東寶小館 (已搬遷) 新店位置

提一提來這裡開餐有些食物要在卜檯時就訂定的，一是風沙雞，一是蝦﹝無論是醉蝦或黃金蝦，為免掃興，訂定好D﹞，例湯因足料煲又無錢落味精﹝老細係咁講﹞，所以數量有限，唔訂好易無得食，如要吃大蟶子的話亦要訂。呢度損友們一年一度的團年飯的指定地方。

見咁多人讚, 已經想去好耐。卒之除夕夜同男友兩個去幫襯, 可能由於太夜去到(10:30pm), 風沙雞同西蘭花都賣晒, 好失望... >_< 不過黃金蝦($130)、墨汁鮮魷麵($60)、椒鹽魷魚咀($60)都好好味。可樂$10一支, 酒樓價。下次會叫多幾個朋友一齊去, 早D去。點都要食盡佢o既招牌菜!

扑醒日，無人約，剛在銅鑼灣睇完戲，有個朋友打個電話來：有飯局，來或不來？殺！<br />地點？東寶。殺！即到！<br />十五分鐘不用，即殺到東寶，朋友已經坐好，二話不說，來碗啤酒。還未點菜，因是飲酒吹水，點的都是小菜。一來就是仙掌，不太酸、不太辣、不太糖，蘿蔔絲、洋蔥等配料很入味，送酒剛好。半份豬手仔，熱辣辣的...又是送酒的佳品。炸雙卜...魚肉有很濃的果皮味，蝦肉就是合格的貨色，鬆脆不油...飲杯。跟著是炸生蠔...頂...有芥醬的...厚厚的芥醬...襯起生蠔的鮮味....又刺激又過隱....正。再來最後一個雙姑腐竹...味道清新..不似外面的店舖...有咁濃得咁濃。

平安夜book左7點，所以去到就有位。黃金蝦好惹味。荷葉飯份量好多，而且好濃荷葉味，至少要四五個人才食得晒。炸榴槤，個樣好Q，d榴槤好多，值得食。送既蓮子紅豆沙，都好重料，又唔太甜。值錢都幾抵。

Tonight i went there with my husband, really good, we ordered 4 dishes, very delicious and i love their Cheese Cake!!

個日係我bf Birthday, 同左佢d屋企人去左呢度食飯,去度6點都未夠,佢巳經話full(比人訂晒),後來剛剛有張d人走,我地話有位,佢就話要等齊人先可以坐,如果唔係比其他人,之後好彩趕得齊人先有位坐....不過d野真係幾好食.....芝士西蘭花,沙拉骨,海鮮都好好......一定會再去食...

我是第一次幫襯, 等位等了40分鐘, 叫了烏雞荷葉飯, 椒鹽鮮魷, 狗仔鴨, 大肚婆炒飯及炸榴槤, 幾好味, 食完還有甜品送, 值得再去~~~~

食物鑊氣一流，味道不錯，唯空氣質素、油煙亦是一流，差！食完歸家一定要洗頭！

六點黎到坐低﹐六點半都未到就已經全部坐滿﹐係咪甘犀利?! 好多菜色都想試﹐結果點得多過籠﹐食唔晒打包幾盒。黃金蝦唔知點解我又唔係覺得甘正﹐可能D蛋黃口感麻麻掛﹐覺得叫椒鹽仲好﹐個人口味啦。沙拉骨賣相可能會嚇親努力修身既人士﹐不過都值得偶然放縱下自己既。吊桶春炒蛋唔差﹐蛋滑滑而且吊桶春有咬口。百花蒸釀豆腐都係一樣好滑﹐清淡D中和下其它煎炸野。雞醬雞軟骨就太多過火既油炸鬼響入面﹐好似翻炸過甘﹐應該青瓜加多D。不過成碟菜既味道就幾好。麵豉醬油蜜菜幾正丫﹗小朋友想食炸青瓜芝士雲吞﹐ok啦﹐或者炸榴槤可能會吸引D。啤梨炒桂花魚﹐肉質幾滑﹐另有炸魚塊/魚骨墊底﹐好大碟。鴨汁荷葉飯好味呀﹐可惜其他菜色塞到飽左....風沙雞同蟶子唯有下次再試咯﹗不過到個涼粉出現都係忍唔住食多一碗。呢次有好幾道菜都係上桌時候唔夠熱辣辣﹐有D失分﹐以大排檔形式黎講﹐唔夠熱就令人意外D。至於服務﹐當然唔會笑口騎騎甘啦﹐等落單都要排隊﹐係就係好忙﹐但態度就懶懶閒﹐唔憂做掛。仲有﹐如果怕嘈吵既人就要想清楚﹐有D人坐響度耐左真係會頭痛。食完覺得都唔係真係正到甘緊要﹐都有好多餐廳可以做到甘既水準﹐會唔會係退步左呢﹖至於價錢同普通酒

28/8，8:30pm去到，都幾多人，但兩個人又無得訂位喎，所以都等咗半個鐘。叫咗3個餸：1) 蒜蓉菜心(本想叫油密菜，但賣哂)2)黃金蝦3)沙拉骨個蝦都幾好、幾香。而個沙拉骨又好正、好好味！

因為識人, 所以唔洗點等, 但一定要book位. 老友特色推介: 泠盤-凍蟹及凍賴尿蝦非常正(要預訂)小食-泰式鳳爪及鴨翼小菜-狗仔鴨(河粉底),酥炸/椒鹽沙咀, 荷葉蒸烏鷄(有少少藥材very good!),大肚婆炒飯(薑味)亦不錯甜品-夏天有涼粉，冬天有蕃薯糖水及炸煎推

黃金蝦Yummy呀! 墨魚春, 墨汁面都幾得意, 仲有個炸留鏈, 第二D地方好少機會可食到.

味道有無變當然人見不同，但呢度大廚以至班底就無變過。

The taste is not as good as before. Several years befoer it is very delicious but I will not go there anymore as it is not good now. I think the chef is changed. Service is not expected(don't expect it is good). Price is reasonable. Taste is just so-so. If you want to find a place to eat, it is still okay but no need to wait law.

要食香港local野梗要去一去大排檔，因天氣幾熱而又驚落雨，所以唔去街邊大排檔，就來了有泠氣的東寶。因為人少，所以都幾難叫菜，唯有食剩就打包啦！叫了風沙雞、黃金蝦、炸雙卜同胡椒豬肚湯。可能日本人少吃鮮雞，所以最欣賞碟風沙雞，加埋我又鍾意食，結果差唔多食清。有人會覺得呢度唔夠多炸蒜蓉，但我認為食風沙雞當然是隻雞行先，其他野還是其次。亦難怪果D有大兜炸蒜蓉但隻雞唔掂的如嫦記都大把捧場客；黃金蝦亦是精彩，所以又食清；實在太飽，所以炸雙卜只係食左幾舊就要打包，當然係連D醬汁都打埋包，留番我地去送啤酒！胡椒豬肚湯極足料，所以重胡椒味夠驅風。再加埋幾碗啤酒，呢餐食得好盡興。