大菜糕唔會過甜而且既爽口

舊同事生日，已經兩年冇慶祝，難得今年疫情放寬，可以約埋幾個好朋友聚一聚，之前我哋都去過荃灣校長燒肉日韓料理食過，放題食物種類多，兩小時任飲任食都係二百零蚊，大家都有興趣返尋味，住喺官塘嘅壽星公話觀塘廣場有分店，可以過去試吓！餐廳位於觀塘廣場15樓，佔地面積都很大，座位之間都很寬闊坐得也很舒適。設有自助區，數拾款肉類及丸類想食燒烤又得！ 想食火鍋都得。食物擺放整齊，清潔衞生。烤肉及火鍋區：各款牛肉、豚肉、雞肉、魚類、火鍋丸類及蔬菜類。壽司區：有刺身、壽司、卷物等，刺身更有專人負責，確保食物新鮮衛生。沙律吧：有各式沙律菜、泡菜、漬物等各種前菜任配任搭。熟食區：有中式、日式等佳餚，熱辣辣香噴噴。小食區：有炸薯格、炸雞件等。點心區有：蒸燒賣、蒸餃子、小籠包、特色包點。甜品區：有多款特式甜品:啫喱、各式奶凍、雞蛋布甸、大菜糕等及多款口味雪糕雪條。飲品方面有汽水，啤酒，清酒，梅酒，花茶等，總有一樣啱口味。有些肉類已有調味, 燒起黎好香口。雞翼嫩滑入味、芝士腸彈牙、燒完條秋刀魚又香又美味，燒菠蘿香甜多汁。牡丹蝦和魷魚刺身非常新鮮，而且鮮甜彈牙，三文魚肉質細嫩鮮美。壽司都唔錯，唔會馬虎。炸物香脆可口，

開心星期五，跟友人一起來一個大滿足放題，最喜歡校長難得有齊燒肉，打邊爐，壽司魚生還有熱食。😋我們來的時間尚早，不需等太久就已經可以入座，環境很寬敞，兩位也被安排座大大張卡位，沒有壓迫感，沒有油煙味，乾淨整潔。首先，我們出去拿飲品，飲品櫃超多選擇，但是燒肉當然是喝啤酒最爽，而且還是無限飲的。之後，來一點沙律菜開開胃，沙律菜十分新鮮，清爽鮮甜，還可自己加喜歡的沙律醬，再來就是刺身，三文魚很新鮮彈牙，還有是巨型刺身蝦，甘甜有鮮味。輪到主角燒肉，選擇真的不少呀，一口牛，牛扒，雞扒，豬扒，羊扒，魚類…….應有盡有呀，每樣都拿一點，特別喜愛燒雞翼，雞肉多汁鮮嫩，外皮香脆，每款醃得都很入味，燒出來香噴噴😍😍肉類吃膩了還可以燒一下日本番薯仔，甜甜的，大愛，難得還有燒菠蘿，溏心很甜，一點酸味也沒有。值得一讚是燒爐上放一張牛油紙，這樣不怕燒久了會粘底，隨時還可以叫服務員更換油紙，很貼心。燒肉吃膩了，便用火鍋吃點蔬菜，生菜很新鮮，爽脆，減一減膩。我們還捧場了一點熱食，炸物。蒸帶子，青口，炒菜，炸蝦片師父剛炸起被我看見，馬上拎一碟，超級脆卜卜。最後還可以沖杯自製花茶，熱茶消滯，16款茶料自己配搭，沖了一壺檸檬

和朋友相聚當然是吃放題，吃過痛快校長燒肉有燒肉和打邊爐兩重食法都有，最適合我這種什麼都想吃一點的人餐廳內位置算多，空間感十足餐廳中間便是放食物的位置，真的有很多款式，一看到就想每樣都拿回去試！有日式刺身和壽司，絕對是回本之選，赤蝦每次可取一隻，有手心甘大隻，十分鮮甜食物是自助形式，有幾十款食物除左生的食物，當然還有熟食。有炸物包括麥樂雞，炸芋丸，炸香蕉年糕。炸物十分香脆可口，不會很油膩燒肉方面要推介燒菠蘿，十分香甜多汁打邊爐邊面亦有三款湯底，選了出面比較少有的壽喜燒湯底打邊爐必食一定是肥牛，肥牛肥瘦適中，是食肉獸至愛甜品方面竟然有冰生果，吃了冰菠蘿和冰密瓜，是炎炎夏日的最佳甜品校長燒肉食物款式眾多，性價比高，是和朋友相聚的好地方

校長燒肉風頭一時，觀塘舖搶左之前嘅千賀水產黎做，大家嘅做法其實大同小異，環境、座位、食物、質素其實冇乜分別生嘅食物類都好多選擇，餐肉、腸、丸、火腿、蔬菜、瓜豆。。。。豬扒、雞翼、鯖魚、秋刀魚、牛仔骨。。。飲品豐富，罐裝啤酒種類多，連健力士黑啤同喜力都有重點係呢個生啤，全晚都唔太覺有人飲，我都戴返頭盔問問職員，屬於任飲類先去酙黎飲！有濃郁嘅花香水蜜桃香，酒吧HH一杯最平都$38啦炸物區有麥樂雞、春卷咖喱角、紫薯丸、牛角包等等熱盤都正，會輪流替換，有燴牛尾有椒鹽三文魚骨腩韮菜豬紅送嘅拼盤就一般般啦，扇貝同蠔細隻，虎蝦可以，牛係肩胛位，燒完都有啲韌，大家記得落鹽調味😂刺身位記得問職員攞貼紙貼當眼位置先可以任取，每次每款都只比三切。壽司定時又會出特別款式，火灸三文魚同花之戀以$238食3小時真係算抵食兼夠時間

校長燒肉有幾間分店 今日黎到位於觀塘廣場方店 觀塘地鐵站過黎好方便第一次黎 見到每枱有兩個烤爐同一個電磁爐 因為我地兩個人 開一個烤爐都夠 呢度既烤爐會放上一塊牛油紙 方便更換 好聰明一黎就去左刺身壽司區拎左d三文魚刺身 鮑片刺身 同壽司 賣相好吸引 仲有其他餐前小食：中華沙律 麻辣雲耳炸物種類都好多 春卷 麥樂雞 薯條係少不了之後去左燒肉專區 有多款類任君選擇 好多都醃制左 連調味都唔使 好方便 最愛秘制叉燒同韓式大醬牛肉片 燒完一次又一次燒都甘上下 原來係要自己出去拎個煲黎打邊爐 可以自己揀一個湯底或者鴛鴦 當然會揀鴛鴦鍋 可以一次過試兩款湯底 我揀左壽喜燒湯同韓式辣湯 湯底都係自助形式 火鍋材料應有盡有 打邊爐必備既丸 肉 菜同餃都有最後當然要燒埋最愛既菠蘿 超甜食完燒菠蘿 再食埋甜品同雪糕 大滿足了

今日和女兒到觀塘逛街街，阿女帶我到校長燒肉日韓料理吃晚餐，真的很有驚喜。這裡是自助形式，食物包羅萬有，有韓式燒烤、火鍋、刺身壽司、沙律前菜、炸物、熱葷、點心、多款甜品；飲品有啤酒、梅酒、清酒、各式盒裝飲品、自選花茶；款式繁多，不能盡錄⋯⋯燒烤區：豬牛羊雞有齊，肉類新鮮，入口好稔，有辣有唔辣，醃得夠味，食肉獸一定比like👍🏻火鍋區：有多款丸類、蔬菜、菇類、粉麵可供選擇，食物新鮮，湯底有三款選擇：豬骨湯、壽喜燒湯，和韓風辣湯。連素食者朋友都可以一起來，他們也有多款選擇。沙律前菜區：酸薑蕎頭、酸蘿蔔、蕃茄仔、沙律菜、青瓜、韓式前菜…….應有盡有，吃一點點好醒胃呀！刺身壽司區：這區當然是排隊區，有甜蝦、仿鮑片、螺肉、三文魚、希靈魚等，刺身新鮮，入口甜美，無限次任食，正！熟食區：這區也有很多選擇，除熱葷外，也有點心、炸物、中湯，全部都新鮮熱辣辣，適合長者食用。飲品區：除了有盒裝、罐裝飲品外，也有啤酒、清酒、梅酒，配搭烤肉來飲，確是一流👍🏻甜品雪糕區：這區多達數十款式之多，有奶凍、啫喱、布甸、泡芙、雪糕、雪條，任君選擇，味道不甜，細細杯可吃多些款式，一定能滿足女孩子的第二個胃。花茶區：共有十六款