東寶小館 (已搬遷) 新店位置

人人都話好味的大排檔...慕名而幫襯....當日點了南乳炸豬手, 麵豉醬油麥菜, 墨汁吊桶, 黃金蝦, 酸汁蟶子, 荷葉飯, 沙拉骨, 風沙雞...因為我唔食豬手...所以唔知炸豬手好唔好味...但友人說OK...吊桶味道略淡但可接受..吊桶下還有墨汁意粉....用麵豉醬炒油麥菜係第一食...通常都係豆豉鯪魚炒...味道特別...黃金蝦炸得脆..好味...蟶子用酸汁煮夠特別...酸酸地又大大隻的蟶子好開胃...沙拉骨算係成餐飯最出色的一道菜..好好味....風沙雞令我極失望...以前係別的大排檔食過...好多蒜蓉好惹味..但東寶的風沙雞味道雖然不錯...但同酒樓的吊燒雞差無幾...無驚喜之餘仲令我後悔ORDER 左一大隻....荷葉飯OK但欠荷香...總括而言....冇乜特別....不值得專程千里迢迢仲要早一日訂定位...試過一次就夠....

真係好少見到咁串o既大排檔：o係街市頂樓，但價錢係酒樓價；晚晚滿座不特只，訂o左位都仲要等；D侍應帶曬walkie-talkie落單...種種跡象顯示，呢間係一間唔憂做o既大排檔...嘻，但呢度依然係小妹其中一間最愛去o既食肆~~出名o既風沙雞，反而唔係我o既至愛(雖然我明白之前要用好多功夫)。最喜歡食呢度o既小食同海鮮，好似會食到成口黑曬o既墨汁吊桶，吊桶春炒蛋(賣$6x，重要預訂)，炸涼瓜、茄子呀咁。海鮮方面，至愛黃金蝦；雖然依家好多地方都有得食，不過始終最喜歡東寶出品，通常會連蝦殼都食埋。另外，如果有聖子，會喜歡用酸汁炒，香口得o黎又開胃。最正係羔蟹兩味，先o黎個滑一滑o既蟹羔扒蛋白，再用蒜蓉花雕蒸蟹身，正！不過呢度D海鮮多數係時價(海鮮價！)，order之前最好問清楚先。其他食物方面，南乳炸豬手同大肚婆炒飯真係食唔出有乜特別；反而個鴨汁荷葉飯都幾香。呢度飲啤酒係用D雪凍o左o既碗飲，幾有武俠片feel。如果一大班人去食會好D，可以叫多D種類share。但係，記住、記住、記住，訂位、訂位、訂位！

開頭出名時真係幾好食，而家都算ok，不過服務就麻麻，客多時想飲多支啤都趕你走。(熟客例外)

食咗咁多年，東寶始終都係我至愛。原因太多了。It's so exclusive…some people like it, some just hate it.<br />東寶其實喜歡跟各位開玩笑同豪飲。唔玩得唔飲得嘅話，you'll just never get the most out of it.<br />見眾食家點評食物絕對可以做到基本嘅介紹，但if you wanna get the most out of 東寶，最好就係叫露比、拉、Billy寫。包正！(註：露比、拉、Billy：我係灯神，太多人揾 你哋 時唔好“小”我)

呢道o的食物真係好味，我只去過一次，但係黃金蝦同冬陰功餓腸好正，雖然係大排檔，但係都好乾淨...

成班人又來食開年飯，儘管本地夜市處所吹淡風，但呢度仍然坐滿兼有大把人等位，都咪話唔犀利！<br />三前菜：麵醬雞軟骨，除有咬口的雞軟骨外，更加有青瓜、油炸鬼等同炒，最快清碟。麻辣仙掌，唔太麻但幾辣，食完仙掌餘下的蒜頭、生洋蔥、指天椒及辣汁都好正，食完成個人都臭左，但都清埋。蒜泥白肉有大量蒜泥伴白肉，唔食得辣就食呢碟。<br />四熱盤：醉蝦，因成日食黃金蝦加上今天沒有大蟶子，所以就叫了醉蝦，花雕味香濃郁，因炸過所以成隻蝦都可以食唔使吐殼，正！風沙雞，有幾正已講過，不重覆。沙拉骨，酸酸甜甜，更有黑芝麻舖面，幾好食。水煮羊肉，餐牌寫到明「好X 辣」，果然係幾辣！大家唯有隊飲多兩支啤酒解解辣。<br />三個菜：麵醬油墨菜、椒絲腐乳唐生菜、臘味炒芥蘭，俱有水準。<br />送酒小吃：南乳炸豬手、炸墨魚丸、炸雙卜和椒鹽墨魚咀各有特色，都是送酒佳品，尤以炸墨魚丸最正，大大粒墨魚丸內藏，好正！另用雪涷的大碗飲啤酒係呢度的特色，飲得寧舍豪氣干雲。<br />飯麵：十年如一日，荷葉飯同豉油皇炒麵。<br /

同五個同事來吃晚飯，都係叫番果幾樣，麻辣仙掌、雞軟骨、炸兩樣、風沙雞、荷葉飯同豉油皇炒麵。所有食物都好好吃，尤其風沙雞，大大隻，外皮脆而又好肉有雞味，記得要訂！荷葉飯用鴨汁浸過，份量十足，幾條大漢都可以一人食幾碗，開左幾支啤酒，食到杯盤狼藉都只係五百幾蚊，非常抵！

吊燒雞、黃金蝦和個例湯非常好，兼地方以大排檔來講算係0甘，起碼有冷氣。不過最衰係食食0下會有人係你側邊等位。

Creative menu and good food, U want to try it again!

上個月同個friend做生日，心諗點解去大排檔，後來食落，先知點解要訂位及openrice裡禁多人讚好，雖然個老細吋吋地，但都幾好人介紹們d招牌菜，最後還送糖水給我們。我們5個女仔叫了一隻風沙雞、椒鹽尿蝦、避風塘炒蟹、蒜蓉蒸聖子、藍角炒雜菌、啤梨炒斑球還有炒了兩碟菜。除了碟雜菌外，其他樣樣都好食，其實看見格離台叫d野食，我們都想叫，但係真係食唔曬，食到個個到“抱”住個肚走，雖然係大排檔，但係都唔貴，埋單六百零蚊。

南乳豬仔腳一定要試!!

估唔到一間大排檔, 有D 咁寸的菜式, 黃金蝦、墨汁煮、有中、西式, 不過佢地的招牌菜風沙雞就麻麻地, 有D o野一定要order o左先, 例如:荷葉飯、陳皮鴨. 飲啤酒仲寸, 用雪o左的飯碗, 好o野! 如果冇訂位, 起碼等一個鐘頭或以上, 不論平日定假日, 都係咁多人. 而價錢係酒樓咁的收費, 唔算好貴, 以咁味道水準, 合理啦. 因為太忙啦, service 唔好有期望.

東寶都久仰大名啦,之前無留心睇各食家的留言推薦,可惜之至,六點幾上到來都仲有位,七點就唔得啦,各食家可留意下.全層最旺都係得呢檔你都唔好話唔犀利.叫左個荷葉飯,芥蘭,例湯,風沙雞,湯底夠喉,上到來唔好唔試呀,荷葉飯都幾香,雞整體上都唔錯.不過就差唔多係酒樓價,抵唔抵就見銀見智啦.

唔駛多講,去就得,多种類加埋成日有新款式,更腌尖都實有0野食炸豬手,沙拉骨,鴨汁荷葉飯....巳經係名菜,另外燉蛋白呀,墨汁墨魚呀都勁正

真係抵佢咁多人幫襯，又平又正！不過我上次就慘囉，企o左成個鐘先有得食呀！不過我地都屈o左老闆請甜品，咁好招呼，算係咁啦‧