村爺爺龍蝦湯.泡飯.燉湯專家

營業中

休息中

平時經過油麻地地鐵站，經常見到一間餐廳大排長龍，我非常好奇這間餐廳有甚麼吸引人的地方，可以令到這麼多人排上一個小時去食一餐，於是我去OpenRice訂枱希望可以一嘗這間餐廳的滋味。殿。海鮮龍蝦湯泡飯轉手打烏冬($108):配料豐富，有半隻龍蝦，扇貝，蜆，青口等。龍蝦湯底很甜，烏冬吸收了湯汁，鮮甜美味！花膠螺頭雞煲翅($68): 雞湯清甜可口，全無味精，而且十分足料，足足有半隻雞，肉質鮮嫩，加上有花膠螺頭及翅，價錢只是$68，性價比極高。

以前都有食過村爺爺嘅下午茶，當時已經有龍蝦湯飯，但係就冇而家咁hit!! 過咗兩年之後，網上面掀起一陣熱話，搞到我同老公都要即刻黎試吓！排隊排左接近45分鐘，應該已經算係快㗎啦，平時我見仲長條隊🙈我叫左個花膠螺頭雞煲翅，個雞湯勁勁勁勁好味！😋😋😋好入味好濃郁！撈飯真係一流！唯一唔好就係佢個兜下面其實係冇火♨️嘅，所以啲湯好快會凍哂！不過凍哂都方便用手套食雞嘅！如果唔用手套，🍴用刀叉真係好難切到出嚟食。雞就冇乜太特別，最好味都係個湯本身。螺頭都好好味，花膠就比較細塊，食不出味道。雞煲翅呢個煲係唔包飯同嘢飲嘅，要另外加＄10就有湯，嘢飲同埋多個菜。但個菜我冇食過因為好似好都咁。老公就叫咗殿。極上龍蝦湯泡飯，有好多海鮮！有青口，龍蝦，蜆，魷魚等等。湯底我就覺得唔係話超濃龍蝦味，反而雞湯仲好飲！但勝在海鮮夠多，幾新鮮！總括來說，好值得試下，不過真係要俾啲耐性，隨時要一個鐘頭以上😂

店舖出名了，慕名而來，結果失望而走。問心一邊等位一邊有服務人員為我們點菜是好事，坐下來不久就可以上菜！可能是抱著好吃又平民價錢的心態而來，所以菜品一上就有點失望，重點是這裡岀品是微熱，不是熱騰騰的，我有點驚訝🙀先說第一個上枱的炸魚片是不脆口，後來經反映了更換了一份新的⋯因為加了$10轉手打烏冬，所以很正常！但友人選擇了拉麵就出事了，所謂的拉麵吃一口就覺得是上海麵😔花膠雞煲翅是有2件花膠再加一點點翅，不過是做優惠$68，所以不能有要求，只是真心的不夠熱⋯莫非是因爲要暖暖哋食才是對的？混淆不清了，是店舖好心以這溫度上枱體貼客人還是怎樣？但盛載的器皿又空有外面而沒有在器皿內適當的放上燭火保溫，我想是否因為現在是夏天所以才不需要擺放⋯食物是份量十足，用料感覺是是將貨就價⋯吃到尾飲料🥤才上枱，基本上不過不失，PS.凍飲需加$3⋯已經盡力將食品拍得美味可口，看起來同吃下來是不一樣的感覺😏

同老婆做完檢查，諗住過黎村爺爺食餐飯啦之前都有黎過架喇，不過就係食龍蝦湯飯都好好味~ 跟住上次見到好多人都係食雞煲翅望一望，原來只係$68，有成半隻雞，仲要有花膠相當抵食咁既樣，於是咪諗住今次就去試下啦點知一去到就知出事喇，點解多人左咁多之前都唔駛排隊既，今次有條長龍跟住發現原來之前黃秋生黎過試呢個雞煲翅搞到出晒名就係咁一直等等等，等左成個鐘終於可以有位喇梗係就係叫呢個花膠縲頭雞煲翅啦好快就送到上台佢好細心，仲俾埋手套我食始終食呢d雞，都係落手食會方便好多既不過我都第一啖都係要試下個湯底先一飲真係不得了好濃既雞湯味，真係唔係hea你喎花膠老實講就唔係太出色喇，咁$68又無得要求太多，算ok隻雞先好野，我開頭都會驚隻雞會唔會鞋呀佢又完全出乎我意料咁嫩滑喎而且都幾好肉將個飯放埋落個湯度真係一流呢個湯飯真係高級

最近經過都看到很多人在排隊，這晚心血來潮決定排隊試一下，排隊時已經想好要吃什麼，急不及待想要快點吃到。餐牌有著不同的泡飯，其中紅色標示是有真正龍蝦在裡面，其他則只是龍蝦湯。我們當然要選有龍蝦的😋另外還點了雞煲翅，因為幾乎每張枱都吃這個。殿·海鮮龍蝦湯泡飯先上來，光看外表已經知道很豐富，裡面有半隻龍蝦、扇貝、青口、魷魚、墨魚及蜆。龍蝦湯非常鮮味，吃得到用很多龍蝦去熬製👍🏻價格相對來說非常實惠，難怪這麼多人排隊。不久後我點的雞煲翅也來了，我的是加$10轉成套餐，份量真的十分驚人。雞煲翅裡有著半隻雞、花膠及螺頭，完全是真材實料，雞湯清甜，雞也十分嫩滑👍🏻這個價錢沒看到有這種享受，排隊也值了。

朋友之前睇左黃秋生既介紹，一直都話要黎試，終於搵到個得閒既下午黎食，因為聽講入夜呢到會大排長龍，聽到都嚇親😅所以揀左呢個下午茶時段，好好彩3:30黎到就有得入去食喇😊😊入到去好快就揀定左秋生介紹既殿.海鮮龍蝦湯飯同埋花膠螺頭雞煲翅！雞煲翅加$10就有埋飯飲品同埋菜😱😱好抵！唔係唔加呀！首先就黎左殿海鮮龍蝦湯飯，一黎到見到半隻龍蝦就流晒口水啦！試啖湯先，味道真係好鮮甜放入口就充滿海鮮既味道，無臭腥味，龍蝦肉都新鮮！湯入面加埋啲蜆呀帶子，魷魚，青口同菜咁，感覺好足料👅👅👅加埋係湯入面食都好鮮甜味美，飯泡左湯感覺仲好開胃🤤之後就黎到抵食之選，$68既雞煲翅！加埋餐都係$78！煲湯入面係有成半隻雞架！仲有大大碟生菜，揀左米線都好大大碗！呢碟生菜仲有埋蠔油，一啲都唔馬虎！呢盆野真係大件夾抵食！個湯比先前既龍蝦湯較濃味，真濃雞湯黎👍🏻鹹中帶香甜既味道，雖然會俾表面油油既外表嚇親，但飲落口竟然無油膩感覺😁呢半隻雞都唔差架，起碼唔鞋口先啦！仲有個翅塊....勁入味同香口🤭🤭 米線就不過不失啦整體我鐘意龍蝦湯既清中帶鮮甜味道，雞煲翅都唔錯，夠濃味😊兩種唔同味道👍🏻👍🏻都好值得食👍🏻👍🏻

前兩日見到秋生哥都推介呢一間餐廳既龍蝦湯泡飯，第二日即刻忍唔住嚟試一下。雖然係平日嘅12點，但係門口已經有人排緊隊，不過老闆喺門口親自安排，個流動好快，等咗都唔使十分鐘就已經有得入座。一支公嗌個龍蝦湯泡飯再加個小食就最好不過，個泡飯上檯見到絕對唔野少，有半隻大大隻嘅龍蝦，兩隻青口，兩隻扇貝，仲有大量魷魚同埋鮮蜆，個飯同個湯係分開上嘅，鍾意乾啲濕啲悉隨專便，先呷啖龍蝦湯，濃郁嘅龍蝦味即刻充斥著口腔，啲蜆同扇貝極度新鮮， 秋生哥話係因為餐廳老闆同魚市場啲人好熟，直接同佢哋攞貨嘅，果然絕無欺場。小食揀咗吉列黑豚，外皮炸到脆卜卜，脆漿唔會話太厚，二十零蚊認真大件夾抵食。

花膠雞煲翅 🐥🍲加$10有飯有油菜，啖湯好甜，好味 ，雞肉普通，花膠都正😋星期日食晚飯，排一粒鐘係ok既，不過店內環境狹窄，坐得唔太舒服，下次再食都要排隊就未必再食了

試了店家招牌龍蝦泡飯，感覺不會再愛了，平淡無奇，完全是一碗調味料湯底，就算68一碗有龍蝦，也覺得這餐飯很潦草，沒有花心思煮，就將所有食材丟入一鍋調料湯裡！食完之後，一直灌水才能緩解口喝，感覺難受😣，沒有新意的一餐飯不知道為什麼排如此之長的隊，感覺被網上的評論騙得很慘。請多花點心思在食材和烹飪技巧上面，用心的食店才能長久，這麼賺噱頭，博眼球的店，會被市場淘汰。用心經營才能對得起大家排長龍。失望至極！！

我就住在油麻地附近，每次搭地铁出来都看到好多人排队，所以也想试一下大家的选择。周五放工，就走过去排队，足足排了一个多小时。 进店以后就闻到一阵冻肉的味道，已经有不详的预感。点了一个牛魔王龙虾汤泡饭，牛肉并不算差，只是量比较少，让人愤怒的是汤底的味精！超级多味精！！吃完之后肠胃不舒服，口渴了一个晚上！龙虾汤龙虾味不浓，都是劣质味精和香料的味道！ 食物太过于粗糙，感觉被店家的营销手段欺骗了，很多明星的广告和照片，宣传在线，味道却不在线！失望之极！

晚上10時，約10個人排隊，等了約15分鐘便入了坐。點解咁大陣味嘅。覺得似係好耐未沖涼既大狗味。我自己係養狗人仕，都頂吾順個D味。不過叫左野食冇辦法，又有D餓。兩個人叫一個芥菜咸旦魚頭湯。一個就係佢出名個個花膠雞煲翅賣。坐左一陳都習慣左陳味。先講芥菜咸旦魚頭湯，上到枱吾夠熱既。我問佢係咪有點火蠟加上去，可以滾主飲，佢話冇。如果做乜要俾個咁既煲我呢，簡單一個湯碗味得囉。不過都算，但個樣真係睇見吾開胃。吾熱已經死罪。點解個湯甜到離譜呢，咪一淡湯一淡水。味精重到離譜。飲左兩口都吾飲，只係吃些芥菜便算。到最後直頭吾想食。另一個花膠雞煲翅。俾芥菜湯好些原因都夠熱一些。但都係味精重得好緊要。雞肉又靭又鞋。花膠味好似食海蜇錦，冇味又硬。到最後直頭又係吾想食。如果你地同邊個有仇既，就叫佢地去啦 — 覺得唔係呀嘛？

今日揸車經過呢間好出名既村爺爺，就去試一下，門口好多人排隊，排左大半個鐘先入到去，一行3人入到去叫左3個雞湯套餐，價錢很相宜，套餐連凍飲約80元，用料睇上去都好多，但食落冇咩驚喜，個人覺得偏咸左少少，雞肉比較老，食左一半已唔想食，最大問題係地方細，要搭枱，D人係身邊行來行去，好有壓迫感，食得唔舒服，但去得呢D名店食，都預左了……可取既地方係價格實惠，未試過可以一試，但我就唔會再黎了，食落真係冇咩特別……

其實尼間上次已經食過一次不過我真系好鍾意食泡飯 都系心思思想食多次今次去到已經見到門口排晒長龍na比上次既人龍長左3、4倍都有 ！！！即刻諗 宜家人多咗咁多 會否太忙 煮得hea咗今次我都系叫咗佢個花膠響螺雞煲翅點知。。。。嘩。。。。！！！仲正過之前丫因為之前系斬件雞 今次系完隻半雞上尼真系好好味丫 我真系好推介尼款！！！仲要系68元正咋！！好抵玩丫！！另外我都試咗佢個小食 墨魚手指拼魚腐原來炸魚腐好鬼好味 平時都係就咁煲尼食咋而墨魚手指都好好味 點埋泰式辣醬真系不得了另外補加2張餐牌圖

就係因為秋生喺網上親身介紹,仲讚到佢好抵食,所以趁假期就專程搭車去食. 我知道呢間食店長時間排長龍,所以特登等到2:00PM後去, 以為會冇咁多人,去到2:30PM點知都係要等.本來想走, 但既然嚟到點都要試下, 唔係咪好戇居?終於3:00有位, 大路啲叫個極上海鮮龍蝦泡拉麵加炸魚皮.冇幾耐碗麵就到喇.好期待嘅龍蝦湯果然鮮甜算係好味, 雖然有啲浮游物, 賣相唔多靚仔, 但味道夠甜(此龍蝦湯同西式龍蝦湯係唔同嘅, 西式係有好多龍蝦腦汁嘅), 再食埋食兩三隻青口同埋好多蜆仔+一隻帶子, OK算係新鮮, 唔爛. 到食拉麵時, 一挑就打咗個突, 典解咁粗嘅, 我以為係好似味千果種, 佢呢隻又唔彈牙, 又唔吸湯, 唔係好對路, 食唔哂, 湯就飲哂.....整體而言, 環境窄都算, 收得$68碗, 就有啲覺得唔值, 唔會返轉頭食. 反而只係記得啲炸魚皮比較感覺良好. 秋生....多得你......唔少!

今日去完依利沙伯醫院探朋友 就去附近嘅砵蘭街睇下有咩好嘢食之前睇到黃秋生介紹呢間專食泡飯嘅餐廳【村爺爺。龍蝦湯。泡飯。燉湯專家】 一直都想試下 門口大排長龍 好在又排得幾快各個員工都手腳勤快 快速落單喺門口已經幫客人落定order買到座位時只係坐咗一陣 預先order嘅泡飯就迅速送上效率一流今次我就是咗足料古法煲仔湯 呢個【花膠響螺雞煲翅】$68價錢非常實惠加十蚊仲可以轉埋套餐 有齊油菜 珍珠白飯同埋飲品煲仔湯一送上嚟嘅時候 就知道真材實料有半隻雞 響螺片 同埋三四舊花膠材料一點都不馬虎而且更提供左手套 方便手撕雞先講下隻雞 我選擇咗一次過將隻雞剝皮拆骨留下一絲絲嘅雞肉用來泡湯飯雞肉無論係雞胸定係雞髀位都非常非常之嫩滑 一點湯渣感覺都沒有而且食落仲有雞味至於花膠數量都有三四舊 雞湯飲落黏口充滿骨膠原 飲完即刻覺得變靚咗 哈哈雖然用咗大量嘅雞去煲老火湯但湯嘅感覺一啲都唔油膩湯面頭唔會有一層厚厚嘅雞油 最重要嘅係飲完唔覺得口渴 相信應該冇乜加到味精飲完啖湯 放埋碗白飯落去做湯泡飯每口都充滿雞湯嘅鮮甜美味非常有媽子煲嘅老火湯感覺餐廳更提供咗濕紙巾 細心位加分七八十蚊就可以食到如此高質素嘅雞煲