柳氏家 (已結業)

三個人肚餓，見到韓國燒雞，都可試試。首先，要選燒雞同炸雞，都唔太明。燒雞只選一款，都唔明。七十五分鐘，成人一九八。燒雞終於在催促下，二十分鐘送到。不要擔心唔夠時間吃，因為端來了一鍋爛飯，加了年榚、菜同芝士。後加一份蝦，二十八蚊，有兩隻蝦仔。燒雞呢？招牌燒雞，原來係白雞柳，“孩十十"兼無味。豬同牛，咬唔開。感覺上，呢鍋東西唔係俾人食嘅。唯有叫個麵，說明叫一人份量，送來另外一大鍋，又係果D雞，夠五個人食，如果食得落。炸雞呢，還可以，不過已經無胃口。終於食咗六十分鐘走人，盛惠七百。要去麥記再食。估唔到現今香港有D咁嘅水準食物。

由於證件到期，所以預約星期六在沙田更換，一早就打算辦證後到丼吉吃午餐，可是到了才發現原來星期六是沒有提供特價午餐….😭在這個打擊和肚子餓的情況下，沒有太多想法，直接就跑到附近的柳氏家了😂由於只有兩個人，不會吃到太多炒雞，所以選擇炒雞一次的套餐，星期六的價格是$98+1，用餐時間60分鐘。套餐包括沙拉、前菜、炸雞和雪糕任吃。吞拉魚螺絲粉沙拉味道正常；自制凱撒沙拉的菜新鮮、爽脆，香草牛油麵包粒很香很脆很好吃。前菜除了泡菜和醃蘿蔔外，還有菠菜、大豆芽、粉絲炸雞有三款口味，分別有蜜糖牛油、辣味和黑椒味，皆可以點雞翅膀或雞腿肉。雞腿肉的雞皮炸得很乾，所以不會覺得油膩，沾了汁也能保留脆脆口感；肉質不算嫩滑，但也不乾，不過不失。至於三款醬料中，個人覺得黑椒比較好吃，有點小辣又帶點黑胡椒的香味，吃下去不會像蜜糖牛油般很膩的感覺、在味道上又比辣味多了一個層次。炒雞口味挑了柳氏家原味辣炒雞、加豚肉和牛肉、標準年糕量、配拉麵雞量大概是半隻芝麻雞吧，分量不是很多，但足夠兩個人吃，所有肉類味道平常，就是韓式辣醬味。年糕有三款，一款是常見的韓國年糕，另外兩款是有餡的(由於被辣雞影響味覺，所以未能分出內餡是什麼)；

今晚我們喺沙田新城市廣場諗著行吓睇吓有邊間店好食？我們行到去7樓見到有超多間食店，但喺眾多間之中，我們就揀咗呢間都幾多人排隊等位嘅「柳氏家」食韓式放題晚餐！因他們有分唔同嘅用餐時間長短，就有唔同嘅價錢收費，所以喺入坐前，店員已經問咗我們選擇咗幾長時間！等咗一陣店員就安排我們入座，一坐低店員就叫我們喺點選餐單度揀主餐嘅食物，因選擇唔係好多，所以我們好快就揀好咗，揀完之後，我們以為會好快到，點知等咗起碼超過15分鐘或以上先到，咁請問我們仲可以有幾多時間食呢？首先一上碟嚟係屬於自己將所有食材炒熱同炒熟，拉麵嘅麵質好爽口彈牙，年糕嘅質感相當煙煙韌韌，而且都幾惹味，但牛肉就畈嫌脂肪比較多，所以食落比較膩，食完之後我們自己喺出面嘅自助區攞其他食材再煮過，但呢次店員話幫我們加湯變成食火鍋，隔咗一陣，我們將每檯都會有嘅一小樽「睇落」似係水，但其實係上湯嘅加入火鍋，但嗰一小樽所謂上湯係唔夠㗎，所以我們就問店員有冇得再加？店員就話：「祇有檯面嗰樽！」咁我們就話已經加咗，而且無晒，所以先問可唔可以再添？店員就話要問吓經理先！我們就心諗：「唔駛吓嘛！加湯都要問過經理？」我們又再等咗超過15分鐘以上，店員先攞咗

一開頭以為會好好玩炒下炒下，但係煱嘢一出來，侍應倒左啲生肉入去叫我地睇instructions 自己炒. 問左佢幾次都唔解釋 😅炒完到火鍋果時，得200ml 嘅湯底!! 😠我地問左侍應可唔可以加湯底，佢話係咁㗎啦(??)🧐冇得加... 我地啲公仔麵已經粘曬底，又冇味，叫我地點食啊. 真係好失望，最後食左$210（每人）😭係隔離間舖食重好啦!!! 好彩食完冇肚痛🙏🏼🙏🏼 希望之後服務態度會更好，同埋d野食好味d 啦...

第二次來柳氏家，之前同屋企人去過都幾好，今次同朋友去但今次來真係有D失望了，因為上一次來個陣，外面的熱食係有好多種咁無留意就入去食啦，點知入到去8成都係火鍋料...今次得返炸雞同炒粉絲、沙律同泡菜refill 好慢終於等到個炒粉絲出來，但個味好好好甜...好怪..半自助形式如果唔簡火鍋既話，真係無咩好拎...因為有8成都係火鍋料...其實火鍋料用紙落單都得啦同埋唔食火鍋佢會安排你坐無爐既位會成鑊炒好拎出來，個感覺無咁好玩refill一次雞仲要等好耐...本身唸住好多其他野食先簡最90分鐘可以坐耐d如果係咁可收以75分鐘都夠啦

今時今日100蚊有找($88+10%) 嘅 半自助午餐已經不多了。 如果喜歡食辣的話大概會加分! 可惜我和友人也不吃辣， 我們選了蒜香雞，另外跟豬腩肉+牛肉+炒麵。 整體 比較 油膩，炒麵太鹹 (味粉太多)。 火煱料自由選擇，不過又有一份鷄跟火鍋湯，吃剩食物會按重量計算啊！其實60分鐘不太夠用，因為等侍應生預備火鍋盤也等了差不多8分鐘......原來60分鐘係以入座計，理由係一入座就可以拿沙律吧或飲品，但其實客人一般要入座後，點選餐單選擇主餐食物，然後交給侍應落單，所以入座計是不合理! 建議應改為落單計或入座前讓客人先點選食物。

揀咗75分鐘 淨係食辣炒雞唔包括打邊爐時限之內要食晒，如果食淨嘢100g需付10蚊，支持唔浪費食物，但等咗10分鐘先送餐。辣炒雞主角應該係雞，但鐵板入面數盡得8舊！其他牛肉同豚肉比例竟然仲多，辣炒雞即刻成為配角。雞肉肉質好韌又唔滑唔新鮮，主角咁差整體評語大扣分。-鑊嘢係預先整好先送出黎，唔係即場炒。-食完食甜品，同樣自助形式，約有5款蛋糕同泡芙，同埋4款雪糕。甜品係劣食！！食一啖真係會作嘔！抹茶芝士蛋糕最差，奇怪嘅苦同少少咸味，餅底好似濕咗水嘅餅乾，又鬆又漲味道怪，難入口。食完難食嘅蛋糕諗住食返杯雪糕，心諗雪糕唔會衰得去邊，朋友食朱古力味，而我揀咗豆腐味，一食落去唔係豆腐味，係平時食即食豆腐花入面嘅水嘅味，雪糕唔香濃唔滑。-成間鋪最正常嘅嘢食應該係沙律，不過唔好食螺絲粉同粉絲，會後悔。兩個人咁就食咗340蚊，食完作嘔反胃，好耐無去過難食嘅餐廳，好失望。真心唔知點解有咁多人排隊黎食，劣食之作！

今日同事farewell, 去試新野。第一次食鐵板雞~ lunch 都幾抵食~ $84 /位 有90分鐘~好抵，有promo, 鐵板雞加打邊爐都包~ 有半自助式嘅飲品同前菜/小食。小食嘅炸雞出奇地好食喎。炒雞就staff會幫手炒下 ，叫左小辣烤雞，有啲豬肉牛肉，京蔥椰菜做配料一齊炒。食完啲雞就加少少湯好似雞煲咁。打邊爐啲水好少呀。。staff話唔駛加咁多。。要烚熟啲海鮮同丸喺完全唔夠水囉。。。要喺咁反轉烚。。overall 呢個價值性價比喺幾高嘅~

小編今次挑戰60分鐘食炒雞加火鍋......係韓國食炒雞，同香港食相差太遠不過味道還可以啦！！！呢度有個小食吧，個炸雞粒吾錯，個炒粉絲不错，如果麻油味再多d就更好！！呢個火鍋配料選擇都吾少，海鮮類都有4款，仲有丸類，菇類等.........甜品都有好多選擇，味道吾差！！沙律吧都好豐富！！！

昨晚去吃晚飯,自助形式收2xx元,重要限時90分鐘，我們6人吃要2個煱，吃—大煱菜，自抄，小量牛肉，鷄。之後－大舊炒麵，就像吃街邊炒麵－樣，另外－個鍋佩抄飯，碟飯多到全部人也吃不了，但那些餸，墨魚，魷魚，鷄肉。之後的所謂自助火鍋，佩料小之又小，魚旦，蜆肉，急凍下下帶子。看均全個餐廳，沒有－樣像樣的餸菜，6個人吃結賬14xx，中伏至此，只此－次，無話可說！

食物正常，但最大的問題是等太久了，90分鐘用餐時間，有一半是等待的，問佢要多兩人份的雞，佢話2人就限定每次只可以叫2人份，但每次加雞，都要等幾個字，90分鐘入面難以食到第3盤雞了。

朋友生日，有朋友推薦呢間食鐵板雞，抱住試新野心態去食。雖然book左位，又雖然已經係夜晚8點幾，但都要等一陣先入得座，就趁呢段時間揀野食。時間我地揀左75mins ，都食得有d趕，我地每人加多20蚊食埋火鍋。鐵板雞我地揀左呢個餐牌上無既香蒜牛油同埋韓國拉麵。其實仲有好多野可以加，不過我地怕食唔落。因為除左餐牌上既野食，出面仲有好多自助美食，生既、熟既都有，太多了，有d到最後都無食到。除左雞，仲有兩碟分別係豚肉同牛肉，九可以撈落鐵板雞度一齊炒。個人覺得豚肉比牛好食，因為d肥肉出奇地爽口。拉麵就係食到最後先炒既。可以跟住d steps 自己煮，無難度，都幾好玩。炒到咁上下，d staff會過黎架芝士，食個陣可以加埋芝士一齊食。就咁食雞好嫩油滑，好勁蒜蓉牛油香味，仲有好愛食裹面既紫薯年糕，真係食到陣紫薯味。到差唔多食完d雞，就可以炒理d公仔麵食，好鍾意食韓國既拉麵，煙煙靱靱的。急急忙忙淨番唔夠30分鐘，staff幫我地換過個鍋打邊爐，炒番熟d材料再加湯，因為太忙，之後都無影相，主要都係食d蔬菜同菇多，因為之前食得太多肉了，要平衡下。總括黎講係好食既，不過試一次就夠，還是喜歡中式雞煲同打邊爐。

今日去沙田搵好野食朋友話想食韓國野，於是就一齊去柳氏家試下幾年前第一次去韓國，第一餐就係食柳氏家個陣時覺得好好味架！講番沙田呢間先，一去到侍應就問定我地揀食幾耐、加唔加$10食火鍋，因為唔食火鍋的話就會坐出面，個雞會喺廚房炒完先拎出黎。因為我地兩個女仔食唔到多，所以就咁叫左個60分鐘 $88炒雞set，冇另加野。入坐後其實冇咩人，跟住就出去睇下有咩野食拎有沙律、甜品、飲品同炸雞炸雞普普通通，多炸粉，上面應該係柚子醬汁，不過佢本身唔夠醬汁，所以唔夠味跟住都等左20-25分鐘先上個炒辣雞我地order嘅係柳氏辣雞+豬牛肉+年糕+拉麵。個炒辣雞同我喺韓國食係差天共地佢本身落個d辣椒粉但冇炒得均勻食得出好多一粒粒辣椒粉，口感好差雞係幾滑，牛同豬就普通。因為佢炒得好差，唔係好有胃口繼續食，食埋個雪糕就走左了。60分鐘其實唔係好夠食，因為等佢個辣雞都等左20分鐘。

同女友行過間嘢，見舖頭入面啲人炒炒下好似好好玩，於是入去見識下。叫咗個90分鐘任食辣雞窩，前半段炒雞，下半段用同料加湯做火煱，自助配料好普通，甜品好普通。食食下我問自己做乜出街自己炒公仔麵？而且好油好難食？？見旁邊張枱炒雞食完加雞，位經理同客人講煱上啲菜未食哂。 ？？？？即叫人清哂配菜至加得，個客無理佢講乜亦無埋經理眼神只淡淡色講出要求！ 最後咪乖乖加比人囉。 我無加雞轉火煱，其實用相同嘅料唔炒轉加湯。 因為炒嗰啲好油好漏，之後嘅加湯己無舆趣，因為都係綠下魚旦，午餐肉，即食面果啲職員都ok，係一個大大舊四眼仔就唔掂，攞啲材料出嚟，剪同鉗放响碟，有醬料嘅雞上面，油哂。同佢講剪同鉗油咗。佢un順啤下，悔侮氣叫我自己抹番，我望下佢至話一陣同我抹番……唉整體！舖面ok,唔算貴， 但食品，味同質都唔掂。唔值

早前親戚到柳氏家吃放題，說味道不錯且價錢實惠，再次令家人蠢蠢欲動。難得週日放假，便一試午市放題。店鋪面積中型，雖然入座時未見滿席，但是不了解被安排坐在廚房門口旁邊的角落。問題是即使油煙味不算重，仍覺得抽風設備欠佳。座位也稱不上舒服寬敞，餐檯及地下有點骯髒。我們仨點了 90 分鐘柳氏家辣炒雞放題，贈送了一份海鮮。先說主角，雞肉並不惹味，感覺材料也不算新鮮，可能餐廳覺得雞肉有調味再炒過後就吃不出，尤其許多時候客人會外加芝士拌著吃，破綻在於雞肉醃得不入味，辣度不夠。個人能吃中等程度的辣，建議設不同辣度選擇。雞肉份量不多，計上追加的總量可能少於 1.5 人份。其他食物比雞肉好一些。海鮮包含了蝦、青口、八爪魚和魷魚，跟雞肉一起炒。除了蝦隻不新鮮，其他的還好。反而炒牛肉和豬肉不俗，炒的時候香氣更出，吃上來感覺食材較新鮮，甚至一同炒的蔬菜、年糕丸類、及炒飯均比雞肉好味。自助區的食物有炸物、沙律醃菜、粉絲、炸醬麵等，質素普通。甜品和雪糕製得欠佳，不是味道很奇怪很假就是過甜。飲品的選擇頗多，只是建議可以集中放在同一個位置，免得客人來來回回去選擇。這次放題令人有點失望，唯一好處是至少吃得夠。可惜在韓國每天