村爺爺龍蝦湯.泡飯.燉湯專家

營業中

休息中

家姐經常說旺角的村爺爺好多人排隊，又說他的龍蝦賣相好大隻，所以今日我們一於去村爺爺看一看。很好不用等太久就可以入場。因為家姐經常說村爺爺最出名的是龍蝦 ，所以我一於叫一個海鮮龍蝦湯泡飯。68元。果然龍蝦的頭十分之大隻。不過沒有龍蝦肉，可能因為我叫這個餐是沒有龍蝦肉吃吧。如果再叫另一個貴一點的龍蝦湯泡飯餐就有龍蝦肉。整體覺得幾滿意的，海鮮份量正常 。亦有兩條菜附送。白飯和湯的混合，味道幾新鮮可口。不錯不錯。湯有濃郁的龍蝦味，難怪家姐經常說這間餐廳最出名就是龍蝦。不過我看見龍蝦頭這麼大，又再猜想:到底這個龍蝦頭會不會循環再用呢，哈哈。我沒有問到職員。但是我覺得他的龍蝦頭真的10分大，賣相幾吸引，所以只是用手機拍他的龍蝦頭都拍了好多張。飲品叫檸檬水，5元。

湯，都幾有龍蝦味...........今個夜晚，我們三姐妹一起出了旺角吃晚飯。家姐說村爺爺有龍蝦湯泡飯幾好食，叫我們一起去吃。如果我們真的走了去村爺爺吃晚飯。我見到餐牌有泡飯，有煲仔湯翅等等......感覺好像好豐富。最後我叫了48港元的魚片豬膶龍蝦湯泡飯。整個泡飯，我最喜歡的是他的龍蝦湯底。因為我將湯飲下去，真的感覺飲到龍蝦味。至於魚片和豬膶就正常味道。魚片和豬膶的份量都還可以。因為魚片裏面有骨，所以我先將魚片全部吃掉再吃其他的。豬潤都不算老身還可以。我將全部的白飯倒進龍蝦湯裏面，然後攪拌，再用匙羹一口一口的吃，將白飯和湯一起吃。不知道是不是他的龍蝦湯幾好味，所以我覺得就算沒有豬膶和魚片，其實只要一個白飯和龍蝦湯已經可以 ，哈哈。$48，一個泡飯價錢都差不多吧。由於飲品要另外加錢，所以我並沒有叫 。

今日同朋友健身完，咁岩係油麻地附近，所以就去左食村爺爺。之前食過兩三次，都冇寫食評，呢次好想分享下。我地6點45分到，以為唔洗排隊，點知都要排左10分鐘度，所以提議大家早d去。上次8點好似排左一小時先有位。呢次我都係叫左呢個花膠螺頭雞煲翅。因為係即叫即煮，所以會等十幾分鐘先有得食。一上枱，就聞到好香既雞味，有成半隻雞，仲有d花膠同螺頭。 湯好濃，好甜，食唔到味精。佢會比兩隻手套你去撕隻雞黎食，一隻手拎雞，一隻手飲湯食飯。幾正！高度suggest 朋友就叫左殿海鮮龍蝦泡飯，有成半隻龍蝦咁多，質素都不算差，而且仲有青口同元貝係湯入面，湯亦都好濃好甜。值得一試

第一次食龍蝦湯，要左個墨魚手指拼魚腐。湯底好濃好好食，D飯沈落個湯度會好入味，每一啖都食到蝦味。墨魚手指既份量都足夠，咬感就似普通魚蛋，冇乜墨魚味。整體覺得好食！

經常想吃龍蝦但是又不想付出昂貴的價錢，聽聞這間龍蝦泡飯店十分出名，決定來這裏一試。不到一百元便可以吃到龍蝦湯泡飯，價錢超值，如果要加餸也是加幾十元便有了，我叫了一個龍蝦泡飯加他的手打墨魚餅及魚腐也只是98元。龍蝦湯泡飯包有半隻龍蝦，另外湯底中有大量的蜆肉及一些魷魚，有一隻藍青口及一個青口。一嚐過後，龍蝦湯不像西餐廳的濃郁龍蝦湯，像一些比較淡味的中式湯，但是有一點龍蝦的香味，如果可以將西式龍蝦湯泡飯吃相信會更好。龍蝦大小也可以，肉食彈牙，他的手打墨魚肉也十分好味，也值得一試。另外炸魚腐做法很新鮮有趣。性價比高，可以再來一食。

愛吃龍蝦愛喝西式龍蝦湯，得知這間中式的龍蝦湯泡飯走親民路線，終於有機會來到一試。晚市很旺場，要排隊一陣方可入座。龍蝦湯泡飯都有多款配搭，價錢都有點差別。我們點了兩款，這裡最貴一款都只是這碗$128的真.盛村爺爺龍蝦湯泡飯，非常足料，有半隻龍蝦、蜆、青口和帶子。真.盛村爺爺龍蝦湯底以海鮮為主，飲落好鮮甜。蜆的份量都不少，而且無沙的👍如不想吃飯，可另加少少錢轉米線、公仔麵、烏冬等麵食。另一款真.黑毛豬鮮雞海鮮龍蝦湯泡飯$105，一來便看得出湯底有點分別，再嚐嚐是多了肉的鮮味，加上龍蝦湯的甜味，這個湯底味道較豐富。半隻龍蝦肉質都算爽口，個龍蝦鉗就要用鉗鉗開來吃~一碗份量都好夠一個人吃，有雞有豬肉，肉質嫩滑。加上同樣有貝類海鮮，好飽好滿足!!吃到尾聲湯不太熱了...如果有爐座住就更好喇!我見花膠螺頭雞煲翅那個就有爐座熱來吃，賣相都好吸引~下次再來一定要試!

成日都聽人講油麻地嗰間村爺爺湯飯好好食，所以今日就特登同朋友走去油麻地去食佢嗰主打龍蝦湯飯，一去到嘅時候就已經見到好多人排隊，嗰陣時已經係大約九點嘅時間都估唔到仲有咁多人排隊食，等左大約15至20分鐘左右，入到去坐低就即刻叫咗最貴果個殿嘅龍蝦湯泡飯，同埋叫咗有半隻雞嗰個湯飯。排隊嗰陣時已經落左單，所以一入去坐低唔夠2分鐘個龍蝦湯飯就已經送到上枱面。而之前叫定個杯凍檸茶都一齊係黎。凍檸茶份量好大，杯身好闊。第一啖是試飲龍蝦湯嘅時候，係飲得出龍蝦嗰隻鮮味，幾清甜，加埋啲飯一齊食嘅時候，啲飯吸晒所有龍蝦湯，食落去嗰陣非常滿足，除咗有半隻龍蝦之外，個湯底仲包括有其他海鮮，包括青囗，墨魚仔等等，分量適中，而美中不足嘅就係龍蝦肉一般，可能因為所有精華已經融入晒湯底入邊，搞到啲龍蝦肉冇乜味。跟住到嗰個就半隻雞湯飯，佢一嚟到嘅時候就已經比佢嚇親，估唔到真係會被捉半隻雞你，先講講個湯先，超重雞味，食得出有種濃烈嘅菇味，雞肉唔會太鞋，成個套餐係幾正，不過好可惜嘅就係地方比較細， 感覺上好迫，又多人，除咗呢一點之外， 食物質素算係中上。

終於一試村爺爺的龍蝦湯泡飯，每次飯市時間經過都見到長龍而卻步。今次我8時開始等，3位得了40分鐘。😅在門口排隊時已會有職員安排點好餐，明白店家想加快程序，但太早煮好，燉湯在享用時已放涼不小，令燉湯大打折扣失色不小。我點了殿龍蝦湯泡飯（$98)龍蝦湯底雖黑色，其貌不揚，但味道香濃高質。龍蝦煮太耐肉諧，若要加$30吃龍蝦的不推。青口的殼沒有清乾淨，碗底有很多生菜。最大敗筆在湯不夠熱。花膠雞湯泡飯套餐（$128)湯底濃郁，雞肉嫩，有花膠、海參、鮑魚、元貝等配菜。美中不足是既然用了這樣的盤下面卻不用於加熱，改善湯涼掉的問題。

一直好想食下村爺爺的龍蝦湯泡飯，聽聞又抵又好食！今次一試，的確會係想一去再去的好味道。龍蝦海鮮湯沒有海鮮腥味，反正有香濃的龍蝦香味，加上一上枱熱辣辣飲幾啖湯，真係好好食龍蝦大隻有肉，海鮮都好多好大，好似帶子都好大粒，真心係幾抵食！最值得欣賞當然係湯底，加左飯落去食都好正，對於我黎講真係好大碗湯，想飲都飲吾曬😂但味道的確值得一試，以海鮮湯黎講，呢個味道無得輸呀同埋店家貼心咁送上濕紙巾，呢樣野都諗得幾周到，知道d客人會食龍蝦食到成手都係汁，好彩有濕紙巾可以抺手

聽講這家龍蝦泡飯很有名，逛街經過順道試試。店外排長龍，排了約半小時終於可以入座。點了兩碗泡飯、一碟撈麵及幾樣小食。難得排到，當然要點殿.海鮮龍蝦湯泡飯。有半隻龍蝦、青口、帆立貝及蜆，樣樣鮮甜厚肉。龍蝦湯亦十分鮮甜，撈飯吃味道出色。半邊龍蝦無花無假。另一碗點了墨魚手指魚腐龍蝦湯泡飯，墨魚手指點了泰式辣醬很惹味。總共吃了一整隻龍蝦，哈哈。怕不夠吃，點了鮮鯇魚片及花枝丸撈麵。用龍蝦湯撈麵同樣好吃！小食點了白灼鮮魷，點辣椒醬油更添鮮味。炸蝦及吉列蠔 - 香口

今日放假冇地方去，就走左出油麻地搵係附近返工的朋友一齊食飯。我朋友提議去村爺爺食，門口貼滿明星相，睇黎都應該唔錯既！入到去，發現入面環境都頗為乾淨，侍應見到我地兩個入到去就好有禮貌咁為我地帶位，隨即就拎左張menu俾我地揀。今次我就揀左魚腩豬潤雜菌泡飯加凍檸茶。等左5-10分鐘，個魚腩豬潤雜菌泡飯終於黎喇，份量都很大，用料方面都唔少，唔會因為係泡飯就料少湯多。味道方面則令我更有驚喜，魚腩同豬潤烹煮的時間適中，口感仍然好嫩，豬骨湯底則明顯不含味精，飲完都唔會感到好口飲，好明顯佢地係湯底方面都有下一番苦功及鑽研。而最抵讚的地方就係湯同飯係分開上，可以根據個人喜好咁加湯落飯度食，唔洗因為湯同飯浸埋一齊而令到食到最後會令飯糊到好似食似粥咁。仲有好多湯底好似好吸引，下次會再試試！

晚飯時間好多人排隊食，我地又唔執輸排下試試。入到去叫咗幾款泡飯同小食。殿•海鮮龍蝦湯泡飯，見到有個殿字，應該都唔差，黎到有半隻龍蝦，湯底都有好多海鮮，蜆，扇貝，青口，魷魚，鮑魚等，個湯有濃濃嘅海鮮味，撈飯食好正！墨魚手指魚腐龍蝦湯泡飯，個墨魚手指同魚腐非常好食！必試嘅小食，本身炸得好香脆，點埋雞醬食好好味！而龍蝦亦好爽口新鮮，而且好多肉！鮮鯇魚片撈油麵，魚肉彈牙，如果唔想食濃味海鮮湯可試呢個，會較清淡。小食試咗生灼墨魚圈同炸蝦拼吉列蠔，都唔錯！整體唔貴又好味！

由5月開始每個月都起碼去一次，其實發現服務及食品越來越差，今次去都係食同一款湯飯，但湯太少要求加湯，點知店員回答係湯唔算少，要加湯就要加錢；我隨即拍照將我第一次光顧時的照片做比較；店員見到立即低聲在講「轉頭比你」，但不是對住我張枱講，我等多五分鐘仍沒有補充湯給我便再問，點知態度極不好地回答「煮緊啦」。有兩張相做比較，我係嚟食湯飯，唔夠湯點稱為湯飯？同埋點解我要受氣？

呢間聞名以久, 成日都見到佢門外排長龍, 就算係平日夜晚都一樣。之前終於的起心心肝去食, 對佢印象都唔錯。 今次同友人去開呢邊食飯, 就帶未食過呢間嘅佢來試下。星期四的晚上, 店門外都排左差唔多10個人, 我地大概等左15分鐘左右。(因為前面有人未來齊, 所以快左)能入座之前, 店員會畀左餐牌我地睇先, 會幫我地落左單先。咁樣入到去就可以快D有得食其實我之前來食過2次了, 第1次食龍蝦湯飯, 第2次食雞煲翅湯飯。2個都好味但我個人好中意飲雞湯。 所以我今次揀左花膠螺頭雞煲翅, 再加$10轉套餐(有多個飯, 油菜同一杯餐飲)。而友人第1次來, 就叫左鎮店之寶:殿‧海鮮龍蝦湯泡飯。花膠螺頭雞煲翅一上枱, 真係心心眼 好夠睇頭, 又好香!足足係有半隻雞嫁! 入面仲有螺頭同花膠! 1D都唔吝嗇!湯好濃厚! 一飲就知係落足料! 超好飲呀唯一我覺得有少少麻煩嘅係要落手去撕雞肉。 因為隻雞唔知韓國人參雞個D咁, 已淋晒可以一夾就爛。係要用手撕D肉出來先食到。 不過店已好貼心, 準備定膠手套畀客人。但隻雞好熱, 撕嘅時候都有D輪盡但呢個湯真係冇得頂! 我以後來開呢頭都會再過來食殿‧海鮮龍蝦湯泡飯友人就

点了一个花胶螺头鸡煲还不错，鸡肉嫩滑，但很不方便切割来吃，给了一个小火锅可也没点火，整体来说就餐体验一般般。强烈推荐不要点花胶鱼腩腾瓜汤！ 整个锅就两块鱼，还带腥味，腾瓜也生生的。这家店还需要排队进餐，有点名过其实了。