校長燒肉日韓料理 (大埔廣場)

營業中

休息中

黃金時段$238任食燒肉、火鍋同刺身😍呢日去到大埔既校長燒肉日韓料理食晚餐🤣選擇超豐富😚💫 呢度既燒烤同火鍋配排滿三個長雪櫃🤣而且擺放得好乾淨企理，單係一款肉類已經有多款醃製方式味道，推介一口牛、咖喱雞軟骨、厚身得黎肉質嫩滑既蒜香雞扒、麻辣牛扒🔥、爽口雞腎、金沙骨、雞肉腸、多春魚、龍脷柳、土匪雞翼、牛油金菇等等，一次都試唔哂吖🤫仲有適合用黎火鍋既蔬菜同各款丸類😚💫 火鍋可以自己揀湯底，單鍋或鴛鴦鍋一樣👌🏿💫 除左燒烤同火鍋外，餐廳亦提供各款熟食～炸物Corner有咖喱角、香芋丸、薯格同洋蔥圈！好香口～另外仲可以自製溫泉蛋紫菜飯🍳熟食有咕嚕肉、西芹炒蝦、咖喱雞、豉椒炒蜆等，選擇都幾多😆仲有關東煮、茶碗蒸、迷你小湯包、碗仔翅等等！💫 刺身可以憑劵拎，有三文魚、吞拿魚、赤蝦、希靈魚、八爪魚、榮螺片等，新鮮肥美；壽司款式一樣多，大約有10款壽司，而且幾精緻🤝仲有炸蝦米紙卷添吖！💫 飲品凍熱都有，可以係雪櫃自取，啤酒仲有Hoegaarden☺亦可以自己調製專屬花茶，好養生😏💫 甜品多為輕型既甜品，例如有忌廉泡芙、布朗尼、細盒裝豆腐花、芝士蛋糕、啫喱、奶凍、西米露等；雪糕雪條更吸引，有雀巢甜筒、能

📍校長燒肉 - 大埔去完旅行返香港休息都有一段時間啦，係時候約朋友仔出黎俾手信啦😂今次約左係大埔嘅燒肉店食晚餐😋地點近大家屋企食完返去都唔會太夜呀！晚市燒肉放題 $248 (加一服務收費)入到去就見到自助美食區好大😍好多各式各樣既美食😋自助區有壽司刺身區/點心區/小炒區/燒肉材料區/邊爐材料區/花茶區/飲品區同甜品雪糕區！朋友見到此情此景如此震撼都不禁同我講聲: 哩到大到好似自助餐咁😂朋友負責拎燒肉類，我就負責拎邊爐+壽司刺身類！分工合作好快整張枱都係美食啦😋打完卡一輪之後📸我地就進入戲肉開餐啦喂！🍣壽司方面全部都岩岩新鮮製作出爐，睇住店員一碟碟由廚房拎出黎放好👍🏻火炙類嘅壽司仲係暖㗎🤤仲有陣好香嘅火炙味道🔥我同朋友最驚喜係焦糖玉子壽司🍳焦糖大大塊滿佈燒玉子上面！甜甜地夾埋壽司好好味😋邊爐方面我拎左個鴛鴦鍋煲，試試佢嘅壽喜燒味湯底同埋日式豬骨湯底！淥肉類我哋鐘意壽喜燒湯底，因為甜甜地可以釣出更多肉味！淥菜類我哋就鐘意日式豬購湯底，更加清甜好味道！鴛鴦鍋貼心設計淥肉淥菜都可以任君選擇自己口味👍🏻最後嚟到壓軸嘅燒肉啦🥩燒爐上面有張隔油紙，可以吸收肉類油脂食落健康啲之外，都方便職員乾淨換爐👍

臨近母親節，就諗住一家人出嚟食餐飯！聽講呢間餐廳有好多菜式嘅嘢食，啱晒唔同人口味，就揀咗呢間🤣.首先一入門口已經覺得裝修好有心機，有好多小朋友會鍾意嘅卡通模型，包括米奇老鼠、Iron Man等，而入到去見到餐廳準備咗好多好特別嘅嘢食，晚市放題2個鐘先$238加一，就更加覺得冇嚟錯！.💎壽司刺身除咗有基本嘅刺身款式之外，一啲比較特別嘅壽司例如花之戀、焦糖烤玉子壽司、火炙壽司、卷物等都有，而且食落仲好新鮮，唔會怕放得耐而變質！.💎熟食同自助餐有啲相似，呢度都提供唔少款式嘅熱食，包括生炒骨、中式蒸魚、西芹蝦仁等！最令我驚喜嘅係豉椒炒蜆🤤食材處理得好乾淨，一啲沙粒都無，而且好夠鑊氣好惹味😋.💎特色小食除咗有唔同中式菜式，餐廳仲特別提供咗好多特色嘅小食，包括日式嘅茶碗蒸、西式嘅忌廉薯仔同薯格、港式嘅點心(包括燒賣、馬拉糕、叉燒包）同碗仔翅，一籠籠嘅點心熱辣辣，份量唔會好多，唔洗怕食完呢個食唔到其他🤣而忌廉薯仔質地就好似薯蓉咁，綿滑得嚟有好濃香嘅忌廉味，令我忍唔住係咁食！.💎 火鍋一見到有壽喜燒湯底已經覺得好正，火鍋配料都有勁多款，豬、牛、羊、雞都齊備，仲有火鍋必備嘅丸、魚腐、枝竹、芋絲、烏冬等，

校長燒肉已經去了最少3次，真•適合一家大細，親戚朋友能夠開懷大吃又坐得舒服的地方。一入門口就有個大大嘅figure吸引目光，入到去店內餐枱座位間隔寬敞乾淨，自助食物區琳瑯滿目，由前菜，炸物，熟食，到自助火鍋燒烤配料，以及飲品和甜品的種類繁多，中西日韓總有啱口味的美食提供。前菜有沙律材料及各款涼拌麻辣小食提供，不但食落去開胃而且材料清新。炸物薯格很好味，並且提供幾款滋味醬汁，香脆可口。熟食都有唔少款式，中式有炒菜心，碗仔翅，日式有茶蒸蛋，溫泉蛋等，而且烹調味道一流。刺身質素高而且全部都大大件，一d都唔小氣，特別有赤蝦，帶子，吞拿魚提供，食落味道鮮甜，齒頰留香，令人驚喜。自助火鍋及韓式燒烤區所提供的食物質素相當不錯而且種類齊全，甚至魚柳，雞軟骨，雞扒都有幾款醃製方式提供不同風味；特別推介三文魚骨，一口牛柳，咖哩雞軟骨，可以配上自助調味料區的燒肉汁，蒜蓉，或韓國辣椒醬，再用清脆的生菜做個生菜包，成個韓式風味出曬嚟；枱面另有位置放上一個火鍋爐，一邊火鍋一邊燒烤，一次過滿足食客兩個願望；喜歡火鍋的朋友也有很多獨有火鍋配料選擇，便是火鍋湯底也有日式豬骨/壽喜燒/清湯選擇，做個鴛鴦湯底，一個火鍋兩種

📍校長燒肉日韓料理（大埔）今次lunch time黎食～ 我哋揀咗包刺身嗰個放題 因為我真係好鍾意食刺身🤭刺身有三文魚、榮片、吞拿魚、八爪魚、希靈魚等等未夾燒肉我已經拎左轉三文魚😂幾鮮甜 榮螺唔錯好好食👍🏻呢到仲有啲點心 有燒賣 馬拉盞同蓮蓉包 壽司都有好幾款 灸燒壽司值得試～燒烤類🥩肉類選擇都幾多 有牛扒、雞扒、雞翼都有好幾款口味、牛油雜菌、叉燒等等金沙骨同叉燒都幾好食～雞軟骨都係🤭次次都夾齊啲味黎燒😂香草魚柳都唔錯 幾滑火鍋類有芝士丸 芝士腸 麻吉燒 做餃子等配料我地主要係淥菜食 因為食得太多肉🤣飲品方面有好多選擇 沙士 椰汁都有 我勁中意飲椰汁的🤭仲有美顏養生花茶區甜品區有泡芙 奶凍 啫喱杯 食左杯芒果布甸幾好食 真材實料 ～～有芒果粒同椰果粒🤭好正地址: 大埔安泰路1號大埔廣場地下及1樓全層

上次試過呢度，今次再去食，因為佢又有燒烤，又有邊爐，又可以食刺身，熟食區，小食區，嘢飲乜都有，價錢相宜，同埋都近我。燒烤區嘢食真係好多，牛豬雞，例如一口牛，韓式牛肉，辣味豬肉，燒汁雞扒等等，唔同味道嘅魚類，丸類，仲有蔬菜，腸類等等， 醃嘅味道都有幾款可以選擇，種類真係好多。打邊爐都唔差，餃子，粟米，蔬菜，湯底都有幾款。熟食區方便。有兩個湯，幾鍾意。人蔘雞湯，青青甜甜，另外仲有啲雜物，刺身方面都有6-7款選擇，仲有壽司，前菜等等。嘢飲方便成個雪櫃都係，超過二十幾種，我就比較鍾意自己沖嘅花茶，唔同嘅配料，紅棗，山楂，唔同嘅茶葉等等，一應俱全。醬料你都可以慢慢揀，佢最好係攞嘢食嘅地方好寬闊，唔會左手撞右手，亦都唔會撞到其他食客😅午市套餐$188 ，燒烤/火鍋/刺身自助餐 (2小時)真心抵食，味道都唔差。個人推薦：美顏養生花茶區😃

落雨天邊度都唔想去，屋企附近食個豪華假日午餐最開心！很簡單的快樂，刺身火鍋燒肉自助餐。刺身自助餐 (成人）$198任食兩小時都幾抵食 ！刺身、火鍋、燒肉、蒸籠點心、小食、甜品；不同熟食熱盤、炸物區，仲有火鍋配料、壽司、應有盡有，食物款式過百款，全部任食！飲品選擇非常多，汽水🥤 自家製白桃烏龍茶、 美顏養生花茶，消脂解油膩一樣有。個人必食推介壽司、刺身，因為質素都高，有驚喜！赤蝦、吞拿魚、三文魚，刺身賣相有光澤，新鮮鮮甜，又唔腥。壽司有我最鍾意嘅腐皮、花之戀壽司。自助區小食，有炸香蕉🍌炸薯格、鹽酥雞，鬆脆可口，大人小朋友都啱食。熟食區都有點心、碗仔翅、菜、魚、肉，啱晒老人家👵🏻燒肉重點出擊牛五花、蒜香雞扒、麻辣牛肉、黑椒牛扒🥩 非常出色。雪櫃都有好多特色甜品，仲有軟雪糕🍦大阪牛乳雪糕🍧總括而言，校長燒肉一台兩食，打邊爐同燒肉，真係幾好食，一次過滿足晒，仲有驚喜，值得推薦比街坊，一向受歡迎，價錢平，款式多取勝！

今日黎到大埔既校長燒食lunch放題，上到去有少少驚訝，個場好大～ 所有野都任飲任食😛 仲要燒肉同邊爐都齊曬 雙重滿足🥰 仲有熟食、小食、刺身、壽司、紫菜溫泉蛋飯、甜品、飲品（清酒同梅酒都有😎）.燒肉同邊爐既肉質唔差，魚幾嫩滑，蔬菜夠新鮮！刺身係整叫整攞，甜蝦幾大隻，三文魚係腩位，油脂感滿分🤤壽司放左係旁邊，試左兩件，質素都幾好，唔係放左好耐既壽司.雖然場地好大，好多張枱都坐滿客，但唔會好大油煙味，通風做得唔錯，食完出去個身唔會一陣味，抵讚👍🏻 呢到既食物種類真係好多，岩曬唔同口味既人，值得一試

次次食燒肉放題都可能要出到去尖沙咀、旺角果啲鬧市，但呢家竟然大埔都有間燒肉放題，唔洗再專登搭成一粒鐘車出去食燒肉放題🤩🤩所以作為一個大埔人，一定要去試一試喇！因為個入口係地下，但係間餐廳就係二樓，所以要由地下行上去二樓喇，但係行上去既途中都幾有驚喜🤣行上一層就見到一隻1:1既iron man模型🤩再行上一層，就見到有個小型既攀石場🤣（當然係唔攀得）。由樓下行上二樓既途中都有唔同既模型同設計，所以睇得出間餐廳都好有心思同埋心機去佈置。到正式入到餐廳，餐廳環境都好寬敞，同埋燈光好光猛，而食物有分為炸物部、中式精美點心部、日式壽司刺身部、邊爐配料部飲料部同埋燒肉部🥳🥳🥳🥳炸物部⭐️⭐️⭐️⭐️一行到入間餐廳就已經係炸物部，佢有炸香蕉、鹽酥雞、薯格同埋炸魷魚圈😋雖然款式唔算特別多，但係佢嘅炸物都仲係熱辣辣，食落唔會好油膩嘅感覺👍🏻 每款嘅炸物都有試過，我個人最鍾意嘅就係炸鹽酥雞，一來食落熱辣辣，二來佢用嘅炸粉炸出黎鹽酥雞粒好酥脆😋薯格同埋炸魷魚圈都唔錯，可以值得一試👍🏻中式精美點心部⭐️⭐️⭐️⭐️佢嘅中式點心部都幾中式，佢嘅蒸物都係用傳統嘅蒸籠去裝住，會似係平時去茶樓食點心嘅樣式👍🏻蒸物嘅選擇有馬拉盞、蓮蓉

有冇試過平時又想食燒肉？又想放題同又想打邊爐。呢間校長燒肉可以一次過滿足晒三個願望，價錢仲要非常之抵食，平均每人只是238加一，任食2小時。大埔分店呢間座位非常闊落一入到去見到琳琅滿目嘅食物選擇，好似自助餐咁樣隨時可以出去夾嘢食，連燒肉打邊爐材料都係以自助形式，乾淨又衛生，十分方便。刺身方面有三文魚，吞拿魚、帶子、赤蝦、希靈魚等，款式都唔少，刺身肥美新鮮。而燒肉方面，好多唔同嘅雞扒、一口牛、豬扒。飲品方面仲有多款冷熱飲品，又有清酒同梅酒啤酒任飲。最特別之處佢係有個花茶corner，好得意係可以俾你自製花茶DIY唔同口味。估唔到呢度都會有中式點心俾你拎，都幾有驚喜質素都唔錯又有小籠包燒賣蝦餃等，簡直係平價酒店自助餐。食完唔好記唔記得再拎埋甜品，非常滿足。

趁着週末，去咗大埔同大美督行山，跟住夜晚去大埔搵嘢食，可能運動左一日，嗰日特別我，咁啱見到校長燒肉，個價錢幾抵，仲有各式各樣中式、日式、韓式嘅嘢。入到去入邊裝修好特別，好多懷舊嘅公仔， figure，另外間餐廳空間感好大，坐得好舒服，又唔會好近啲食物，而且非常企理。餐廳嘢食真係好多，除咗燒肉之外，仲有火鍋一入去已經有好多唔同種類嘅飲品，小食、刺身壽司，食完就到我哋最重點嘅Pak，燒肉，呢度肉類真係好多選擇，豬牛羊雞，而家餐廳仲好貼心咁，有牛油紙，墊住個鐵板，咁樣唔會燒燶啲嘢食，而家職員仲要好好，成日都換牛油紙。仲有好多款唔同嘅雪糕，同埋甜品

大家好！我係艾文！ 今日請了半天假處理私事，處理完還有時間，就和旅伴去校長燒肉吃放題午餐！之前睇Openrice，平日Lunch放題$118，今日黎到見加左價，現在$128。艾文食後感，首先講一下餐前小食，沙律和炸物不過不失，都係一般般，烤肉時食少少係唔錯的。點心方面只試了燒賣，和即食叮叮燒賣味道質地相約，也是食一點點係唔錯的。艾文和旅伴也試了一些些壽司，品質也是不過不失，和爭鮮外帶差不多。款式不多，不過今天主要食烤肉，款式多反而試不了那麼多。接著係主菜烤肉，豬、牛、雞、魚配以不同醃料，雞軟骨和雞肉都很好味道！豬肉、牛肉就不知道是不是醃得不均勻，韓式味道的豬肉、牛肉旅伴說辣過頭了，艾文就反而不太食得到味道，不論係韓式還是其他的醃料都係沒什麼味道。不過肉質唔錯，應該貨如輪轉，不會放太久醃太久而肉質變差，而且有不同的醬料，可以自己按喜好調味，就像艾文就喜歡食沒有醃料的牛五花配胡麻醬！烤魚係在開始飽時才試食，不知是不是飽了，感覺味道還好。中菜只拿了一些炒蔬菜，用來平衡一下食了的肉。飲品則有很多選擇，也有些是平常不常見的，可以嚐鮮一下！接著係甜品，艾文和旅伴試了奶凍，艾文覺得很不錯，不會過甜。

📍校長燒肉日韓料理（大埔）屋企人話呢間食物選擇都幾多 由其我媽咪好中意食佢啲雞軟骨 今次就一齊黎撐枱腳😍我地平日黎食晚餐就$238（要加一）～可以打邊爐+燒肉 仲有刺身食🤪食放題最中意坐卡位 擺到成枱都係都唔會好逼😂餐廳好大 坐得幾舒服～三人同行或以上會送頂級安格斯肉眼扒🤩食落juicy又軟腍～重牛味 野食選擇都幾多 等燒肉期間可以食住啲小食先 有炸雞 薯格等等 仲有啲點心添壽司刺身區🍣鍾意食刺身嘅我食左好多帶子 幾鮮甜 三文魚同榮螺唔錯👍🏻赤蝦好大隻壽司都幾多款 我最中意灸燒芝士三文魚壽司🤪燒烤類🥩肉類選擇都幾多 有牛柳粒、牛扒、雞扒、雞翼、一口牛、金沙骨、牛油粟米、叉燒等等雞軟骨同雞翼好入味 👍🏻飲品區🥤有大量飲品選擇 又有清酒同梅酒 但為左減輕罪惡感 我就簡左飲冷泡茶 白桃烏龍茶同錫蘭荔枝茶都唔錯 但後者比較特別啲～甜品區🍨竟然有我最愛既藍鐵神雪條😂即刻拎翻條食～仲有泡芙 奶凍 啫喱杯 但我就無試啦真係太飽😂下次黎再試下佢其他款😍職員們都好好禮貌 收碟好快手又主動換牛油紙 🫶

今日去開大埔超級城一田shopping，行到咁上下開始肚餓就去搵嘢食。唔知點解shopping完總係特別肚餓🤤會想食好多嘢，咁啱行到嚟校長燒肉，都成大半年無食過，五點入座又抵啲，一於就入去回味下啦雖然之前都食過校長燒肉，但大埔呢間都係第一次嚟。入到去條樓梯都裝飾得好靚，好多打卡位，帶細路或者女友嚟啱曬上到餐廳，空間感好大，唔會有壓迫感，用餐區同食物區劃分得好鮮明，同埋成間餐廳都非常乾淨企理，咁樣用餐個人都舒服啲😌校長燒肉食品種類繁多，除咗燒肉仲有火鍋。另外仲有好多唔同嘅飲品、小食、壽司刺身同甜品等等，滿足曬我呢啲大胃王首先嚟到梗係燒肉先，真係好多肉類選擇，雞牛豬都有唔同部位同埋唔同味道。放題餐廳嚟講，校長燒肉啲肉類一向都算唔錯。燒肉嗰陣仲好貼心有塊牛油紙墊住鐵板，咁就唔怕痴底啦，店員仲好頻繁咁幫手換紙，服務一流👍🏼燒肉嘅同時，順便試埋啲小食同熱食，呢個炒麵都幾好味，同埋啲壽司🍣都不俗跟住就梗係要試埋火鍋啦，主要係日式湯底，有得自助加湯，都幾方便客人😏最後試咗壽喜燒湯底，味道都唔錯，唔會好似出面嗰啲咁濃味😊最特別係火鍋配料竟然有蟲草花揀，好少地方有，仲要係放題餐廳添臨尾食埋個蜜瓜奶凍就走

對上一次食呢種港式好似細個食韓燒咁既燒烤都唔知係幾耐之前。宜家既價錢都唔係之前既價錢，不過當然宜家嘅野食亦都比以前食既豐富得多。同埋以前食呢啲燒烤一定要出市區，但宜家連大埔都有得食，方便我地呢d住新界大東北既人。同埋呢間校長燒肉都幾出名，但係一路都冇試過，今晚終於可以試下啦。佢既裝修都有d style，話明校長燒肉，都有少少好似學校咁既風格，同時又放左d等身大既卡通同Figure做裝飾品。餐廳座位都唔算少，同埋睇落地方都算乾淨。野食同埋飲品既選擇好多，而得意嘅係除咗可以燒肉，仲有日本野即係刺身壽司果d，另外仲有熟食，同埋仲有邊爐可以打。燒烤同邊爐料都各自有起碼廿款野食😆😆😆同一款肉類都有幾隻味，蒜蓉、咖喱、土匪同埋香草咖喱雞軟骨、咖喱雞排同香草魚柳都唔錯，唔辣但又香咖喱味。燒叉燒都幾得意，不過比較容易燶。香草腸望落係平野，但又比想像中好食。日本野都唔錯👍🏻👍🏻👍🏻除左刺身有三文魚、帶子、劍魚腩同希靈魚等等仲有火炙三文魚同玉子壽司果d，味道都幾好我自己最鐘意火炙三文魚壽司，好好食🤤食完日本嘢同埋燒肉之後已經好飽，同埋一路燒肉一路就想拎野飲，而佢地野飲既選擇亦都好多😍😍😍除左罐裝包裝，仲有