影片
更多
2020-03-01
111 瀏覽
好想食燒肉，即刻黎元朗有名氣的校長啦，一向食開都知佢抵食，除左燒肉，仲有得打邊爐，食壽司等，一次過滿足所有食欲。依然有靚靚花茶自助，唔使講梗係要沖返壺靚茶嘆下。整左壺菊花茉莉玄米茶，聽落有啲九唔撘八，但好香好飲喎。唔想飲熱茶當然仲有凍櫃嘅紙包，罐裝飲品啦，啤酒都任飲呀～朋友們急不及待即刻燒，第一輪因為肚餓，大家都揀啲快熟嘅，肥牛片，火腿，腸仔，豬柳扒等，凍肉舖貨式，無經過調味，個人覺得咁幾好，好怕啲醃到好鹹嘅店，不過如果嫌唔夠味，枱上有七味粉，海鹽，黑糊椒等自己調味啦。第二輪燒下豬扒，牛扒，雞扒，魚柳等，呢啲已醃製，黑椒牛扒正喎，燒起黎香口又有牛油，調味亦無重手，好味。仲有至愛燒餃子，喔喔脆嘅雞軟骨餃子。熟食有無乜特別嘅炸野囉，仲有炒熟餸，個酸菜魚柳幾好味，魚滑又無骨，仲有抗疫湯水，清清地幾好飲。同時間打埋邊爐，湯底有四款，我地拎左壽喜燒，甜豉油正呀，大量淥蔬菜，肉食得多會膩嘛。甜品亦非常多選擇，有三個櫃，哈哈，好正呀，至愛甜食。雪糕泡芙同玄米茶雪糕杯，有驚喜喎，淡淡茶味又唔過甜，啲茶味仲唔假，唔似街邊啲cheap cheap綠茶雪糕咁假茶味，哈哈，好難形容，但愛茶人仕會鍾意呢杯雪糕。
依然有靚靚花茶自助，唔使講梗係要沖返壺靚茶嘆下。
整左壺菊花茉莉玄米茶，聽落有啲九唔撘八，但好香好飲喎。唔想飲熱茶當然仲有凍櫃嘅紙包，罐裝飲品啦，啤酒都任飲呀～
朋友們急不及待即刻燒，第一輪因為肚餓，大家都揀啲快熟嘅，肥牛片，火腿，腸仔，豬柳扒等，凍肉舖貨式，無經過調味，個人覺得咁幾好，好怕啲醃到好鹹嘅店，不過如果嫌唔夠味，枱上有七味粉，海鹽，黑糊椒等自己調味啦。
第二輪燒下豬扒，牛扒，雞扒，魚柳等，呢啲已醃製，黑椒牛扒正喎，燒起黎香口又有牛油，調味亦無重手，好味。
仲有至愛燒餃子，喔喔脆嘅雞軟骨餃子。
熟食有無乜特別嘅炸野囉，仲有炒熟餸，個酸菜魚柳幾好味，魚滑又無骨，仲有抗疫湯水，清清地幾好飲。
同時間打埋邊爐，湯底有四款，我地拎左壽喜燒，甜豉油正呀，大量淥蔬菜，肉食得多會膩嘛。
甜品亦非常多選擇，有三個櫃，哈哈，好正呀，至愛甜食。
雪糕泡芙同玄米茶雪糕杯，有驚喜喎，淡淡茶味又唔過甜，啲茶味仲唔假，唔似街邊啲cheap cheap綠茶雪糕咁假茶味，哈哈，好難形容，但愛茶人仕會鍾意呢杯雪糕。
各款奶凍同冰菠蘿，奶凍好滑，咁多口味入面咖啡最正，可能苦苦地同奶凍特別襯，其次個阿華田味都正，好香囉。菠蘿就好酸，食得出係新鮮菠蘿，但未熟嘅。
點心攞左魚肉燒賣試下，無特別囉，旁邊個蒸櫃仲有日式水蛋。
壽司都好多款，軟綿綿嘅壽司飯幾好味，刺身亦新鮮，好食過上次喎，人少左刺身厚切呀，大大塊又肥美，掛住食無影到自己個碟添。兩百蚊個人都唔使抵食到爆，咁嘅價錢唔好期待係A5和牛級嘅肉啦，但啲肉去得快，無雪味已經ok，自己調味一下就好好味了。
張貼
