松記糖水店 (已搬遷) 新店位置

見到大食『嘉』咁正既相呢排都好想試下今日同朋友仔去開尖沙咀食飯飯後當然要去食下啦我要幻彩明珠朋友仔叫左個雜果黑珍珠嘩,上檯時發覺真係好多生果個樣又靚咁大碗都只係15蚊好抵食呀生果新鮮大西米煙靭黑珍珠好咬口個花奶好香濃甜得黎o岩o岩好唔會漏不過食完真係好飽好彩之前食飯留左肚咋唔係一定食唔晒呢!朋友個雜果黑珍珠就明顯無咁靚喇但聽佢講味道都唔錯食完仔細研究個menu發覺個哈佬都好吸引下次試下先另發現個花奶底同糖水可以用壺仔另上自己加減服務細心,抵讚!

星期六下晝0係麵麵店食完lunch諗住一陣去睇戲～所以都要搵０的野食先～女朋友話去松記我心諗：唔好掛～０係Jardon 去深水涉再去又一城睇戲？？？原來佢話Jardon 都有間松記～行去松記中途經過「澳洲牛奶」，又係勁多人諗番起上次o係「澳洲牛奶」食燉蛋，成１６蚊～～去到松記又叫燉蛋，睇o下「澳洲牛奶」係唔係真係咁好食～松記既燉蛋１０蚊，食落唔比「澳洲牛奶」差可能我地３點幾４點去所以冇乜人

昨晚和女友吃完阿龍咖哩，再去松記。叫了幻彩明珠，這裡用的是cream milk,特別香滑。和長沙灣總店的做法一樣；但奶不夠濃糖水不夠凍，須知道食客對甜品品質的敏感度是很高的，希望松記要留意。離開的時間是晚上九點半，居然冇人等位，更加引證到我的話。話說回來，只要能夠做到總店的品質，這個價錢，松記是立於不敗之地的。

今晚同食家去完打邊爐,就去左搵糖水食,去左松記佐敦店,經食家介紹試左"幻彩明珠",實在覺得好得意...好多生果啦,樣樣都好新鮮,有好大粒既西米,好好味,感覺似粉圓,仲有好多黑珍珠,加左花奶,面頭仲有少少芒果汁,雖然好多野,但感覺好好,顏色亦好靚,哈哈,一個字,正呀!但實在個場真係好迫,迫到我地6個人都要分table坐>_<"!

同兩個妹黎食~~我叫左幻彩明珠~ 依然咁好味~生果多~大妹本來諗住叫五寶湯丸~亞姐話有六寶~咁就試下~佢話花生味最好~~細妹叫左芝麻糊~佢話唔夠滑~

食完拉麵好想食糖水見去佐敦都唔係好遠就去左松記位置一d都唔難搵一望就見到可能仲係早一入到去就已經有位叫左個椰汁紫米露加花生湯圓同芝麻湯圓各一紫米露煲得稔又有咬口唔會太甜好漏湯圓方面,一咬粒芝麻味時d饀會漏出黎花生係香,但就唔夠芝麻味咁香咁好食喇而且個人認為花生個饀唔夠多囉因為太飽冇機會試埋個奶黃饀下次又試下先

又再食松記~~不過今次o係係去分店~~叫左白色世界(因為名好聽而叫)+馬蹄露+黑珍珠(hot)~~白色世界係香蕉+類似杏仁豆腐既野+大西米~~都幾好味~~我係一個唔係太鍾意食banana~~但都覺得d蕉都唔錯~~馬蹄露+黑珍珠都好食~~不過d馬蹄切細粒d會更好~~

那天經過JD.便入來試試.叫了一客Hello.原本想打包,但食過覺得普通就無咁做不過員工都幾好,我遺下了筆記.好彩佢地無丟到,如果唔係都唔知點算.真係唔該曬,不過個日行出行入到幾累

很喜歡這裡的琉璃，可是加了芒果汁後，變得怪怪…

MM1970第二次在網上見到你的圖片,亦去到你那裡看過好多食評,你都好專業,帶了相機影相有心思,批評6寶丸中肯,本人都覺得奶皇餡多了些,但好多人接受漸時都不會改變.Gourmet KC,Shapeshifer多謝支持,hazyqueen,首先對不起請原諒因舖仔細細,太多人等,員工落力在現今社會都很難得但站在消費者立場,我都明白,但在繁忙時間真是好難控制的,(鎖你鎖你)...bibilala對不起,你都聽見石油價格上升令所有副產品價格都向上,塑膠器皿來貨好貴,所以收費對不起請原諒.大佐,已寄出禮品.仲有本人覺得服務都幾重要所以遲D有名字咭給樓面,如果她們有好表現,多多鼓勵,做得唔滿意,你話點..........?

晚飯時酒過三趁, 喝得半醉, 來一個甜品解解酒氣, 店門外已有不小人在等待, 幸好兩個人比較容易安排, 約莫五分鐘已安排入坐到店中最末的一張餐桌, 自成一角.點了芝麻糊, 口感香滑討好, 芝麻味可再強一點; 六寶湯圓, 由六種不同湯圓組成, 皮薄煙韌, 餡料十足, 糖水微甜但帶有香濃彊味, 一喝之下酒氣盡散. 六款湯圓雖款式不同, 但其中三款用上同一餡料, 似乎有點重覆. 如果再有多點變化, 食起來會倍添趣味.甜品香滑而不膩, 意猶未盡再來第二輪甜品; 來了雪白的杏仁露, 口感同樣香滑, 但杏仁味過於輕清. 再來芝麻雷沙湯圓, 湯圓無話可說, 配上雷沙更加香口.酒雖醒但醉意尚在, 離開時店內仍有不小顧客, 待應們的招待仍保持水準.

與友人食左幻彩明珠及哈囉各一, 份量係多, 但感覺一般, d生果好似無乜味咁...今次係第二次去, 上次去的時候撞0岩無咁多人, 但今次就好爆, 要等位(預左, 無乜所謂), 當我地差唔多食完的時候, 有個亞姐揀左0向我身後, 我開頭無為意, 但當我食完放低隻spoon時, 佢就即刻一手幫我清理好檯面, 過程不過廿秒.....我都明白佢地生意好自然想做多幾轉生意, 但都唔好做到好似趕人走咁, 令人感覺唔多好!!

本人勁愛吃佢嘅甜品,楊枝金露,芒果涼粉,SUMMER,湯圓,好味,賣相一流,價錢平(20元以下),比杏花X,許留X好好多,最特別係佢地唔係用花奶,而係忌廉奶,D奶又香又滑,每次食完D涼粉淨返D奶我都會畢埋D奶飲,不過佢D CHAIR就唔好坐啦,好硬,坐得唔舒服,可惜分店唔多,又唔係開係旺區,每次都要特登去,唔知佢會唔會再開多D分店呢?

今日第一次食佐敦個間叫左亞荅子黑珍珠之前向唔記得邊間食過黑珍珠,覺得麻麻.佢可能煮得唔夠.d珍珠中間粒野趙到個口好痺.松記個d比個間好,易入口d .

尋晚同老婆食完韓國菜，諗住行落旺角搭車，美其名為幫助消化，實則我知佢想搵甜品食。隱約記得佐敦都好似有間松記，所以經過澳洲牛奶都過門入。呢度又真係幾難搵的，我搵地方都算拿手，但都行左幾條街至到。如果要搵的話，記住佢在牛屋隔離，又近佐敦道果邊就會易找一點。八點幾，舖仔細細又好多人，單睇陣式就知必定要搭檯，而食完就要走，無得傾計果種。阿姐好招呼，唔該前唔該後的，服務態度同深水步店一樣的好。餐牌與元祖店是一式一樣，仍有那百多個選擇。叫了芝麻糊加甜再加兩粒湯丸給老婆，自己就試試餐牌上的另一推介食物雲石豆腐花。加了甜的芝麻糊香味是足了，但仍不夠，可以再好一點，湯丸就同上次一樣的煙韌有水準；我的雲石豆腐花賣相淺灰色的，幾得意，引得同檯的另一位阿姐都問我呢碗係咩。吃落口感非常之滑，但由面吃到底都只吃到淡淡的芝麻味，沒有了豆腐的味道，所以這個可以算是芝麻味道及豆腐嫩滑口感的結合體，9蚊的價錢，是平得無話可說，可以一試。埋單23蚊，在別處可能只是一碗糖水的價錢，好抵食。選擇多，食物品質不錯，加上價錢平，而服務又幾好，可能就是這裡咁多人幫襯的原因。想開甜品店的，松記是一個很好的教材。﹝當然如果想領教何謂差的