東昇樓海鮮酒家

營業中

休息中

今日係東涌呢間菜館食晚餐，餐廳環境一般，餐廳門口有海鮮供應，有點兒流浮山的影子。叫咗個燒腩仔，脂肪及瘦肉層層相間，約有四層，皮鬆化、肥瘦算均勻，口感唔覺油膩，食到肉香。椒鹽賴尿蝦，蝦身光澤鮮亮，加上濃厚的椒鹽香味，不俗！這個海鮮粉絲煲，湯底味濃郁，食材可以！

耐唔耐都會出嚟同班姊妹聚會一次，多數係佢哋揀地方，今次佢哋唔知點解揀咗呢間咁遠嘅餐廳，真係唔係一般的遠，係超級超級遠！！！如果想去呢度，首先要搭去東涌港鐵站，然後再轉巴士，然後再行一段路，感覺上除咗附近居民的人之外，應該冇乜人會去，除非有揸車，不過揸車都唔算好方便！環境同服務都係一般，冇話特別出色，不過都唔算極差，中等，合格，可能因為佢哋都唔憂做，所以真係冇乜特別⋯食物方面，同一般大排檔質素冇乜分別，合格，算係好食，不過價錢都唔算好平，有新鮮海鮮，好巨型的象拔蚌，可以做刺身整體合格，正常，中間，中等。無聊想試咪試吓，時間多都可以入嚟試吓。

今晚一家三口又千里迢迢來到東涌，光顧這東涌名店 ...先來個招牌菜“鹹蛋土魷煎肉餅”，香口，味濃，鹹蛋和土魷味鮮明，有水準。繼續邪惡 ... “椒鹽鮮魷”有點失準，鮮魷是新鮮的，夠味，但落鑊炸時沒把它們搞散，明明有十來塊，但現在變成三大“隻”，要我們一家人奮力用筷子把這“三隻”大魷魚肢解。沒有最邪惡，只有更邪惡 ... “酥炸桶蠔”其實都很好，起碼沒有剛才的鮮魷“黐埋一嚿”，但失策，調料只有喼汁，要揚手呼叫侍應，兩分鐘後才來必配的准鹽。這“海鮮雜菜煲”看起來不得了，有真蟹、花甲、瀨尿、蝦乾，雖不是上乘貨，但起碼說得上真材實料，超額滿足了商品說明條例，不過雜菜煲的湯底其實沒什麼海鮮味，那幾塊蝦、蟹、花甲等應該沒有在鍋中烹調太久，所以湯的味道平平，但既然不是用上等貨，倒不如把它們多煮一會，讓菜湯多點海鮮味，或會更惹味！東昇樓沒有甜品，但它有一個甜品menu，是外包給隔壁另一間點心小店的，我們也點了“芒果西米露”及“芒果布甸”，但兩個都是hea做的，得個甜字，只有煉奶味，芒果只有幾粒，完全沒有芒果汁混在布甸及西米中，很失敗，我奉勸東昇樓老闆，沒有甜品就算了，不要外包，攪衰自己招牌！

網絡的漏網魚，由西貢、香港仔、油塘、青山灣和流浮山，游了去西部水道。東涌西部仍未全面發展，馬灣涌有原住民區，令你仿如回到百年前漁村。宜在遷徙重建前，來這裏離東涌站不太遠的漁村味遊。在逸東村下車，入漁村只需5分鐘。隱世海鮮店已經營多年，發展至多個舖位。當然是古早味濃，簡陋落後，幸而空調尚可以。可依餐牌點小菜，約80元大大碟，是時光倒回40年。性價比高是海鮮，到櫃臺找鄭老闆或陳小姐點選。可口頭問價，或由厨房自選決定煮海鮮宴。每日約188元，可以屠門大嚼，享受一席豐盛海鮮宴。那兩味美國生蠔，美味可口，生平少見。炸蠔有懷舊風，不肥膩而酥脆，大大粒，內裏剛熟，爆汁流鮮。薑葱蠔煲亦美味不凡。大斑兩味亦是市區海鮮酒樓難尋。炒球是真正的乒乓球，厚肥彈牙，不是魚片可比擬。魚腩煲是古法，魚肉均沾炒猛炸，香酥味濃。有大量肥燒腩和豆腐泡，份量驚喜。其他潮州煮花甲，炒菜和炒粉麵不提。建議或可點選海鮮湯。自製燒味是另一重點，燒鵝最著名，與深井鵝隔海對峙，而另有風味。這回是食炒鵝腸，有咸酸菜，鑊氣鼎盛，味道獨特。步行10分鐘至馬灣涌碼頭，亦是漏網景點，風清水澄，有涌有海，望鳳凰山，看吊車上落。味遊古遊，日落咸蛋黃佐

本身店舖食品味道也不錯.燒鵝仲有啲柴香味,但可惜立亂收費,埋單時朋友check單,咁橋佢揀嘅其中一個餸記得幾多錢發覺收多咗十元八塊,咁就畀返張單叫佢跟返正啦.出去畀錢又發覺點解多咗十個巴仙收費嘅？佢就話是接座服務要收额外服務費,問佢為什麼訂枱同call車時不聲明,佢又話不是接座服務費用,其實是收加一服務費,既然是加一服務費甘算啦.照比．跟著我朋友出門口問一問剛剛畀完錢的顧客,原來個顧客話唔使加一㗎喎．咁我又返轉頭望下佢門口張纸.又真係寫住全日免收加一茶芥,甘我米同佢講你門口寫著全店免收加一茶介喎,個收銀又話是接坐服務費,咁究竟係接載服務費定加一服務費呀😂講嘢吞吞吐吐,一時又話乜都唔知乜都要打電話問老闆又話自己新嚟、間鋪我見到起碼有四五個員工．拗數呢啲問題斷估唔會搵個新嚟嘅坐鎮掛、既然錢到光棍手就一去無回頭、就打道回府返酒店啦、返到酒店再望下張單又發現海鮮三百幾蚊一斤嘅瀨尿蝦埋單變4百幾蚊斤,之前個小炒又寫大十元八塊,坐接載服務要收額外收費又唔出聲,老吾老實就大家自己判斷😏大家唔好問我點解自己唔問清楚睇清楚啲單先畀錢．總之你哋如果要幫襯就提點一下大家真係要問清楚、睇清楚．免得食餐飯就有啲

適逢又係爸爸生日，梗係揀間好味嘅中菜館嚟食啦，而呢間係正樓下夠方便夠近。喺正東涌嘅海鮮菜館點少得唔食海鮮呢，海鮮夠新鮮，味道適中唔會太鹹亦都唔會唔夠妹，啱晒一家大細去食！

每次去東涌吃飯，幾乎都是來這裡，差不多有十次。必點的包括燒鵝（住在深井的親戚說這裡的好味過深井的），皮脆肉滑，不是太油，鵝香濃郁，食過番尋味。另外必叫的還有魚湯魚肚浸勝瓜（清清地之選，食完好舒服，好味過魚腐浸勝瓜）、海三鮮蒸矮瓜（有咬口、超級鮮味）、蒜蓉粉絲鮮魷（蒜蓉粉絲本身無得輸，但魷魚非常可口鮮味，蒸比炸更食得出鮮味）、鯪魚粥（粥底又細又棉，難得的酒樓好粥）。不過！要數最驚為天人的一定是它的臘味煲仔飯，難能可貴之處是要老闆得閒親自下廚先有得食，大煲煲仔飯最為震撼，個煲大過兩個人頭，臘味的味道充分滲到飯裡，飯粒均勻，粒粒分明，不油不膩，要飯焦有飯焦，真的不得了，食完即刻暖笠笠。唔係賣廣告，純粹想推介啲菜式給大家。做街坊生意的餐廳，最值得支持 ：）唯一係比較多人，一定要訂位，盡快落單，要碗要熱茶等有時要自己黎，廁所不太乾淨。但為左食好野，仲要咁抵，也無所謂啦！

平時去東升樓就係食點心，今晚就唔同啲，因為老友升職請食飯，仲要話食海鮮，而且大家都係喺東涌長大，梗係揀啲又近又有新鮮海鮮食嘅餐廳啦！有人請食飯，餐牌都唔使睇，老細發板啦！新鮮海蝦，我未影相已經俾人夾晒，雖然佢白灼，但係真係好鮮甜，蝦肉又實又甜，啲蝦殼薄到咬爛晒就吞得👍🏻避風塘賴尿蝦！叫咗四隻一開二，炒到好香口而且仲好入味，送酒一流！瀨尿蝦肉質結實彈牙，啖啖肉鮮甜香口，配上惹味既鹹辣蒜香，味道層次豐富👍🏻👍🏻上湯勝瓜浸魚肚!勝瓜爽口又清甜，魚肚吸收上湯精華，咬落軟綿又鮮嫩，有湯又有餸，正！😋黑椒牛仔骨，又香又淋，不過都係鍾意食牛仔粒多啲，因為牛仔骨冇乜肉。燒鵝一隻，我想講呢隻燒鵝係我食過咁多間燒鵝最好食嘅燒鵝，外皮脆，咬落啲燒鵝又好似片皮鴨嗰啲燒鵝皮咁，啲油係個口到朗朗下，肉質實淨，最鍾意食胸口位置！不得了😍清蒸左條班仔，新鮮果然唔同啲，啲肉滑到係個口到亂咁游，精粹係個豉油度，是又要煮得靚先帶得出條魚嘅鮮味！蒸魚甜豉油係不可錯過嘅精髓，用嚟撈飯簡直冇得頂！

我們踩了自行車欣賞了風和日麗的海景後，一行五人到了這條村，叫左幾碟餸很豐富而且都很好吃！當中有蒸水蛋，椒鹽鮮魷，有菜，有避風塘炒蟹，有牛柳粒炒薯仔，有最靚既豬腩肉等。雖然都幾油下但係味道十足，足料又份量多，地道風味小菜性價比很高，下次到東涌踩單車再來吃過夠！

諗住佢有鋪頭會衛生啲,平日都叫開呢間外賣飯盒上星期五外賣跟餐支涼茶有隻大曱甴, 飲左一啖先見到, 喉嚨即刻腫左嚇都傻, 馬上早退去睇醫生食抗生素, 病左兩日今日同佢收番退錢仲要拖拖拉拉比佢鬧大佬我貪你一百幾十咩? $320醫生錢都無問你攞, 平時日日食開咁熟我已經無報食環無唱你, 收番退錢等自己心理好過啲咋煲個支涼茶入樽都搞都咁, 廚房有幾衛生真係不敢想像

東涌夜媽媽想食野真係選擇唔多，之前幫襯過兩次尼間夜茶質素都無今次咁差🤢🤢🤢非常之失望🤦🏽‍♀️🤦🏽‍♀️🤦🏽‍♀️我地今次係點左五樣野，首先講一講大家常叫既蝦餃燒賣，蝦餃皮一點煙韌都無燒賣皮又勁粉。再講蒸鳳爪好淡，淡到怪怪的🤨之後係皮蛋魚腩粥，唔知係米魚腩厚肉得制好似唔係好熟咁，咬落去口感麻麻😐最後既牛肉球不過不失。唔知係換左廚師定轉左手啦！？但都希望夜茶既質素有返d改善。謝謝～

本人是住東涌的，難得親友們進東涌想食海鮮，但我推薦的食市並未有為大家帶來驚喜，旁晚時分親友們突然說會到東涌和吃海鮮，我急忙打電話訂枱還點了出名的燒鵝一隻，7:30pm 親友們先到就叫了兩碟小炒邊吃邊等，到我到達時小炒隨即送到，可能是有點餓大家都覺得小炒不錯，接著我們到海鮮池點選了數樣海鮮，魚皇並沒有把海鮮進袋或放在裝載器皿只在單上邊點邊落單，回到坐位還點了小菜，十多樣的餸菜隨即上枱放在12人的枱上多壯觀，可惜出名的燒鵝姍姍來遲要侍應跟進了數次，燒鵝終於來了但這個熱力和這個質感告訴我是翻熱的😥很失望,而刺身象拔蚌多人都說很硬不爽脆猜測是不新鮮👎🏻，蝦醬炒鮮魷沒蝦醬味😑，而值得一讚的是酥炸筒蠔粉漿和蠔的結合不油不膩，其他小菜不過不失,反而小炒是最受大家歡迎🙄海鮮連小菜點了共16款菜式椒鹽做得不錯，建議點選海鮮時親自選擇/每款都叫職員用器皿裝起，不要讓食店自行安排。

東昇樓簡直是挑戰人類的極限，服務態度可說是今年吃過其中一間最差的。👎🏾雖然室內環境好像挺清幽，但是玻璃窗邊的座位其實溫度有點熱，內裏有不少懷舊的裝置或是擺設。門口就是一對木門，旁邊有一些好像舊式器皿，內裏有很多酒瓶塞。首先，內進之後，發現餐桌上面有不少上一手或者上兩手吃完剩下來的食物渣滓，👎🏾但是店員見你未落單，都不會將垃圾執好。第二，店員見你坐着想開口，但又會扮作非常忙碌，😾避免替你下單。但當你揚聲想下單的時候，只是查詢一下粥餐有什麼選擇，本身因為不太清楚其實粥的選項是單拼定還是雙拼，因此想叫個店員問一問，😾但是店員又叫你「你自己出去看餐牌」！👎🏾我一向也不算是喜歡搞事的人，因此，覺得去餐廳點餐，等15分鐘都算是正常，那它的粥10分鐘來到，都還可以接受。而河粉差不多等了20多分鐘，那就其實已經有點兒太久了。有杯話杯，但其實，這個粥質素不錯的，煮得夠綿，味道夠濃，即是豬潤只是薄薄的，但是都不會顯得又乾又鞋，粥內都有點生菜絲、有點薑絲、有點荵粒，質地夠厚身的粥，味道亦都不太淡。豉油王炒河粉，其實份量相當多，可能好似一些港式茶餐廳，或是連鎖餐廳的下午茶所提供的迷你版小炒一般，但當然，這個豉

今日公司請食飯, 中午來了這裡吃午餐我們一行三圍, 已經預先點了8個小菜餐廳環境:是一般舊式酒家的布局,不過很體貼,是室內有冷氣的。衛生情況不錯服務質素這點沒有太大評價, 基本服務是有的食物方面黑椒牛柳粒 - 這個大讚, 這個是最好味, 醬汁是有點蜜糖味的椒鹽豆腐 - 呢個水準好好, 份量亦都十足豬仔脾 - 醬汁的味道也有蜜糖的感覺, 燒得恰到好處炒飯 - 炒得較為一般另外我們還點了一個豆腐湯,宮保雞丁, 這些都是比較普通整體而言, 作為一間海鮮酒家, 價錢不算貴, 非常值得一試 

東昇夜茶終於加入左網上外賣平台 ，唔使出街都可以食到，一於試下。嗌左十個點心，到左先發現分左十個餐盒。為左分隔味道，係要分開餐盒，不過其實好多人都唔介意同類型既放埋一齊，下次我會打個remarks唔要咁多個盒，唔好咁浪費。味道係好好，黎到都仲好熱。會再幫襯