校長燒肉日韓料理 (西裕街)

營業中

休息中

好似好耐都冇食過放題啦🤔見依一間新開張又咁吸引 決定要黎試一試！有幾吸引？睇相就知啦😁平時嘅放題都係好單一 🙈但依一間放題 簡直可以滿足晒我三個願望呀～今次嘅放題係包括左韓式燒烤 打邊爐 同好豐富嘅日本壽司🍣🤤真係好正啊！好似想食咩都有 燒肉食得太油膩 又可以打下邊爐清清地 壽司種類又好多款！真係可以滿足晒所有人嘅口味😆介紹下啲食物先😍韓式燒烤同打邊爐嘅配料加埋有50款種類以上嘅食物！想要咩肉就有咩肉 肉質都好靚㗎～絕對食得過！燒肉爐仲會放上一張燒烤紙 令到啲食物唔會同個爐直接接觸到 唔會咁易燒到燶晒 真係唔錯！打邊爐湯底都有三款㗎（有麻辣豬骨同壽喜）有辣有唔辣任君選擇😆唔講以為自己仲食緊壽司放題 因為壽司種類真係好多款啊 有炙燒三文魚有飯團有鰻魚仲有刺身....真係數唔完😋😋放題來講呢一間真係已經好多選擇！最好嘅就係佢可以滿足三個願望呀！☺️甜品都好多選擇㗎（有奶凍有蛋糕有布甸仲有我最鍾意食嘅芋圓呀）夠晒吸引！食得太飽 仲可以自己去沖番杯花茶消下滯添😀環境又闊落又舒服 啱晒一家大細朋友黎分享👍咁抵食 值得一試啊☺️

當日投完票就食返個韓燒預祝下😏呢間校長燒肉係搬舖前 大約5,6年前都食過記得當時無咁高質同款式多～除左🥩燒肉 仲有壽司🍣 刺身 火鍋🥘 點心 炸物 熟食 甜品等等‼️好特別既係有花茶可以自己沖啊‼️真係同放題唔係爭好遠 但價錢就平一截👍🏻.全部嘢食都係自助 食得晒先好拎啊🙆🏻‍♀️肉類款式好多 我最愛緊係土匪雞翼同雞腎自己燒特別好食～啲肉類全部已經醃得入味唔會死咸 🐓雞腎就好爽口 呢個燒既時候要小心啲拿捏因為過熟就會硬 會無咁好食啊～.火鍋方面 每張枱已經有電池爐自己去拎煲拎湯 (當日有4款湯, 我拎左壽喜燒)我最愛壽喜燒應該大家都知😏見到就二話不說拎了仲有我最愛既🎃南瓜同生菜🥬一邊食燒肉 一邊食返啲菜ʙᴀʟᴀɴᴄᴇ返～.記得留肚仔食呢度既甜品同雪糕。芥辣同海鹽雪糕係我最推介既🤤真係好正 特別💙

燒肉在香港流行，不論是日式還是韓式，鬥的就是肉質跟配套。肉質當然為先，始終是燒肉，這裡燒的食物選擇也很多。牛肉和豬肉都有不同部位，客人可選擇醃製的或原味，爽口的雞腎和惹味的雞翼，還有不同的海鮮，應有盡有。蔬菜也不少得，客人可選擇拿個小鍋打打邊爐。最令人驚喜的是有現蒸點心！有豉椒排骨，也有燒賣和蝦餃，糯米雞等。最可愛是菇包，忍不住又取了一籠。蝦餃每次蒸都是限量的，看到小小的籠就是了。值得一提的是這裡也很貼心，等待入座時為客人預備飲品。

校長燒肉日韓料理最近在元朗再次開分店，小編選了5時入座，門外已經出現大量人潮 ，職員表示當天沒有walk-in座位，大家記得去前一定要預約啦。雖則價格便宜，但食物款式選擇豐富，當中一定找到你喜歡的，特別適合家庭和朋友聚會。店內寬敞，場內有刺身區、燒烤區、火鍋區、熟食區、甜品區和酒類區等9個區域，可盡情享受2小時邊吃火鍋、烤肉、熱食和刺身的時光，吃這麼多款食物，一位才只是＄158！如不吃刺身的話會更化算一點(＄118一位)🤩的確物超所值！

晚上與家人為慶祝萬聖節光顧元朗校長燒肉我們揀了晚上C段(7:15~9:15pm)，成人$198,小童$128 要加一服務費 (星期一至五)，生日優惠當月有88全單折, 除了燒烤, 有打邊爐; 搬鋪後更舒適寬敞。店內分多區: 燒肉區,火鍋區,沙律區,刺身區,甜品區,熟食區,雪糕區,餐前小食區,飲品區。食物種類繁多: 刺身壽司多樣化, 有熟食小菜, 有炸物 (炸煙肉腸,炸薯角,炸魚皮,響鈴,炸蝦,炸茄子,炸雞粒…) 蒸寵點心(排骨鳳爪鯪魚球…)多種選擇。燒物: 魷魚,雞腎,鷄軟骨,五花腩,牛扒,豬扒等等…火鍋: 各式蔬菜, 丸類, 香腸類… 火鍋湯底有壽喜燒,麻辣,豬骨3種湯底。飲品: 酒類->啤酒,清酒,梅酒; 各式汽水果汁, 綠茶,烏龍茶… 還可自助泡茶, 有花茶(玫瑰花,菊花,茉莉花,話梅,山楂…)中國茶, 吃得飽飽自助沖茶靈神消滯消脂! 像我喜歡兩樣並齊的燒烤, 火鍋, 這店是不二之選!✧(≖ ◡ ≖✿)

校長燒肉係行型格路線，佢嘅裝潢都比較新潮，有別於一般嘅放題韓燒餐廳～午市燒烤火鍋刺身自助餐，可以食2個鐘，都係$148 （再加一）食物種類繁多，中日韓都有～ 想食燒肉嘅話都有好多肉類選擇，佢嘅肉類普遍質素都唔錯，明顯有預先醃過夜，所以肉質都幾嫩滑～日式料理方面有刺身和壽司，當中最吸引嘅係三文魚和赤蝦，都幾新鮮～估唔到呢度連邊爐都有得打😨 火鍋配料都有唔少，但因為之前已經食得太多野...食唔落了🙈 如果懶得煮...仲有現成嘅熟食，印象中有豬手、魚手指等😂😂呢度啲甜品都多選擇，最特別嘅係芥辣雪糕，真係幾重芥辣味，甜得來又有些許芥辣嘅嗆鼻感，好有趣🤣🤣 玄米茶雪糕都好食～ 除左一般罐裝/盒裝飲品，佢仲有酸梅湯、梅酒、清酒、自製花茶選擇，都幾有心思🤣整體來講呢個價錢有呢個質素係超抵食，食物選擇多而質素又幾好，唯一要煩嘅係太多選擇唔知食咩好😭😭😭

好耐冇食過韓燒，呢日拉埋呀媽陪我近近地去元朗食校長燒肉，校長燒肉算係咁多間自助韓燒店入面最抵食果間以前校長燒肉未搬之前去過一次，主要係有少少熟食加韓燒咁，今次黎估唔到多左咁多野地方大左唔多講，佢台面竟然唔止有韓燒爐，仲有個電子爐位for打邊爐用！姐係可以一邊燒一邊烚，任你想點食就點食！邊爐湯底有3款比你揀，但對於主打韓燒既鋪頭黎講已經好足夠！ 韓燒同打邊爐既食材非常齊全，基本上講得出既都有，無論係菜定肉都好新鮮，食落唔會有雪味另一樣比較特別既係，佢仲有點心供應，真係好適合一家大細黎聚餐，無論三歲定八十總有一樣岩你食！除左熟食之外，當然有刺生同壽司，刺生都幾新鮮亦都有比較創新既菜式，例如紫薯波波甜品方面都幾令人驚喜，款式多夠多，凍熱都有不得不提佢個雪糕櫃，係我見過最多口味既雪糕櫃，竟然有港式奶茶同沖繩海鹽，咁多口味，食一杯邊夠！個人好喜歡港式奶茶，奶茶味好突出！

結婚週年紀念日揀咗食呢間放題店，皆因上次夜晚9點零行經呢到，竟然仲有幾十人等位7點15分準時入座，首先睇飲品，水、酒、檸檬茶、汽水有齊，仲要有14款花茶揀嚟沖添，我揀左胎菊溝普洱茶，幫手消油膩。回本必食既剌身櫃有7款揀，有三文魚、吞拿魚、希靈魚、榮螺、赤蝦、蟹柳同玉子～赤蝦最好味，大大隻又啖啖肉有個熟食位，有雞、粟米班塊、炒菜之類，最估唔到係有豆苗呢種貴價菜食！肉類勁多，真係講得出既都有，可以拎反位燒又得，拎個煲仔落豬骨湯打邊爐又得！行到最入有點心食，有珍珠雞、蝦餃、粉果、包同牛柏葉，蝦餃薄皮最好食～甜品都好多款，有啫喱、寒天、奶涷、水晶粉、豆腐花⋯最特別係可以自己加水蜜桃、蘆薈、椰果同雜果，令到味道更豐富！雪櫃有6款，隔離有冰菠蘿同泡芺，因為太飽，最後只係食左曲奇味雪糕，好多曲奇碎係入面，又唔算好甜。

元朗既校長燒肉新裝修左，搬左去一間鋪位好大既位置，睇得出新店裝修有d心思☺️最重要係佢個價錢keep住咁抵食😍係燒肉仼食放題😝性價比好巴得！！一入到去，完全有種花多眼亂既感覺，好興奮😂😂首先佢既仼食放題分時段任食120分鐘，17:00-19:00就最抵食，百幾蚊就埋到單😯佢有分加唔加刺身(加左都係百幾🤤)，加左既客人會有一張「刺身通行證」，痴住係身比店員辦別就ok喇！一入到去，真係好多人，不過好在店鋪都大，食物Refill得好快！首先我地有個燒烤爐，仲有個電磁爐可以拾下拾下，打邊爐既湯底係出去自己拎，醬料醬油飲品全自助形式，超多款式選擇！刺身選擇都算齊！三文魚、帶子、吞拿魚、希靈魚、大頭蝦，蟹柳棒、玉子、螺片，新鮮度都幾好🤭大頭蝦有驚喜，唔係一般放題既甜蝦，蝦肉晶瑩剔透，大大隻🤤另外仲有壽司供應！之後前菜有各式冷盤同沙律，望落去全部都係岩岩整好，企理乾淨!仲有唔少熱盤，炒菜炒牛肉等等。點心都有🤭🤭炸物仲係咁有新款😍見到店員keep住後面即炸，新鮮又脆口，最中意係炸香蕉麻糬！打邊爐個到唔多講喇不過每個人頭都送一碟牛脊併大蝦帶子蠔，依刻覺得真係好值回票價😆 牛脊就偏瘦，不過好大塊，而帶子名同

很久沒吃放題，最近找了家重新開幕的全自助式放題餐廳，假期晚市價錢亦較便宜，成年人人均只兩百左右，包燒烤、火鍋、刺身、壽司、熟食、甜品及飲料等等。刺身推薦三文魚及赤蝦，肉質肥美鮮甜，油潤甘香不油膩。前菜前菜有日式沙律、螺肉等，還有沙律菜、蕃茄等、玉米等。凍肉櫃凍肉選擇總類多，還有金菇肥牛卷等燒物，肉香而菇爽，肉汁滲在菇內。秋刀魚整條完整，低火燒至皮薄脆而魚肉香。精美點心內有蝦餃燒賣等，火鍋湯料款式約四款。熟食菜、魚、牛肉等應有盡有，熱騰騰還是滿不錯的。甜品櫃除了有雪糕外，還有啫喱、奶凍、凍餅等等，款式多而質素佳，可留肚試多些甜品。花茶區十多種花茶類任意配搭，熱茶配上燒肉，很好的配搭。總括來說，是朋友親戚聚餐的好地方，大家必有合適的食物。

元朗新搬鋪既校長燒肉一行4人韓bbq 🥳有朋友生日就黎個lunch 放題食呀食呀加左錢食魚生sushi 個邊又打邊爐又食魚生又韓燒Lunch time 好抵呀！！！朋友比較養生佢勁like 倨花茶zone🤣🤣🤣🤣我就飲番冷飲紙包！飲品選擇都好多幾個櫃由泠盤到燒野都係自助拎野食既大到好似去酒店食buffet 咁最鍾意食雞翼！佢地有土匪雞翼😍😍😍壽司魚生都係任食！有三文魚🍣、腐皮壽司個d 魚生有吞拿魚、三文魚同蝦食埋甜品飽到抱住大肚腩走呀🤣🤣🤣

今日係投票日，一早就去投票，然後約埋朋友入元朗行街揾好嘢食。下午4點幾經過西裕街，見有好多人聚在一食店外，原來係校長燒肉等入座，望下個價錢，$118 食2個鐘，好抵喎，於是登記等5點鐘入場。入座後真係有驚喜，唔係韓式燒肉咁簡單，仲有日式打邊爐㗎；我哋初時係燒嘅，跟住怕太熱氣就轉為打邊爐嘞。食過好多次放題，第一次見有咁多自選花茶。天冷唔想飲凍飲嘅最佳之選。食物種類真係多，雞，豬，牛都有，醃得入味，唔點醬油都得，仲有熟食熱盤同沙律壽司，好豐富。甜品都好多款式啊，最驚喜係雪糕，連海鹽雪糕都有，我仲第一次食芥辣雪糕，結果每款雪糕我都試暈晒，飽到差啲行唔郁。

好耐無食烤肉了，今次中午去元朗呢間分店，食完順便去大棠睇楓葉。肉類的選擇好多，有四五種味道的雞翼，大大條秋刀魚，魷魚鬚，肥牛，叉燒，雞軟骨等等。都無咩雪藏的味道。仲有刺身，一d熟食，甜品。甜品有一樣特別的係，雪糕有兩種口味值得一試，一個係玄米茶味，一個係芥末味。玄米茶味都唔錯。芥末味的雪糕真係好芥末😂，感覺係刺身果種芥末，不過係甜的芥末，好特別。環境就正正常常，不過門口都幾colorful，樓梯仲有一個Iron man 的模型可以影相

校長燒肉有新舖，經過見到好多人！今次星期六晚來，座無虛席，呢度以卡位為主，坐得好舒服。一開始比呢度嘅選擇嚇親，我本身以為係燒肉為主，點知連刺身、壽司、沙律、熱盤、火鍋、甚至連花茶都有，以這個價位來說，真心多選擇。全自助形式，基本上都refill得好快，不過有些熱盤只係出一輪就換上其他。刺身區推介赤蝦，幾甜。沙律區較突別的是有紫薯波波，也有一般的沙律和泡菜。凍肉區，都有非常多不同的選擇，揀幾樣，每樣一兩塊都已經食到好飽了😂仲有火鍋呢！有三種湯底選擇，我選了壽喜燒湯底，主要用來煮蔬菜食。熱盤區，最特別特可算是這個中式點心站！小籠包、蝦餃、燒賣咩都有！質素就唔係好突出，但係有得過下口癮都唔錯。炸物區keep住出唔同炸物，我最喜歡的一定是薯塊，正！熱盤區竟然有蒸魚！！看傻了眼，難怪咁多一家大細三代同堂嚟食，真正大人細路都啱食，唔食燒肉都有好多嘢可以揀。甜品區都有唔少嘅選擇，當然唔少得有雪糕啦，口味眾多，花多眼亂！連港式奶茶都有！飲品區有幾個大雪櫃，汽水機有清酒梅酒，估唔到嘅係連花茶都有！整體我覺得呢度性價比真係唔錯嘅，平價燒肉放題之中，選擇算好多，適合想一次過食好多好多唔同嘅嘢嘅人。

遍地開花的《校長燒肉》，多區已有它的跡影，沒見識過感覺有點落伍，實行舉家行動，見識見識！環境玩味濃，有別一貫的設計，有心思。簡單中見獨特，座位舒適。食物種類繁多，各式其色！老公最愛日本菜，壽司刺身、缺一不可！三文魚腩肥美到一個點，高質素！😍😍 刺身帶子屬細碼，鮮甜依然！壽司飯底軟糯，它未必是標準的壽司飯，但絕對好味道！阿仔就最愛烤肉，後生仔傾吓計，烤吓肉就最啱河車，一大盤任食任燒夠滿足，質素加上份量，是超值的！火鍋就最合小妹的口味，烚菜煮麵都可以，有三種湯底選擇，豬骨就最穩陣，又啱口味！老爺奶奶還是鐘情點心、熱葷，熟食即取即食，份量隨意。基本的蒸魚、蒸雞、炒菜、炸點、點心、熱湯均齊備，總會找到合意的。甜品、飲料、梅酒、青酒、花茶，應有盡有，任食任飲 💖💖一家大細，各有喜好，一次過滿足全家人口味，無得輸，人均消費二百幾，價錢合理，值得收藏。