松記糖水店 (已搬遷) 新店位置

經過開買兩個外賣, 睇左門口個餐牌一輪, 真係好多種甜品, 不過自己都係鍾意傳統d既糖水, 叫左南北杏木瓜雪茸同埋合桃糊加湯圓. 前者好清甜足料, 飲落幾潤. 後者合桃糊, 糊既質地幾好, 不過略欠合桃香味, 花生湯圓似乎軟身左小小, 而d花生餡比糖水略甜.服務一般, 兩個糖水好似合共$31.

Ross,Sugar_yeung,Princess,mingming,FeiHung,婷婷豬,為食夫妻,....多謝支持,總店已搬遷有時間到總店試下。yellowcat,calcalvin首先多謝你們的意見,cla.你三思而寫,我就深思而後回覆,很欣賞你咁直接我想你為人爽朗,敢言不錯可交朋友.你講得好正確之前我亦讚賞過石磨坊的糊類好滑,我會努力改善品質可以做到自然的滑和香.你竟然有滄海遺珠感覺,可有勇氣挑戰自己继續尋找這粒珠嗎?

這家店是Openrice龍虎榜上的萬人迷，長期高據榜首，出言不敬者，真要三思而後行。俺是三行而後寫，這報告要等去了三次才敢寫。這店算是頗多自創花臣，頭兩次就試試它的新派甜品，幻彩明珠與哈囉。用料沒有欺場，該怎樣的就怎樣，但總覺得欠了點甚麼神釆的，就試試理性的分析一下。吃的兩個冬冬，基本上是撈出來的，那就是mix & match啦! 設計一個mix & match的食譜，各種材料配搭之後，應該得出全新的效果出來。像楊枝金露就是一個經典，西米不再是西米咁簡單，柚子亦不衹柚子的味道，芒果直頭變果王咁勁。鬼佬說的synergy，6仔說的強強聯手。再拿一個經典，薑撞奶，直衝喉頭的嗆辣，卻不失奶類制品的幼滑香甜，絕配! 這裏的mix & match ，生果再生鮮還是生果，涼粉再涼爽還是涼粉，併不出火花。當然，拿兩個經典來比較，是嚴苛了點。再說，都是撈的，工夫較少。相比之下，石磨坊的新派甜品就甚麼類型都有，甚麼河粉甚麼卷，算是無功都有勞。試了新派的再試傳統的，此店成名的湯丸與好考工夫的芝麻糊。湯丸不愧是成名作，煙韌棉糯，餡料亦佳。可是芝麻糊就差得遠了，芝麻不香，糊也不濃，磨得不幼，口感不滑。近百款甜

食完飯逛了去佐敦, 走去食些甜野潤下, 行到去唔係等好耐有位, 試了個芒果冰燕, 覺得有點笨, 因為唔抵食, 芒果又酸得很, 後悔無揀個幻彩明珠, 朋友就食得好開心。

因為每個星期三都會去左敦學yogo，結果晚晚學完之後都會好順路咁去松記糖水買<幻彩明珠>，依家已經食上癮啦~~以$15講，有咁多種口感，對我黎講，已經好滿足^^ 唯一唔好係堂座太迫而且要等好耐，外賣每碗+$1

芒果布甸唔好味!

糖水幾好食ｇａ～～～～不過個境就．．．．差左ｄｄ

有無試過綠茶奶皇湯圓? 味道不錯.

品質一般,沒有特別,暫無吃到較特出的...但坐得很不舒服...好迫...價錢可以啦..不太貴...

食完飯行左陣街後想食甜品，於是就去左松記，可能因為落雨，所以唔使等位。要左幻彩明珠及雪山，各15蚊，份量多，我食左一半就已經食唔落，俾埋我男友食。幻彩明珠有好多料，不同既生果，面有芒果汁，仲有涼粉同西米，我男友話好抵食，好過去許留山。雪山我就要左曲奇味雪糕，幾好味，仲有西米同椰汁糕，所以好飽lor。

你同我都幾似,我都係食完景霖食松記架和^_^

去完景霖想食返碗凍既甜品﹐知道佐敦有間松記﹐於是就問人喺邊。。之前喺長沙環店試個芝麻糊同埋楊枝金露﹐覺得都ok﹐今次想試d特別d嘅﹐於是就揀咗哈囉﹗一試之下覺得好抵食﹐味道亦非常之唔錯^^

星期五食完晚飯後由於順路,所以就算全飽都決定黎試試松記既甜品.十點左右黎到,己經見門口企滿左人,心諗冇兩三個字都唔駛入鋪喇..誰不知登記唔駛一分鐘己經有位喇..真係神奇！入到去望住本menu 真係心大心細,太多新產品選擇,最後決定要summer($17)同五寶湯圓($12),summer其實味道無咩特別,不過就真係好抵食..試問兩舊大雪糕再加一堆生果都只係收你$17,你重可以嫌d 咩呢?所以呢杯summer 同女友share 食都食得好開心！再黎係五寶湯圓..五種色每樣食左半粒..可能本身味覺比較遲鈍,所以分唔清五種既味道有可分別..(當然芝麻,花生同奶皇我就分得出啦..)不過湯圓味道幾好,唔太甜。哈!埋單$29..己經好耐冇試過食咁超值而又有特色既甜品喇..

哈囉係D咩材料~~thx

princessS多謝支持,形你收到parrot的指示ok啦都好清楚,而parrot我就無嘢講啦!你咁犀利連佐敦分店都搵到好嘢.好服你,冰燕是海澡做的含有蛋白質和礦物質同燕窩無分別只是價錢比燕窩平,可說是大眾化的燕窩,而其它的甜品實在太多,最近太陽日報,報導本店的哈囉和五寶圓都唔錯可以一試.遲D會出另外一些甜品注意本欄多謝各位支持再見...