東寶小館 (已搬遷) 新店位置

母親節係東寶訂左 16 位食飯，經過隔離大排檔見到有人食炸蠔，突然間醒起老公早排話好想食，於是去到東寶打算睇下餐排有冇啦，點知冇喎！ 於是問下伙計有冇啦，點知佢話有，於是二話不說就 order 一碟。 到上台時我地嚇左一跳，原來 d 炸蠔唔係我岩岩睇到細細隻果 d 呀~~ 係珍寶蠔呀！ 嘩~~ 見到都流晒口水！ 隻隻都莖不多成個權頭咁大，咬落去勁 juice d 粉漿又唔厚，Yummy~~

母親節一行七人來到食飯。一星期前訂台都差不多full house，咁多人食過都話好，依然無乜抱著期望去食。六點三order，六點十一先到，八點要交台。風沙雞半邊：其實係炸子雞？ 係滑既，都幾野味~黑麻麻墨魚丸伴墨魚汁麵：煙煙un un都ok 既，不過份量好少，又幾十蚊，試唔過咕嚕肉：嘩!!!! 勁惊水!! 細到離晒譜，好似平時係飯堂食兩餸飯的其中一份餸的份量，十舊肉都無，比隔離舖少一半。椒絲腐乳油默菜，好咸......................................... 份量正常返,.........少少紅燒豆腐：好咸................................ 一人一舊都無晒..................... 好少好少椒鹽瀨尿蝦兩隻：好鮮甜啊，呢個唔錯，不過唔夠西貢好食唔知咩菜炒鮮尤：好咸..................... 送既糖水：勁薑汁涼粉絲...... 連糖水都慳返唔煲，好失望佢只係普通大排檔，有一般大排檔的咸味，但價錢就貴三分一，份量又少三份一，食唔食，大家要諗過。d人成日話佢不及以前，我諗愈做愈大就係失去傳統....

● 啤梨炒斑球 (70分) -- 唯一我最欣賞的菜式, 雖然索價 $188, 但物有所值, 不但很大碟, 亦用足料, 斑球是大石斑肉, 啤梨雖然不太夾, 但味道尚可, 不過伴碟的西蘭花就煮得好求其。● 泰式奶油蝦 (70分) -- 煮法好有心思, 冬陰公+棷汁+九層塔, 再洒上檸檬葉, 真係唸o下都好味, 還奉上熱辣辣的豬仔包, 一流配搭。● 炸豬手 (50分) -- 失望, 炸得乾乾的, 得層皮。● 風沙雞 (60分) -- 己經變了一隻行貨雪藏炸子雞, 食唔番十年前的味道了, 汁料亦變了。● 墨汁墨魚丸 (60分) -- 墨魚丸似是新鮮打的, 但做得不太出息, 食完個個咀好似中毒咁, 純粹好玩!● 琵琶豆腐 (40分) -- 同平時酒樓食到的好大出入, 這裡加入大量叉燒, 趙到牙軟, 我不太喜歡呢!● 蒜容白菜仔(40分) -- 炒得好殘, 茶餐廳仲好食D● 大肚婆炒飯(60分) -- 都幾好食, 但同以前比, 依然差好遠。

在德成號買不到蛋卷後，於是只好死死氣哋上東寶揾番同學仔，坐喺度啤氣。同學仔見到我嗰衰樣咁勞氣，就嗱嗱淋叫支啤酒比我飲番碗順順氣先。算吧！男人老狗唔好介意啦！坐定後，就叫咗我最鐘意嘅東寳小菜：1.黄金蝦-----咸蛋黄撈得很平均、夠香、連殼都啃晒2.炸豬手-----好脆口3.羗葱魚腩-----好夠味4.咸魚妙芥蘭------可以啦原本想叫我喜愛嘅炸榴槤，但喺同學仔怕咗榴槤味，所以作吧了。

東寶有幾好食我地成班同事都聽得多,風沙雞黃金蝦蟶子有幾好亦好多人講,今次我集中講佢其他有誠意值得講0既地方.呢個場其實好有態度, 聽我阿媽後來講番原來佢同老豆都有去過, 不過無訂位就無人俾位佢坐, 所以各位想去0既話記得要訂位!其實環境係幾嘈, 但係都算係一個好衛生的大排檔, 每張桌下面有個架可以俾大家放手袋0架! 呢個安排好細心.餸菜咁熱氣,一定要飲鬼佬涼茶啦! 呢度的冰凍大碗真係好有風味, 啤酒特別好飲, 仲有幾枱人都成圍枱企起身飲勝, 西裝友都勁豪氣!飯後的甜品都好有誠意. 咪睇佢黑麻麻樣衰衰, 其實係涼粉切絲,個個同事都怕太涼(會落個喎...Orz), 食多幾啖, 原來有薑汁0係底! 裡面仲有少少西米添! 好有趣0既配搭.聞名以久的芝士餅本來要訂, 我地無訂本來無, 點知有個侍應四眼哥哥鬼咁好人, 見有一件剩, 就俾我地試下, 仲好細心咁切到一舊舊插埋牙簽!!好感動.呢個四眼哥哥真係好好人, 仲自動幫我地影團體相!!好溫暖~~呢餐好滿意!!

今天5:40pm抵達東寶,只有2張細枱及一張超大枱,其餘都被人留位,全店幾乎full house。我們3人點了以下菜式:1)胡椒豬肚湯$55-湯夠熱,又夠辣,不過唔知豬肚係冰鮮還是煲得太出味,竟然沒有味道.比想像中差少少.2)腐乳通菜$38-都幾大碟,菜很嫩3)麻辣牛尾$65-牛尾炇得入味又夠"林",加上少許支竹,麻辣不算太麻辣,但吃後咀唇邊一定有麻而不太辣的感覺.4)風沙雞半隻$110-雞肉姐過油炸後,仍然保持嫩滑,問你服未?5)可樂玻璃樽裝X2仲有西米涼粉糖水送.不收加一,合共$288

上去之前覺得街道同扶手電梯好暗,好似好冷清咁,點知上到去另一個世界,多人都好似賓虛咁既場面.不過呢個場面只限東寶小館既檯咋,其他在同一個場既就較為冷清.好彩的是二個人恰巧同另一對情侶分享左岩岩埋單既四人位(其實係一張十二人大檯,我地瓜分左剛離開的一家四口的位子).叫了三個送,無叫飯,因為見到佢地D飯超大碟,所以唔敢叫,兩個人一定食唔哂.風沙雞$110半隻有點貴,雞味普通,但勝在個沾的汁好正.作為招牌菜算合理.椒鹽魷魚,好好食,尤其炸起一落檯即食超正~佢D海鮮真係新鮮,而個炸爐明顯係好夠力.小菜係西芹腰果雞丁,我覺得小菜黎講算貴,鑊氣唔係無,但相比昔年大角嘴大旺記仲有一段距離.而腰果好食在於炒完仲好脆,我估佢係熟左再炸,再炒.因為淨炒熟或淨炸都做唔到佢呢種外表唔農但又脆的.啤酒好貴..23蚊一枝..埋單一人一百都合理.伙記好勤快,粗豪中又見禮貌.服務幾好!

２００８／３／２２晚餐一直很想來東寶試試，但又找不到喜歡在大排檔吃飯的朋友，還以為沒機會也算了…去完南丫島，回到中環區，轉呀轉，大家都不知吃什麼好，說著說著竟說到去東寶XD來到差不多7點半，人頭湧湧，好不熱鬧﹗環顧一圍，插針也難插，在找位子的同時，幸得侍者幫手搵，幾分鐘就搭落張12人大檯裡(已有4批人在吃)看完整個餐牌，原來連普通的小炒價錢也幾貴的^^”。2個人就要了椒鹽鮮魷(墨魚咀沽清)﹑風沙雞及西芹腰果炒雞丁。椒鹽鮮魷$65：外層的炸醬超薄，不會油膩；魷魚背後開哂花，夠厚，又爽又彈牙；本身味道都好好，再點些准鹽和豉油(沒估錯吧?)吃，令鮮魷味道提昇到另一個美味層次~~~~正風沙雞$110；半隻雞來說也幾大隻的了；本身不吃雞皮，但見雞皮又薄又脆的樣子，不自覺也流口水；雞味道就較淡，肉就不是太滑又不是太鞋；有幾舊煮得不熟透，肉還是生的=_=”點些南乳蒜蓉汁，頓時間會覺得好味些，不過個人不太接受那種味道，最後淨吃為妙。可能一直高估了這款雞吧，吃後就覺得很普通。西芹腰果炒雞丁$50：西芹夠爽﹑無渣；腰果爽﹑脆﹑甜，令人胃口大開；雞丁無雞味，口感滑嘟嘟，皮和肉大多數是分離(0岩哂我)。是有穫

台灣朋友仔來港而呢間評價高所以試下，係點菜前我個朋友仔仲特登打電話去問功課，要上網去查下叫麼好，有麼好食，不過真係好後悔除左個風沙雞我覺得好食外墨汁炒尤，做法雖然特別，但味道真係吾得，特別係底果ｄ意粉，真係好硬，好似吾煮吾熟咁點左２隻大尿蝦，但係無麼肉食，一ｄ都吾肥，本身呢味係台灣朋友仔最愛每次來香港食大排檔必叫，但呢次佢都話好失望。竹笙菜心，ｄ菜好老，仲有茨打得太多，感覺好怪薑炒飯，呢個係味道吾差，因為我好食到係薑炒的飯，對我來講有ｄ特別蒜容蒸蝦，蝦係好食但蒜味吾夠，因為佢用左已經爆香的蒜而吾係用生蒜容整體差，最重要係價錢比大排檔高好多

親戚由外國回港，自己訂位食飯。五個人叫了六個餸，食唔晒，要打包。狗仔鴨--各人讚不絶口。芋頭蟹(拼多士)--好味道，連d汁都食埋。蟹皇蒸蛋白--不錯，送飯一流。薑蔥豬肺--雖然我唔食，但煮得好香。風沙雞半只--皮脆肉"鞋"荷葉飯--食左好少，要打包返屋企。另外，叫了四分一個檸檬芝士蛋糕，好係幾好味。連唔食芝士的人都食左一件。

I heard about this place for a long time but never get a chance to go there yet. Finally got a chance to try it, their food is really good! If you plan to go there and give it a try, make sure you call and reserve a table. It is a very busy place. It is better if you go with a bunch of people so you can try more dishes. Highly recommend the followings:魚湯浸豆苗(Very good. Real fish stock)泰式奶油蟹(Good, but very expensive)黃金蝦(I think this is the best 黃金蝦I had. Must try)蟹膏蒸蛋白(膏comes with the 蟹we or

去東寳真係要一班人去食好D.其實去咗2次,今次係第3次,最鍾意佢嘅菜式煮法俾其他地方特別.所以我地成日keep住去.建議必食:凍食瀨尿蝦($100隻,訂位時要先order),冬陰功粉腸,風沙雞,奶油蝦,芝士焗大蝦加伊麵底,酥皮焗咖喱羊肉,油炸鬼抄雞軟骨,沙拉骨,手打墨鱼丸墨鱼汁意粉,鮮奶抄蟹,記住叫豬仔包同細多士,同芝士蛋糕,(係老板娘自己整)

開飯食評寫到咁勁, 即刻去試吓, 講真我真係覺得唔掂, 價錢真係好貴, 特別係咁既環境, 要同人搭枱又嘈又迫, 味道真係麻麻, 如果唔信各位不妨去試試就知. 首先係炸豬手同墨汁墨魚麵我覺得係無味,芥辣魷魚個賣相掂, 但味道真係唔掂, 其他招牌菜如鴨汁荷葉飯,風沙雞,黃金蝦味道超普通, 完全唔覺好味過出面, 但價錢就真係貴過出面好多.

好耐無黎～因為個friend 無再喺度做～食物伊然好好食好彩打了電話book 檯～～５係有排等呀～今次四個人叫了５個菜 ．豆豉炒聖子 ．沙拉肉排 ．奶油蝦 ．風沙雞 ．墨汁炒尤 ．之士肉崧西蘭花個雞最好食～真係好得～聖子好新鮮送糖水～total $630好想再去𠻹～哈哈

已經光顧了差不多十年,由廿歲頭到今日三張野,東寶仍然如此爆場.可說是香港其中之一個民間傳奇.今年的開年局,在東寶擺下龍門陣,總共有十六個人列席,坐在一起.非常熱鬧,東寶的大檯夠大,坐上十六個人剛剛好.如果多一,兩個壯男,就要逼到坐大髀了.光顧了不知多少次,點菜方面自然駕輕就熟.一早致電來預留幾味"鐵膽",來到再看著個菜單,即慶地點幾味.易過借火.雞軟骨,田氏白肉,炸雙卜已沒有供應,吊桶春炒蛋,恰巧是日沒有吊桶春.用雪到凍的湯碗飲啤酒之風氣,大約是東寶所創,其後亦引來同類的後來者跟風.回想當年第一次來東寶,感覺很得意.乾杯變乾碗,更加豪氣干雲.當然去到今天,已不是新鮮事.但席上亦有朋友,也是第一次來見識見識.有女食友酒量雖淺,也乾埋一份.兩下啤酒之後,第一味上桌為炆狗仔鴨,身旁的J小姐問點解叫狗仔鴨?)我懶醒地答狗仔鴨即是用順德人炆狗肉的方法,來炆鴨而已.)這道狗仔鴨,味道濃烈,我左手邊的星爺說係濃就濃,但係濃到吃不出鴨味.)不過,在鴨肉下的河粉,全是此缽鴨的精華.十九幾年以來,炸豬手永遠是其中的一道"鐵膽".事前J小姐強烈要吃此味,可想而知.賣相十年如一.如無法可修飾的一對手.外皮炸得