果子｜海南雞飯·喇沙摻摻 (啟昌樓) (已結業)

同朋友行過見到依間主打東南亞食物嘅餐廳好似幾吸引，所以決定一試。入到去環境好舒服闊落，可以慢慢食下野、傾下偈。我地叫左啲小食同小菜，味道唔錯酸酸甜甜，好開胃有炸蝦、南乳雞翼、魚餅同絲網春卷，四款味道都唔錯，特別推介南乳雞翼唔會好咸，新鮮又夠份量我地最喜歡嘅一道菜，佢係油麵+米粉，湯底好香椰味，唔太辣，好岩我口味，仲有啲餸都好足料，下次一定會ENCORE再食炒飯幾香，最好係唔駛自己剝蝦殼，食起嚟都方便啲朋友叫左杯黑糖珍珠鮮奶，好好味，唔會過甜我就叫左杯檸檬薏米水，清清地，夠晒健康。

剛試了一間集合新加坡、馬來西亞、台灣fusion菜的餐廳，哈哈！好像什麼都有得吃吧😝😝 餐廳位於太和食市區，都方便到達🙆我都試了店長推界的喇沙、肉骨茶等等。🔹肉骨茶飯 $64 沒有濃厚的藥材味，比較易入口，怕藥材味的都可以試。肉骨是偏瘦，不是太油😋😋🔹白汁煮藍青口 $98 超濃牛油味，青口有很大隻，抵食👍👍🔹海鮮喇沙摻摻 $68 味道不錯，不會太辣，店員說這區的人唔食得辣😂😂🔹馬拉盞炒通菜 $48 這個我幾鍾意，因為不會太咸，平時吃馬拉盞都超咸，所以幾好味👍👍👍🔹小食拼盤 $59 有南乳雞翼、吉烈炸蝦、香辣魚餅和絲網春卷各二件， 都相當抵食😋😋🔹黑糖珍珠鮮奶 $15 (晚餐價) 好有黑糖味，珍珠就正常口感。🔹🍋薏米水 $0 晚餐送 店長說是自家足料煲，不會太甜。

見門面好令，入面就好似坐得幾舒服，決定試下呢間新餐廳行入去大部分係卡位，坐都好闊落最後叫左一個海鮮喇沙滲滲，可能我少食新加坡野，終於明點解叫滲滲，原來係油麵加米粉😝有2隻蝦🦐🦐仲有4隻蜆湯底唔錯，好香濃！女仔的話夠飽肚，男仔可能要叫多少少小食🤔另外仲有個印尼炒飯！賣相好令！仲有串燒同蝦食！蝦係剝好的！啱哂我呢啲懶人！而且飯都炒得好香最後我最欣賞的係唔洗加錢都有得飲的檸檬🍋薏米水呀！啱哂祛濕美白💃🏻

今日貓貓想食東南亞野。話說已經好耐無食過好西啦！貓貓入到去，見到咖啡廳空間都好大。而且有好舒服，慢活既感覺。貓貓幾鍾意呢度既氣氛。貓貓order左個肉骨茶。原本想食辣野，但貓貓喉嚨痛，肉骨茶清熱最好。肉骨茶好新加坡。有東南亞既黑醬，係必備配肉骨茶既醬料。肉骨茶茶味濃，飲湯已經feel到好正宗。豬肉潤滑。豆卜吸曬肉骨茶既湯。好多水份。貓貓濕左個嘴啦已經！貓貓仲order左一個小食拼盤。全部特色東南亞小食一次過食曬佢。絲網春捲好脆，入邊既餡新鮮。岩岩炸出黎，熱辣辣。吉列蝦都炸得脆，點埋酸辣醬真係好東南亞。最鍾意食既係南乳雞翼。食一啖雞翼，食到好濃郁既南乳味。皮脆又香南乳味，雞翼越食越開胃。貓貓好開心喵。飲返杯美祿恐龍放鬆下。濃濃既美碌，上面加左厚厚的美碌粉。成杯美碌就係濃同好好飲。好似去左馬來西亞。美碌真係好好飲。飲一啖又可以食一啖美碌粉。好濃郁，貓貓又濕左個嘴。幾抵食既餐廳，貓貓鍾意！

最近發現大埔開咗間嘢啲菜式好似幾特別，就諗住同朋友去試下。一入店入面環境都幾好，裝修格調都好舒服，啲卡位好闊落，同朋友餐聚傾計一流。我地一睇餐牌，見到有set 就毫不尤疑揀set 加埋小食野飲圍返都係一百蚊有找。首先嚟嘅係白雲酸辣鳳爪，一碟有6隻 ,有多無少，呢碟之前見啲評價都好好，一試果然無令我地失望，我同朋友都覺得係我地叫嘅嘢入面最好食嘅嘢。主食我地分別叫咗個喇沙湯同鮮蝦撈麵。喇沙湯唔辣嘅，椰子味比較重 , 整體口味唔算好濃郁果種。但欣賞佢係粗麵同米粉混合嘅做法，好似係泰式食法，幾有心思。個撈麵既蝦係新鮮蝦，同剝埋殼，個麵亦都好有鮮蝦味。另外個跟餐小食我地叫咗春卷，都好好味。我地仲叫咗個通菜同秋葵，通菜就不過不失，秋葵就幾抵食😆😆$28蚊都有幾多條下，亦幾新鮮。抵叫的野食。飲品我地叫咗黑糖鮮奶同檸檬薏米，檸檬薏米都幾唔錯，兩者混和得啱啱好，唔會好重米味。試完之前我同朋友都覺得可以再返嚟食😋有menu 睇：）

早兩日經過見到呢間新開既餐廳, 一眼望落去以為係日式既文青小店, 原來係食東南亞菜, 好似幾吸引, 周末帶埋屋企人一齊試下。中午去到都有幾個人排緊隊, 不過都好快入去。呢間餐廳有午市套餐, 主打喇沙同椰漿飯, 咁緊係飯同麵都叫哂黎try try。因為屋企人唔太食海鮮, 所以叫左個豬頸肉喇沙, 食落唔錯, 有椰香同咖哩香, 仲要唔太辣, 岩哂我呢啲怕辣但又鍾意食辣既人士。佢地仲有好正宗既做法, 將米粉同福建麵一齊煮, 食落有唔同口感, 大推! 另外叫左個印尼炒飯, 炒飯都ok同乾身, 最正係佢有配埋串燒, 蝦同蝦片,全部都不錯, 諗住下次黎試埋個南乳雞翼椰漿飯。因為太餓仲有叫左啲小食, 力推絲網春卷, 新鮮炸起仲熱辣辣, 入面好似有芋蓉同肉粒, 口感一流! 飲品加15蚊可以叫埋台式特飲, 宜家好興既黑糖珍珠鮮奶都有, 大大杯抵過喺出面飲。

最近發現大埔開咗間新嘅東南亞餐廳， 所以搵咗 屋企人同我去試， 餐廳嘅環境好企理， 乾淨同埋座位闊落。餐廳食物主要係馬來西亞菜為主， 有我最鍾意嘅喇沙， 價錢都唔會好貴。我哋叫咗個海鮮喇沙摻摻，摻摻有兩溝嘅意思， 即係將兩種麵溝埋一齊，跟足馬來西亞嘅做法， 小弟都食過其他東南亞餐廳， 跟呢個做法嘅唔多。 湯底有濃郁既咖哩同椰奶味，海鮮料有蝦，蜆，魚片， 豆卜和蛋，足料同埋新鮮，食到蜆有鮮甜味。香茅豬扒椰漿飯豬扒用香茅其他香料醃製， 肉質鮮嫩。椰漿飯有香茅和椰漿味， 有啲似海南雞飯嗰啲香油飯， 但佢係少咗黃薑味多咗椰漿味。配料有花生，魚干同埋一隻煎蛋。另外加咗啲小食每款18蚊：春卷， 馬鈴薯蝦卷同埋沙嗲雞肉串燒。春卷同埋蝦卷個味道正常， 沙嗲串燒個醬汁好惹味。飲品叫左個即磨咖啡同埋檸檬薏米水， 檸檬薏米水係店員推介， 店員稱係當日煲嘅， 唔知款式會唔會轉。

最近太和附近新開左間食東南亞食物嘅餐廳，大埔呢啲食物嘅選擇唔多，見新開就走去試下今日我哋去食晚餐，食物選擇都算多，個餐仲包埋嘢飲，睇落幾抵食如果加$18都仲有小食可以揀，所以我哋揀咗2個小食如果唔鍾意食晚市套餐，可以喺主menu揀嘢食食物選擇都算多，由頭盤小食同沙律，到主菜飯麵都有得揀晚市套餐其實加$9就有得揀$22以下嘅特飲，不過因為今日唔舒服，飲唔到甜嘢就冇揀到下次再嚟一定要試下主菜揀左一飯一麵，呢個鮮蝦撈麵好好味，個汁底食落似甜豉油，好惹味D蝦佢好細心剝左中間D殼(本人最怕剝蝦殼)方便我地食佢跟左個湯俾我地撈麵，據講唔係味精湯所以我飲左2啖試下，確實係唔咸嘅另一個抵讚位係佢地有準備埋小朋友餐具，非常細心小食我地揀左絲網春卷同馬鈴薯炸蝦卷，我比較鐘意個炸蝦卷，因為個外殼炸到卜卜脆，似炸麵嘅口感個飯揀左印尼炒飯，個飯辣辣地幾惹味，配菜有蝦、串燒同煎蛋，好豐富串燒個汁甜甜地，個蝦都加左汁醬，味道豐富D呢個檸檬薏米水據聞係自家制，飲落甜甜地，又有D薏米食下，健康又好味整體餐廳感覺唔錯，環境舒服，啲嘢食都好味，下次會再嚟

同daddy 食lunch try 下呢間新野好近屋企cafe 裝修 都幾靚 and 光猛主打 新加坡菜同daddy 一樣叫左摻摻唔太spicy 好食過 某連鎖xx 工房d laska可再encoure再叫左好evil,的黑糖珍珠鮮奶 好味 唔太甜

今日行完山去左朋友介紹間店試新野，可能係新開，附近又有好多選擇，一去到都唔使點等己經可以入去食，行到累一累唔使等仲開心。一坐低就有檸水送到，服務態度都好有禮貌。可能係行得好累，見到啲野食，樣樣都想叫，最後2個人叫左好多野食，2個餐，2個小菜和1個小食。野食的份量好足，但可能太餓，竟然全部食得晒。最仲意係果道藍青口，好多隻，加埋啲白汁好正。另外坐得好舒服，比一般的餐廳鬆動，樓底都幾高，整體感覺幾好，唔會令人有壓迫感。

上星期日既午餐諗住試下間新開既cafe! 去到見到食馬拉野！仲要試業期間有88折！即刻攞飛！唔駛好耐就等到安排入座坐低後，得個午餐Menu, 我地叫左一個肉骨茶，一個蝦撈面，仲有一南乳雞翼飯！一杯黑糖珍珠鮮奶加兩杯珍珠奶茶！首先個肉骨茶唔太重藥味！啱d想食又啱太好藥味既人！但我就嫌唔夠味！個蝦撈面夠晒惹味！呢個好食！而個南乳雞翼有d 唔太熟！而野飲方面，個珍珠奶茶唔太食！小朋友覺得唔夠味！但個黑糖珍奶我覺得超好味呀因為可以仲係試業關係，人手好似唔太足夠！但整體黎講算唔錯！好掛住個黑糖珍珠鮮奶

今日出去食飯，返左成個星期工，散一散悶氣！試下呢間新開嘅馬拉菜裝修都幾乾淨我就叫左椰漿飯配豬扒 豬扒份量非常足料每啖飯都可以有肉食飯都有口感同埋有椰香味午餐免費加配飲品加左檸檬🍋薏米水 感覺好濃郁 而且係唔甜嘅無加糖，正呀！健康呀！同事叫左肉骨茶排骨配白飯配有舊油炸鬼 都幾得意唔知係咪馬拉特色呢同事最鐘意係唔酸嘅咖啡☕️同埋熱上嘅奶 感覺到有誠意下午工作都係靠佢咋難得出黎放飯優惠加左兩款小食，串串同埋鳳爪。好有想去轉旅行嘅感覺今日嘅午餐豐富到一個點～另外，值得一讚嘅係上菜好快一坐就俾兩杯水然後，落單後好快就上菜方便我地呢啲得一個鐘食飯嘅打工仔

新開張，試下啦，裝修幾靚，坐得幾舒服。價錢其實都唔太平，款式比較少。試個海鮮喇沙湯麵。湯底唔錯，但。。。一碗喇沙裡面有一半米粉，一半麵，係咩玩法？？😶 黑糖珍奶，d珍珠痴埋一舊😐 用飲管吸唔到。味道可以嘅，過珍珠唔得。賣相真係好過實際質素。同埋希望餐牌可以多d款式。

今日開張 今晚幫襯 因為啱啱新開張有生果拼盤送有 火龍果 加 蘋果小食 有炸蝦 同 春捲特色飲品有西瓜 香橙 沙冰到底 係咩感覺 新鮮 完全冇落糖水另外仲有沙爹雞肉串沙嗲味道濃沃跟住呢個係 南乳雞翼撈麵個撈麵 係食之前 需要 不停地攪勻配埋個 上湯 味道濃郁 而且 多咗幾種 層次感再嚟過 藍青口同龍蝦鍋

今日同男朋友行過，見到呢間東南亞小店新開張 決定幫一幫襯！呢到設計簡約，有點文清格調，燈光黃黃地，好適合三五知己情侶來輕鬆食個飯 吹下水。 今次試左個海鮮叻沙湯麵同珍珠紅豆奶茶，兩款都有驚喜而且價錢合理！行過太和既朋友可以去試一試適合香港人口味既新加坡style laksa 賣相已經幾靚湯底唔太辣 ，適合唔係幾食得辣既朋友仔而且好有海鮮味，連湯食一流。份量都算大碗，餸又唔會太少，食完好飽。呢杯珍珠紅豆奶茶本人好鐘意。好重好香奶味，奶味得來又有茶味，唔太甜 ，配埋紅豆同珍珠 ，非常正！本人鐘意佢珍珠細細粒唔太大，唔使咬好耐！飲完超想飲多杯！