校長燒肉日韓料理 (沙咀道) (已結業)

去左荃灣校長燒肉食放題，我地食下午5點至7點嗰場，埋單加埋一都係185蚊一位，真係抵到陣。呢度燒肉好多選擇，我就鐘意最三文魚骨、雞軟骨同菠蘿。呢度仲可以打邊爐，揀左壽喜燒湯底。刺身新鮮，三文魚好肥美，希靈魚爽口、泰式生蝦彈牙，仲有馬刀貝、螺片、鮑魚片、八瓜魚同蟹棒。呢度仲有點心食，蝦餃、燒賣、鮮竹卷、牛肉同排骨，啲點料好足料架，我食完又食。啲甜品都幾好食，芋香奶凍蜜糖牛奶雪糕好滑。仲有熟食區，有螺、豬手、炸薯條、炒西芹等等，太多野啦。呢度好特別，有得飲自己溝既花茶，好多不同配料，我就溝左一杯檸檬、黑枸杞、無花果、菊花、茉莉花同柑桔既花茶，好唔錯呀。呢度真係好多選擇，同唔同囗味既朋友黎都唔怕唔啱食。

荃灣校長燒肉 校長燒肉一直我都係非常推薦既，因為呢間食店就係一個價錢可以任飲任食，可以燒肉，可以打邊爐，任君選擇，而且位置好多，全部都係卡位，可以坐得好舒服。 我今晚去到已經有好多人排隊等入場，咁就知有幾受歡迎喇。上到去安排好坐位就可以自己去拎野食，飲品有好多個雪櫃，有酒精冇酒精既選擇都有。熟食方面，有好多熱盤，炒飯炒麵炒菜俾你揀，仲有一D小食可以夾，例如咖哩角，薯餅，香腸呢D即食香口野。 燒肉方面，不同口味，不同既肉類，不同厚度都有得選擇，雞、牛、豬每樣野都齊。如果燒肉太熱氣或者悶悶地，可以同時打埋邊爐，一樣可以照食肥牛，豬肉片呢D，非常豐富，仲有幾種唔同湯底可以選擇。另外蔬菜有很多種類，新鮮可口。最後都講下甜品，甜品嘅種類亦非常之多，布丁、奶凍、啫喱、蛋糕、雪糕等等樣樣齊全，只係睇你可以食到幾多姐。總括而言，性價比非常高，值得推介。

好耐之前都食過呢間～學生價都好平又多野食依加成人8:45後入座都有優惠 百幾蚊就食到🙈燒肉當然有肉類丸類海鮮類嘅自助區 都有多選擇雞翼都有好多種口味～ 除咗燒肉仲可以自己攞湯底打邊爐 一次滿足兩個願望出面都有唔少火鍋配料可以攞仲有刺身！呢個價錢有埋刺身食真係好抵😵攞咗帶子 大粒又鮮甜～飲品區除咗普通送題飲品仲有熱維他奶♥️幾得意仲有點心食 味道都唔錯我地見到嘅有排骨、燒賣、牛肉球我地最鍾意食雞軟骨～爽口入味其他肉類都同價錢成正比～性價比高

係openrice買左coupon78蚊，去到再加41，計番平左十蚊。不過以120蚊食2個鍾都好抵，有得燒烤，又有沙律，甜品，點心，熟食，熱湯同任飲。一分錢一分貨，校長的確好多選擇。個日去到撞岩有旅行團，開頭拎野食都有啲混亂，食食下周圍都係煙，可能抽氣唔夠勁，眼都痛埋，餐廳唯有開到個冷氣勁大😑。全餐最奇怪係，已經係餐廳一開第一轉客人，佢啲點心同炸物竟然係凍既😂建議唔好拎香草魚黎燒，咸到食梗咸魚咁。仲有個人蔘雞湯個日都係超咸。總括黎講，120落樓算係咁啦😊

好耐冇食放題啦，今日就同朋友食校長，之前食過都覺得抵食，質素又唔錯。都係好多韓式飲品，今次我就主要飲紙包飲品。刺身一樣好高質，三文魚好厚，唔錯！燒菠蘿、魷魚勁好味。個牛油粟米都好正，好香牛油味！我自己一個都食左3個！見到出面有湯，拎左人蔘雞湯。人蔘味好重。除咗燒肉，仲可以打邊爐。拎咗豬骨湯底，再落左肥牛、粟米、菜等等。食完燒肉，可以食邊爐，冇咁油膩。食飽野，見到有花茶，即刻沖番壺。有指示講沖既份量，都簡單易明。鹹蛋黃珍珠雪條好特別。初頭食覺得怪怪地，食食下又唔錯👍🏽

很久沒有去這裡吃東西了，經過附送就決定來吃東西吧。這次是在平日去吃的，在指定時段吃東西也會便宜一點☺。店舖環境裝修略不同了，劃分位置較以前的好，可以清楚看到每一區的名字，方便客人找想吃的。-💥晚市燒烤火鍋刺身自助餐 HKD$168，這時段有兩小時任飲任吃，在1900前買單會有刺身任食附送🙈。食物種類挺多的，包括：烤肉、壽司、熟食、炸物、點心、沙律、甜品及飲品。-肉肉方面選擇了韓風大醬牛肉片、黑椒一口牛、水牛城雞翼、土匪雞翼、漢堡扒及雞軟骨。每一款肉肉也預先調味，燒熟後不同放醬汁吃也可以🤤。醬汁味道香濃不咸，肉質不會韌。雞翼味道香口惹味，肉質嫰滑不油膩。雞軟骨口感爽脆，很喜歡吃這個😎。-另外選擇了壽司和刺身，食材色澤賣相新鮮，口感新鮮鮮甜。甜品有挺多選擇的，每一款甜品各具特色，味道甜而不膩。在這個天氣最好是飲熱飲，發現在樽裝的熱維他奶😍，很久沒看到樽裝版本。-📍

想食火鍋，有！想食燒肉，有！想食甜品，有！就係咁簡單啊！食肉獸黎呢度就最好不過，咩肉都有，雖然話質素唔算好好，但係勝在佢refill速度快，又多嘢揀，並且雪糕都不過不失，最緊要係性價比高，係朋友聚會好選擇

這間食店經常會經過，但從未試過，今天就去試一試。門口已經好多人排隊，以為冇位，原來裏面地方很大，坐位也多，而且非常舒適。坐低立刻取食物，無論肉類、蔬菜、熟食、刺身、火鍋類也非常多選擇，連飲品和甜品也非常多款式，果然沒令我失望。先每款肉類也選一點燒，想不到這裏不只款式多，用料也非常新鮮，非常入味，燒肉已令我非常滿足，但怎樣也要取些蔬菜解膩。當然不少得吃刺身和甜品啦，最後再加杯雪糕，飽晒。這裏任食2小時，價錢適中，值得再試。

話說前排天氣轉涼心思思想食放題朋友就搵左間價錢合理集燒肉同打邊爐於一身的放題校長燒肉cp值都幾高野食款式都幾多下 中.日.韓風味都有齊哂無諗過食放題都會有點心可以食到見到有流沙奶皇包.金錢肚同糯米雞感覺好待別開始韓燒前可以出去拎下d炸物.冷盤.沙律.熱盤.湯仲有sushi.sashmi不過朋友同我都唔食生野 所以就無試了望落都幾新鮮既亦都可以出去拎定火鍋湯底滾住先一鍋兩湯底:壽喜燒同豬骨烚定d菜打下底 (生菜.金菇.蟲草花.娃娃菜)咁樣一陣狂食肉都唔會咁唔健康哈哈哈哈韓燒食物可以叫包羅萬有我諗你平時食開諗得到既都有花枝丸.紅腸.午餐肉.雞軟骨.雞腎.牛扒.雞翼.豬頸肉餃子.煙肉.叉燒.漢堡.秋刀魚肉類佢地醃好.仲有唔同味道柚子醬.水牛城.黑椒.咖哩.照燒好怕醃好的 會好重口味 好咸但食落又ok飲品同甜品方面選擇真係幾多總有一款岩你不得不提 有枝裝維他奶呢個真係好少見 都無諗過食放題飲品竟然會見到佢餐廳都好貼心 唔係所有野飲都係凍既 有d係擺室溫既飲品方面 我最鐘意既一定係花茶區有成16款選擇自由配搭 仲有寫埋有咩功效一句講哂 夠哂貼心 <3甜品方面 啫哩.奶凍都係基本野雪糕雪條

唔知點解可以咁多嘢食見到自助吧超長嘅枱，未食已經好興奮🥰打邊爐燒肉蔬菜丸類，刺生花茶熟食湯壽司甜品糖水乜都有，心急唔想等就可以食住啲熱盤炸物先，應有盡有。最驚喜啲竟然晚上有點心，可以一盅兩件，真係兩件止的，不會多。蝦餃燒賣糯米雞牛肉排骨都有。打邊爐有三個湯底，自助，又有清水。遇上唔舒服怕熱氣嘅朋友可以自成一窩。有幾個細心為值得一讚1. 餐廳提供口罩袋2. 飲品有唔冷藏的，室溫飲品較好。3. 提供紙巾，張枱前面仲有空位，讓你手拿食物可以暫時放低，拎好匙羹牙籤飲管，先返埋位。唔使出嚟行多轉。早book位就可以有窗邊卡位

又發現了一間抵食吃到飽燒肉放題，食物選擇多得豐富，刺身，小炒，沙律，炸物，甜品包羅萬有，連火鍋都有，豐富過吃酒店自助餐。7:15-9:15都只係$218一個人，超級抵呀！所有食物全放在同一位置任取。吃多少取多少。炸物好香脆可口又美味。有春卷，炸丸，脆皮等等。連點心也有，有迷你蝦餃燒賣，樣樣精緻，亦給足料，排骨味道跟酒樓差不多。甜品區也很豐富，可以自製喜歡的雪糕，配不同軟糖。先吃了一點涼盤作前菜。中華沙律好爽口，涼拌云耳也很開胃。咖喱雞扒挺好吃😋 雞肉好嫩而且夠味，咖喱味香濃。很喜歡燒烤的原因是看着肉慢慢變熟的感覺很治癒。也可以按照自己的口味控制食物的生熟程度。雞翼也有三種口味，我最喜歡吃土匪雞翼。燒雞軟骨好香口。拿了我最愛吃的一碟辣酒煮螺，挺入味的。不過冷氣大很快便冷，冷了的螺肉變得很難取出，所以建議要即拿即吃。餐廳座位寬闊坐得好舒服。

一年總會到幾次校長燒肉，食物選擇多，性價比又高，人均$240就可以任飲任食兩小時。 肉類選擇多，來到校長燒肉每次必食叉燒，入味又軟腍，兩邊烤得微焦最惹味。 個人燒肉三寶:雞腎，雞軟骨和雞翼。三款都有醬汁醃過，雞腎爽脆，雞軟骨有咬口，也可中和一下只吃肉的膩感。 最愛校長燒肉的牛油粟米和金菇，牛油份量充足，有燒烤風味得來又夠方便，燒過後的粟米和金菇很香口。 打邊爐選了日式豬骨湯和壽喜燒湯，肥牛丸類等配料可以燒又可以灼，同時也可多吃蔬菜。 熟食取了熱辣辣中式點心，蝦餃雖然看上去較小隻，但也做到皮薄餡靚。 壽司自助任取，配料和飯比例適中，三文魚壽司帶油脂香，玉子壽司也香甜豐厚。 刺身每次取三款，頗為新鮮，三文魚還要是厚切，螺肉也鮮甜爽脆。 近來天氣適合飲熱維他奶，樽裝更顯誠意，是各式汽水果汁以外的絕佳選擇。 老火湯又是另一窩心之選，以放題來說質素有驚喜，味道濃郁又美味。 最後當然要吃雪糕，推介樂天的迷你雪糕批，朱古力脆皮配軟滑雲尼拿雪糕，一口氣吃了兩件。

今日去荃灣校長燒肉日韓料理食晚餐，我們訂了7:15的時段，可以兩小時食刺身、火鍋、燒肉、點心、甜品等，真是有好多選擇！一開始我們去到燒肉區有好多選擇，有基本的肉類還有我喜愛的多春魚。肉類方面大部分都醃過，不會過鹹，入口保持到肉原本的鮮味，特別要介紹他們的韓式五花腩，入口不肥膩，燒到外層脆脆地，有種外脆內軟的感覺！而火鍋湯底是自助形式，我揀了豬骨濃湯和壽喜燒，有很多不同的蔬菜可以選擇，等燒肉的時候可以繼續食！而店內的炸響鈴同炸魚皮，口感脆卜卜，我都取了很多次。店舖還有多款的點心和熱食盤選擇。飲品方面有很多不同的飲品同啤酒都是任飲，比較特別的是可以自己沖花茶，真是又健康又特別！刺身方面有三文魚、喜靈魚、馬刀貝等等，全部都好新鮮和爽口。到最後甜品是不可少的，甜品種類多，當中的檸檬茶啫喱和雞蛋布甸都是我最喜歡的，檸檬茶啫喱入口有濃濃的檸檬茶味，而雞蛋布甸就有好濃的雞蛋味，冰冰涼涼，食完燒肉後食，真是一絕！

最近天氣凍左好多呀❄️~~真係特別想食D熱辣辣的食物呢~☕️呢一晚決定食一樣好耐無食過的食物--韓燒!😍突然醒起校長燒肉日韓料理🌟，又日又韓之選，滿足最2個願望!-呢一晚決定去荃灣的校長燒肉日韓料理📍到的時間屬於黃金時段🧡╴由7點15分至9點15分，平日成人價錢@208 一位💕食物種類好多， 選擇包羅萬有🥩先說韓燒食物，也有不同的肉類選擇！ 例如是韓國大醬牛肉片、水牛城雞翼、黑椒牛扒、黑椒一口牛等等🥗🫓🥫不同款式及味道可以選擇！ 當中我大推韓國大醬牛肉片及燒魚🥫😍肉身嫩滑而有味道~而且仲有好多唔同醬汁，可以讓燒肉有更多唔同層次🧀🥨口感仲好豐富!加上冷盤小食仲有KIMCHI, 配埋D燒肉好好食😋-除了韓燒， 當然還有日式之選🥢而日式，當然不能沒有刺身呀校長日韓燒烤也有不同刺身選擇，例如三文魚、八爪魚🐙、墨魚🦑、帶子等刺身以任食來說都係新鮮同厚實，絕對可以滿足想食日本野的心情呀🌈-除左刺身、壽司外，當然仲有火鍋，連湯底都有唔同的選擇，我選了壽喜燒湯底🍱🫕配上牛肉、菇類、蔬菜等🥬🥦🥬好過癮! 同一時間有好多唔同的口味!而且即使日式火鍋配料選擇都好多呀!🧡💛-總覺得這家可以滿足到不同朋友的口味，如

今晚冇煮飯就落街睇吓食乜啦，涼涼地又想食吓打邊爐或者燒烤，行過見到校長燒肉又有人排隊，唔好理咁多排埋一份，好彩好快上到去！窗邊卡位坐得勁舒服，食嘢勁多選擇首先開爐燒咗韓燒先，燒牛肉同埋燒牛仔骨都係必吃之選，個人覺得燒多春魚好正嘅!食物調得剛剛好又唔會太濃味，淨係燒烤嘅食物已經有十幾20款可以選擇！服務員好好，完全唔使我哋出聲，已經自動自覺幫我哋成晚換鐵板！抵讚！今次竟然發現佢有蒸點心，明明記得上次係冇㗎！跟住攞返一個煲煮Sukiyaki，淥菜金菇肥牛都正，最緊要加返一個公仔麵補充一下澱粉質啤酒汽水任飲仲要有熱維他奶，唔蝕底都要飲番支最後梗係要食返兩支雪條雪糕做甜品啦