東湖菜館 (已結業)

今日12:30嚟到長洲，於是行到離呢間茶樓，距離碼頭大約7分鐘左右，路程都算近。餐廳可以揀坐室內定室內，但其實室內都係冇冷氣，只有風扇好熱😢當我地叫嘢食嘅時候，好多點心都冇，想叫蒸飯、燒賣、蝦餃...全部都冇！🤪但真係好肚餓，於是焗住叫幾籠包塞飽自己😂叫咗一碟叉燒包同奶皇包，味道都算正常，只係啲包好似濕左水咁「冧patpat」，唯一正常啲係鮮竹卷同豬肚，正常味道，真係感恩😂 我諗下次嚟長洲不會再揀依間茶樓了😂

早排去長洲行山，出發前想嘆茶感受悠閒，揀左間舊式茶樓，要自己搵位搭枱、自己拎點心......客人多是本地老人家，部份是像我們的遊客。感覺幾親切，因為當地人都介紹我地去邊玩同食，而且都有講有笑。點心是一輪一輪出的，今次出幾款，下次幾款，夠新鮮熱辣，當然客多時要走快d去取。【燒賣】用豬肉少肥肉，口感扎實，味道較清，唔知係咪岩當地老人家，感覺幾健康。【牛肉球】肉感十足又夠鬆化，同樣味道較清，少油少調味，食出牛肉原味。【鳳爪排骨】鳳爪太少，排骨都幾滑，連骨的肉一定好味。呢款味道反而重返，幾正常。【蝦餃】係下一輪取來，皮薄餡靚，蝦肉幾爽。旁邊有即炒米粉、煎腸粉等，還有炸春卷、雲吞、迷你菠蘿包....【煎腸粉】算大碟，自己加醬料，我喜歡加多點麻醬同芝麻，夠哂香，腸粉本身都滑，但煎得唔夠香脆。

友人放假，竟然一大早拉著小人出遊長洲，小人眼都未來得及睜開，在船上小睡片刻延續夢境，上岸時仍是睡眼惺忪……😴可能剛剛睡醒，肚子特別餓，甫落船即找家茶樓喝早茶。這兒的點心是食客自行拿取的，我們掃了蝦餃、燒賣、春卷、鳳爪、牛肉、鮮竹卷以及韮菜餃一大堆，捧回枱慢慢歎。點心全部都夠熱，是傳統懷舊風格，不講求甚麼包裝，但亦著實頗為肥膩，必需配以一壺絕頂勁濃的普洱茶，登時睡意全消，人都醒晒。吃完一頓肚滿腸肥的早餐，儲備好力量開展一天的行情。

是日星期六(19/8) 與友人家庭 一行四大人 兩BB （不足兩歲 有佔位置)食物一般水平 最重要 重要 重要 是收我六位茶錢Blacklisted - 如只有我一家三口 我一定起身走

一行八人係落雨天搵嘢食，有朋友推介佢呢間東湖菜館，入面真係小人到爆，入座率大約一成，本身都有少少諗住有機會中伏，點知真係中咗，分享下有咩咁中伏！！首先我哋叫咗個二人套餐，叫炒蜆又冇蜆，最尾叫咗蒸魚同埋扇貝，味道都OK ,起碼叫做新鮮同埋蒜蓉味都幾濃郁。通菜炒鮮魷比較膩但係冇咩味，不過口感爽口都尚算合格。戲肉就係粟米羹，本身已經淡到無論，同出面食好杰身嘅粟米羹簡直係一天同地嘅分別，仲要唔止有一隻嘢喺裏面，衛生情況有圖有真相⋯另外叫咗蒜蓉蝦，啲蝦唔夠新鮮，有少少霉。不過起碼都叫做冇發臭⋯豆腐斑腩先搞笑，個個人都食到啲豆腐有少少變酸，因為實在太明顯，係已經啱啱變咗味，之後同店家講最後換返一點普通白菜仔⋯好耐未試過食晚餐咁激氣，我諗呢一世人都唔會再嚟!

真係好慢……一行11人，9個餸，等左5分鐘，第一碟餸到，good……之後，等多20分鐘，其餘餸開始來。其實等幾耐唔係最大問題，最緊要係隔離枱遲過我地點菜，就快過我地上菜。大家點嘅餸差唔多同類型，冇話邊個易煮邊個難煮。你冇話人地餸少所以上先啊。做飲食做到咁，你折埋佢啦。

長洲碼頭附近有唔少食肆,點心方面就有呢間同另一間較為舊式既茶樓, 咁今次就試左呢間先,入到去冷氣座位各樣都舒服, 點心就自己出去拎, 味道材料都幾足, 算唔錯, ,巳經好耐無遇過這種失落既舊味道 , 茶方面就不過不失,比起出面既茶,嫌它有點偏"融",清潔衛生方面都好好, 沒有噁心的情況出現, 加上當日坐近玻璃窗, 可以望到海景又可以曬到少少陽光,挺不錯。價錢方面就$170埋單,食左7個點心, 是平是貴就因人而異。總結來說, 它給了我一個休閒的開始;)

一落船就即刻搵野食有團友提議呢間又咁就腳門面好似裝修過開揚好多比左張大台近點心位上完茶水就轉身去拎點心基本上系半自助試左鳳爪味道好一般同好淋下排骨都ok雞紮,雞包,其他點心都系麻麻地所以炒左兩碟野干牛河同咸魚雞粒炒飯干炒牛河幾好味自助拎d辣醬加埋就好夾個飯炒得夠乾身咸魚茸都算多招呼幾好洗手間算清潔

去長洲哪有不吃海鮮的道理？雖然長洲的海鮮價格比西貢還要貴上兩、三成，但還是決定自己買海鮮再往餐館加錢代煮，這樣海鮮質素會更有保證。為此，惡人先往長洲街市買材料，再跟我於「東湖菜館」會合。餐館除了海鮮外，亦有小菜，但我們已買了好幾樣材料，吃完不夠再點吧，免得浪費食物。另外，這裡的加工費是段斤計的，每斤HK$50，店員事先說明不夠一斤亦會當一斤計。這是【胡椒湯煮大蜆】，大蜆的鮮甜配上微辣的胡椒湯，十分開胃【蒜蓉粉絲蒸象拔蚌】象拔蚌蒸得剛剛熟，爽甜帶嚼勁【蒜蓉粉絲蒸扇貝】這個也不錯，味道調得剛好【果皮蒸鮑魚】果皮味濃，配上那清甜鼓油，連吃幾隻也不覺膩【豉椒炒聖子】吃完鮑魚會覺得這碟聖子稍淡，但還是被極速掃光【豉油王蝦碌】蝦炒得夠乾身入味，差點連蝦殼也吃掉吃了多碟海鮮，覺得廚師水準不錯，點了餐廳的【椒鹽白飯魚】試，卻有點失望。白飯魚炸得不脆不酥，淡而無味買材料、加工費連5枝氣水，約HK$960。店主很好，不足一斤的海鮮最後都沒收足加工費環境氣氛： ★★☆☆☆餐館沒有花巧的裝飾，只有簡單的摺疊式木桌和膠椅，但算乾淨企理。食物質素： ★★★★☆因為材料是自購的，所以只評論其烹調水準。我們一致認為廚

係長洲食過咁多次晚飯，從未試過可以差成咁，完全唔掂！話說時間尚早，去到唔駛等位，諗住ok啦，坐低點菜，點咗幾樣小菜同埋自攜三款海鮮比佢哋加工，咁我哋諗住叫啲菜啦，問今日有咩菜呀，侍應阿嬸竟然答我哋：『咪又係來來去去個啲，講到口水都臭埋』...我哋呆咗，第一次問佢有咩菜食呀，乜原來可以咁既態度架，做得咁唔願唔好做啦！跟住我哋算啦，諗住入來為咗食野啫，無謂搞到唔開心，我哋忍咗呀！到上菜啦，據聞呢間既雞話係好好味既，咁我哋呢啲胃食之人梗係叫咗啦，但點知來到既雞不外如是，完全無特別，仲要凍既，稻香既一蚊雞仲好過佢呀，完全唔明出名在哪裡？！椒鹽鮮魷完全無鮮魷味，淨係得啲粉團，簡直浪費咗啲鮮魷呀！仲要我哋自攜海鮮幾十蚊上落，佢竟然可以收超貴而無提供啲咩既油水費，鮑魚仔五隻($30)，純粹清蒸，佢竟然收五十幾蚊既油水費；花甲($60，一斤多少少)，油鹽水煮，來到唔覺有咩油鹽水喎，無粉絲底已經算啦，仲要係完全無味既，佢竟然可以收七十幾蚊既油水費，真係好野呀；另一樣海鮮係豉椒炒蜆($30，一斤多少少)，呢個味道都算ok，都係收五十幾六十蚊既油水費。其實我哋都叫咗好多野下，連自己叫咩都唔係話記得好清楚，總

三月中旬‧有雨這裡除了是菜館，早上跟斜對面的新照記般也賣起糕來。除了兩款茶粿以外，最愛吃的就是馬蹄糕。吃得到粒粒馬蹄在內的，清爽也鮮甜。糕本身吃起來也清新，是不錯的。紅豆餅也開賣了，過去支持一下。

入長洲除行沙灘、買乾貨外就是去這間餐廳食飯；位置近長洲東灣一條主要的「車道」車來車往；人來人往，好有風味!!若坐近㕑房還可以直接觀賞大㕑努力烹調，又唔覺好油煙!!新鮮好味道--椒鹽鮮尤最後就喺碟碟掃清....

沿著堤岸一帶的海鮮檔，經常打着甚麼套餐優惠價向遊客招手，數年間也試過不少次，差不多每一間也不太合心意。這天晚上經過來回碼頭至泳灘的東灣路時，聽到東湖菜館的廚房傳來猛烈的爐火聲，不禁停下腳步找了個位子坐下。先來的是豆腐燘班腩，起初以為這個班腩是取自魚身位置，上桌時才發現原來是班頭來的，魚頭部份骨多肉少，加上粉漿亦偏厚，實在不太欣賞，唯一可取的是班肉有鮮味，而且骨與骨之間帶點膠質，但跟豆腐相比，魚塊份量實在太少，以$80來說，海鮮類別中應該有更好的選擇。幸好隨後來的皆非常好吃，先說生炒牛肉飯，炒得乾身及粒粒分明之餘，也不見油膩，配料有生菜絲 、牛肉、蔥花及蛋花，配料兜得均勻，每一口飯也能吃到爽脆的生菜絲，非常對辦。另一道是菜遠珍肝，這個菜式雖然在一般酒樓比較少見，不過平日若果家中買了新鮮雞時，就會把雞腎及雞肝切片跟蔬菜同炒，所以我對這個菜式也不陌生。把帶點嚼勁的雞腎、味道甘香的雞肝及磨菇片與蒜蓉同炒，配上鮮嫰的菜心，味道十分不俗。整體來說，我認為店家比堤岸一帶的海鮮檔味道更好，尤其是生炒牛肉飯及菜遠珍肝也甚得我倆的歡心，而且大部份菜式也是介乎於$40至$50，價值確實非常相宜。

這個星期日及一,便是我家郭氏家族到長洲兩日一夜宿營日子.這天,我和母親大人早上有事要辦,中午才出發搭船到長洲,到了長洲已經是下午兩點多,我和母親大人還未吃午餐. 於是,我們沿著營地這條路看看揀選什麼餐廳坐下來醫肚.沿途經過很多都是小食店,但我們也不想只吃小食,行入少少見到-東湖菜館,內裏也有炒粉麵,於是我們決定坐下來order了一碟星洲炒米share食.五分鐘左右,這碟星洲炒米便來了.1)星洲炒米-$48當職員送上這碟星洲炒米時,我們也覺得很香的,但可惜,只有嗅覺是合格,味覺就完全不合格. 當夾起的時候便覺得米粉很濕,放在咀裏也是同様地濕,一點也不乾身,感覺米粉還未炒之前,沒有把米粉琼一琼乾水.這餐廳主打也是炒小菜或海鮮之類,但如果基本功的炒粉麵還未做好,又什能把高層次美味海鮮做好呢?

九月中旬‧晴難得一天入來長州操練，完事後，大家在步行去下一站前，途經東灣路，大家自然興奮地湧去一邊，買茶粿及紅豆餅。老實說，兩樣都吃過，水準是一般，反而見另一邊的這間酒家也有茶粿剛蒸起，買一件來試試如何。剛蒸起，還是微暖的。外皮拿起來黏手，吃起來軟糯可口，充滿糯米香味，很不錯；原來是鹹茶粿，內裡的是眉豆餡，最近我不太能吃這些東西。不過眉豆味道雖然不錯，但口感是硬掘掘的，吃起來感覺一般。4蚊一件，經濟抵食。