校長燒肉日韓料理 (西裕街)

營業中

休息中

聽朋友講呢間有好多嘢食又多選擇，所以我老遠都入元朗去試下！佢哋就分時段嘅，所以想食記得早啲book啊！我地準時19:15有得入座，形式有啲似自助餐，所有食物都系自己岀去拎。叫得日韓料理，就係日式放題再加埋韓燒😍有魚生、壽司、燒烤食品、沙律吧🥗，仲有得食火鍋、點心、小食、甜品、雪糕🍦應有盡有啊！驟眼睇現場應該有過百款嘢食，真係抵過食自助餐啊！我就主力食韓燒，但不得不讚，佢哋嘅點心都好出色啊！環境裝修都好特別好靚好多霓虹燈，好有韓式餐廳感覺。價錢就超抵啦星期一至五大人最貴都係$198！

上網睇到校長燒肉新開張，地方更大，食物更多元化同選擇。我地7.00到門口已經好多人！我地7.30入座有韓燒爐有火鍋。燒肉種類同火鍋配料 真係好多選擇😋燒肉牛肉最好食👍🏻 又有我最愛既漢堡扒👍🏻所有燒肉配料調味非常好👍🏻火鍋有幾種湯底 👍🏻壽司都有好幾款刺身有 三文魚 希靈魚 赤蝦 帶子 螺 熟食亦有很多選擇 有人蔘雞湯生炒骨 魚 炸物 仲有蒸點心 燒賣 叉燒包 好多款甜品 🍮靜係奶凍都幾款中西糕點 豆腐花 雪糕🍦另外最欣賞係有花茶自助飲食飽飽 飲柸花茶 真係好舒服整體大人小朋友都有驚喜因為真係好多選擇 食物質素好 小朋友最開心🥳

網上見到朋友去左幾年新校長燒肉好似不錯，今次特意來比較一下是否不同了～來到是和舊地址相隔一條街，先看已知地方比舊址大很多～這時候滿滿人在等候～幸好 book了枱～ 裝修比以前用心，在樓梯位置放了一個大人物～入到去已是飲品區～飲品多達十多款，啤酒也有四款，另外還有一個自助花茶區～先看看燒物款有二十多款，例如豬扒，牛扒，雞翼，牛柳粒，雞軟骨，牛肉片，三文魚腩骨，豚肉粒，魚柳，雞腎等等～另外有火煱材料也有二十多款～熟食也比較多～先是一個新的點心區，細小的點心有叉燒包， 蝦餃，燒賣，粉果， 糯米雞等等～雪糕櫃也有八種口味～甜品亦有很多選擇，奶凍有木瓜， 蜜瓜，士多啤梨，杏汁，牛奶口味～刺身壽司區 ，刺身有吞拿魚，三文魚，大蝦，扇貝等等5款以上選擇～壽司也會不斷更換新款～熟食炸物區的款式也有更新，不是來來去去是同款～這次來到真的花多眼亂，選擇太多，主要食燒肉和熟食，還有很多款沒有試，下次又可拉大隊來吃過痛快～沒想到搬左之後進步了很多～食物款式也多了很多～下次亦會推介朋友～

今日黎試哩間新開既乜都有得食既燒肉店！好多人排隊等入座。佢名就叫左燒肉，但入面真係咩都有得食。剩係飲品櫃已經勁多野揀，連啤酒都有4隻牌子。除左獨立包裝野飲，仲有酸梅湯，梅酒同清酒揀，比起一般放題店真係好多選擇。唔想飲凍野仲有茶葉可以揀黎沖茶飲，除左普通既普洱、香片，仲有啲花茶～一邊可以燒肉，仲有一邊可以打邊爐，湯底都係自己揀。有三隻味。等個湯滾時，首先去揾啲可以即刻食得既先。刺身區有三文魚、吞拿魚、帶子、玉子等等，每次都有三片厚切。熟食區都有唔少野食，最common既栗米斑塊哩類型既菜式都有，不過我就唔想食太多熟食，想留肚食燒肉～點心都係一籠籠咁蒸，多數都係蝦餃同啲包類。仲有啲炸物，都有齊大家想食既洋蔥圈、薯波～打邊爐方面，除左基本既肉之外，仲有魚同好多好多丸可以揀，想食乜都有。燒肉果到ｄ種類多到我都食唔哂咁多款，我最鍾意食就係差燒。甜品區都有幾隻味既奶凍可以揀，仲可以自己加toppings。諗唔到食乜既朋友我極推介黎哩間餐廳，佢真係咩都有得食，唔使驚同朋友口味唔夾！

依間每次經過都勁多人，又傳來陣陣燒肉香味，今次終於book左位同老公橕橕枱腳，燒下燒肉。一到就準時入座，一上到去就超驚喜，有超多嘢食，仲可以一邊燒嘢食，一邊打邊爐，連打邊爐都有成三樣湯底任君選擇！雞翼控嘅我，有成三隻雞翼味道，我當然三隻都試均哂啦！全部都好入味，最鍾意麻辣，好惹味！食物類別多元化，刺身，熱食，飲品多都數唔哂，不得不提仲有迷你點心。我自己最喜出望外就係花茶站，平時一杯都要30幾蚊，依家任飲，仲有勁多選擇，啲花仲好靚仔下，我冲左壼都覺得好正。服務亦非常好，侍應收碟速度亦很快，幫我地換燒烤紙亦很主動。

都係睇網上有人介紹，2百幾蚊，有烤肉、火鍋、熟食、甜品。性價比很高，跟朋友來到，因為未到7點15，要在外面等候，原來他們分了3段時間，5-7的時段客人未離座，所以選了7點15入座的我們就要等到準時才可入座，入座後感覺不錯，2人有一個烤肉爐和1個火鍋，好多熟食、燉湯、甜品和飲品選擇，而烤肉和火鍋配料都挺多款，見到有些比較特別嘅有牛油粟米和蒜蓉雜菌，烤起上來幾好味，另一特別就是雪糕有多款味道選擇，有芥末味和玄米茶味，不過說不上好味，但試一試無妨。服務都好好，火鍋加湯和烤肉爐換紙方面，服務員都好主動，整體不錯。

校長燒肉日韓約左朋友去元朗玩，行開附近見到間燒肉立即去馬去試試，聽講依間選擇多一入門口已見到自助食物，有熟食、燒烤及肉類等配料，還:有湯、甜點及飲品，還可自制沙律。有醬汁區可以憑各人喜好自行調味及枱上放有一燒烤調味料。熟食非常多款式。燒烤食物推介必食雞軟骨，超多唔同口味。紅酒牛扒及黑椒牛扒，前者洒味比較濃，後者黑椒味令牛肉更滋味。大大件的一字骨及魚柳，也是我的喜愛之一。基本肉類 (豬/牛/雞/雞翼)都有 仲有丸類/腸類其他配料非常多，飲品都有幾個大雪櫃任揀樣樣都想試下，令人興奮。可以燒烤又可以食火鍋，真是一次過滿足我兩個願望。#liukahin@gmail.com #93575555#foodie #hkblogger #foods #hkfood #hkfoodie #likeforlikes #like4likes #likeforfollow #likeforcomment #likeforlikeback #likeforcomments #instalike #followers #followers #photooftheday #amwriting #blogging

同爸媽去元朗行街兼搵食，見到呢間放題門口光鮮幾吸引，有燒肉有火鍋仲要任食，長者又有優惠，所以就入去試吓。爸媽見到條自助餐徑已經滿心歡喜，我自己就偏好食烤肉，款式種類都幾多，媽媽就鍾意食熟食~燉湯~甜品，爸爸就偏愛打邊爐，所以都幾啱大眾化不同口味。不過爸爸就嫌火鍋料不夠，因為烤肉料相對係比較多，所以被比下去都正常，而媽媽食甜品食到傻咗，多款奶凍啫喱雪糕，樣樣都話要試，試完真係唔駛食其他野，前菜~沙律等等都唔錯，仲有多款汽水，無糖飲品可以揀，所以爸媽都話似自助餐多過似嗰啲日式放題。

食物款式多，可以韓燒同埋打邊爐，飲品選擇唔係只得汽水檸檬茶，仲有花茶可以沖，啱晒成班朋友一齊去食，午市係最抵食！下次有機會一定會再去，新裝修比以前好好多！食物質素都有進步，員工服務也不錯👍🏻

原本位於元朗西菁街嘅校長燒肉擴充營業，搬到了附近的一間大舖，目測新店的面積要比舊店大兩倍有多，並劃分了好幾個專區，有壽司刺身沙律區、熟食區、湯品區及甜品區，甚至連點心區也有，有好幾款精緻點心，各適其適，是舊店所不能及的。刺身非常新鮮，值得排隊多拿幾次。牛柳粒牛味香濃，鯖魚油分豐富，把三文魚刺身辣一辣也很不錯。除了韓式燒肉外，旁邊還有多一個爐可以讓你 shabu shabu，湯底方面亦是在自助區自己斟，起初還以為是老火湯，有好幾個選擇，我選了壽喜燒鍋，湯底清甜。校長燒肉款式多，選擇豐富，值得一再光臨。

呢晚同男朋友去左食校長燒肉日韓料理。其實住左元朗幾年都無食過。見佢搬左新裝修就去試下。新裝修勁靚呀!只係樓梯個度已有大大隻發光ironman係度迎賓,跟住仲有壁畫,勁型!入到去又係嘩一聲,大間左好多,食物區都好大好多野食拎。呢d係韓燒既肉類連點心都有得食,仲有好多款,我見有包,小籠包,蝦餃,牛柏葉,珍珠雞鳳爪。。當然唔少得刺身同壽司,壽司仲再火灸既款式。然後又見有火鍋配料區。又係任拎。刺身每次只限拎三款,但都唔洗排隊,可以食再拎。仲有赤蝦大大隻! 火灸壽司味道好。細細舊又唔會太飽。跟住當然要燒肉,肉真係有好多款,醃既味道同肉質都唔錯。鐵板上有張紙隔住, 唔洗成日痴底,要換就換張紙就可以了。點心都唔 錯,仲幾多款下添!燒完肉可以去拎個煲裝湯底打邊爐。火鍋配料選擇都多。最後當然食埋甜品啦,呢度都有一整個甜品櫃, 又有一整個雪糕櫃。但因為我好飽了, 只係飲左碗綠豆沙同食左個好立克布甸。好味呢個價錢,可以任食咁多款式/食法既食物,真心好抵! 放題好選擇!

係網上睇到新開校長燒肉又大又多野食，臨近聖誕就約埋一班大胃王去試下先！位置係西菁街停車場隔離，放便泊車！地方非常大，，食品區都有三四個，好比酒店一樣！先去剌身區，有六款刺身，三文魚肥美，帆立貝，牡丹蝦好甜。燒肉區，有數十款肉類和蔬菜，推介牛助條，台灣腸！怕熱氣仲可以打邊爐，湯底都有幾款！丸類拉麵唔少得，基本上淨係打邊爐都夠曬👍熟食區有多款家常小菜，蒸雞，魚等等，啱晒老人家🧓飲品方面，啤酒都有好幾款，推介韓國黑啤🍺另外重有一個花茶區，有十幾款，落重本，女士至愛！最後，食返幾杯奶凍和雪糕，二百元食到超過一百款食材，很不錯吧！

元朗好吃的東西有很多，朋友和我剛好都想食燒肉，到了這家「校長燒肉日韓料理」，是家自助式日式的燒肉邊爐放題餐廳，最重要是價錢唔算貴，就可以任食燒肉和火鍋。而食物選擇都有很多，餐廳畫分為9個區域，有燒烤區、火鍋區、刺身區、熟食區、甜品區和酒類區等等，經濟又實惠。性價比其高。餐廳位於1樓，走上樓梯即見到1：1的鐵甲奇俠，一點都不脫節，作為Marvel fans很喜歡這擺設。餐廳佔地1樓全層，一點都不擠湧，空間感超大，座位也很多，寬闊企理，坐得很舒服。這家餐廳是以自助式放題，基本上想吃什麼，都可以出面任拎，很方便。首先刺身方面，刺身種類都不少，有三文魚、帶子、蟹棒、螺片等。刺身新鮮嫩口，種類也很多。而壽司方面，有我最喜歡的火炙三文魚，壽司飯份量是剛剛好，火灸也燒的很香。沙律吧也很豐富，有三文魚蟹子沙律、粟米粒、西瓜、車厘茄、中華沙律等等。熟食方面，有脆薯格、葡撻、章魚小丸子、點心，還有炒粉麵飯、中式料理、蔬菜和湯等。因為今次只是吃了燒肉，下次可以食埋打邊爐，火鍋看起來都很吸引，食物都是任取的。至於燒烤方面，肥牛、牛肋條、五花腩當然走唔甩，雞翼、扒類、豬頸肉也少不免。豬牛雞羊都有好多款，我推薦龍

想食放題又唔想出九龍 , 就揀咗人氣高企嘅元朗校長燒肉放題試下 !好彩有訂位 , 週末晚上 7 點黎到好多人係門口等緊 , 仲聽到店員話最快要 9:30 pm 先有位 😱😵等到 7:15 pm 正式入座 !!! 韓燒爐有安全鎖 , 防止小朋友亂㩒 , 爐上面仲有烤肉紙 , 好貼心 😊😊燒肉同火鍋嘅選擇都非常之多 !! 仲有刺身 , 熟食 , 甜品 , 飲品 , 全部任食 !!!燒烤方面 , 肉類調味唔錯 , 唔會太鹹 , 枱面仲有鹽 , 黑胡椒 , 同埋日式調味粉比你自行調味 !之前試過用剝皮魚打邊爐 , 覺得好好食 , 今次就試下用佢黎韓燒 , 不過好似同火鍋夾 d 😅火鍋方面 . 有幾款湯底任揀 , 非常推介韓國麵 !! 🤤🤤  刺身方面 , 有三文魚 , 吞拿魚 , 希靈魚 , 赤蝦 , 帶子同埋榮螺 , 推介赤蝦同吞拿魚 😌 , 另外仲有壽司同冷麵熟食方面 , 太多選擇 , 淨係記得有炸物 , 蒸魚 , 點心 (一籠一粒 , 自己係蒸爐上慢慢揀 , 好正) , 炒菜 , 麵鼓湯 , 人參雞湯 (都唔錯 , 好足料)甜品方面 , 有中 / 西糕點 , 水果 , 豆腐花 , 菠蘿冰

原來這間日韓式的放題燒烤，就好像以往漢陽苑那些港式韓式日式燒烤那一般。基本上找不到路的話，路過元朗這邊，便會看到很大幢的大廈🏢，大大個招牌，寫着校長燒肉，燈光火著，璀璨耀眼。等到上一輪的食客離開，然之後即刻便會魚貫進場。途經就已經可以見到花茶區、刺身、熟食、點心、生肉、甜品區。室內裝修都有點兒特別，桌子有點像學校那些椅子，每個區域都會以霓虹字睇寫上是什麼類型的食品。飾品排列整齊，全都放在冷凍櫃，大家食客排排站着吃東西，每款肉都會有幾種味道，例如雞翼就會有印度風情、孜然味、或是麻辣味。刺身都有幾款，例如：三文魚、帶子、牡丹蝦，如果係任食放題有蝦，都算是難得，因為去酒店吃自助餐，也未必會有蝦飲食😏而且，這兒的蝦大隻得來，蝦頭有點蝦膏，蝦肉還算爽口彈牙，也相當不錯。飲品就有幾排大雪櫃，有道地茶、Max啤酒、Hite啤酒、CC檸檬、檸檬茶、葡萄適、罐裝奶茶，另外還會有一個花茶區，有多款花茶，還有清酒以及梅酒。需要注意的是此店的肉類醃得比較淡味，因此桌上一早就放了一支鹽、七味粉的東西，可以讓食客燒烤過程中，自己按重口味的程度加調味料。另外，外邊的調味料款式也不少，例如有燒烤醬汁、潮州辣椒油、千島