李家 (山林道)

營業中

休息中

諗住食韓國野OpenRice 見幾好，山長水遠去到，叫人喺門口等等咗10分鐘，仍然都係安排緊安排緊再問就話全部所有客都係6點半要hold台比人下，聽都未聽過咁做生意一早要hold台就唔好叫人等啦，處理手法極度奇怪，不建議冇book枱嘅去食

趁假日就四出搵食是常識吧😊，近近地去尖沙咀逛下，經過山林道，見到#李家，老友就話想食韓國菜，咁就入內進食囉😛。呢間是食炸雞🍗好出名嘅餐廳，叫多杯啤酒🍻，加上一直播着韓國音樂，我哋就自得其樂，幻想去咗韓國‍hea 緊👯。店員先供應夏日開胃前菜，椰菜絲沙律同酸蘿蔔，我哋就食住睇下餐牌有咩正野。好快我就地決定要芝士炸雞🍗（有骨），雖然有好多口味嘅，仲有半半炸雞可選，但我哋都是芝士控，就決定要原隻😽。雞皮撒滿了芝士，炸到超脆口，雞件好juicy ，香口又惹味，真係食到唔停口呀😍老友要食牛膝骨湯，牛味重很足料而湯味香濃，內除了牛膝還有些牛筋，好有咬口，配白飯跟蘿蔔，很滋味啊👍。

喺香港 最鍾意一定係️呢一度食炸雞❤質素勁高 又抵食🤑炸雞層外皮非常之香脆 而且雞肉嫩滑仲有肉汁🍗就咁食原味已經好正👍🏻當然都推介韓國傳統甜辣醬 甜甜辣辣 食落更加惹味🌶

前幾日同朋友去佐敦唱完k，唱到有啲肚餓，又想食韓國菜，就一齊去左呢間李家。芝士味無骨炸雞（半隻）$113以為半隻唔會好多，點知原來份量都幾大。有起碼兩種唔同嘅芝士粉滿佈喺炸雞上面，芝士味好濃。炸雞食落皮脆肉嫩，咬落去充滿肉汁。蜂蜜大蒜無骨炸雞（半隻）$113蜂蜜沾滿全部炸雞，但炸雞依然不失香脆。有一堆蒜蓉喺上面，可以自行分配蒜蓉嘅份量喺每件炸雞到，調整蒜香嘅濃度。海鮮湯 $188海鮮湯好足料，有好多蟹同埋蝦，同埋魷魚等等。本身以為飲落去會係普通平時泡菜湯嘅味道，點知飲落去海鮮味十足，有啲似辣嘅龍蝦湯咁嘅味，有驚喜。白飯 $10白飯配海鮮湯好夾。

今日出尖沙咀遊街, 順便食埋午餐加下午茶, 今日下午茶比較特別, 找到山林道的李家韓式餐廳, 睇openrice 佢哋除咗炸雞出名外, 還提供很多韓式美食。餐牌價錢合理, 見隔離左右抬好多都叫甜辣醬炸雞, 不二之選, 今日下午茶來個炸雞雙拼吧。**酸蘿蔔粒及椰菜沙律 (送的)椰菜爽口, 酸蘿蔔粒酸爽脆口, 食完炸雞食兩粒清清喉嚨, 油膩感盡消。**Hoegaarden ($68)生啤是炸雞的絕配, 叫得炸雞當然要叫埋生啤, 李家只提供兩個品牌嘅生啤, Hoegaarden 麥味較輕, 帶微微的花果香, 清爽冰涼, 夠凍**半半炸雞~原味及甜辣醬  ($168)原味炸雞原來係香辣味, 入口後味蕾緩緩滲出香辣味道, 醃過才炸的雞件, 鹹香惹味, 送啤酒一流, 雞件乾身到超乎想像, 完全睇唔到一滴油嘅感覺, 雞件很通爽, 炸漿好薄, 又香又脆, 咬落真係索索聲的, 脆過薯片, 又唔油膩, 雞肉十分juicy, 好正。甜辣醬炸雞其實係原味炸雞再用甜辣醬兜勻, 甜辣醬炸雞是另一番風味, 甜甜辣辣味道較開胃, 個人還是喜歡原味炸雞, 雞皮是脆卜卜, 比較香口

李家真係我食過最鍾意️嘅韓國餐廳🍴❤個牛膝骨湯真係好正 超級足料✨好多舊牛膝 肉質嫩滑又爽口😋再加埋啲雞蛋絲🥚香蔥同紅棗 好養生😚真係好又喺韓國凍冰冰飲熱湯嘅感覺🇰🇷

今日嚟到位於山林道巷尾嘅李家食個lunch，店內韓味濃厚，不停播住kpop，又有韓文店員。 先睇睇個menu，有啲lunch set 。另一版佢就有啲炸街盤可以叫。嘢飲跟餐加$7，好多韓式飲料可以揀。先講呢個海鮮豆腐飯，$58。ok辣，如果唔食得辣嘅朋友就爭啲。有幾隻青口，海鮮味豐富。另配4道小菜亦增添個餐嘅滿足感。呢個石鍋拌飯極大碗，食唔晒嘅level，蛋花湯清新。最後特選牛肉飯感覺相對上滿足度無咁高，但午餐劃一58真係相當相宜。

久仰李家大名，聽聞係韓式炸雞界的鼻祖。今日終於有機會，過來試一試。環境闊落，坐得舒適自在。周圍播緊韓kpop的流行曲，感覺似去咗韓國旅行。行到熱辣辣，叫杯冰涼西柚梳打飲，條氣即刻順返。慢慢食住前菜， 再慢慢睇。醃蘿蔔酸酸地好醒神。睇一睇餐牌先今次貪心啲，每樣叫半分 。甜辣炸雞半份+蔥味炸雞半份韓式甜辣醬完全包住又脆又嫩滑的炸雞，感覺有啲似咕嚕雞，酸酸甜甜，好開胃蔥的辛辣再配上醃過的鹹鹹甜甜醬汁，令到原味的炸雞，別有一番風味。泡菜薄餅分量大，有泡菜香味，不太辣，加上有魷魚， 好有咬口。

成日都睇韓劇都見到佢哋食炸雞，搞到我都好想食😋所以今日同朋友去咗呢間出名食炸雞嘅餐廳。呢間餐廳播韓國MV，真係好似去咗韓國咁🥰半半炸雞：見到好多款式口味嘅炸雞，原來佢有呢個半半炸雞，包括左原味同甜辣味，咁我哋兩個我哋就決定要呢一個一次可以是兩種味道味道😆原味皮脆肉嫩，好juicy 👍🏻而甜辣味好好味😋辣辣甜甜咁，真係食唔停口呀😍芝士辣海鮮炒年糕：鋪滿咗勁多芝士，而裡面有青口、蝦、魷魚，原來除咗烏冬之外，仲有烏冬呀！真係好多料😂年糕煙煙韌韌充滿咗甜辣汁同芝士一齊食超好味😍泡菜餅：煎到外脆內軟，好多泡菜！同埋仲有啲魷魚。呢個泡菜餅仲配埋一個醬汁，加埋啲醬汁一齊食冇咁膩，好味😋

📍 李家 이가 Chicken Hof and Soju📍 尖沙咀 𝗧𝘀𝗶𝗺 𝗦𝗵𝗮 𝗧𝘀𝘂𝗶 • 山林道54-56號利雅商業大廈地下2號舖 (also in tsuen wan, tai kok tsui, wanchai and sai wan ho)〔 follow me on instagram @sikbaobaola ! ^^ 〕-< 이가 LEE GA Chicken Hof and Soju > is one of the longstanding Korean restaurants in Hong Kong, serving 치맥 ("chimaek") and all kinds of traditional Korean food that will never disappoint!-The two of us had a serving of [ Half & half chicken ] as well as a [ cheese egg wrap ($128) ]. Their signature fried chicken was go

平日6點半左右係附近搵嘢食，之前未食過，見唔使等位就直接入去lu四人枱中間放板，各入兩位，有d迫，但還可以接受兩個人，炸雞叫咗甜辣味同蜂蜜蒜蓉味，另外叫咗炸魷魚鬚拼辣炒年糕。- 甜辣味無骨炸雞 , 好耐未食過好食嘅甜辣味炸雞,好香韓式甜辣味，唔會單方面死甜，大推-蜂蜜蒜蓉味無骨炸雞, 蒜蓉味好突出,相反冇乜蜂蜜味, 而且甜辣味炸雞太出眾, 佢即刻失色咗好多- 魷魚鬚并辣炒年糕 ，兩款都係我嘅愛，魷魚鬚炸粉唔會過厚，極度香脆而且魷魚完全唔會咬唔斷，辣炒年糕又係醬汁做得好好，年糕口感煙韌，大推兩個人食完全食唔晒, 最後打包左差唔多成份蒜蓉味炸雞返屋企, 埋單四百幾雖然價錢唔算好平，座位亦都唔算好寬躺，但勝在職員完全唔會趕人走，可以慢慢食慢慢傾偈。雖然睇落好似好細份，但食落去會慢慢發現，份量都幾多，重點質素真係唔錯

職員係正宗韓國人嚟，令人回想起去韓國旅行嘅日子，搞到好想再去韓國旅行！佢哋都識聽識講廣東話，好nice！芝士雞蛋卷：賣相超靚份量勁大舊！用刀切落去啲芝士流心爆曬出嚟，未食睇落去已經勁正！蛋上面啲茄汁同黃芥辣醬酸酸甜甜又唔辣，超惹味勁開胃！韓式魚餅湯：魚糕，魚餅份量勁多，睇嚟平平無奇但飲落去超湯魚湯，勁鮮甜！落少少黑胡椒調味會更加提高鮮味！雞泡魚乾：燒得啱啱好，好香！超勁魚香味，份量都多同好大塊，配搭咗沙律醬，辣醬，點埋個辣醬勁惹味，送酒簡直絕配！仲有花生絕對係送酒小食！

今日同老公去咗尖沙咀山林道一間李家韓國餐廳去韓國一定要食乜嘢?梗係炸雞啦!黎得李家 都係必叫炸雞啊🥰唔知揀咩口味好?叫自選半半炸雞(無骨) 🤗我哋揀咗原味甜辣，雞肉外脆內軟好有口感，仲有肉汁！真係好好味！蒸蛋湯好有濃郁蛋味,嫩滑😋石鍋保持熱度,仲有焦香嘢未!蔘雞湯有原隻滑鷄,而隻鷄係吸收晒蔘鷄湯味既精華🤗蔘雞湯入口清淡又健康 有潤喉既感覺 送埋白飯一流! perfect藍色多瑙河賣相好好🥤顏色好靚,好fresh好解渴!最啱炎熱嘅天氣飲!

知道李家既炸雞出名，朋友又對炸雞情有獨鍾，所以今日就再約左個好鍾意食炸雞既朋友去李家食Lunch。去到門口出面玻璃好黑，擔心入面會唔會都黑燈光昏暗，入到去又幾光猛，我鐘意餐廳光猛啲，可以睇清楚啲環境同食物，影相又靚啲。黎到緊係食炸雞，貪心想試兩款味，又驚食唔哂。🐥自選半半無骨炸雞🍯蜂蜜蒜蓉味（$113）🧀芝士味（$113）自選半半炸雞就岩哂啦，仲要揀埋無骨款，岩哂我地啲又貪心又為食既懶人。因為朋友唔食辣，就叫左蜂蜜蒜蓉味同芝士味，一上枱熱辣辣卜卜脆，蜂蜜蒜蓉味甜甜地又鹹鹹地，味道適中，唔會太重口味。比較之下，芝士味更好食，因為蜂蜜蒜蓉味有啲醬汁浸住，某啲位可能會浸淋左，芝士味就無依個問題，佢每件雞灑滿兩種芝士粉，充滿芝士鹹香，非常推介！除左炸雞仲有嗌左兩個小食，海鮮蔥餅同酥炸魷魚鬚。🌮海鮮蔥餅（$158）海鮮蔥餅就好似中式茶樓既薄撐，麵粉加蛋加海鮮煎出黎，味道不錯但個人覺得可以再脆口啲。🦑酥炸魷魚鬚($80）另外就係酥炸魷魚鬚，我覺得係必食之一！！真係好脆，份量足味道好，新鮮又爽口，仲有配沙律醬比你點住黎食，超級惹味！食下食下就無哂，下次黎一定會再叫魷魚鬚食！

講到炸雞，我真心超鐘意， 要搵間好好食都唔易。尖沙咀佐敦都有好多選擇。今次食尼間餐牌頭2版都係炸雞推介蜜糖蒜香炸雞蒜香帶甜，岩我鐘意食偏甜口味醬油炸雞香口惹味，但比較咸，用檸檬去吊下可能會好啲。整體肉質唔會好鞋，有肉汁唔會好乾身，無點其他野食，兩個人1隻雞還可以，因雞唔係好大隻, 食埋其他又可能太飽。埋單$220 食隻雞 ok ga, 冷氣夠凍，有水自己倒，酸蘿蔔和沙律菜無限 fill, 同朋友傾下計，慢慢食都可以，可能枱比較密，感覺嘈左啲啲。