校長燒肉日韓料理 (已搬遷) 新店位置

燒肉放題何其多, 為何同一間會吃上兩次? 其中一個原因當然因為近, 踢拖過去還可以, 不用整妝待發的去開懷放肆地食一餐, 是何其爽的事! 另一個原因是一份情意結, 第一次吃是搬了過來不久, 人生路不熟, BB又剛出世, 180度的生活轉變令我心情常在谷底; 某天能暫放低BB跟老公去輕鬆一下, 就是選了到校長燒肉喪吃一餐. 往事當然不堪回首, 那3個月獨力撐起的苦況十足抗戰一般, 捱過了, 又變回一條好漢. 如今小女已長成, 家中來了工人姐姐, 生活重回正軌, 再次來校長燒一燒, 心情已是兩樣.​在元朗區, 新開的食店一個月也有十間八間, 所謂開業容易守業難, 眼看附近的韓烤店開張時其門如市, 事隔一年食客已變得聊聊可數, 要在競爭如此激烈的地區站穩陣腳, 當然要有獨特之處, 但講到尾還是食物質素和價錢的化學作用主導. 記得校長初開業之時, 從友人口中的評語是很差勁, 不過從來不道聽途說的我還是願意花錢親身一試以證真偽. 吃了2次的食店, 不用多說也知至少不能配以"差"一字, 第一次沒有細心拍照, 這次再吃怎樣也得寫上一篇為校長平反.​校長燒肉的位置並非人流旺的地方, 但多年來仍然旺塲,

如果可以，我想再回到學生時代。校長燒肉日韓料理，滿足我嘅小小心願。因為，學生哥時候，就系同同學仔一起飲飲食食。完全不用顧忌，然後食到飽到嘔。就系去放題....菠蘿蝦，蝦肉新鮮，食刺身如果不新鮮，就系好難入口，呢個菠蘿好爽，而且酸酸甜甜，之前食刺身，都會加檸檬，但係菠蘿比檸檬多了點甜，配刺身都系味道鮮美。冰櫃裡面，刺身都系好新鮮，見到我最鐘意嘅三文魚，都認唔住排隊拿，三文魚切得剛剛好，軟腍腍，入口即融。正！！唔想食刺身嘅朋友，就可以食熟食了，品種好多，上得都好快，如果上完嘅，一陣就補上來，效率好好。我朋友拿得快都系熱熱哋。飲野就系自己拿，易拉罐比較衛生，夠冰，夠爽。當然唔少得，就係烤肉喇，但係我哋只系顧住食，烤肉唔記得影相。

之前起網上買左yahoo團購，6月30日係last一日！book左午市1100，準時入席！原先，諗住午市會無咩好野食，得瓜瓜菜菜，不過竟然喜出望外！首先，門面！sofa坐舒服又大，坐得好正，又有播流行歌曲，好寫意既環境！台面乾淨，唯奇怪每個爐都茶曬油既！黎啦畏，熟食！都有多種類野食下！不過要留肚食肉！揀左小丸子同螺肉食小丸子個味同街邊買既一樣，不過超厚粉啦！勝在有超多木魚起面，先無咁齋！螺肉個汁就調得比較結身，拎上手滑滑的，比較打冷陣！肉類真係好多右上個個西冷牛排：超多肉汁又淋無根，最好味是也！無限encore 右上第二三個都係豬黎，比較多根，難咬得動，最要係我煎左好耐，裡面都有血汁！最底下就係豬黎，不過不失啦！左手邊就係排骨類， 燒黑左先食佢地呢間野加6蚊有得無限更換燒烤紙咁樣避免燒毀個爐同埋幾衛生下起碼你唔會食到燶既味道魷魚都好快熟，彈口不過無放調味落去，就無咩特別飲品既種類都好多！燒下素食個大菇就咁燒下，好脆，要加下自制鼓油先有味！金汁菇就落左七味子炒！茄子就落左燒汁調味呢間野連調味料都準備十足，無hea你架！團購就58蚊一位，之後要起門市俾29蚊服務費燒烤紙就6蚊計埋係90蚊左

食飯時間又到啦，每日都排哂長龍等入座一夠鐘入到去，d人搶呀搶怕慢d都無得食呀，超誇張其實餐廳會keep住補給食物，大家可以放心囉話哂係燒肉放題，肉類款式當然特別多啦，食到你唔食等緊燒肉熟既時候，可以夾番幾款小食食下。鍾意飲啤酒既朋友仔，平平地都有罐ice任你飲，另外都可加33蚊生啤任飲唔飲啤酒，都有好多款飲品供你選擇掛住影相，沙律吧已經比人清空左啦超搶手呀haha夾左幾款心儀食品後，終於可坐底慢慢燒下，如果怕燶底可以加8蚊加張隔油紙。我自己比較鍾情五花腩肉，半肥半瘦咁，太吸引啦，簡直係肥得有道理雞亦同雞腎係事先醃左的，非常入味，燒完超惹味。除左肉，都有小量海鮮燒下鮑魚同凡立貝都好新鮮彈牙。牛仔骨，同豬頸肉都係必燒燒物，平時睇韓劇見d主角都愛一路燒烤一路飲下酒，呢两款又係送酒佳品，爽口，唔會太肥膩。唔怕煩唔怕手軟，加78蚊仲有松葉蟹任食，超鮮甜呀。想有d飯落肚，可以夾番幾件sushi補充番d澱粉質。

入元朗搵食時, 有好幾次經過都見到餐廳內坐滿人, 有時更見到有人排隊今日碰巧跟同事入元朗辦事, 一整日辛勞後, 做完公事已經肚餓到極點, 再次經過校長燒肉, 毫不考慮就決定晚餐吃這間.餐廳座位主要以卡位為主, 比較舒適韓燒食物採用自助形式, 吧枱上放滿食物, 大家可以各取所需.可以減少漏單的問題出現, 也更方便快捷.醬料都是自由選取, 比較有彈性餐廳提供不少款式的燒烤食物, 肉類、魚類、丸類、蔬菜樣樣都有刺身或壽司都有得選擇, 照顧到不同人的需要. 不用怕食不飽.刺身普遍很新鮮, 不過取刺身的人數好多時都比較多, 所以要有排隊的心理準備.另有不少熟食供選擇. 當日的炸物有洋蔥圈、蒜蓉包、餃子同雞塊.飲品都係自取, 可以係雪櫃內挑選, 不過款式不算多.如果喜歡飲返兩杯的話, 可以每人+HK$33, 任飲生啤.燒肉配啤酒是絕配, 當然要加啦!!另外只需要加HK$78就可以任食松葉蟹腳同生蠔生蠔SIZE不算細, 食落海水味較重, 鮮甜味十足.松葉蟹腳同樣水準高, 肥美多肉, 肉質飽滿,每隻腳都可以拆出啖啖肉只需要加少少錢就吃到蟹腳, 十分抵食燒爐上放了抹上油的牛油紙, 可避免食物容易燒焦,

第一次係網上見到校長燒肉日韓料理呢間店嗰時仲以為係某哥手開嘅添，雖然到而家我都未知系咪佢開，但系咪佢開都唔係重點，重點係嗰度嘅嘢食比較抵食，特別係午飯嘅時候，可惜一般中午趕唔到過去。晚餐自助餐選擇都幾多，有自助烤肉，壽司，其他熟食同埋其他飲料，睇上去都唔錯，有種眼花繚亂嘅感覺，又開始選擇困難癥，要開始開動筷子喇。因為都開始肚餓就先去攞D壽司來食下，打算先填飽個肚再慢慢穩其他嘢食，壽司做得都可以，可能因為太餓了，一下就食完。食左D壽司填下肚就開始食肉獸嘅世界，烤肉模式開始喇，先整個烤羊架試下先，自助烤肉仲可以同朋友有互動，甘嘅模式幾好嘅，仲有豬扒，牛肉同埋其他肉類，剛開始我地唔係好識控制時間，個靚女過嚟幫我地烤同埋教左我地，服務態度幾好，比較有親切感。食飽嘅時候再嘆翻個雪糕，好享受嘅感覺，除左雪糕仲有其他甜品可以揀，不過我食得好飽，食唔落其他甜品，下次有機會再試下。

路過校長燒肉好幾次啦，一直都想入嚟試下，之前check過openrice，見到入邊有好多野食，都係終於忍唔著過嚟...餐廳門外嘅環境唔錯，一入去就係好濃郁嘅烤肉味！！！呢度嘅壽司品種都幾多嘎，有甜蝦、蟹柳、三文魚，樣樣都要咗一、兩舊，好新鮮~~~壽司隔離竟然仲有烏冬，surprise~~！！呢度仲有分生食區同熟食區嘅。好似生野呢邊咁，有腸仔類、豆腐類、魚類、肉類、丸仔類等等，啊啊啊啊品種已經多到唔知揀邊樣好啦特別鐘意呢度嘅肉類，一舊舊都係厚切，新鮮之餘仲高level，口感鮮嫩多汁而熟食區竟然有小丸子、春卷~~~好特別。小丸子系原汁原味，入面仲有粒粒章魚仔，好食！如果覺得唔夠飽，仲可以過嚟呢邊夾啲素菜，麺，烏冬~~~真係乜都有，只有你估唔到嘅！！

是日一去咗元朗探朋友，朋友推薦晚餐去食校長燒肉，價錢平質素高！其實由教育路行過去都唔算真係太遠，不過對於我呢啲路痴來講，就有少少困難！大概行左我十分鐘仲琴琴轉！校長燒肉呢就係計一點五小時任食！食物種類好多尤其是係燒物啦燒嘢種類超多，有三文魚骨，鯖魚，多春魚，紅腸，腸仔，魚餅，羊架，午餐肉，帶子，豬扒，雞翼應，仲有我超推的金菇肥牛卷同肥牛，淨係牛的種類都十分之多，應有盡有，菜類都有很多，有洋蔥啊，冬菇盤以及三色椒，大葱，茄子等等，真係淨係食燒物都食到飽啊！除我响呢度發現咗有超級好食嘅韓式餃子！燒完嘅韓式餃子外脆內軟，真係不得了！除此以外，熱盤呢種類亦都好多，如果唔鍾意食太多燒物，怕熱氣嘅話！都有很多選擇啊！熱食包括有薯條，青口，餃子，咖哩角，煎三文魚，酒煮螺牛仔骨同埋其他嘅中式菜，例如西蘭花等等！聽講佢哋日日嘅款式都會有少少差別，嘅咁樣大家就唔怕食悶！重有涼茶同埋滋補嘅人蔘雞湯，大家可以隨自己嘅喜歡攞！另外一個好吸引嘅地方就係佢哋有刺身吧，壽司吧，同埋沙律吧！刺身選擇每日都有四至五款，壽司呢真係望落去好靚好新鮮架！沙律吧嘅選擇都多，同埋除咗沙律菜之外仲有其他韓式同日式沙律，仲有個超正嘅松

7pm來到校長燒肉，只見門外已出現一條人龍，乖乖地等到7:15pm，可以入去了！一坐下，店員就問我們要不要加$6 買燒烤紙（店員之後會更換燒烤紙，不用再加錢）。這張薄薄的紙強烈建議要加，因為肉類可以燒得更好，不會容易燒焦，食物亦會少油一點。我倆一直喜歡吃生蠔，知道+$78可以生蠔和松葉蟹任食，立即升級。店員之後就給予卡片給我們去刺身counter到領取，每人每次只可以拎一人份，但可無限次領取。生蠔每隻都肥美飽滿，十分新鮮CREAMY，質素之高叫我驚喜！平時在外吃生蠔最便宜都要$30一隻，所以只要吃3隻生蠔就已經可以回本，超級抵食！而松葉蟹腳同樣高水準，每隻都啖啖肉，肉質飽滿，鮮甜回甘。能夠以那麼相宜的價錢，在放題店任食到如此高質的蟹腳和生蠔，實在是意外驚喜。刺身款式也比我想像中多樣，有三文魚，吞拿魚，帆立貝，八爪魚，甜蝦等，而且店方十分闊綽，每件都厚切，吃落十分有口感，味道肥美豐腴。REFILL速度很快，搶手貨如三文魚和甜蝦都很快有補給。吃了三輪刺身，我已經心靈得到滿足了。單是刺身，生蠔和蟹腳，今餐就足以回本了，但既然這兒主打燒肉，還得試一試。燒物款式更多，當中必吃牛扒，雖然醃得入味，

一坐低，店員就問要不要加六蚊用燒烤紙墊著燒，之後是任換的，會少一點油和不會太易燒焦食物。因為比較早食，lunch又未消化完，所以只吃了兩三舊肉和大量的菇和菜。*燒肉類只是吃了黑柳牛肉粒，肉質淋，重黑椒味；豬扒、牛扒都淋，不會乾身。*蔬菜類牛油蒜蓉粟米，本身不太愛吃粟米，不過都覺得頗清甜；金菇燒到軟身，再有少少焦焦地，不錯。翠肉瓜還算是有汁，但不多；南瓜不太夠甜。*夏枯草（熱）食燒物真的很熱氣，這裡除了汽水外，還有涼茶提供；夏枯草不算濃味，有少少甜。*蒜蓉包很少見到有得吃，稍為烘一烘，麵包好脆，牛油味香，略嫌蒜蓉味不太夠。其他甜品都沒有太大興趣，雪糕是阿波羅，這個迷你百福豆腐花稍為可以接受。

元朗近幾年食店遍地開花，想找個悠閒地方，與友人吃喝談天說地，大家可以到這間「校長」，位於西菁，主打日韓燒肉。燒肉店午市或夜市是座無虛席。隨店員來到旁邊一角，店內多數是一家大小，還有年輕男女光顧。這間燒烤店的美食是烤肉。店內烤爐抽風在金屬環圈, 我們燒烤沒煙臭味, 乾淨衛生，店員說她們可提應燒烤紙,食物不會沾上了燒烤網和燒得不易變焦，大家食得更爽快俐落。這「BB豚肉」色澤是粉紅色，脂肪均勻細緻的細紋，與肉質比例是平均，烤烘時脂肪慢慢溶解，芳香四溢，烤至熟透，每品嚐下，沒有乾而硬的感覺豐富的油份和肉汁互動，美味非常。今次試下燒「薑䓤三文魚骨腩」。烤時薑䓤味濃厚，芳香撲鼻，三文魚入口軟爽。色澤偏淺粉紅，油花較少 ，不宜烤得太焦，蘸點醬油送入口中，䓤味重，勝在骨位魚肉富嚼勁，味道令我們垂涎三尺！「原味雞中翼」一陣香炸香味撲鼻，食指大動。雞翼經燒烤仍保持其肉質嫩滑，外皮燒得呈現金黃色，入口份外滋味。例牌點「刺身」，三文魚吞拿魚是厚切，非常新鮮，肉質相當飽滿。三文魚肉質比油甘魚沒有那麼結實一點但還是傾向軟身，味道鮮美，蠻不錯。而甜點是「豆花」，一股豆香味，軟綿綿的，十分嫩滑。待應做事勤快, 收碟時

因為有預約, 不用10分鐘就可以入場, 一直以為要吃有質素的韓燒要殺出市區, 沒想到原來元朗就有。最近聽到朋友介紹元朗的校長燒肉, 決定訂枱試一試, 結果實在出乎意料, 入正題先!因為生意好, 要食記得一早訂枱, 今次選擇黃金時段7點15後入座2小時$188任燒, 店舖以軍營做主題, 店員說只需要加六元就有牛油紙放底無咁容易燒焦, 當然要試下啦! 枱上面仲有各種調味燒烤配料, 另外只要加$78蚊就可以新鮮生蠔同松葉蟹任食, 十分吸引! 首先講講, 生蠔真係又大又鮮, 松葉蟹又長又多肉, 剌身又厚又大份, 食多兩圈絕對值回票價, 令人難忘! 食完冷盤, 再食熟食, 除左香噴噴既蒜蓉包, 炸薯格, 麻辣雞翼尖, 炒蜆, 芝士青口等等十幾款美食, 仲有好足料既人蔘雞湯同下火既綠豆糖水, 抵讚! 然後開始韓燒, 眼前種類實在好多, 本來以為同一般韓燒差別不大, 但食落先發現, 每一道肉類都經由店舖自己精心秘製, 首推辣味雞翼, 實在難以形容的滋味! 仲有金菇肥牛卷, 豬頸肉, 牛扒, 五花腩和羊架, 每一樣都真心抵讚! 鋪頭中段仲會安排每人一次抽獎機會, 獎品豐富, 小則阿根廷生蝦, 中則韓國

人生就是要不停的「嚐試」，早前經過元朗逛街，看到有一個廣告寫住一間叫做「校長」的餐廳，感覺是很棒的日式燒肉店，那就跟朋友約個時間，一起來這邊吃個晚飯，順道傾訴一下心事嘛。這餐廳以迷彩為主題。店内樓底頗高，格局寬敞開揚，裝修帶著軍隊或戰地的感覺，綠色和藝術創作字帶出的軍事風味。為迎合餐廳的主題，坐位周圍是以塗鴉藝術和卡位，坐得舒服時之餘也可欣賞作品，設計新穎又有型。入座後見到店內中心點在一個美食專區，上面放滿各式各樣的食材，狀甚吸引，我們當然不甘落後於人，極速看看究竟是什麼一回事。原來這是各式各樣的豚肉牛肉和雞，魚類，壽司和生蠔美食。另外，也有特色鐵盤盛着食材及醬汁，放在枱中電爐上烤煮，它們都是熱騰騰，犀利！生蠔是放題的主菜，即叫即開。這生蠔大大件，肥大，味道鮮甜，蠔味軟濃，雖然沒有什麼海水味，生蠔帶柔滑嫩口，肉質有彈性, 較潔白，實實在在新鮮味道。整頓放題質素有驚喜，特別是生蠔，價錢亦不算昂貴，結帳每位大概一百多少少，消費合理。此店以日韓式食材及烹調為藍本，加上生蠔作賣點，較合適一家大小，配上特色舒服的環境，大有條件成為年輕一代三五知己的聚腳蒲點。

元朗美食就出咗名的多，今次小聚，就返朋友，特登入元朗食飯。朋友之前有提過校長校肉值得一食，有松葉蟹同生蠔，咁荀當然要食返次先得！我平時就好少入元朗，搵地點的時候也用了不少時間，元朗站出黎要轉輕鐵。兜兜轉轉終於到啦，閑日晚市都唔少人，果然好旺。Upgrade了生蠔同蟹，會俾張卡片去刺身counter到換，每人每次只可以拎一人份。話說今天的生蠔就一般，肥就唔算，海水味淡，個別幾隻有少少腥味，要加重茄醬先食到。但松葉蟹就有驚喜啦！蟹肉鮮甜，唔會果種好重的鹹水味，的確令人滿意。我一個人應該食咗三段都唔止！魚生刺身中規中矩，三文魚厚切，甜蝦食兩轉就無。。。燒肉方面還算出色，加6蚊燒烤紙任換，食物不會太易燶底，非常方便。肉類選擇還算豐富。牛的話大部分是急凍肉，不過燒起身就未算差。五花腩同豬頸肉永遠在我的必食list，燒肉少咗呢兩樣就索然無味啦。豬頸肉淹得唔錯，算是爽口。金沙骨好多未完全斬開，變得好難燒熟。燒菠蘿酸甜又juicy，點可以少咗佢？呢間食的人唔少，服務質素能跟得上，抵讚嘅。價錢方面，雖然小貴，但元朗的日韓燒肉認真少，同埋勝在松葉蟹質素ok，算係咁啦。