校長燒肉日韓料理 (沙咀道) (已結業)

很久未去過燒烤啦，今日專程約咗荃灣的朋友一齊到翡翠廣場校長燒肉日韓料理食燒烤及火鍋自助放題。餐廳自助放題有熟食、小食、湯及甜品、飲品、燒烤、火鍋放題，連壽司都有……，任飲任食、任取……，嘩，好開心~~熟食都好多款式，有小炒、小菜、炸物……等。要了一些喜愛的炸蝦、炸薯條、豉椒炒蜆、炒四季豆、炆豬手……等等，自助放題正式開始啦，我們來來回回取飲品、燒烤料、熟食等……，非常多款式，揀得好開心。自助區有非常多款式，肉類、腸類、丸類……等。餐廳除燒烤外，連火鍋都有，火鍋自行取湯鍋，湯底有多款選擇。燒烤食得非常開心，最喜愛牛仔骨、斑片、八爪魚、多春魚、沙爹牛肉、餃子……調味料非常齊全多款式，牛仔骨好有牛味，加上調味料更惹味。斑片肉質很軟滑。多春魚脆卜卜的，又香口。燒烤一輪又一輪，雞中翼又香又嫩滑，牛扒牛仔骨非常好味，食完一輪、又一輪的，食完再取。放題真係好多嘢食，除咗燒烤及火鍋，連點心都有，燒賣、蝦餃，真係好好味，食得當真開心~~最後我們用一個有史以來最豐富的水果及甜品作結尾，真的食得非常開心滿足~~~

今天囝囝放假約我一起午餐……他想吃烤肉我稍嫌"熱氣"想吃火鍋，不約而同想起"校長燒肉日韓料理"！ 位於荃灣沙咀道這間燒烤店選擇多元化。午市燒烤火鍋2小時，平日成人收費 $138 / 小童 $ 98非常抵食！五花八門的燒烤和火鍋配料一應俱全……熱騰騰的點心任食！多款壽司，甜品任食……所有食材擺放都整齊乾淨衛生！熟食區中還有滾熱的中式湯和糖水，炸物，炒麵和小菜。還有火鍋自選湯底，非常方便！火鍋的蔬菜十分新鮮！·我選了麻辣和豬骨 鴛鴦 湯底~母子二人各取所好，烤肉，火鍋滿足了我們倆的要求！吃得開懷十分享受！飲品區·除了各種汽水凍飲外還有多種花茶/茶葉供自助沖泡。二人享受了這兩小時的烤肉，火鍋放題吃得飽飽的，再泡一壼香茶感到完美！滿足！

好耐都冇食韓燒放題, 見朋友極力推介呢間校長燒肉, 大食妹一於走去試試校長燒肉嘅嘢食好多元化, 除咗一般嘅韓燒以外, 仲有日式火鍋同中式點心, 難怪咁有人氣基本嘅肉類同海鮮應有盡有, 仲有唔少嘅丸類同加工製品, 每樣食少少都好難食得晒全部點心就細細一籠, 蝦餃放得有啲太耐, 餃皮煮得太爛反而排骨肥瘦適中, 調味亦啱啱好甜品亦非常特別, 有唔少韓式同日式雪糕大食妹最鍾意芝士蛋糕雪糕, 雪糕裏面混合左粒粒嘅蛋糕, 特別得黎又好食

對上一次真係夠膽出去食幾個鐘頭飯，已經係12月嘅事，而家疫情第5波過咗，我同我的他先夠膽出山😎今次出山，梗係食放題啦，嚟到之前都光顧過嘅校長燒肉放題，因為之前食過翻尋味🤣因為今晚都好肚餓，一嚟到自助區，好多肉類，啱晒我哋食肉獸🤣上次無食火鍋，都想試吓，所以都點埋火鍋湯底，一於乜都有👍雪櫃有大量有特式的飲品任飲，我倆每人都飲咗好幾款🥰仲有好多款熟食任君選擇！辣煮花螺好好味，我都好鍾意蘿蔔牛腩😋竟然仲有點心區、炸物區、壽司區，一樣有多款食物選擇，但我哋今晚主攻燒肉、邊爐，唔食咁多呢幾款啦🤣燒肉方面，覺得紅酒牛扒好正，仲有只係牛肉都有唔同嘅醃法，我哋食咗好多款唔同味道嘅牛，大快朵頤😋我覺得麻辣雞扒、魚柳、雞腎、鴨胸尤其好味，真係好滿足😚唔飽得住啊！我哋光顧埋火鍋材料區，都係⼀樣有幾十款食物，我哋都攞咗幾款愛食嘅款式，肥牛、魚皮鮫、響鈴、炸魚皮，都唔敢攞太多，驚食唔晒，淺嘗後覺得火鍋食材、湯底都好唔錯👍👍食完咁多肉，又係時候食生果、甜品☺️因為食甜品係用第2個胃🤣今晚嘅西瓜好清甜，仲有好幾款特式雪糕、雪條，我覺得Cheese cake味雪糕好味😋埋單連加一每位$251，咁多嘢食，呢個價錢，抵😉

男人的浪漫,其實不止只有豆腐火腩飯或者粟米肉粒飯,充滿煙燻同油香的燒肉其實更「麻甩」,尤其同一班朋友柴娃娃食得更開心!而在這當中的食肆,荃灣的校長燒肉對我來說是個好選擇,不單止地理位置便利,而且食物有一定質素加上價錢相宜的因素疊加起來,成就了我與好友的多次飯局;與好友在樓下跟著隊伍等待七點十五分的開場時間入場,做了一系列掃碼針咭量體溫的動作後隨即由店員帶領在靠窗望街景的位置坐下來;空氣中有股淡然的煙燻味而不混濁,枱面及餐具都不粘手,足以說明在抽氣與清潔方面交到功課!而且座位的舖排格局令人坐得舒服,拿取食物也很方便;食材方面依舊供應著幾大類型,像是刺身及壽司,以燒煮為主的肉類,打邊爐為主的蔬菜及沙律菜,熟食類的小食及炸物,湯羹及糖水,當然尚有汽水果汁及啤酒!兩小時的任食時光,除了日韓式的烤肉,最後更要來個火鍋滋潤一下,可得雙重口感,雙重滿足!喜歡荃灣分店的原因之一,這裡有我甚喜愛的鴨胸以及孜然粉常備供應;當然肉類食材尚有其他好選擇如一口牛,煙肉及孜然雞翼等等,基本上也是每次必食;待放下隨身物品後,好友與我分別前往肉類區及刺身檔,分別都拿取了喜愛的食材;先用五花腩及煙肉「起鑊」,令烤盤上受

食物質素中等，甜品好似布甸，大菜糕嗰啲基本上已經出晒水，融晒。服務態度不太好。叫佢換爐紙反而叫我哋較細個火去到1/20，咁佢哋就唔洗換咁多次。你幫我哋較到咁細燒15分鐘啲嘢都未熟。2個鐘食唔到啲乜。

熟食:壽司: 一睇就知係爭X 果d黎炸物: 好油 而且唔知係唔係放左係出面好耐 好硬燒肉:牛肉片 :好鹹 食2塊飲左成支野飲豬肉 雞肉:  得外面個層係有味 食到入面根本無味 飲品:都係d 維他果然系果汁ar 台灣烏龍茶酒類要另加錢價錢:$250 完全唔值(包加一, 平日 8時後)我加多 $50至$100去食其他好過P.S:  其他任食 大概$300都包埋酒 而且食物素質都對得住個價 依一間我真係表示唔知有咩地方可以有咁多好評

放假想食大餐，呢間放題可以一次過滿足燒肉火鍋兩個願望，午餐放題百零蚊一位性價比唔錯👍🏻。呢度除咗燒肉火鍋，仲有熟食區，有炸物、幾款壽司，仲有點心，蝦餃、馬拉糕、牛肉球、珍珠雞款式多，用小蒸籠裝住，熱辣辣，一坐低好肚餓可以即刻去拎嚟食下先🙈。講返主角燒肉先，有好多款唔同嘅肉類，豬牛雞魚，樣樣都有齊。我哋比較鍾意食牛，有一款韓風大醬牛肉片幾好味😍，燒完肉質一啲都唔韌。豬肉就推介一款五花肉👍🏻，燒完用生菜包住一齊食，可以減膩，又有啲韓式風味。另外燒秋刀魚、多春魚都好食，呢度嘅爐有牛油紙薦底唔使驚黐晒底難燒，啲魚燒完好甘香😋。火鍋方面，一般嘅火鍋材料都有齊，其中我最鍾意食炸魚皮同埋響鈴😍，呢啲浸一浸火鍋湯底keep住少少脆，又吸咗湯汁，一流👍🏻。另外食咗咁多燒肉，火鍋可以食啲蔬菜都幾好，清一清油膩感。食完燒肉火鍋其實已經飽到上心口，但係都仲要食下甜品，呢度有幾款甜品都係出去自助區攞的。仲有frozen yogurt，朱古力味，加上少少棉花糖，食得好滿足😌

今日同朋友去咗行街，行行吓朋友就話想食燒肉，所以我哋就揾附近邊到有燒肉食。我哋喺openrice揾到呢間好似唔錯又唔係好遠，就走咗過嚟食。🥳🥳入到去，餐廳好貼心咁有提供口罩套比客人，而且餐廳內唔會好烏煙瘴氣，通風方面做得幾好！🤩🤩我哋一坐低就急不及待去咗攞嘢食。出面食物選擇好多，除咗有燒肉嘅食材可以攞之外，仲有壽司、刺身、甜品、雪糕、生果、點心同埋熟食，真係超級多選擇！😍😍啲肉全部都有入味，唔會鞋。😋我最鍾意係燒菠蘿，超甜，勁好食。我哋都有食佢哋啲甜品，細細件咁，可以一次試唔同款式嘅甜品。🥰🥰我哋無意中見到人哋係到打邊爐，原來仲有邊爐可以打，唔洗齋燒肉！但我哋已經食到好飽，所以就冇打到邊爐。唯有下次再嚟試吓佢個邊爐。🤓🤓呢一到啲員工都好細心，佢哋會留意你哋需唔需要換燒烤板上面個張紙，然後問我哋需唔需要換，好好人。🥰🥰我覺得如果你一係啲一次過想食唔同款嘅嘢食，呢到可以滿足到你！😎😎

今個星期放大假，朋友帶我去一間平靚正嘅燒烤火鍋食放題。我哋揀咗燒烤加火鍋哩個plan，價錢真係講都唔信， $138位，仲可以食120分鐘🫢，唔好以為咁嘅價錢冇乜嘢食，實情係太多選擇冇辦法全部食得晒，而且食物質素一啲都唔差👍🏻首先講吓飲品櫃，除咗一般嘅罐裝/盒裝飲品，仲有多款啤酒可以選擇，連支裝維他奶都有🫢熟食區有人蔘雞湯、老火湯，蒸點心亦都有🫢🫢炸雞塊、薯條、洋蔥圈、春卷又可以當餐前小食火鍋區有麻辣湯、壽喜燒同豬骨湯，咁細嘅煲仲可以揀鴛鴦湯底🫢🫢食材方面淨係腸仔都有四款俾你揀😍😍，當然唔少得肥牛、豬腩片、各式各樣嘅丸類、豆品類……等等至於燒烤區嘅食材就更加離譜🤣🤣淨係雞翼都有四種唔同嘅味道，而且好入味；牛扒雞扒豬扒都有唔同嘅醃製方法；細細兜嘅牛油雜菇同粟米，燒起嚟都幾方便。我將火鍋區嘅肥牛攞嚟燒，燒完落少少鹽吊味超正🤤另外我最鐘意佢地放張牛油紙喺爐上面燒，一嚟之前個爐都唔知洗得乾唔乾淨，有野墊下衛生啲；二嚟，唔洗成日換爐，淨係換紙就得，好方便。甜品方面有番薯糖水、朱古力雪糕、啫喱、奶凍、布甸…番薯糖水好夠薑，番薯又甜又大件。食到90分鐘嗰陣我已經飽到呢….🤤🤤所以哩間放題真心推介。

很久沒有吃過放題了！久違的任吃，我來了😍。燒肉、火鍋、壽司、刺身、沙律、點心、熟食、炸物、甜品等等有齊。飲品很多選擇，連清酒、梅酒也有。燒肉方面，最愛豬頸肉、雞軟骨、土匪雞翼😋。點心方面，蝦燒賣好讚，滿滿彈牙蝦肉👍🏽。三文魚刺身也新鮮。雪糕有多款選擇，其中這三款第一次在放題看到🤩。乳酪雪糕好唔錯(張相衰啲😂)。店員非常友善、熱情幫忙😊，常常快速主動幫手換燒烤紙😊。校長的放題真的性價比很高。

完全港式，韓式，日式都有，適合全家總動員今晚因為下雨，感覺人不多，剛剛好我們可以放心慢慢取食物我們首先攻肉類，豬腩肉，雞朳，牛仔骨，雞腎.....等比較喜歡柚子豬朳，雞腎，牛油粟米，豬頸肉，五花腩, 肉質爽口有層次. 然後脆肉瓜，青椒，雞脾菇，冬菇，菠蘿，還有小元貝多春魚，香草魚柳，司華力腸，台式腸仔熱葷比想像中出色蓮藕炆豬仔，又軟又淋超好味，人人都取來吃中式點心麻辣蓮藕片，雲耳都好辣好香另外有韓式人蔘雞湯，老火靚湯，不過我最驚喜蕃薯糖水，薑味好重，下雨天吃最適合飲品極多，少見利賓納，維他奶，屈臣使白檸，喜士伯啤酒，清酒......梅酒味道不錯,即沖花茶好多選擇，無花果，黑杞子，菊花，山楂，香片，果皮.....甜品喜歡蝶豆花檸檬果凍，酒杯紫色已經吸引，爽爽甜酸好喜歡，吃了3杯呢！蜜瓜奶凍也很香滑，大板雪糕，味道有玄米味道，所以很特別感覺。

今日即興食燒肉黎食韓燒其實啲料係普通bbq料，不過係室內😂同埋有刺身加邊爐食物種類都幾多，不過質素同味道一般，但勝在平😂平均190幾一位 （7點前離座）平價之選

好耐冇夜市堂食啦 一於食豪啲！今日同朋友去左間有得食燒肉同打邊爐嘅放題店 一次過滿足多個願望呀！我哋2個人坐左窗邊嘅卡座 都幾闊落慢慢食慢慢傾都坐左差唔多2個鐘 環境舒適 又唔會好嘈 係聚腳嘅好地方一坐低店員就幫我地著左個燒烤爐梗係即刻揀返轉肉食啦！個人十分推介土匪雞中翼 啱啱燒起表皮係卜卜脆 肉質又鮮嫩 忍唔住encore左好幾次！另外仲食左韓式厚切腩片 肥豬肉真係好邪惡！食燒烤點少得多春魚 烘到條魚尾有少少濃就啱啱好燒魷魚都好好食 一放落個爐到佢好似識郁咁 哈哈 枱面上都有唔同調味粉提供 就咁加少少黑椒碎已經好好惹味~而火鍋方面因為有分隔湯底 可以一次過試2樣 揀左豬骨湯同壽喜燒 味道都好濃 就咁放生根響鈴落去 可以連豉油都唔洗點 食左好多粒麻糬燒 原來佢同打邊爐係咁夾 煙煙韌韌 好過癮飲品除左紙包飲品外 唔有唔同種類嘅罐裝飲品 我就覺得食住燒肉飲返支有氣嘅檸檬茶真係好爽！最後係甜品部 雪條選擇都好多 有咸蛋黃珍珠同焦糖布丁味甜筒 都係好特別唔常見嘅口味試左薑條奶條 薑味的確非常濃郁 最開心係可以自己玩乳酪雪糕機 仲有雪糕筒提供買單每人$251 而咁多選擇嚟講係非常抵食！

今日趁假期第二天加上下週是母親節，因母親節當日（5月8日）要上班緣故，今日特意提早一星期和母親慶祝，加上爸爸都一同到來吃，而且今次是第一次帶父母去吃燒烤，就當給我一次孝敬父母的機會，之前和未來老公吃了數次了，今日帶父母一起吃而且由我請他們，食物味道都算ok，但略為鹹了一點（多數是吃肉類），吃了之後要飲水及吃一些菜蔬，到了吃到尾段時候因為時間關係，趕不及吃Dessert（本來打算會有時間吃甜點的），希望下次再來時會捉到時間吃埋甜品吧！。最後我提早祝天下母親，母親節快樂。