校長燒肉日韓料理 (已搬遷) 新店位置

第一次係網上見到校長燒肉日韓料理呢間店嗰時仲以為係某哥手開嘅添，雖然到而家我都未知系咪佢開，但系咪佢開都唔係重點，重點係嗰度嘅嘢食比較抵食，特別係午飯嘅時候，可惜一般中午趕唔到過去。晚餐自助餐選擇都幾多，有自助烤肉，壽司，其他熟食同埋其他飲料，睇上去都唔錯，有種眼花繚亂嘅感覺，又開始選擇困難癥，要開始開動筷子喇。因為都開始肚餓就先去攞D壽司來食下，打算先填飽個肚再慢慢穩其他嘢食，壽司做得都可以，可能因為太餓了，一下就食完。食左D壽司填下肚就開始食肉獸嘅世界，烤肉模式開始喇，先整個烤羊架試下先，自助烤肉仲可以同朋友有互動，甘嘅模式幾好嘅，仲有豬扒，牛肉同埋其他肉類，剛開始我地唔係好識控制時間，個靚女過嚟幫我地烤同埋教左我地，服務態度幾好，比較有親切感。食飽嘅時候再嘆翻個雪糕，好享受嘅感覺，除左雪糕仲有其他甜品可以揀，不過我食得好飽，食唔落其他甜品，下次有機會再試下。