東寶小館 (已搬遷) 新店位置

晚市剛剛才開始，6:30pm已經有人要等位，真誇張!不過味道真的不錯!皮脆肉嫩的風沙雞;黃金蝦的蝦好新鮮，仲隻隻為你去頭至炒，有心有心!南乳炸豬手夠入味;蟶子無論是蒜茸蒸，或是炒都好鮮甜!風沙瀨尿蝦，隻瀨尿蝦差不多有我隻手咁粗，三隻已經夠12個人分享，超好味!蕃茄炒班腩配伊麵底，有點西菜風味，伊麵絕對好味過意粉啦! 梅菜蒸豬頸肉配糯米飯底，糯米飯吸收了梅菜汁，冬天吃很暖胃!就連送的蕃薯糖水都好正，有金黃色的蕃薯，又夠薑味!怪不得大排長龍，隔離枱仲成圍都係鬼佬，果然識食!

28/1/08, 一行10人好味的有:1) 風沙雞2) 辣酒煮花螺3) 炒芥蘭4) 生菜牛肉包普通的有:1) 荷葉飯2) 西芹黃鱔3) 椒鹽雞腎4) 炸蝦丸5) 椒鹽豆腐差的就有:1) 墨魚汁墨魚+墨魚麵2) 沙拉骨

我五人．．．．．食左．．．９００．．好貴，又唔係幾好食．．．狗仔鴨芝士西蘭花咖哩羊．．．唔會再去了．．．．．

點了風沙雞,個皮幾脆,特別在個南乳汁好味過其他店!鴨汁荷葉飯,幾香,份量都多,食唔哂!黃金蝦:用咸蛋黃炸,好香咸蛋味,不過胆固朜指數要爆燈了!但係份量小!最後係蟹膏扒豆苗,其實係奶油蟹,豆苗唔苦,幾嫩,食得過!蟹係用肉蟹整,多肉,正!都幾好食!

第一次和朋友行完山去東寶食飯，他們未去已很興奮，而且仲怕遲到無位添，不斷打電話複核，我心想駛唔駛咁緊張呀，點知去到又真係好多人喎。七點咋已有人在街市的大牌檔等位，都幾誇張。他們一去到都未叫嘢食已又很緊張地要留「戰鬥碗」，原來「戰鬥碗」東寶的名產之一，送來是已雪凍的，將啤酒注入，霧起白煙實令人急不及待，每次出現也令我們爭相飲「勝」一飲而盡，場面都幾搞笑。我當然不及他們豪氣。當然在東寶除了戰鬥碗令人興奮外。他的食物也很好，我最喜歡吃這裏的鴨肉河粉，河粉吸盡鴨肉和香料的油香，實令人忍不住口。但去東寶最好多點人去夠熱鬧，而且可以叫多幾款餸菜，他們的荷葉飯、炸蝦丸、黃金蝦也不錯的。而且我們有糖水送，不過是我不喜歡的涼粉。

同friend 兩個人朝聖, 星期日晚, 全場爆滿好食~~~~~~~~未食過一定要食一次!!!醉蝦椒鹽上$120 7隻!一流, 外面椒鹽香, 裡面酒味濃椒鹽鮮魷$65超肥美, 勁爽口XO 抄鱔$65普通, 鱔有o的唔新鮮冇送糖水!!!!! too bad!!

今次去都係叫番d大路o野例湯：今次係西洋菜湯d朋友話冇加味精不過我就覺得淡左d可能係因為我唔記得加鹽卦風沙雞：每次都會叫，個皮幾脆點d南乳汁，都幾好味不過發覺o里味餸原來而家周圍都有得食lu墨汁鮮尤：黑漆漆一碟鮮尤其實墨汁o既味道冇乜特別不過會食到成個口黑色每次叫o里碟餸都係for fun鴨汁荷葉飯：每次都必叫唔單止因為我偏好荷葉飯而係個飯真係幾香幾好食不過份量比較多人少唔好叫喇黃金蝦：又係一個出名o既菜式用咸蛋黃炸o既蝦不過我就麻麻地鍾意咸蛋黃所以索性連埋殼一齊放入口食，哈哈而且半斤都係得幾隻如果唔係特別好，我就覺得唔值得叫泰式奶油蟹：o里味係我唯一之前未食過o既不過就係今次o既最愛d汁少少辣，加上d蟹味，好好味加上個餸係跟埋豬仔包用黎點包真係一流唔鍾意食蟹o既，可以叫奶油蝦我估味道都應該差唔多蟹膏扒豆苗：其實係奶油蟹o既by-product原本個伙計話奶油蟹適合用肉蟹整因為o里個煮法如果用膏蟹煮就有d浪費而且膏蟹會貴d不過朋友想食蟹膏於是就選左用膏蟹煮一蟹兩味一如以住每次因為d朋友未試過所以都會叫得太多份量今次都係抱住個肚走埋單多謝七百蚊o里度有d 相睇http://eat-tog

今次只談飯後甜品，芒果cheese cake和tiramisu 非常好味，老闆說'比cova好少少'，果然有料到~

此行仍小型生日飯局, 補祝本大小姐生日...叫了3碟也吃不完, 要打包...1)金銀蛋冬瓜: 朋友話要食多d瓜菜類, 於是叫了這尾...外觀極度不討好...一pat pat的... 材料有蛋, 皮蛋, 肉碎, 冬瓜....味道很清淡得有d淡而無味。2)鴨汁荷葉飯: 聞就很香, 吃下去...真的與街外的荷葉飯無分別...難怪前面既食評都話個舖退步左...3)薑蔥蠔煲: 不太愛吃蠔, 原本想叫黃金蝦, 但係朋友唔鍾意食蝦...百幾蚊得6隻蠔左右, 味道無咩特別, 就係薑蔥炆既味道...好住家既感覺。呢次飯局發生小插曲, 朋友食呢餐飯, 突然標冷汗, 嘔吐...佢覺得係蠔唔乾淨...我有食, 但無事...可能睇下腸胃好唔好la...

一行五位女子，嘻嘻哈哈地吃了整晚，菜式如下：風沙雞：普通，都OK既黃金蝦：係我食過最好食既，好好味吊桶春抄蛋：我地無人知道吊桶春是甚麼，都照叫，勇！不過咸左少少金銀蛋白菜胆：OK，白菜胆好味原本想叫炸雙卜，但已經唔做，推介一個唔記得叫咩名既菜式，鯪魚餅出名黏滿米通再炸：都OK，要趁熱食豉油皇抄面：都好食，不過個人黎講唔鍾意D面咁幼咕嚕肉：聞落好嗆，個人唔多鍾意呢味餸，不便置評銀魚仔蒸翠玉瓜：都好OK，清清地，但聽其他人講有D蒸得生左少少薑汁涼粉：送既，不過辣左少少，唔係個個鍾意餸唔算細碟，只係我地傾傾下越食越多，結果抱住個肚走。另外，侍應都OK喎，態度幾好，我地坐左成兩個幾鐘，都無趕我地走喎

昨晚走出街，都唔洗十秒，面上已冒汗，tempo紙巾都只係頂到一時三刻，對Tempo咁執著是有原因的﹗公仔紙巾唔好預我﹗又好估唔到地走左去食到冬瓜，呢味野叫炒齋翅，東寶出品未食過就試下，點知重點變左係下面的冬瓜，上面0的所謂翅只係陪襯﹗好耐無食過冬瓜了，尤記得細個的時候對於瓜好似青瓜呀，合掌瓜，絲瓜甚至冬瓜等都好抗拒，因為煲熟了是軟如泥一樣，最憎呢0的入口感覺﹗所以見到湯裡面有就會挑番出來，祉者飲到底見到佢地個樣就唔飲﹗冬瓜是最先接受的，可能出街多遇到，遇到又無理由唔食，感覺綿綿淡菜清香，不可說愛上了，不過已不難受﹗有清熱祛濕冬瓜食，我想這是近十個年頭是第一次了﹗

８點多等位等了２０分鐘，都可接受，叫了４個餸：咕嚕肉：細碟ｄ，不過幾好食蝦醬雞球：炸得好乾，無蝦醬味，但好咸豉椒聖子：多肉，開始食覺得好味，但越食越咸西蘭花牛肉：牛肉都嫩，但又係好咸本來大家都唔想食飯，但如果唔食會咸死又飲好多汽水，食完返屋企ｄ味精成晚令我唔舒服，因為實在太誇張地多，點解其他人唔覺仲猛等位？（佢仲話例湯冇味精，因為去咗ｄ餸到）我諗ｄ明星ｄ味覺已經壞哂，所以覺得好味！！！誇張到第二朝起身仲有味精ｆｅｅｌ係個口度，以後咪預我！！！

第一次黎,見到人頭湧湧,都係搵左班朋友先,東張西望之下見到吳彥祖同女友及其他兩個人坐在凹位有柱果邊,行前兩步右手邊見到杜汶澤同彭導演等六人一席。我班朋友就係升降機門前等緊位,其中我兩個朋友係熟客兼訂左位的都要等?仲要等左半粒鐘!我地大個人點左十樣野,有D我都唔sure叫乜名,但都會形容下。一坐低先有兩個前菜: (1)雞潤, 我無食,但朋友食得津津有味,(2)泰式鳳爪沙律,一般水準幾辣下,食到七七八八再黎兩樣(3)沙拉骨,我覺得好好食,(4)炸豬手就一般唔係好入味,之後有(5)豉油皇炒麵又係幾好食,(6a)大斑兩味-避風塘式炸斑塊配多士,我覺得又係幾好,反而另一煮法好似係蒸就麻麻地,(7)荷葉飯都係好食,(8)墨汁墨丸我自己唔係太鍾意食呢種味道,朋友們再次清碟,最後兩樣係(9)魚湯油墨菜,再一次清碟同埋(10)風沙雞,大家都飽飽地食唔曬,之後叫左紅豆蛋糕賀朋友生日,我覺得難食。送的甜品係薑汁西米涼粉,OK! 連酒水埋單$1180

兩星期前到這間大排檔食原因是朋友生日，加上有人推薦這間大排檔，話好多明星都去，而且我又上來看過，好評都不少，所以就特地到很少踏足的港島食飯。一行十人，等了一小時多才有位，沒有所謂，好食的地方是要等的。叫了什麼，都不太記得黃金蝦田雞煲滑蛋蝦仁炒麵海鮮豆腐'巾'炒通菜魚雲煲大約是這些，食物就ok啦，但....那個黃金蝦一點兒都不特別，一d都唔值約10元一隻，還限定至少要10兩(150元)，這個價錢的話，可以說是唔好食有下次都唔來這一間我俾這個價錢，去別的大排檔，也食到這個水準，可是比這兒食到的種類更多!!

時隔多年，東寶仍然人山人海。幾十人逼在一個”密封”的街市樓層，好嘈，但亦非常熱鬧。我們一行八人，坐下來先叫了啤酒。用冰凍的瓷碗來飲，好爽！之後，不同人在不同時段點了不同的菜，有些菜式已忘記了，但記憶中，全部都超好味！！大肚婆炒飯荷葉飯豉油皇炒麵鹵水雞腳炸墨魚丸沙拉骨西蘭花蝦球風沙雞咕嚕肉。。。。。有機會，會再去！！