松記糖水店 (已搬遷) 新店位置

搵左好耐一條好暗同好雜嘅街終於搵到佢啦,其實以前間鋪咪幾好座,較而家間鋪就腳,而家間鋪座得入d呀,又無咩冷氣,同埋d個格局都好似cheap左,以前好像好好多,現在一諗起佢個location都唔多想去,至於野食方面,而家好像較甜,唔知佢地為何在地方及食物上都退步,其實松記是一間很好的糖水鋪,老闆應該想辦法改善一下,好難先把自己心血做出名,不要退步呀!

自從搬左後, 我覺得冇咁好囉..唔知係咪d光線既問題,總係有點唔自在咁真係唔轉好過轉..都係鐘意舊時個間多d..雖然係咁,食物間水準重係好好味!=]esp. "Summer" & "mango ice drink"wowo...cool

由佐敦行去油麻地睇戲時先知佢搬左黎呢樹初時都有懷疑過係咪另一間"翻版店"睇完戲上一餐o岩o岩落左格一於行返轉頭食返碗糖水唔記得碗野叫乜都係d大路o既雜果撈乜乜物物夠凍唔會太甜西米都算彈牙份量o岩o岩好雖然隔離恭和堂o既龜苓膏先真正可以幫我清清熱但都係凍冰冰o既生果加上西米呢個配搭比較吸引

我點了紅豆黑珍珠(還是黑珍珠紅豆沙？）夠甜夠凍只是紅豆唔夠”沙”不過有點０趙口好像又不錯我那個處女座的朋友點了一西瓜西米露他感到西米不是與糖水同出一煲．．．．是”西米”＋”糖水”＋”西瓜”而不是”西米糖水”＋”西瓜”又認為不夠甜我們坐在窄巷的盡頭冷氣強勁覺得即使點熱食也沒有問題不過侍應也沒有因為我們地點偏僻而疏忽我們可能人還不算太多吧

我以前0係佐敦區返學, 去過3-4 次, 而家畢0左業, 有時都會走返油麻地幫襯松記夏天最鍾意食楊枝甘露: 松記的楊枝甘露同其他糖水鋪不同之處, 在於佢serve 時個樣-- 一般糖水鋪會有一d 好似溶了的芒果布甸咁0既黃色"湯底", 而松記0個d 就係一大碗椰汁, 入面有芒果, 西米同沙田柚絲, 上面淋一大pat 芒果汁. 好欣賞佢d 沙田柚一d 都唔苦, 芒果汁好香, 不過食過一次d 芒果chunks 有少少酸.凍燉蛋唔會太甜, 但唔夠香滑, generally 都okay 0既.熱甜品, 最愛奶黃湯圓-- 個人比較鍾意奶黃餡, 松記出品的又唔會好甜, 好好食. 最好冬天天氣凍冰冰, 食一碗奶黃湯圓就最正!

好耐無食過甜品食完烤牛肉飯心思思想食冒住大雨行番去佐敦點知原來已經搬左去油麻地既然已經行到去佐敦行多兩步都要去食下定決心打1083都要搵到為止好彩最後都黎到因為想食咋喳要左個哈佬除左有我鍾意既咋喳外仲有黑珍珠,椰汁糕,涼粉等等好有口感其中椰汁糕真係好好味有椰香味之外亦甜得黎唔會漏雖然已經好飽但都忍唔住食晒好正

最近松記搬左去吳松街(恒生銀行後面), 因為近公司的關係, 午間同同事黎食甜品。食物方面我都係叫左幻彩明珠, 15蚊又幾大碗, 生果同涼粉都難失手, 所以今次唔係想講佢地的食品。新舖唔係大舊舖好多, d檯同椅都好迫, 仲差過以前, 又係同以前一樣又有條好窄的路放d 2人檯, 真係好迫, 而家唔係咁多人都冇問題, 人多就唔好預我喇。另外想講係d服務, 唔知點解個阿姐粗聲粗氣, 好似得罪佢咁, 唔知係咪唔想做我地生意, 下次食都係買外賣好過喇!

多人到爆炸　只好外賣　幻彩明珠西瓜吾靚　吾甜密瓜好靚　甜芒果好靚　甜算是不賴啦

聽朋友講試食楊枝甘露,上台時還未攪暈,證明是即叫即造的.西鈾肉好大粒,芒果鮮甜,好.朋友食雲石豆花,外表靠得住,有芝麻糊味,又好食又好樣,值得推薦.

幻彩明珠﹑芒果冰燕﹑西瓜大西米必食, 好好味!不過夜晚o既時候糖水唔夠凍, 呢方面真係要跟進下喎!!裝修後地方大左同埋無咁迫真係幾好,但d人就坐耐左, 咁響出面等o既人亦都多左啦!松記不可不試呀^0^

知道有呢間好出名既糖水店好耐，但係次次都見到門口堆滿人，唔知要等幾耐先食到。今次10點幾去到，照樣係企滿人，不過都係等左五分鐘到就有位。兩個人點左六寶丸同「哈囉」Share食，不過六寶就粒粒都唔同味，我自己就食左紫米(奶皇餡)、糯米(花生餡)、同黑芝麻，另外個三粒其實都係用奶皇同花生做餡，只不過用左綠茶皮，總括黎講冇乜特別，係個湯有好大陣薑味，都幾辣!「哈囉」係d報紙雜誌大力推介之一，但係眼見店內都冇乜人叫，有好多人都係食佢既鎮店之寶「幻彩明珠」，其實都係將d生果撈埋d涼粉、大西米再加d芒果汁咁，有d似B仔涼粉。「哈囉」特別在佢用左花生，椰汁糕、同泰國珍珠撈埋一齊，口感都幾特別，值得一試。食完你想坐多一秒d 伙計都會趕你走!唔好諗住係度同班朋友傾計吹水唔走人!!

幫襯過數次，食過花生糊、奶皇湯圓、芒果琉璃同芒果黑珍珠花生糊- 都夠滑，聞就唔夠香但反而食落又幾有花生香味，唔錯。而甜度亦適中，未有越食越漏的感覺，但可能是糊類的關係，食完一碗都幾飽肚。奶皇湯圓- 皮不差。餡，叫的是奶皇，但第一口咬下去覺得不太像奶皇的味道。不過也並不是難吃的，但味道甜了些。芒果琉璃- 其實琉璃是沒有味道的，味道是靠芒果汁才有的。可惜芒果汁太小而且不夠味，不夠撈所有的琉璃，結果整碗琉璃味道變得很淡很淡。建議可多加芒果汁。芒果黑珍珠- 同琉璃一樣，本身是沒有味道的。但個人比較喜歡黑珍珠的口感。落單時阿姐問是否加花奶，我答是。這次叫的也是芒果，但出奇地比琉璃好食，未知是否關加了奶的關係，而另一原因相信是今次有足夠的芒果汁，夠甜亦夠味。但有一疑問，是否黑珍珠才可加花奶而琉璃不可呢?還是上次阿姐忘了問呢?甜品整體來說都可以，但環境很迫。

大食嘉,雀聖,--雞絲--,艾文妮,bearonweb,raymond仔.....唔打啦手軟,好多謝各位支持和評論,薑湯會改善加辣,丸子就唔好過火keep住彈牙感覺,如果對本店甜品有不滿即刻對店員投訴,即時跟進和更換其他糖水.(質素唔得要舉報,食客要求有進步,松記糖水做得到.)最後多謝各界賞面.........仲有佐敦快要搬遷到油麻地,吳松街21 號地下,鄰近永安公司,唔知道就電27367892.

松記去得多，不過都係第一次叫湯丸食。$12一碗有五粒，價錢都算適中。湯丸端上來，先呷一口糖水……唔…唔係太o岩心水，好似好稀咁，雖然片糖水跟本就是稀的，但好像欠缺了那份豐富的口感，而薑味亦很含蓄，散發不出辣的氣味。到主角了，我吃湯丸是習慣先咬一口小的去嚐嚐皮的味道，這個湯丸皮唔掂，毫無煙un的感覺，還好像未熟透似的。至於餡，亦不見得出色，芝麻餡太稀了，程度就像水一樣，毫無半點沙或漿的口感。。。。不需和其他甜品屋的湯丸比，比超市買的急凍品還要差幾皮，糟透了~

分別在三日惠顧分店和總店,因有兩次是惠顧分店,在二比一的情況下,在下將在總店吃的,合併寫埋在此次食評中,全因一個字----- 懶!2004年12月31日松記總店是次惠顧總店,還記得這天下班後,回家梳洗完畢後,第一餐就是食甜湯,妹子就去了黃金買寬頻線和手腦火牛,我和母親大人就去食甜品.去到場面都幾冷清,這天冷得很,而我之前和母親提及這裡的芝麻湯圓好得,因此佢坐低就話要食吃個,我就叫左五寶湯圓.芝麻湯圓不用多說,保持了之前的一貫水準,反之五實就較為失色,芝麻很好不用詳述,花生就較為甜,奶皇都唔錯,綠茶奶皇個皮綠得黎好靚,有好淡既茶味,紫米皮那個就唔係好得,唔識講點唔得,總之食落去個感覺就好怪啦!不過個薑湯就依然好得,我阿媽仲講笑話,不如問下有無淨薑湯外賣,最後當然無問啦!2005年1月7日佐敦分店與一眾開飯喇食友去完有骨氣,又某君在山崎買罷麵包後,大家有講有笑地慢行至這裡吃甜湯.黎到見到好爆場,門外又勁多人等,本來想去其他地方食了事,怎知致電給幫主後,原來佢黎左好耐,拎左票,不過行開左,返黎都要再等過,但睇個勢,人流出入都好快,所以就等下啦,可能大家都有野講下,所以都唔係等左好耐就有位喇,