柳氏家 (已結業)

早排facebook某啲page有介紹柳氏家既午餐好抵食，只需要$88就可以任食60分鐘(包括一款炒雞、自助餐區食物、飲品)🐔🍺因為人流都多，所以自助餐區既食物refill得好快，因此差唔多所有野食都係熱辣辣(冷盤除外)雞既口味有4款唔同辣度、口味，而我地一行二人嗌左最辣既炭烤味辣炒雞+炒飯。🌶🌶伴隨炒雞既有大量配菜，6粒年糕(3款口味)可能因為我地去既時候已經過左食飯時間，所以好快上菜。一上菜就見店員好快手過黎剪雞、炒雞。炒完之後要等一陣，就會再有另一位店員炒飯。1️⃣柳氏家應該係主力sell辣炒雞，但食完後我就覺得炒雞麻麻地，可能食過正宗韓國辣炒雞造成對比。反而自助餐區既野食同炒飯更好食。2️⃣炒飯好好食，好香口，所以無論幾飽都堅持食晒。🍚👍🤤3️⃣另外個炒粉絲都有驚喜，好味到refill左兩次4️⃣雞翼都唔錯，每人食左4隻🐔5️⃣辣雞腳既味道就...不了，咬左一啖已經放棄😖

位於沙田新城市中心來自🇰🇷韓國既餐廳, 平時食炸雞🍗🍖就聽得多, 今次係炒雞🥘。主要係食韓式鐵板抄雞 有以下選擇 - 柳氏家辣炒雞 炭烤味辣炒雞 烤肉味炒雞 蜜糖味噌炒雞 < 有分唔同層次既辣🌶🌶🌶, 可以跟據自己喜好黎點。可以再加炒面/飯同埋年糕(芝士年糕好正!😋), 都好好食。鐵板到左之後, 會有侍應幫你炒雞、炒面, 只需要等食🤗 雞好嫩滑😋午餐都幾抵食, 因為做緊任食半價優惠~ 每人約$90/1.5hr (可無限追加炒雞, 包自助區小食、湯, 飲品 & 甜品, 泡菜/薯角/章魚小丸子都有! 紅棗湯好潤喉😇), 亦可以加錢追加其他野食。前兩日平日晏晝去食都要等位, 所以最好攞定飛~行陣再去食。襯優惠期未完, 有興趣去試下啦!

記得第一次同朋友兩個人來食 但係個炒雞加年糕已經好飽 而且個陣新開 太多人朝聖 自助熟食區長期無咩好野食 所以一個人88加一 有啲覺得唔係咁抵之後都食過68下午茶自助熟食區任食 因為食得呢個時間既 都無咩人會額外點炒雞 所以啲熟食幾乎係一補充就無哂 特別係炸雞 等左成個鐘都係攞得一次今次原本想再戰下午茶 點知太肚餓捱唔到去2點 咁啱見到3月有74蚊Lunch優惠 貴10蚊就有得即刻食 仲有炒雞 當然係食lunch啦入到去啲炸雞啱啱攞出黎 脆卜卜既片 juicy既肉 再加上超級好食既蜂蜜芥末醬!!!! 係必食之選另外仲有雞翼同炒粉絲都係無得彈 一定要食!

試咗90分鐘任食，叫咗香蒜炒雞配麵。第一次食，覺得好特別！見佢入面除咗自選外，仲有韓式年糕，菜類都多，但落油真係大多！炒完有陣陣蒜香味！試食整體都不錯，韓式年糕好軟，炒雞夠滑！不過只可以食到兩輪。自助吧方面選擇款式都OK，一般韓式小食都有，不過最喜歡都係個炸雞，皮脆肉嫩，加上酸檸汁一流！飲品種類多，大部分都係韓國品牌，罐裝飲品就飲飲唔到好多罐。甜品區相比起就爭少少，推介個豆腐雪糕，食落有豆腐味仲好滑，值得試！

嚟新城市呢間炒雞食午市60分鐘放題，價錢合理，相對呢度其他餐廳算係幾抵食旁邊嘅熟食都幾多選擇，有炸餃子，烤雞翼，炸雞，炸醬麵我自己就拎咗冷盤泡菜，仲有熱食嘅泡菜豬肉，同香菇牛肉炒粉絲全部都唔辣，調味幾好，不過雞翼略嫌有啲鞋泡菜豚肉湯都OK，仲可以自己diy加多啲泡菜入去添招牌柳氏炒辣雞，入面有椰菜，薯片，年糕同埋已調味嘅辣雞呢度啲店員會幫你炒加錢要埋芝士，份量都好多幾乎食唔哂食落個雞唔係特別辣，怕辣嘅朋友都可以試下甜品櫃都幾多選擇，不過因為食完雞太飽就冇試飲品櫃都有好多韓式飲料

之前去韓國都有食過，後來見有網站介紹黎左香港，咁就約埋好鐘意食韓國野嘅朋友一齊去試下到達後侍應會問坐咩區，最後揀左無煙區，諗住一上枱就可以開餐晚市有幾款前菜及飲品任飲任食，而主菜炒雞亦有幾款口味揀，最後我地揀左小辣，講真味道一般，價錢亦唔係平（2xx)，唔好期望太高

幾日前食左一蚊雞，真心抵食。話說12/3-14/3每日首50位1蚊就食到...其實之前都食過呢間，唔錯既，今次重有優惠緊係要去啦！星期三即優惠最後一日早上9:00去排隊，果陣得幾個人，11點先派籌，去到10:30開始好多人，店員見排隊人數眾多提早派籌截人，跟手安排入單入坐☺️入單時點了蒜香BBQ炒雞 配 豚肉&牛肉（不用加錢的）同拉面，一入坐馬上出去拎野飲野食（無食早餐異常饑餓）...放題食頭一輪都係第一次，見到自助區食物每款擺放滿滿的好感動😭一如以往有小食蜜糖芥辣炸雞，薯角，熱盤有韓式炒粉絲，炒豚肉...大醬湯，海帶湯...冷盤唔少得泡菜，黃色蘿蔔，吞拿魚螺絲粉沙律...甜品有慕絲蛋糕同杯裝雪糕，韓國罐裝果汁汽水同熱咖啡，茶...由於坐現炒區，所以係出面拎完野食就番埋位邊食野邊睇店員炒雞，上菜有速度有熱度👏👏👏雖然係蒜味BBQ炒雞，無咩蒜味... 雞肉嫩滑無雪味同熱度搭夠，蜜糖芥辣炸雞水準保持之作值得一食再食，食足60分鍾好滿足～呢餐又抵又滿意

柳氏家登陸沙田已一段時間，一值很想試試。剛好今天放假，就同媽咪及仔仔試試！大約一點前到達，門囗已經有十多二十人等候，反觀鄰近其他食店不用排隊，人流相差很遠。原來有新優惠 - 星期一至四，午市90分鐘任食鐵板雞半價， 只需$74(另加一), 怪不得大排長龍！90分鐘任食套餐，包招排鐵板雞，可追加－份雞，及自助熱盤、甜品和飲品。室內環境闊落，可帶ＢＢ車入店。每枱有獨立投風位，不會太大油煙味。熱盤中蜜糖炸雞最好味，炸雞酥脆，炸粉不厚，雞肉嫩滑配上蜜糖，小小甜不膩。辣炒五花腩和炒粉絲也不錯，少少辣味道惹味。但炸魚死實，雞翼有雪藏味，不吃也吧！主菜點了蒜香BBQ雞及牛肉。職員先把肉炒好，先吃肉再炒飯。 鐵板整體炒得惹味但雞及牛肉味道一般，配菜中年糕內有餡料，味道可口。炒飯也不錯，鑊氣十足，飯炒到粒粒分明。另追加了－份雞及炒麵，職員先換鑊。重新炒，炒麵時見職員加水， 誤以為是油，擔心肥。細問下職員解釋是水，鑊是專誠韓國 訂製，不需用油炒也不黐底。炒麵質地比較納不及炒飯好吃！甜品有小蛋糕及雪糕，太飽沒有吃。整體來說食物選擇豐富，味道不錯，價錢只是 $74(另加－）超值！

星期五經過見到晚餐加埋一$250一位，寫住無限住加雞，咁就入去試下，佢有分有煙區同無煙區，有煙區就係職員會係你面前炒雞，無煙區就係炒完先拎出黎，我覺得無咩分別廢事成身油煙味咁就坐左無煙區，另外出面有少少熟食住攞，得個豬仔燒骨好食，其他唔好食，飲品大部份都係韓國罐裝飲品，住攞，都幾好飲，等左差不多十分鐘雞到喇，一睇個賣相完全唔店，拉面同飯我簡左拉面，拉面食落勁咸勁似公仔面，D雞我簡果隻係BBQ烤雞，完全無味，唔怪得話任加，我一次都無加過，出面果D任攞豬仔骨仲好食過佢，成餐最好味都係D任攞飲品，唔會再黎食，又貴！

之前喺韓國讀書間唔中都會去柳氏家食炒辣雞，聽到黎左香港開分店都幾興奮，今次黎左食lunch 嘗試搵番喺韓國既味道😀午餐有分60同90分鐘，我地揀左90分鐘想慢慢食冇咁急。有四款口味可選，本身唔算食得辣但又想搵番韓國既味道，就揀左柳氏家辣炒雞，兩隻辣椒既辣度🌶🌶見到加多$10就可以食埋鐵板火鍋😍亮點係無限次追加拉麵等配料😂咁抵就梗係加埋啦！火鍋湯底都係揀番辣湯，今日突然凍番食辣最岩呀😆落完單急不及待去自助區攞野食喇！淨係飲品都有咁多款，樣樣都想飲呀！隔黎既雪糕櫃又係令人感到興奮😍自助美食區有好多野食呀！有炒粉絲、泡菜炒五花肉、炸餃子、雞翼等，好豐富，樣樣都中意食，拎拎下拎左一大碟😂炒辣雞既材料好快就準備好，店員會幫忙炒嫁，我地專心食拎番黎既野食😂店員炒左7-8分鐘左右就熄火，香噴噴既辣雞就食得喇😝雞肉好嫩，其實韓國辣椒醬真係唔係勁辣果種，仲帶有少少甜，好好味。年糕吸左醬汁好正！食完雞我地就示意想轉火鍋喇！倒入特製辣湯同各種材料，好快就滾起食得。韓國拉麵真係好味，食完勁暖胃同大滿足！

之前系fb到見到有介紹尼間野已經想去試雖然見到好多劣評 但係最後今晚都去左食，6點幾去到無咩人立即有位 環境都幾好 坐得都舒服。出面又有啲野食 飲品可以自己拎 啲雞又不致於好似啲人講甘差既 總結黎講都過得去啦。

長話短說 喺韓國食過一次 覺得好好食 諗住香港都唔會差得遠啦 點知一家四口食左dinner 90mins buffet 公眾假期六點9入座唔洗等 每位$2xx要加一 完全唔扺食食物方面 我地揀左柳氏家辣炒雞 好辛苦先食完一pan諗住試其他味 點知嗰pan雞只可以揀一種味另外個麵真係難食到一個點 仲衰過我自己煮 年糕就... 可以唔叫 飯我地冇叫 因為已經冇人食得落出面熟食有湯有菜有炒粉絲有豬牛肉有炸雞 味道其實真心唔差 但係真係唔太熱野飲正路咁都係仼飲啦唯一幾好既係啲staff都幾有禮貌 serve我地既一個後生女仔見我地多多問題都冇黑我地面To conclude, 香港人見到仼食都會發癲 因為之後7點幾都幾full要等位 呢間野個人認為係可以唔試 儲起啲錢飛轉韓國食真心冇咁嬲

「柳氏家」係韓國首屈一指嘅鐵板雞專門店，分店多達140多間，主打自創獨特風味醬汁伴以鐵板炒出嫩滑惹味雞肉而聞名。香港上年係沙田開分店，除左推出無限追加招牌鐵板雞之外，仲配合港人對任食嘅喜好，係自助區提供多款韓國美食及飲品。是日假日，由於無平日嘅優惠，客人只可以以正價＄108係60分鐘內品嚐炒雞一次，及任食自助區嘅美食，飲品及甜品。至於大食嘅你，亦都可以以＄168 係90分鐘內全天候任食。我地一行三人，唔大食嘅我地揀左60分鐘時限，炒雞方面可以係「柳氏家辣炒雞」，「炭烤味辣炒雞」，「烤肉味辣雞」，同埋「蜜糖味噌炒雞」中揀一款。配料方面仲可以加年榚，另外仲可以配飯或者拉麵添。如果喜歡嘅話，都可以加配芝士同海鮮，當然有額外收費啦。由於同行嘅朋友唔食太辣，我地揀左少辣嘅烤肉味炒雞，上菜後店員會過黎幫你地炒，好快就有得食，不過個人認為賣相唔夠吸引，味道唔夠突出，建議大家可以係自助區拎d顏色鮮豔嘅配菜，好似泡菜同魷魚，會令賣相同味道更加吸引。自助區有各式各樣嘅韓式食物，好似韓式炒粉絲，年榚，雞翼，芝士烤雞，湯，餃子等等。如果嫌食物太滯太油膩嘅話，仲可以食沙律添。飲品方面，除左有一般嘅汽水之外，仲有

見到門口咁多人等位，決定等埋一份，又唔係等好耐，大概15分鐘後就有位。坐低左之後見到張枱大大鑊，張張枱都有一個大鑊，叫咗個午市套餐，原來全部係一份炒辣雞，再加出面任攞任食大部份熱門的韓國嘢都有供應，有韓式炒粉絲丶韓式炒年糕丶芝士汁炸雞丶韓式沙律丶韓式七喜梳打丶仲有雪糕同甜品。 無限任飲任食。過咗10分鐘後，有個職員會服務炒辣雞，可以加埋年榚落去一齊炒，而我就揀咗加個辛辣麵落去炒，原汁原味，雖然啲雞比較少，不過都好有原始韓國風味，值得一試。喺沙田區以咁嘅價錢可以食到咁嘅質素，真係冇投訴

今晚到沙田試下來香港開業的柳氏家炒雞，因為在首爾吃過，好好味！但是今天真的有点伏了！每位$208(星期一至四)，限時90分鐘，3款炒雞，選擇了味噌蜜糖炒雞(只是细碎雞柳片加椰菜)，沒有韓國舖的雞件及多样化配菜！另追加了一份$58雜錦海鮮(只是一隻蝦，2件青口、和小魷魚)，一份韓國麵……但是只是像大光面的水準，炒起也硬，2人吃了少許也無奈。最驚喜只是自助餐區的炒牛肉、炒豬腩肉、辣炒年糕，有炸雞，飲品也多，甜點麻麻，是凍櫃切成细细件cake，吃自助配菜區的又熱又好味！主打的反而太失色！試過就是，2人埋單$521.40，下次去番A1 bakery, pizza express 會水準穩定D！-