李家 (山林道)

營業中

休息中

今日好友同我慶生，去左食我最愛之一嘅韓國炸雞，講真韓國炸雞真係無乜幾間特別出色，但李家嘅炸雞真係有係韓國食到嘅味道，真係好懷念！我最鐘意佢炸雞嘅味係葱炸雞😋😋同埋佢就算放到凍左啲都仲係好趣，所以係幾好食😙另一款韓式醬炸雞都唔錯，不過我就唔鍾意甜醬，但炸雞都係炸得好！$180兩隻味，兩個人食到剩番好多打包，所以都幾抵食😌另外個泡菜豬肉湯都好好味，味夠濃，係高質嘅😋李家一定係會encore嘅韓國餐廳❤️

📍李家今日去左尖沙咀元祖級韓國餐廳李家，今次試左兩款炸雞，豬紅湯同埋佢地既蒸蛋湯🤤👅自選半半炸雞（辣咖哩味+青辣椒蛋黃醬）$231炸雞可以就咁一隻味，味道主要係粉定醬，仲可以揀有骨同無骨，今次我就要左兩隻味既有骨版，兩款雞份量都好多，呢兩大盤炸雞真係不得了🤤首先講吓辣咖哩味，炸雞本身炸粉唔多，仲好嫩，辣咖哩粉夠cover雞件，出期地好食🤤另外呢個青辣椒蛋黃醬都係無敵，鍾意sour cream and onion薯片既朋友，我極度推薦你地試呢一隻味，巨量蛋黃醬再加洋蔥山🤤將來再去李家，我相信我都係要呢兩隻味既炸雞🤤👅豬紅湯 $128本來上枱紅卜卜以為超辣，點知原來好清😦豬紅好大舊，同一般食開既豬紅唔同感覺，呢到既豬紅偏厚實，似硬豆腐質地。👅蒸蛋湯 $58呢個好食，係好厚既蒸蛋，本身自己好鍾意食水蛋，所以呢個好啱我，濕濕地又有口感，配埋蘿蔔粒，又有咬口😋

M佬話講起韓國菜就會諗起炸雞、韓燒、辛辣麵…然後就話韓國菜太熱氣，NoNoNo！其實韓國菜真係好大隻㗎，全部都係我啲菜，勁想去韓國追星呀！突然韓癮發作，一於去尖沙咀山林道嘅李家，食啲正宗傳統韓國菜，等M佬唔好再話韓國菜只係太熱氣。蒸蛋湯韓式蒸蛋湯我都係第一次食，原來用石碗上枱，夠晒熱辣辣，冬天食一定勁暖身。至於口感就有別於中式蒸水蛋同日式茶碗蒸咁嫩滑，因為石窩嘅熱力會令蛋越煮越老，但就會帶有焦香味，外脆內軟。海鮮炸醬麵有時睇韓劇，啲奧巴去到啲街邊檔，用佢哋粗壯嘅手臂夾起炸醬麵嚟食，真係好正㗎！所以我都叫咗一碗海鮮炸醬麵，估唔到份量超多，配料有魷魚、墨魚仔、薯仔粒、洋蔥、蝦、蜆肉等等。黑豆醬汁非常惹味，每條麵條都掛上醬汁，令人食指大動。羅州牛肉湯飯牛肉湯嘅湯色望上去清澈，但其實充滿住濃郁嘅牛肉味，十分解膩。除咗主食牛肉湯，套餐仲有一碗飯同一碟辣泡菜，份量十足，夠晒飽肚。

一直對李家嘅炸雞都有情意結❤️尤其最鍾意佢嘅香蒽炸雞佢哋可以雙拼所以朋友就揀咗蜜糖香蒜炸雞未到佢會比兩個小食咁當然一定要飲支真路佢哋嘅蛋卷真係冇得輸我每次嚟都一定要食再叫多個超級拉絲芝士粟米🌽真係好邪惡但係真係不能不食

🐥 #尖沙咀 #李家去咗尖沙咀行街拍拖，晏晝就去咗呢間超出名嘅「李家」食韓國菜☺️ 雖然呢度最出名係炸雞，但其他嘢都好正㗎！ 我哋今日就試吓其他嘢先😍！ 但估唔到啲嘢食會係咁大份量，我哋完全食唔晒打包走咗一半🤪！🍲 芝士辣雞炒年糕 Hot Sauce Chicken & Rice Cake with Cheese （$168）好耐冇食過炒年糕喇，一於點返個辣雞年糕😋 呢個份量大到估唔到，加上有重量級嘅芝士，超飽肚😳！ 年糕同雞肉份量都好多，而且仲有紅蘿蔔、菜等等，個汁有少少似辣嘅羅宋湯，都幾開胃㗎😋🍳 芝士雞蛋卷 Cheese Egg Wrap （$128）極邪惡！ 估唔到會咁大舊，同埋裏面咁多芝士㗎🤩 啲芝士多到不停拉絲，玉子燒勁厚勁大舊，好正！面頭仲有少少茄醬同黃芥末添💓🍜 海鮮炸醬麵Seafood Black Bean Sauce Noodle （$188）個炸醬麵大份到癲！淨係個麵都夠餵飽我哋🤣 但真係好好食！ 好香口，仲有超多海鮮，推薦！

星期日難得約朋友一齊食飯，諗住可以開開心心食餐飯，點知食到一肚火😡本來我地一共8個人，但其中一位臨時有事，我地變做7個人，已經同個店長講清楚係訂 8位變7位，個店長亦清楚明白我地係7個人，並照比張8人枱我哋（兩張4人枱合成一張）。但過咗一陣，有個店員走過嚟要求我哋轉枱，因為佢出面有兩組客人（每組4人），話要我地讓番兩張枱出來。由於我地全部人已經settle好，而且叫晒野食，斟好晒水，消毒埋張枱，我地唔想咁麻煩轉來轉去，所以拒絕。但個店員一再要求我地轉枱，仲話我地霸住咗人地張枱，我地唔想為難人地，就迫於無奈答應轉枱。當我地去到佢講果張枱，完全係勁逼，我地唔想成餐飯都咁擠逼，就出去同番個店長講話我地唔會轉枱。但個店長話我地係7個人理應坐番張7人枱，同埋話佢地係full booking, 我地唔應該霸住人地張枱。最後仲講咗句：「一係你cancel 張枱囉」首先，我地book 1830，準時入席，張8人枱係個店長比我地，我地沒有要求要坐咩位，同埋店長亦都清楚我地係轉7個人，但都照派張8人枱比我地。所以佢所謂嘅full booking要我地轉枱，其實關我地咩事？你overbooking 係你地店

今日同朋友再訪出名嘅炸雞店—李家炸雞。餐廳環境乾淨，而且不斷播放韓文歌，有種置身係韓國嘅感覺🤣蜂蜜蒜蓉炸雞（ $198 ）炸雞係李家嘅招牌菜，之前已經試過多次，份量依然多，仲可以揀有骨或者加錢要無骨，炸雞炸到金黃鬆脆，肉質嫩滑juicy，蜂蜜醬濃郁，加埋上面鋪左調製嘅生蒜蓉，甜而不膩😋泡菜餅（ $128）泡菜餅同樣係李家嘅人氣之選，煎得香脆，裏面加入左洋蔥、魷魚等等配料，食落口感豐富，點埋秘製嘅醬汁，酸酸甜甜，食落冇咁易濟🤣香辣鳳爪（ $188 ）店家非常細心，已將鳳爪去細骨，淨係淨返大骨，方便客人拎住食😆 鳳爪辣得過癮，送酒一流😛西柚梳打（$38）因為鳳爪太辣而叫嘅飲品，梳打夠晒冰凍，西柚味重，非常解辣😗

疫情關係大耐無得去旅行🛫為有響香港搵d好野食止引😜。前幾日就去左一間韓國傳統炸雞店李家食我最鍾意既韓式炸雞。🐥李家既裝修十分有韓國炸雞店既色調🍻加上播放韓國男女團既MV，🍻感覺好似去左旅行一樣✈️，首先離一個炸雞🍗如果人少少但又想食唔同口味既炸雞，可以點半半炸雞，敢就有得選擇兩種口味非常好👍🏻我最喜歡既甜辣炸雞🍻甜度辣度夠平均✨外皮炸得香脆而肉質保持嫩滑👏🏻每次食炸雞我都會點有骨個隻，能夠保持雞本身既肉汁🍤特別好味。另外泡菜餅🧇份量夠大碟👍🏻充滿泡菜、魷魚鬚🦑同洋蔥🧅，味道唔辣，沾上醬油非常好味😋而酥炸魷魚鬚+年糕湯套餐非常抵食🐙一個價錢兩樣食物✨兩隻炸得香脆魷魚鬚香脆好味🍻而辣年糕湯帶點辣🌶開胃好味。整體傳統韓國食物有質素👍🏻而且性價比高。👏🏻

一行四人早一星期係OpenRice 卜左位，一黎到就入得。前菜有醃蘿蔔同沙律菜，雖然外表普普，但食炸雞太膩既時候吃一口前菜可解膩。蒸蛋湯-$58(4/5)一上到黎勁大煙，冬天食姨個一定好正，係韓劇成日見到人飲燒酒食，原來佢同燒酒都幾夾。雖然佢個名叫”湯”，但佢係韓式蒸蛋加厚版，蛋好滑，唔會太咸太味精味，好食🤤芝士雞蛋卷-$128(3.5/5)佢中間勁多芝士！一切開係拉絲的，但主要既味道來源係上面既醬，食唔到蛋香。重頭戲~半半炸雞！甜辣炸雞（半隻）-$93(4/5)佢既炸雞外皮唔算太厚炸粉，但都勁脆！又唔會太重油膩感。甜辣醬均勻包住炸雞，醬料味偏甜、辣味唔算明顯，小韓式香辣。另一半半，蜂蜜大蒜炸難（半隻）-$108(4.5/5)佢既雞全部都好juicy ，個人較喜歡重口味，佢啲雞既旁邊有一粒粒既蒜頭，雞本身都勁香蒜味。蜂蜜味唔算好出，但都食到，姨個咸甜組合好正！總結:佢既炸雞好出色，皮脆，炸粉唔厚，肉質又juicy ，又好味。四個女仔飲埋野埋單都唔過$600，但都食到好飽。餐廳環境都有韓國feel，員工服務態度都不錯。

呢間李家韓國菜係我經常都會去食嘅韓國餐廳，會播K-pop，好有韓國氣氛～甜辣炸雞（半隻）-$93炸雞雖然係甜辣，但係唔辣，炸雞炸得外皮好香脆，入面仲好juicy。蜂蜜大蒜炸雞（半隻）-$108蜂蜜味好香甜，加上蒜蓉，好香口，炸雞外脆內嫩燒五花腩肉-$158煎到好香脆，油脂bit曬出黎，一d都唔肥膩，肉質軟淋，唔會老，加埋d泡菜蔥絲一齊食非常惹味蒸蛋湯-$58連石鍋上的，熱辣辣，口感綿密，好嫩滑！！必食！

入到餐廳，環境幾舒服嘅，播緊嘅k-pop音樂音量啱啱好，同朋友仔傾計嘅時候都仲可以聽到幾清楚播緊咩歌😆😆座位寬闊，唔使迫住食，特別係夏天，冇咁尷尬嘛🤭∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴❥ 甜辣炸雞 (半) $93薄薄嘅炸粉包住嫩滑嘅雞肉，甜辣醬唔算係好辣，夠濃稠，包晒成件雞，做到啖啖都食到雞同醬😋❥ 蜂蜜大蒜炸雞 (半) $108味道似蜂蜜牛油薯片，但係清爽啲😊見到有一粒粒蒜頭🧄，但蒜味唔重。入面嘅雞肉仲保留到嫩滑嘅👍🏻❥ 燒五花腩肉 $198唔好俾表面呃左，食落唔肥架😆外層煎到好香脆，食落有微微嘅焦香味，肉質腍，味道唔咸😋加埋啲泡菜食，愈食愈上癮😝❥ 蒸蛋湯 $58每次嚟都必叫👍🏻蛋唔老，口感綿密，好似食緊綿花糖咁，唔使點咬就吞左🤤呢個要盡快食，或者一上嚟就搞拌下佢，如果唔係最底層嘅會幾焦香架🤣∴∵୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴

❁ 青辣椒蛋黃醬炸雞跟洋蔥 $113其他炸雞店未食過呢個口味😋應該呢度獨有，蛋黃醬十分香口，配上青辣椒，甜中帶辣。生洋蔥🧅都令炸雞生色不少，更有層次。❁ 芝士味炸雞 $108一上到枱香噴噴好正，雞肉用酒醃過，即使外層加上炸粉及芝士粉。仍然可以吃得出雞肉的酒香，雞肉嫩滑，外脆內軟。金黃外層包住嫩滑雞肉，口感豐富。❁ 辣BBQ豬骨 $188上到嚟嚇親我因為豬肋骨份量好多🙈 係韓式辣醬嘅味道，食落去真係有少少辣，要飲返多啲水。醬汁甜中帶辣，豬肋骨比較淋身(好重要) 咁就唔會食得好辛苦，好食😌有十幾件每一枱都會有生菜沙律、醃蘿蔔，減少油膩感😌📍李家 (山林道) (尖沙咀)尖沙咀山林道54-56號利雅商業大廈地下2號舖

呢間李家之前食過幾次lunch 印象都唔錯好正面，小編今次要睇Tom Cruise所以第一次非lunch 時段黎食。 發現原因夜晚黎食係錯誤選擇，當晚去到，同前面既情侶都係有booking 亦已夠鐘報左到但場內全full未有安排客人交枱要出返門口等，及後陸續黎左4-5張同樣已有booking 既人但全部都一堆人無隊伍咁圍住門口要等，其中一組人最後一個同行者終於到達再次入店告知店只人齊（其他組個個都同一早人齊）竟無向原先既店員溝通就立即放左呢組最遲人齊既人入去？當下全場人都呆左。 😦可以見到餐廳控制人流同timeManagement有待改善。😓依靠住之前用餐既良好experience 忍左佢⋯希望食到餐美味dinner😋【 無骨甜辣炸雞】今次無之前咁脆同香口，唔知點解，但又唔差既，只係無之前咁脆同好食⋯【 芝士辣海鮮炒年糕】好大個份量！芝士幾好食，海鮮量都夠，年糕中規中舉。今次experience 無論員工安排同食物都一般，事後亦發現餐廳竟然仲要當我缺席令我無左訂座既20分里數⋯當晚既員工辦事能力果然⋯😅但舊有experience 係好既所以我都唔會單一次麻麻地既experience 就

今日突然想食韓國炸雞，醒起之前有人推介李家，好等我去試試佢先，而家時間係1:00左右，店冇乜人，有大半吉台，我2個人佢係到要人坐門口，大佬呀，出面好熱wo,點坐呀，同佢講想坐入面，姐姐有點不滿，最後都比我地坐返入去，叫左芝士炸雞，炸醬麵，芝士蛋卷（聽聞係出名既），先黎個炸醬麵，ok la .冇特別，之後黎左個芝士蛋捲，滿心期待，🥲冇味既，完全食唔到芝士味，淨係食到表面既茄汁，入面既芝士係呀係拉絲但完全冇味既，到炸雞黎啦，熱辣辣諗住實冇死，嘩，咸到傻左個面，但入面啲雞係冇味既，對呢間餐廳好失望囉，冇下次

位於山林道*李家*出名食炸雞🐔。同🐽仔走黎試試😍。半半炸雞🍗自選兩個味道。分別係芝士味同甜辣味炸雞。兩款味道我都好推介😍。炸雞可選擇有骨/無骨。我當然選擇無骨啦。可以大啖大啖食。真係好鬼正🥹。炸雞大大份。皮脆肉滑。🐽仔食唔停口🤣。前菜醃蘿蔔+椰菜沙律🥗解膩一流❤️‍🔥芝士雞蛋卷🥚🧀招牌菜之一⭐️。一條雞蛋卷切開7大件。相當有份量。輕輕一夾拉出長長芝士🧀。芝味度爆曬燈💡。