李家 (麗灣大廈) (已結業)

西灣河雖然好多好野食，但食咗十幾年都有啲厭。之前都有食過李家炸雞，冇諗過佢會係西灣河開，梗係要幫襯啦！啲水準一樣都幾好。可能因為係非繁忙時間去食，所以好快就有位入，坐底冇耐就上咗酸蘿蔔同沙律菜，之後落單、上菜時間都幾快。今次就試咗甜辣炸雞同魷魚泡菜餅，個醬汁好好食！啲雞又大大舊，2個人食都好夠。魷魚泡菜餅個邊係脆架，唔似有啲地方係成個餅都淋，而且好大份，個size係一個大碟，呢個價黎講其實好扺，重點個餅皮唔會太厚，唔會話食到成口漿咁。總體黎講，我同我朋友都好滿意。

一路都好鍾意食韓國嘢，西灣河終於開咗間韓國嘢。所以就即刻去試下，有兩層，座位係梳化凳，坐得都幾舒服。呢度用電話落單，簡單快捷。叫咗個韓式辣炒豬肉，豬肉其實唔辣，份量唔算好多，但係每個午餐會有7款小食，呢個餐仲有胡麻醬沙律，同芽菜湯。小食水準中等，但勝在夠多款，係香港好少韓國餐廳會提供咁多小菜。小食水準中等，但勝在夠多款，係香港好少韓國餐廳會提供咁多小菜。泡菜豬肉湯，豬肉得幾粒，個湯就偏酸，辣度剛剛好。同樣有7款小食。價錢好經濟，68蚊有咁大份，都幾抵食。但食物味道普通。

知佢炸雞好出名，今晩買左半隻原味。嘩。一點都不油膩。附送甜辣醬。8件好快清晒。我6:30去買時，店裏面得一台食客（係講韓文嘅）。希望佢係西灣河做得着。因為價錢都唔平。

朋友之前食過灣仔間李家，見而家開到連西灣河都有，所以就去試下呢間新開的炸雞。一路以為韓國野都好難整得整食，點知原來呢個世界真係有難食的韓餐。兩個人叫左三個餸，一個醬油炸雞，一個泡菜餅，一個芝士辣雞炒年糕。醬油炸雞好半份得幾舊，仲炸到又乾又黑好似㕑餘咁。泡菜餅就咁食無味，點左汁又好難食，真係食得好掙札。炒年糕是比較正常的味，同超級市場買的叮叮速食炒年糕一樣味，不過佢比較用心咁加多塊芝士落去，盛惠168。年糕過淋，但呢碟食唯一一碟食得落口。入到間餐廳佢地會懶正宗韓菜咁，比兩碟小涼菜你——怪味酸蘿蔔、伴碟椰菜絲。第一次去韓國餐廳食到咁無誠意的涼菜。全單HK454，加一HK499。西灣河黎講佢算貴但食到一肚氣。比碟炸雞嚇親，其他野都無影到了。嬲到特登註冊電郵寫劣評！