校長燒肉日韓料理 (西裕街)

營業中

休息中

平時都會食下壽司刺身、韓燒🤤打邊爐或者點心😍但係邊度可以一次過食曬 5 樣嘢呢🤔元朗新開嘅校長燒肉日韓料理就可以一次過試晒咁多樣嘢🤗呢度除咗有五花八門嘅壽司刺身🍣而韓燒就有牛扒、豬扒🥩一口牛🐂等唔同種類嘅肉類🐖火鍋自己拎個煲去揀湯底🍲有齊各種麵食🍜餃子丸類🥟仲有火鍋醬料🥫而且新加入左點心區🥢有蝦餃🦐奶黃包🍞糯米雞🍚餐廳仲有梅酒🍸清酒🥃啤酒🍻同埋甜品區布丁🍮雪糕🍨豆腐花，所以喺呢度真係可以盡你想食嘅嘢

一大班表兄弟姊妹難得一齊聚會，為了滿足一大班人口味，所以去了食韓燒，自己鍾意食咩自己燒。屋企慣了早開飯，所以大家決定食早段時間，價錢又會比較平。飲品有很多花款，上至汽水，下至啤酒都有，不過我自己就比較鍾意飲茶。刺身每次只限取三款，每款兩片，色澤都一般而且薄身，味道中等，表哥鍾意食刺身就要行好多轉。沙律試了少少，都係自己撈下粟米、番茄同菜，減輕食肉的罪惡感。燒肉有很多款，豬、牛、雞、腸仔等等，都醃得好入味，不過都落了幾多油，煎完都無黏紙，質素似BBQ，勝在款式多同平。甜品有3.6牛乳，真係好有奶香又滑。

依家條街都冇乜人諗緊食咩之際 見到前面條街好多人原來大家排緊隊上去食校長燒肉好少見到咁熱鬧啦 所以就一於試吓到咗7點 3 就可以排隊上去因應疫情 會有職員幫你噴下隻手消毒估唔到裝修完之後 成個酒店嘅自助餐咁有得出去拎食物 又有得打邊爐同韓燒都覺得好正啊 好啦 首先我哋出去拎左啲食物先有三文魚 玉子 八爪魚 等等嘅熱門刺身旁邊嘅壽司吧 啲壽司一啲都唔遜色好似爭先啲壽司呀 都幾多款選擇行前啲會有啲熟食同埋點心個粒小籠包 加咗醋之後特別開胃咁上下之後就要開始韓燒啦我哋拎左啲咖喱雞扒 麻辣雞翼 秘製叉燒 魷魚 台灣腸等等而我覺得最好食嘅 就係嗰塊秘製叉燒軟林林嘅肉質 再加上秘製嘅調味料 好香口啊！正！仲有一啲錫紙兜仔嘅食物啲粟米同菇好重牛油味 會再encore最幸福嘅就係燒完之後仲可以去打邊爐烚菜成件事健康晒 恰咗幾轉菜之後就準備挑戰甜品啦其實佢嘅款式真係有好多譬如有雞蛋布丁 大菜糕 奶凍 雪糕我試咗好特別嘅 可立克奶凍 超甜仲有啲啫喱 好飽啦 其實佢仲有雪糕嘅但我真係無福消受啦所以呢就去咗沖杯花茶飲好正呀其實好多種類嘅花都喺裏面我就用左乾檸檬、玫瑰花、洛神花沖左杯消滯茶飲完就結束哩餐啦！

星期日，約左班朋友元朗聚舊，朋友鍾意食燒肉，我地book左元朗-校長燒肉日韓料理。鍾意校長燒肉日韓料理，因為地方大，座位坐得舒服，食物總類特別多，可以韓燒、或火鍋、仲有好多熟食😋任飲任食兩小時，價錢十分抵，加埋一每位都唔洗$250。同朋友們入座後，我即刻泡一壺花茶飲。岩晒鍾意飲花茶或唔飲凍飲品既朋友仔，花茶味道有14款任君選擇⋯一定有一款岩您。出面拎野食，左邊係熟食，有蒸既燒賣、蒸蛋、清酒⋯炸既有炸蝦、炸雞塊、薯條、蟹鉗、魚皮⋯樣樣都好吸引⋯右邊係急凍食物，可以拎來打邊爐或韓燒來食，肉類好齊👍🏻👍🏻好多款可以揀⋯有牛扒、豬扒、唔同味道雞翼、台灣腸、豬仔骨⋯等等，仲有壽司同刺身區⋯雪糕同甜品區當然唔少得😆😆😆我拎左迷您蒸魚肉燒賣及壽司，好好味😋魚肉燒賣夠熱又嫩。燒肉類就交俾我既朋友😂燒左好多牛肉、雞翼、台灣腸俾我食⋯食到飽飽回家，物超所值！😆😆

放假又係老公出去搵食既時間，元朗越來越多山人住，所以食肆真係每隔間舖就有一間，今日就去了朗屏個邊食韓燒放題，晚市都係二百元，價錢大眾化。食物款都很多，雞翼我哋至愛，有數款不同味道，自己慢慢煎，火力可自行調較，所以好快就食得。豬扒很腍又入味，最重要係無落鬆肉粉，原汁原味。竟然有三文魚邊，充滿油脂，煎至魚油爆出後，三文魚帶香脆又甘香。除了燒肉，還有刺身，不過味道就麻麻，三文魚唔夠肥，而且切得比較細件，每次還限取。壽司都試左兩件，味道正常。沙律就任配任搭，有柚子醋汁，可解膩。最後食埋雪糕及泡芙，飽到行唔郁。

超級多元化的燒肉放題我從來未見過燒肉放題可以有咁多選擇，真係大開眼界，本身諗住去燒下肉類，點知最後食左好多其他嘢，非常滿意！最Basic嘅燒肉放題種類約50款，個人覺得好味嘅有雞腎，金沙骨，牛小排，雞軟骨，都係釀得好入味，爽口新鮮，唔鞋皮，款式太多，試唔晒。見到有菜，本身諗住烤下佢，點知唔好食，最後原來發現可以打邊爐的，自行去拎一個煲，裝湯底就可以，太方便了。湯底仲有三款可以揀，我選咗香濃豬骨湯，非常不錯，順便可以淥下烏絲，冬菇，丸仔！刺身方面，最好味係牡丹蝦，非常有蝦味，沒有雪藏味，一連食咗幾隻，哈！本身到此為止，點知望吓望吓，發現原來仲有好多嘢食，要推介一下點心區，好少店舖有放題點心，仲要係好食，香菇燒賣比我拎到冇晒，好彈牙，超級好食！另外，仲有中菜區，個煲人參雞湯，我見倒原隻雞仲係個煲入邊，絕對冇揸流攤，飲落去當然好有雞味，必飲！要大贊一下溫泉蛋，一連食咗兩隻，半熟嘅程度剛剛好，好有水準！甜品，雪糕，飲品，啤酒，不在話下，俾我發現原來可以自配花茶，這個概念我實在太欣賞了，大概有10幾款花茶，你自行放到自己的茶煲，自己回座位慢慢沖茶，我選擇咗菊花類，非常芳香，最適合消濟！朋友鍾意飲

受到疫情影響，校長燒肉這一類自助形式的放題，人流自然少了。餐廳為了保障食客，入店前會替食客灑上酒精和量體溫，更把場地劃分成兩半，在過場時間時，一半廳會徹底消毒，感受到餐廳對保持衛生的誠意。但當然啦，在外用餐始終有一定的感染風險，自己行量啦。肉類區種類極多，一至五早場$108一位，肉類的質素當然也是一分錢一分貨這樣子，適合重量不重質的朋友。事實上我並不覺得差，比起BBQ醃肉好，有好幾款都值得encore。日本食品區有壽司和刺身，當中的玉子、火炙三文魚和腐皮我覺得好好味啊～沙律區，中西日韓泰的的冷盤都可以吃到，利害！熟食小炒，甚至連點心都有！飲品區和食品一樣選擇極之多，可以說得上放題界第一多（笑）包括啤酒，不另收費的。我最欣賞這裡提供熱茶，連花茶都有！吃完燒肉解膩，喝一杯花茶真的很舒服！（老了，最近開始注意養生。）當然啦，百多款食物沒可能全部都對胃... 也有些中伏的食物，個人覺得炸物真是不可一不可再，超級硬，硬得咬不下... 這個可以skip。黑椒牛扒必食，調味得剛剛好，燒起來很香！辣味雞扒肉很嫩，是必吃的第二位！韓式餃子也很不錯的，一田亦賣得不便宜，可以在這裡吃過夠。除了燒肉，還可以打

好想食燒肉，即刻黎元朗有名氣的校長啦，一向食開都知佢抵食，除左燒肉，仲有得打邊爐，食壽司等，一次過滿足所有食欲。依然有靚靚花茶自助，唔使講梗係要沖返壺靚茶嘆下。整左壺菊花茉莉玄米茶，聽落有啲九唔撘八，但好香好飲喎。唔想飲熱茶當然仲有凍櫃嘅紙包，罐裝飲品啦，啤酒都任飲呀～朋友們急不及待即刻燒，第一輪因為肚餓，大家都揀啲快熟嘅，肥牛片，火腿，腸仔，豬柳扒等，凍肉舖貨式，無經過調味，個人覺得咁幾好，好怕啲醃到好鹹嘅店，不過如果嫌唔夠味，枱上有七味粉，海鹽，黑糊椒等自己調味啦。第二輪燒下豬扒，牛扒，雞扒，魚柳等，呢啲已醃製，黑椒牛扒正喎，燒起黎香口又有牛油，調味亦無重手，好味。仲有至愛燒餃子，喔喔脆嘅雞軟骨餃子。熟食有無乜特別嘅炸野囉，仲有炒熟餸，個酸菜魚柳幾好味，魚滑又無骨，仲有抗疫湯水，清清地幾好飲。同時間打埋邊爐，湯底有四款，我地拎左壽喜燒，甜豉油正呀，大量淥蔬菜，肉食得多會膩嘛。甜品亦非常多選擇，有三個櫃，哈哈，好正呀，至愛甜食。雪糕泡芙同玄米茶雪糕杯，有驚喜喎，淡淡茶味又唔過甜，啲茶味仲唔假，唔似街邊啲cheap cheap綠茶雪糕咁假茶味，哈哈，好難形容，但愛茶人仕會鍾意呢杯雪糕。

校長燒肉日韓料理這家「校長燒肉日韓料理」餐廳就是以野戰場景作為主題，地方寛大，座位多，空間感大，坐得很舒服，放題價錢不貴，任食燒肉，火鍋和日式放題，選擇總類繁多，有壽司、甜品，炸物之類，經濟又實惠。到了沙律檯台，選擇多又豐富，如中華沙律，粟米粒、車厘茄、辣螺肉等等。我朋友就喜歡剌身部份，有三文魚、鮑片、甜蝦、帶子。刺身都有很多選擇，雪味沒有，又可以無限次拿取。店員首先幫我們開了個火爐，鐵網燒得熱烘烘令人興奮，我們急忙出去拿肉類來燒，心水就是雞肉和牛肉等等，牛肉當然是最愛啦，現場所見不論是那種牛肉個部位，牛仔骨、五花腩、牛柳、⋯⋯都好新鮮，看到食指大動，我們急不及待把肥美的牛肉在鐵網上燒，入口肥美滑軟，肉眼在網上已經滲出很多油脂，火光熊熊，入口更加軟熟肥美，充滿油脂十分感動。飲品方面，多款式的飲料，我們有選擇困難症，面前有汽水，韓式飲品、茶類飲品等等，正！

元朗嘅校長燒肉一直都好出名今次佢搬左去新舖 地方大左之外食物種類都多左勁多 好似食buffet咁啊🥰飲品櫃多達十幾種 隔離仲提供唔同沖茶材料另外壽司同刺身都有得食 有我最鍾意嘅三文魚甜品除咗有雪糕之外 仲有泡芙好多細細杯嘅啫喱同唔同口味嘅奶凍 然後今次新舖仲多左火鍋添啊 配料好多其餘仲有熟食 炸物 (有我最鍾意嘅香芋球) 點心燒肉方面依舊有最愛嘅牛肉粒 Juicy😋咁多野食 食2個鐘都係$198 超值啊👏🏻-裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)唔信我嘅可以自己去試試😂

因為疫情關係，已經好多日無出過街😭日日都自己煮，所以今晚有得出街食就緊係要食好d！食放題咩都有得食😍可以一次過滿足曬我嘅食慾😂😂一到門口入去食嘢之前就要用消毒搓手液消毒雙手先入去，地方好闊落環境好大，唔會有好迫嘅感覺㗎！依度除左有燒烤、火鍋、仲有熟食小炒、中式點心、刺身壽司、沙律、甜品、雪糕、糖水、湯水同飲品或者花茶❗️而且仲係自助式放題，任拎就得喇燒烤方面真係有數十款肉類、蔬菜類，真係包羅萬有，款式都好多選擇㗎！而且價錢合理，真係好抵食啊！

今日，入到黎元朗呢間日韓火鍋燒肉放題餐廳食個午晚飯。下午五時，已經有好多人喺門口等緊。入餐廳前需要用酒精消毒雙手，店員亦會測體溫，非常衛生。有不同的炸物，薯格新鮮熱辣，章魚丸很惹味。有刺身同壽司，今次我哋食嘅餐係包刺身的。 有唔同種類嘅食物可以打邊爐或者燒嚟食。仲有甜品，有小時候很喜歡吃的菠蘿冰、西瓜冰、荔枝冰。 仲有不同的熟悉類包括湯、中式嘅菜式及西式嘅菜式。不過因為太飽所以我都無食到熟食除咗食燒肉之外，仲有唔同嘅湯底係可以打邊爐。今次我試咗壽喜燒湯，好濃味。總括而言，呢間餐廳食物種類多到令人讚嘆，燒肉不是很鹹很重口味，可以配自己喜歡嘅醬汁或者落鹽等等的調味料。 最後，食到好飽咁走了。

好耐無食燒肉，係元朗搵到一間有燒肉有火鍋既，諗都唔諗就去馬。環境好大，座位都舒服。成人7點到9點198$平日,加埋一都係210左右,又可以打邊,又可以食燒肉,仲有刺身!食物的款式應有盡有。燒既有豬牛雞、雞軟骨、魚柳等等，淨係牛都有好多款，一定有岩食。推介係牛扒，好入味，而且肉味香濃。如果你覺得燒肉唔夠，仲可以自制火鍋可以去揀喜歡的湯底，肥牛、菜、丸類乜都有！仲有壽司！除此之外，我地仲升級左任食刺身！有三文魚、帶子、吞拿魚等。想食熱食? 又得姐...連中式既牛柏葉,燸米雞都有!基本上想食乜都有！飲品都係任飲！有酒有茶!甜品都有大把!價錢大約200零一個人，好抵食。

好耐無食過燒肉了，心血來潮同朋友去咗依間自助式嘅燒肉店。餐牌：睇番個價錢牌，晚市嘅價錢唔太貴，除咗有燒肉食之外，仲有火鍋同邊爐可以食添。環境：個場相當之大，有好多食物可以揀，有唔同區域將食物畫分，例如：燒烤區丶火鍋區丶刺身區丶熟食區等。食物方面：肉類種類十分之多。例如有雞軟骨粒丶豬肉腸丶香草魚柳丶特級叉燒等。肉類總括嚟講，肉質順滑，配合香草丶咖喱等醬料醃制，可以嘗試到多層口感。疏菜方面：有不同種類嘅蔬菜，例如：金菇丶韭菜丶粟米等。蔬菜都都十分之新鮮。飲品方面：有一些有氣汽水丶清涼下火嘅涼茶，當然仲有酒飲添啦。不過未滿18歲嘅人士就唔飲得啦。整體來講性價比高，但元朗比較有點遠。

難得home office，放lunch無極限，人生有幾可？不如陪大胃之母去遠少少一齊食餐好，珍惜吓陪屋企人嘅時光一嚟大胃之母就斟咗成支梅洒畀大胃，原來佢以為係果汁先斟得咁開心，不過估唔到呢度洒類任斟，實在痛快有時甜品不一定在午餐後，呢度咁多款，食啲當頭盤亦得喪食肉之前，仲有沙律區提提你蔬菜的重要性點揀呀？咩肉都有，仲有唔同醃肉，4-5轉都食唔勻啦除咗燒肉，仲可以打邊爐，只要你一眼關七嘅話不過大胃之母太心急，將燒爐當做打邊爐，大胃唯有幫手專注燒肉有大胃幫拖，燒肉絕對唔會有燒燶嘅機會唔係話，連點心都有？啱喇，大胃未食早餐粉果同糯米雞都好正，煙煙韌韌中式之外又有日式，多款壽司必食記得攞張通行證先好攞刺身，赤蝦每round必叫最後當然記得要飲吓湯水抗疫啦