東歐餐廳

疫情之下，無法出外旅行，所以唯有來東歐烏克蘭餐廳。這兒的佈置極富東歐色彩，好像置身於烏克蘭中，所以食咗就當去咗烏克蘭了！先來個菜絲沙律，味道和份量都中規中矩。然後來了洛神花蜜，估不到這是午巿套餐的一大亮點，熱騰騰的，微酸中帶清甜，不會死甜，十分醒胃，令人舒緩放鬆！今餐的主角當然是紅菜頭羅宋湯，這款烏克蘭式羅宋湯與港式羅宋湯完全不同。在顏色方面，港式的偏向橙紅，烏克蘭式的偏向紫紅。在味道方面，港式的比較酸辣，烏克蘭式的比較酸甜。在材料方面，港式的番茄味比較濃，烏克蘭式的紅菜頭味比較濃，還加入了sour cream，特別香滑。主菜方面，我點了蘑菇汁牛脷焗飯。我很喜歡這款焗飯，因為是熱騰騰的，未吃已感到幸福溫暖。牛脷煮得非常諗，加入焗芝士和蘑菇汁，提昇了味道，可惜牛脷有點偏鹹，幸好連飯吃，中和了鹹味。友人點了茄汁香煎羊扒，看上去份量頗大，但原來骨頭和肥肉比較多，到最後可以吃到的羊肉就比較少。羊肉雖然煎得很香脆，但可惜味道頗鹹，吃完後有點口渴。總括來說，不用買機票，在中環區用大約150元便吃到東歐風味，加上親切的服務，CP值高，值得推薦！

超級人氣黃店之前都要接近個幾兩個月前訂位先食到, 但當晚諗住碰下運氣打電話問下有冇位, 竟然真係有位😆🍴正宗烏克蘭羅宋湯 hkd68果然同平時飲既羅宋湯唔同, 整碗滿滿紅菜頭加少少sour cream, 好清甜好好飲, 必試！🍴Cheese & Garlic Bread hkd56多士烘得香脆, 超香蒜蓉味配上cheese絕配！🍴招牌芝士焗牛脷盅hkd98成餐飯最驚喜滿足既菜, 牛脷超級淋份量又多, 芝士又唔會太濃郁搶走哂味, 好夾好正！🍴地道香燒豬肋骨 hkd198一上檯會淋上vodka點火, 視覺效果十足。豬肋骨夠淋, 但vodka味都幾重。🍴馳名基輔炸雞扒 hkd188一切開雞扒內既牛油流哂出黎好香, 雞肉唔係好嫩, 而且配菜薯片雖然夠厚調味好食, 但上碟時已經凍哂, 比較失望。整體羅酥湯同牛脷盅必試, 推薦！

之前睇過介紹，知道中環有間百份百東歐餐館，家庭式經營，由烏克蘭既大廚烹煮，絕對正宗👍所以都慕名來試下午餐。餐廳老闆以及服務生都好親切，店內既裝修都非常有特色，用上小巧既木枱木凳，牆上掛滿色彩鮮明既風景畫，好似真係置生係東歐既小餐館一樣！點了一個Set lunch $138先來一碟健康開胃既Salad湯有兩款：Borscht soup/ Pumpkin soup小妹揀左羅宋湯，烏克蘭🇺🇦既羅宋湯係紫紅色，用左紅菜頭，湯底好重牛味，湯中間加左些少酸忌廉，更加帶出左湯既鮮甜Ox Tongue and stewed in clay pot芝士焗牛脷係餐廳招牌之一，牛脷厚身非常軟糯，加埋芝士同蘑菇飯，好creamy好配合，真係停唔到口😋餐飲揀左熱花蜜：洛神花蜜好驚喜，酸酸甜甜的，好好味，潤喉又消膩朋友想試下更馳名既烏克蘭名菜Chicken Kiev $188，以及飲品Tamsi Rugine $68基輔炸雞扒，其實入面係雞胸！成個金黃色既手榴彈，切開漏左好多牛油出黎。雖是雞胸，肉質不會好乾，一齊食更加香！伴碟既薯片係新鮮炸起，好香薯仔味，不過今次炸得過左小小火喉，有d比較燶😅整體不錯喲

Супер смачна українська вечеря超級好味嘅烏克蘭晚餐，好多謝靚女老闆悉心安排到可以8個人分4張枱坐埋一齊，食物質素好好，第一次品嘗到烏克蘭菜，羅宋湯、招牌芝士焗牛脷、基輔炸雞、焗蘋果鴨胸、豬肋骨、蜂蜜蛋糕.........不能盡錄，都好掂！一間非常正嘅餐廳，環境亦好優雅，價錢方面唔算貴，平均每人$300左右，總括嚟講，預早2個月前訂枱，係絕對值得嘅，我哋全部都食得好開心，一定會再去幫襯支持。

睇完yellow OpenRice 一直心郁郁想試下呢間真係由烏克蘭香港人開嘅餐廳 小妹1月先去完烏克蘭返黎 當然要試下呢間餐廳夠唔夠正宗啦有必點嘅正宗羅宗湯 borscht有人話羅宋湯係烏克蘭發源先嘅～飲湯去酸酸甜甜 加埋面頭嘅sour cream真係好正呀仲有薯餅～ 不過呢個薯餅同香港人認知嘅薯餅就有啲分別 應該係加咗麵粉係入邊嘅，我就麻麻哋啦之後不得不提呢個酥皮焗牛脷超香好好食！侍應仲要好細心咁幫我哋切開個酥皮蘋果鴨胸就冇乜特別最後加多個honey cake！ 好好食最後埋單都係人均300頭，加埋野飲，好滿意！絕對會再返黎幫襯的

中環lunch好多野㨂，呢間平時夜晚好難book，lunch早啲黎都會有位，一入門口就見到好異國風情嘅櫃。呢度lunch有set menu，包湯，沙律，主菜同飲品。我地叫左羊架同鴨胸share。餐湯有傳統雜菜湯同南瓜湯，雜菜湯飲落有別於意式嗰種，味道會淡一啲，好清新😆。南瓜湯飲落好creamy，奶油味都幾重，兩款都唔錯。掛住飲連相都唔記得影🙈沙律係一堆雜菜絲，睇落好普通，食落味道唔錯，清清地，好fresh。Braised duck breast with Apple ($118) 鴨肉加蘋果幾好食😮鴨胸唔會太嚡，有蘋果嘅甜味，蘋果燜到淋左，吸埋鴨肉嘅味道，互相都幾夾，底下仲有啲薯仔，都幾飽肚。Rack of lamb with tomato sauce ($148)有兩舊羊架，有羊味但唔會羶，薯蓉有薯味，幾好食，唔似開粉薯蓉，睇落份量少，但食落都夠。飲品㨂左桂花蜜，味道唔錯，有桂花香，我見食評話玫瑰會偏甜，但呢款又唔會喎😄菜色味道唔會好濃，但幾好食，好有家庭式嘅味道。期待下次黎食dinner😊

早於2個月前訂枱，多謝我哋偉大嘅正苦將限食令延長到10點，否則要改期。今晚終於品嚐得到，杜生果然冇介紹錯，一間好有特色嘅餐廳，第一次食到烏克蘭菜，印象好難忘，招呼亦好周到，環境好靚，雖然地方唔算大，但坐得舒服，要介紹嘅食物種類實在有好多，招牌芝士牛脷盅、豬肋骨、基輔炸雞等等..........抱歉未能逐一介紹，唯有睇相啦。相信經過今次品嘗之後，一定會再約朋友再去，希望下次再去嘅時候唔會再有任何分隔，可以食得更加開心。

男朋友生日，提早數月預訂了東歐餐廳。打算和他一起品嘗甚少能吃到的菜式。❤️由於餐牌內的選擇實在太多，我們只能挑選一些大部份人都推介的。😂.「紅菜頭魚柳沙律」$78🍽：味道和我們早前去歐洲旅行時吃到的差不多，味道清新又帶有魚的鮮味，作為前菜是不錯的選擇。.「烏克蘭三文魚湯」$68🍽：湯內的材料豐富，幾乎每一口湯都能吃到三文魚肉及其他材料，兩人分享一碗剛剛好。😊.「傳統豬肉餃子」$88🍽：口感有別於日常普遍吃到的餃子，餃子內都是滿滿的豬肉，配上特別的醬汁，令人想吃多幾個。這個很值得一試！😋.「烏克蘭香煎薯餅」$88🍽：若然你喜歡吃薯餅的話，這個菜式就很適合你。外面煎得脆脆的，裡面吃到薯仔粒，口感豐富，十分香口。.「馳名基輔炸雞扒」$188🍽：這道菜很多人都大力推薦，但親身嚐到，卻有點覺得不太特別，當用刀把雞扒切開時，外層與內裡的雞扒分開，而且比較肥膩，若想貪心試多幾道菜，就要想清楚是否會選這道菜了。我反而喜歡配菜薯片，新鮮用薯仔切片炸成，味道很好。

因為限聚令所以只能夠lunch去試呢間出名既東歐餐廳。Lunch set百零蚊一個人，包湯、沙律、main course、餐飲。諗唔到重可以有咩挑剔，兩個字：好食，唔信就自己去試下。希望下次夜晚去試埋佢個基輔雞扒

未試過東歐菜，第一次就大開眼界。不只餐廳內的裝修甚有歐陸風采，紅色的牆壁令久違了的旅程感覺又喚醒了。餐廳雖小，但食物種類卻不少，選擇甚多，單是餃子的類別已有數款。如果有選擇困難症，最好朋友/家人陪同。選了炸雞扒、餃子、薯茸等食物共同分享。食物的美味程度，簡單是想再望一望 Menu 上的價錢，廚師的精緻手工已經超越了，還有其他細心的服務。最喜愛的是甜品，我選了蛋糕，沒有過份的甜，恰到好處，令晚餐有一個完美的句號。

係疫情之前睇左<Yellopenrice>先知到原來係香港開既東歐餐廳唔係咁多，睇到節目當中既東歐菜式都好多，肉類既選擇都幾豐富。節目係3月一出既時候，3月同4月既 Booking 已經 Full 晒，點知遇上左疫情，生意都有所影響，好彩香港人都係互助互勉💪🏻，當日 Book 到位星期六去食 Lunch，餐廳老闆娘同女都係烏克蘭人🇺🇦，餐廳裡面佈置得好有東歐 Feel，好似置身於東歐咁🥰。 咁我地就 Order 左幾款幾高評價既菜式試下 😋🍹Mors ($68) Homemade 既 紅莓汁🍹，飲落去都好清甜，有少少開胃既感覺😋。🍲正宗烏克蘭羅宋湯 ($68)通常我地飲得多都係港式既羅宋湯🍲，試過大部分既羅宋湯質素都係麻麻地，但係呢個湯非常有東歐風味，用料都非常足，味道亦都唔會太重，值得一試😋。  🥟傳統豬肉餃子 ($88 - 4隻) 一開始望落去有 D 似意大利既雲吞，食落味道相當唔錯😋，非常足料，幾鍾意佢用左 Cream Cheese 黎做個 Sauce ，味道都幾夾👍🏻👍🏻。 🍗馳名基輔炸雞扒 ($188) 呢個係其中一道相當好評價既主菜，大大塊基輔炸雞扒🍗一切落

呢間真係長期爆滿，我記得好似係早左一個多月時間先book到位🙈其實真係有啲期待，因為自己都甚少食東歐菜，所以今次都算係烏克蘭菜初體驗😚😎-🎈三文魚肉冷盤 $98前菜來說挺好的，好fresh😝-🎈傳統豬肉餃子 $88餃子皮偏厚身點，裡面的餡料亦很足料，但只有四隻餃子，性價比相對唔算太高🙈-🎈招牌芝士焗牛脷盅 $98真心好好食﹗﹗先講上面個塊酥皮，佢係偏硬身一點，有別於出面個款好鬆脆的～而店員會好貼心咁幫你剪開四小塊，咁樣就可以盛著牛脷一齊吃😊芝士和牛脷兩者既配搭好好，牛脷亦整得好淋，真係好欣賞😋-🎈地道香燒豬肋骨 $198店員會先淋上vodka再點火，場面都幾壯觀😌所以都真係好多枱都有叫呢個招牌菜🧚🏻‍♀️豬肋骨食落好淋身，vodka味偏濃，但個人又挺喜愛的😍-🔸東歐餐廳📍中環雲咸街63號巴力大廈1樓

呢間餐廳係佢地舖既時候我已經去過一次，果陣已經覺得老闆好熱情好nice，而加呢間餐廳搬到樓上舖，再加上係黃店，令booking都要book一個月先可以book到夜晚繁忙時間食，真係利害!餐廳仍然好有烏克蘭的風格，而且好有浪漫的感覺。烏茲別克牛肉湯，這個湯很清甜，帶有牛肉味，湯內也有不同的蔬菜如薯仔、黃椒、紅蘿蔔等，全部都煲得好冧。正宗烏克蘭羅宋湯，這款湯味道較酸，好濃蕃茄味，有薯仔、紅蘿蔔等蔬菜，非常開胃!招牌芝士焗牛脷盅，上枱時像酥皮湯般，酥皮在碗上，店員待我們影相後便幫我們剪開，盅入面有滿滿的芝士，牛脷整得好冧，酥皮連芝士牛脷一齊食特別美味!地道香燒豬肋骨，一上枱店員便幫忙點火，是一個相機食先的菜式。豬肋骨整得好冧，味道甜甜咸咸幾特別!俄國炆羊肩，羊肩非常大隻，味道不會很羶，可能是因為用上石鍋保溫的原故，令羶味不會很出。羊肉炆得好冧，醬汁的味道是忌廉奶油味，還有薯仔、西蘭花等這些吸味的蔬菜，非常惹味!這餐食得十分開心，而且食物的味道也很惹味，值得再來!

全港唯一烏克蘭菜，家庭式經營好有親切感！建議大家嚟之前要Book位，好Full!!講返個餐廳環境先，餐廳喺2001年開始，已經有19年歷史啦，餐廳嘅佈置好有民族氣息，就好似去咗歐洲嘅小餐廳咁，仲用咗烏克蘭嘅景點做背景，我哋一坐低老細勁好人好親切咁幫我哋影相，影完出嚟就好似去咗烏克蘭咁！🤣🤣正宗烏克蘭羅宋湯$68 用紅菜頭、洋蔥、薯仔等等嘅材料煲成，仲有酸忌廉，同港式嘅羅宋湯完全唔同，酸酸甜甜，好香濃，好好飲好開胃！同俄羅斯嘅羅宋湯，好相似，只不過呢到既烏克蘭羅宋湯加咗豬骨煲，迎合返香港人嘅口味！烏克蘭香煎薯餅$88 薯餅同平時食嘅有啲唔同，除咗食到薯仔之外仲有啲麵粉，旁邊仲有酸忌廉俾你點嚟食，都幾特別！😋招牌芝士焗牛脷盅$98😋必食推介！！佢啲牛脷分量超多，而且粒粒都係厚切，芝士味好香，咬落口好䭃！ 個盅面頭既面包仲會幫你剪開一開4，可以點芝士汁食，好正😍😍最後叫咗個烏克蘭風味蜂蜜蛋糕做今日嘅總結烏克蘭風味蜂蜜蛋糕$68🍰有少少似港式嘅馬拉糕不過實啲，點左蜜糖都幾好食☺️總結來講，餐廳嘅食物好食，而且係烏克蘭人開嘅， 十分正宗！有機會嘅話我再嚟食埋其他菜😎好啦今日東歐之旅結束，我又要返香

我推薦烏克蘭薯餅，因為本人一向對薯餅麻麻，覺得又漏又熱氣又冇乜味，但呢個個感覺好唔同，好好味。另外就係俄羅斯宮廷鹿肉，好出色，其實個汁可以配麵包，我哋點左蒜蓉包，但原來個包本身已經上面已有勁多芝士，好濃味，就咁食都正。