東歐餐廳 (已搬遷) 新店位置

朋友生日，本來想去Balalaika食俄羅斯菜，但上次去過又唔覺得特別好食，所以最後去咗未去過的中環Ivan the Kozak食烏克蘭菜，我喺Openrice抄低晒d人話邊d好食，邊d唔好食，基本上冇乜點睇餐牌。叫咗以下：1. 薯餅、白汁蘑菇+炸多士，依d肥野我最啱，實好食架。2. 白汁牛脷盅，酥皮焗，詭異地出晒煙但有一點唔夠熱辣辣。3. Vodka shots, 六種味，好「梗」，味道分別似消毒藥水、火水、燒酒、洗甲水.....最後要叫水果味 sparkling water溝埋先飲到。4. 唔記得咩名嘅沙律，唔覺有任何dressing，正確來說是一碟青瓜片、番茄片。5. 秘製豬肋骨，及薯茸 ，都ok 嘅6. 貌似湯渣的炆羊肩，我唔食羊冇食到，但最後食淨晒，估計麻麻7. 燒春雞，好香，幾好味俄羅斯菜又好，烏克蘭菜又好，對我來說，試過一次就夠了。

小女子生日，肥兔book 了依間餐廳！一入到去，感覺有D 熱，但環境陰暗，好有情調！慶祝紀念日的好地方！秘製豬柳好好味，好juicy，正！第一次吃咁好味的豬柳！俄羅斯沙律不是我杯茶，和平時的沙律完全唔同！其它的忘記了…吃完飯後，老闆邀情我地去酒窖。好凍，穿上皮衣，拍了相片！haha...老闆好nice，叫我地任飲vodka, 全是俄羅斯入口的，同一般的不同！結果，買了一支回家！

約了同學午膳，剛巧小妮子不用上學，問她有否興趣一起去，她對新奇事物催之若螯，得知試東歐餐廳，便一口答應。餐廳位處於中環一窄巷內，殊不顯眼，但有地址便很易找到。一進門見有一玻璃櫃，陳列著搜羅回來的東歐飾物，餐廳地方不大，祇得十張八張檯子，鋪了檯布，牆上掛著特色的飾物和壁畫，讓人如置身於異地，可惜的是在播放電視午間新聞，若是播放東歐音樂，想必更有情調。侍應除了一位是中國人外，其餘數位都是東歐人！？午間供應自助餐和套餐，相差祇是十元廿元，但大家看著陳列的頭盤、沙律或生果，都提不起勁，還是點套餐算了，套餐有薯仔排骨湯或蘑菇湯，主菜有七款可選擇，計有吉列豬排，俄式炆牛利，俄國焗雞髀，俄國焗鴨胸，俄國素菜卷，龍利魚柳和俄式炆羊肉等。每款連熱飲收費$59 加一。我們點了其中四款，而兩款湯都是清湯，薯仔排骨湯頗像家裏自家煲那種，分別是他們的紅蘿蔔是切了絲，我們切件，而兩款湯的分別是一款有蘑菇，一款有排骨，但一樣有薯仔和紅蘿蔔，味道非常好，真材實料，而他們亦強調所有食品都沒有落味精。主菜都是碟頭飯形式上，可選擇配飯或意粉，吉列豬排是一塊上了蛋漿煎的豬排，肉質一般，切時頗費勁，配了椰菜和甘筍，意粉有牛油輕

母親節前夕，訂左呢間餐廳黎試下俄羅斯菜． 地點都幾易搵。細細０既一間餐廳仔，感覺都幾ＷＡＲＭ，但星期六晚都好靜，唔通市度都係咁差？我地一人叫左一個ＭＡＩＮＤＩＳＨ，有：烏克蘭正宗羅宋湯﹣﹣Ｄ料好多,味道不錯，但唔係特別驚喜俄式焗蘑菇﹣﹣呢個幾得意，除左有好多碎左０既磨菇之外，仲有細細塊０既西多士一齊食！ 烏克蘭家鄉豬肉腸﹣﹣好多肉，但係好似冇乜味咁！！好乾！！酥皮焗牛仔肉﹣﹣﹣汁就夠哂多啦！但個酥皮好硬！！勁難切！！傳統俄式焗蘋果鴨﹣﹣食到底先有一舊蘋果！俄式焗豬肋骨﹣﹣呢個係最正，Ｄ汁又好味，Ｄ骨又軟！！一流！烏克蘭家鄉麵包﹣﹣乾，硬，好似未發酵咁！！熱班戟（士多啤梨／蘋果口味）﹣﹣一般啦，冇乜特別。食飯時,聽倒隔離枱同個老細傾計，原來佢一家人都０係間餐廳幫手，佢地有個混血兒女仔，你以為要同佢講英文，原來佢講流利廣東話！記住啦！！

小小的餐廳, 別緻的室內裝修, 由枱布至餐枱餐具擺設, 全部由東歐運到香港! 自攜紅酒一支, corkage $50, 後來老闆Ivan話可以waive的, 不過佢corkage收到咁平, 中環喎, 我地又用OR coupon埋單, 已經攞咗折頭, 算啦~ 之後我地仲order多一杯House White除咗魚子醬之外, 我地點嘅全部菜都係老闆介紹嘅:頭盤: 三文魚子醬 Red Caviar, served with blini, sour cream, spring onion & egg 唔係server with cracker, 但係咁樣都好好食喎~ 用薄餅仔包住所有配料, 一啖咬落去, 爆出嚟個味道好豐富! 記得要將塊薄餅仔切開分幾次食呀!仲有, 勁鍾意佢d碟同碗, 好cute呀!頭盤: 烏克蘭香煎薯餅 w/ sour cream 我覺得唔點sour cream淨食仲好味, 可以食到薯餅入面好煙-un, 又有d爽口好似蘿蔔咁嘅材料。老闆話做過research, 先知道唔係個個人客都受得sour cream 喎, 所以依家d sour cream係分開上嘅, 唔再係成pat

我lunch去order 了炆羊肉飯，原來俄菜羊好似手抓羊的味道，好so，羊味勁重，正個湯係豬肉湯，好似中式湯加茄湯，都ok wor

尋晚同隊長去咗呢間食東歐菜的餐廳慶祝生日, 其實去之前都在open rice睇過d評語, 覺得菜式同環境都幾唔錯, 所以決定o黎呢度食生日飯. 尋晚我o地散叫了下列菜式.烏克蘭羅宋湯&烏克蘭馬豆湯: 兩碗湯都好足料, 不過因為我們掛住玩, 所以搞到凍咗, 如果趁熱飲的話應該更加好味. 紅菜頭魚柳沙律: 如果唔鍾意食魚生或魚的話, 應該未必buy, 因為好似有d腥味, 我留意到隊長食咗好少, 但我自己就幾buy, 因為我鍾意食魚生.俄式傳統焗牛脷: 跟酥皮一齊食, 牛脷好入味, 好食!酥皮蘋果鴨配焗薯: 蘋果配鴨, 單單看個菜式名已經覺得好特別, 於是一致決定order, 鴨肉份量都幾多, 不過食唔到蘋果, 薯仔就食咗好多喎. +15蚊就另外有個焗薯, 但我覺得叫做”薯角”比較貼切d. 一碟有4件, 配埋蘋果鴨內的白汁來食, 好好食..熱情果味&木梅味啤酒: 兩支果味啤酒, 木梅味比熱情果味好飲, 用埋半價coupon都係廿幾蚊一支, 好抵! 另外, 值得一提係老闆Ivan真係好nice, 話說尋晚我地為咗可以傾計, 所以揀咗坐出面, 到咗10:30左右, 室內的人客都差唔多走哂, I

同朋友2個由大澳出返中環搵野食,行行下朋友話不如就試下這間俄羅斯餐廳入到去環境有點暗,decoration 都幾特別叫左俄羅斯雜錦沙律---幾fresh俄式酥皮焗牛肉---個汁幾開胃芝士焗三文魚---ok芝士味再重d就好老細仲好nice邀請我地去冰室入面飲vodak,真係幾好飲(佢話d vodak全部由俄羅斯入口)應該會再黎

奶油包尋晚食咗一餐好難忘既晚餐男朋友 A先生 帶奶油包嚟呢度享受左美味既一餐其實一入去既感覺有DD唔係咁自然因為好似點咗濃香薰咁...同埋有DD空氣唔流通開感覺...有點兒悶熱而已不過無幾耐就習慣咗男朋友 A先生 拿主意點了好幾款食物包括湯，前菜，主菜，啤酒 等等..1/ 烏克蘭馬豆湯 -- 奶油包十分喜歡，因為有濃濃的煙肉味外，還有許多配料，包括奶油包既至愛 -- 薯仔，推介之作 NO. 12/ 俄式袖珍豬肉餃子 -- 細細粒，好好食...不過一定要快食...唔係好似冇咁好食3/ 俄式海鮮刺身 -- 有三文魚同另一種魚，係呢個好想問個隻係咩魚既時候，超級好人開老闆已經行過嚟話俾奶油包知係WHITE FISH，2隻都好好味，係咸咗DD，推介之作 NO. 24/ 俄式傳統焗牛脷 -- 好淋，好香，配了白飯十分好食，推介之作 NO. 35/ 酥皮豬柳 -- 汁好酸，好開胃，豬柳好淋好入味，個酥皮點汁好好食，推介之作 NO. 46/ 熱情果味啤酒 -- 似果汁多D7/ HONEY BEER -- 都幾好飲8/ 俄國水果PANCAKE -- 又係一個推介之作奶油包在此要為老闆 IVAN 平反，

上個星期五同友人一行十幾個去呢間restaurant試下東歐菜,入到去時覺得呢間餐廳裝修得好別緻, 詢問之下原來餐廳差不多每一樣都係由東歐運過黎,連牆上0既壁畫都係老板請一位畫家由歐洲黎香港畫0既.. 真係誠意可嘉!食物都我非常滿意, 尤其是"薯餅", 我食完一塊又一塊, 唔似出面薯餅咁硬, 呢度0既薯餅係外"趣"內軟, 好juicy, 而且好多restaurant 0既hash brown 都係炸, 但係呢度係煎, 所以見得一番心意 , 佢0既羅宋湯都值得一試, 我連湯渣都食埋(最緊要連埋d sour cream一齊飲)! 我地仲有order左其他幾款食物, 有一隻好以餃子咁0既物體, 細細粒, 好juicy, 超好食! 仲有其他肉0既dishes, 佢0既牛肉做得好"林", 連佢伴碟0既紅椰菜同一d好似炒旦0既物體都好好食! 上菜速度適中, 而且老板好friendly, 我問佢好多問題佢都好親切咁答我 ,最後我地order左幾支vodka after dinner, 個個都食得好開心! 下次會再去幫襯!

上OR 見到都幾多唔錯o既食評, 就試下啦... 點知...之前一晚book 左枱, 去到時同老闆ivan 講: "尋日book 左枱", 點知未講完佢已經好唔耐煩咁話"得啦, 你地揀枱啦", 然後就走左, 好似當我地透明咁....跟住睇完menu, 叫左海鮮卷同羊肩, 同埋鴨肉apple, 個waiter 走左之後, ivan 又走黎, 問我地做乜唔叫野飲, 咁我地話飲水得啦, 佢就木無表情咁走左.... 之後見佢無俾水我地... 咁就唯有同個waiter 落單叫兩杯飲品, 見到ivan 用眼尾望下我地, 個樣好似我地令人好討厭咁..... 超無奈....食物黎到, 張枱又唔係大, 都唔知搞乜佢地一次過上哂, 個鴨好難食, 海鮮卷又食唔到任何海鮮, 只係得d 菜, 想叫碗白飯, 點知又俾ivan 問"做乜要飯, e 家唔夠食咩?"... 真係有無搞錯!!! e 家我黎食飯, 係咪想叫野食俾錢你賺都要俾你串?之後個飯黎左, 又凍又硬, 如果俄羅斯飯係咁, 就唔慣得之佢要串我地食飯最大問題係, 人只得一個口, 咁食緊一樣就自然無時間食第二樣, 更何況佢一次過黎曬, 但偏偏我食緊個鴨, 個

聖誕夜.. 一個普世歡騰既日子, 男友帶我黎尼度享受左美味既一餐 ((感動))-----------------------------------------------------------------其實一入去既感覺不太自然, 好像點了濃香薰似的..或許空間不太流通..有點兒悶熱而已., 不久後也習慣了.!! 男友拿主意點了好幾款食物., 包括湯, 前菜, 主菜 等等..烏克蘭羅宋湯: 男友較為喜歡; 夠正宗咁話..烏克蘭馬豆湯: 本人較為喜歡, 有濃濃的煙肉味外, 還有許多配料. (讚)紅菜頭魚柳沙律: 屬首選推介!!!! 真係超好味 ~ 令人食慾大增呢!!!酥皮蘋果鴨: 熱度KEEP到, 鴨件尚多又入味, 加上酥皮烤得很香口, GOOD~ (落多D蘋果會更好")秘制燒春雞: 肉質夠嫩, 份量夠足..配加醬汁更惹味.. (2人份量)--------------------------------------------------------------------------------------------------個人認為有D食物未必能乎合所有人既口味., 但各人

聖誕節夜晚同女友黎呢度開餐, 門外有好刺眼的藍光, 好容易搵, 一入去, 我地都覺得好焗, 唔知係咪冷氣唔係好夠呢 ?__?店內昏黃柔和的燈光, 特式的擺設, 加上音樂, 感覺好warm、好舒服 前菜: 紅菜頭魚柳沙律 - 味道好特別, 我同女友都覺得好正, 呢個菜設計到好似個蛋糕咁, 份量都幾多, 一個人食會幾漏, 兩個人食就岩岩好 餐湯:烏克蘭正宗羅宋湯 - 賣相同一般羅宋湯分別係湯面加左牛油, 而且唔似港式羅湯杰撻撻, 但湯依然足料, 唔係得水架, 味道幾特別, 好好味, 可能呢d就係正宗馬豆湯.- 第一啖飲落口, 好重煙肉味, 但飲多兩啖, 越飲越好味, 湯底好多豆豆同薯仔, good! 主菜:酥皮蘋果鴨 - 睇個器皿, 唔覺好多料, 點知食食下原來幾多切得唔簿的鴨件的, 女友不嬲唔鍾意食騷野,

唔好食兔 , 好多骨 , 冇肉唔好食鹿 , 好硬, 吞唔落得件魚可以食唉唔怪得空空如也另外個間俄國菜就 full booking

前晚食完Balalaika 咁啱今晚又食埋呢間,即係香港兩間比較多人去俄羅斯菜都試過!朋友預早一星期前訂位,星期六晚七點一去到成間餐廳得我地六個人......落完order好似快餐咁,無分頭盤主菜,一次過隊晒出嚟!理得你張枱有無位擺.羅宋湯----見到都驚一驚!碗湯仲紅過張枱布,聞落仲好酸吓!試一啖原來係好淡嘅什菜水加牛肉,枱面上嘅盬同胡椒發揮功用喇！頭盆:焗牛脷----牛脷切粒粒炆得好淋!有少少酥味,白汁用嚟點個麵包皮好正!似為係一個好開始...炸薯餅----薯仔刨絲加麵粉炸,幾脆身同唔算多油,不過係完全無味!炸蘑菇雞卷----唔多覺有磨菇,雞肉又係無味嘅!全靠個白汁有番Ｄ味咋.煎茄子----呢個算ok,將部份切粒粒再釀番落去開邊煎,少少辣味都算係咁.主菜:炆羊膝----應該煮定咗一煲擺喺度,第二樣上枱就係佢,配菜已經炆到溶溶地,羊肉仲好滑,好有羊味!係全晚第二樣好食嘅.俄國牛柳絲----重來未食過牛柳可以整到咁難食嘅!無味唔在講,質地好似食鞋帶咁!燒豬脾----又一傑作!同煲湯瘦肉無分別!非常後悔聽個待應推介！蘋果炆鴨----食唔出有蘋果味,佢係用鴨胸唔係用鴨件,鴨嘅騷味好強勁！唔