李家 (山林道)

營業中

休息中

香港周圍都係炸雞店 但係自己就好鍾意嚟李家食呢度食🍗呢到嘅無骨炸雞真係好正 外皮炸到超級脆 肉質嫩滑又Juicy 唔會好鞋 佢嘅芝士雞蛋捲都好食😋隻蛋唔會煎到好老好鞋 入面仲包滿晒拉絲芝士 超足料勁厚 食落好滿足！

黎到尖沙咀突然好想食炸雞 自然就會諗起美麗華廣場對落既韓國街 行下行下去左呢間山林道既李家 一直都以炸雞出名而人氣 今日就一試超級滿意 食炸雞最鍾意選擇無骨既炸雞 大大啖肉又有咬口 加上呢間炸雞外皮炸得勁鬆脆 肉內多汁夠哂Juice 讚不絕口 再配合唔同醬汁既炸雞有唔同層次既口感青辣椒蛋黃醬炸雞Cheongyang Mayo Chicken with Onion超多洋蔥同蛋黃醬既炸雞 醬汁勁多包保每隻雞都掂到 半份雞都勁多量 起碼都有成10件雞 超級足料甜辣炸雞Sweet & Spicy Fried Chicken最經典既韓式甜辣醬 呢間既甜辣醬甜味偏重 愈食會愈上癮芝士辣海鮮炒年糕Spicy Seafood Rice Cakes with Cheese超級豐盛大大碟好抵食 芝士拉絲拉得勁厚勁邪惡 海鮮材料勁充足 有蝦、青口、墨魚嘴、魷魚 最特別除左年糕仲有好多烏冬、菜同青椒 包羅萬有包保飽既主食另外仲叫左Rainbow系列既梳打水 選擇左藍色同紫色系列 兩杯都好甜有種講唔出口既味道 係好飲 可以一試😆藍色多瑙河Curacao Blue Soda薰衣草Lavender Soda

星期日落雨冇得去戶外，為有留係室內飲飲食食喇🥙🍸食左一間有驚喜既炸雞店🙂❤️前菜黎果陣覺得一般，有少少失望，但係冇諗到好戲在後頭🤨點左一份青辣椒蛋黃醬炸雞跟洋蔥同蜜糖炸雞，兩份都好好食，但係超有驚喜既係青辣椒蛋黃醬，辣辣地易入口🙂另一款就甜甜地，最啱鐘意食甜野既人❤️份量好大份，完全食唔曬仲有一個冷麵，配上蘋果，青瓜，螺肉，酸酸甜甜，好適合夏天嘅時候食呢間餐廳啲嘢食份量比想像中大份，如果兩個人嘅話一份炸雞加小食已經好足夠

李家位於山林道最入面盡頭位置店內座位都多，仲會播住KPOP🎼一開始係安排肥妹同朋友坐兩人座位兩人座位就比較細同窄！因為肥妹叫左比較多野食🫣所以幫肥妹轉左去四人座位🫣—-✄———-✄———-✄———-✄———-✄—-✾原味炸雞 (有骨) $88原味炸雞可以食到雞肉既原汁原味外皮炸得好香脆，雞肉仲係嫩滑JUCIY🥰原味炸雞有跟醬比客人沾但雞肉本身有調味唔洗沾醬都好食😋✾甜辣炸雞 (有骨) $93炸雞外層包裹住甜辣醬食落酥脆，雞肉依然嫩滑🥰醬汁份量十足！！甜甜辣辣好惹味😋✾辣炒米腸 $188係用鐵板上，熱辣辣🔥米腸好大條，配埋椰菜一齊炒上面有加到紫蘇葉撈埋一齊更加香！！醬汁好惹味，味道唔係好辣唔食得辣既人都可以接受到但米腸腸衣有啲難咬開🤣✾蒸蛋湯 $58好鐘意食韓國蒸雞蛋😍😍蒸蛋湯係用石鍋上，可以Keep住溫度但食既時候要攪攪底部雞蛋唔攪食都最尾有機會會燶🤣蒸蛋上面紅蘿蔔碎、蔥花同白芝麻好誘人口感軟腍腍好嫩滑🤤蛋味好香，令肥妹食唔停口 ✾Somac Tower $128一枝真露燒酒加三罐Hite啤酒係燒啤 口感順滑易入口配炸雞食一流！！👍🏻

李家炸雞一直都好出名，今次試下叫外賣，果然都保持到水準。泡菜煎餅超大塊，食落唔會太辣甜辣炸雞非常惹味，外脆內裡尚算滑炸粉絲卷可惜送到已經唔脆加上無熱辣辣食，點都差咁D

今日經過山林道，途中都有一兩間韓國料理。行到街尾見到一間平平無奇既韓餐館，估唔到亂打亂撞搵到驚喜！餐廳裝潢各方面好有夏日感覺，睇餐牌都係炸雞、燒肉、豬手、湯麵類。每枱麵會有兩款前菜，味道唔錯！蘿蔔超好食同朋友揀左半半有骨炸雞，青辣椒蛋黃醬炸雞、蜂蜜大蒜炸雞。兩款炸雞醬料都做得非常出色，尤其係青辣椒蛋黃醬。蛋黃醬本身已經夠cream夠惹味，再加上洋蔥絲，令炸雞更香口惹味！而且炸雞本身底味已經好好食👍🏻非常有驚喜香辣蝸肉雜錦冷麵第一次見有蝸牛肉，所以試下😋上枱見到大大碟，足足有三球麵，而且配料有半邊碟，超足料！配料有青瓜、蘿蔔、蘋果，蘋果超香甜。冷麵夠滑夠彈性，配上拌好既配料，酸酸辣辣超清爽，最岩夏天食！

作為肉食性Foodie，嚟到呢一間韓國餐廳，梗係要嗌佢嘅韓式炸雞同埋烤肉套餐啦！今次我同我朋友嗌咗：🧀芝士辣雞炒年糕$168同上次一樣，呢度嘅芝士都係可以拉絲嘅！其實嗌完之後有啲後悔，佢嘅辣雞同埋年糕嘅份量真係好多，連埋上面啲芝士，食落已經有啲飽滯，我覺得佢嘅年糕唔會好難，雞件亦都唔會差口，調味都唔錯，都係值得食嘅，不過建議下次可能搵多三四個一齊嚟嘅時候先嗌佢！🐖燒五花脯肉 $198呢個真係好意外！呢一間餐廳係冇韓式燒烤嘅，不過呢一個完全係最好嘅替代品，佢哋會幫你消耗咗五花籃，放喺鐵板上面，連埋生菜俾你，可以做一個生菜包咁食， 唔會太肥，點埋辣椒醬或者係燒烤醬就一流🔥🍗半半炸雞（原味加甜辣）原味嘅炸雞肯定好食過某些快餐店一百倍，炸雞唔會太瘦，食落都係啖啖肉，而且原味炸雞愛情嘅咋皮非常之香脆，冇得彈。甜辣炸雞如其名，甜甜地又辣辣地咁，不過唔會好辣，普通人都食到，可以放心。——————為食分界線——————📍 李家 (山林道) (尖沙咀)尖沙咀山林道54-56號利雅商業大廈地下2號舖推介指數 🤰🤰🤰🤰🤰(5/5)好味指數 🤰🤰🤰🤰🤰(5/5)抵食指數 🤰🤰🤰🤰🤰(5/5)環境推介 🤰🤰🤰🤰

👍🏻 半半炸雞（蜂蜜蒜蓉+青辣椒蛋黃醬）兩款都超推介 炸雞外皮炸得夠酥夠脆 即使影左一陣相都唔會變腍🙌🏻雞肉嫩滑多汁 每件既size都差唔多 所以熟既程度都差唔多💁🏻‍♂️醬汁先講蜂蜜蒜蓉味🍯甜甜醬汁加上原粒大蒜既刺激 唔食得辣 但又唔想食原味既人可以一試 另外 青辣椒蛋黃醬真係好有驚喜❣️如瀑布般既蛋黃醬 混入左青辣椒同大量生洋蔥 為每啖炸雞添上辛辣既味道 食到吮晒手指😂😂👍🏻 魚餅湯湯底胡椒味頗重 飲落舒服但唔會嗆喉 同韓國街頭飲既味道相似😚魚餅都有唔同既種類 有傳統扁狀、柱狀、粒狀的 每款味道雖相似 但口感 吸湯程度都唔同 店家有花心思 值得一讚💯👍🏻 NON-ALCOHOLIC BEERITA🍺呢款飲品聲稱自己係0.0%酒精 適合我地大中午淺酌👻 味道同顏色都同雜果賓治相似 果味突出 但依然有淡淡既酒味 仔細睇原來都含0.05%酒精😺打卡一流📷- 點餐後店員會送上小菜 沙律🥗及醃蘿蔔 無需額外收費- 食炸雞的話可向店員索取手套 另外桌上已經有放骨既桶🦴、搓手液、廁巾 盡情地用手食啦✌🏻

好耐冇食韓式炸雞，呢間位於山林道的人氣炸雞店，菜式選擇都很多，而且價錢合理。和一般韓式餐廳一樣，都會附送韓式前菜小吃，兩款前菜醃蘿蔔、椰菜沙律都好醒胃，而且啱晒食炸雞時清下熱氣。.🐥半半炸雞無骨韓式炸雞：🍯蜂蜜蒜蓉味$113、🧀芝士味$113好貪心嘅我哋想食晒兩款口味，餐廳好貼心可以選擇兩款口味Mix，而且仲有得揀有骨和無骨。我哋就揀咗無骨，因為進食方便又啖啖肉。兩款炸雞的雞肉都好嫩滑，外皮炸得好香脆，而且又充滿肉汁。🍯蜂蜜蒜蓉味的蜂蜜香甜之餘，又帶點濕潤感，再加上蒜蓉，更加惹味。而🧀芝士味炸雞上面鋪滿芝士，味道好香濃，芝士控必叫。.🦐海鮮煎餅 $158好喜歡吃海鮮煎餅，特別係煎到好香脆的餅邊，配上各種海鮮，和混合蔥、韭菜後，香氣十足，搭配韓式醬汁更美味。.🌈彩虹梳打▫️蘋果梳打 $38▫️西柚梳打 $38見到個Menu彩虹七色的飲品好靚，真係三心兩意唔知叫咩味好，最後揀咗蘋果和西柚，兩款味道都好香甜，加上碳酸氣泡，感覺清新。

回想之前食炸雞既記憶已經係三年前係韓國🥹🥹🥹咁唯有係香港食住先，出名既炸雞🍗今次要食李家，嗌左半份+半份mix款！記住無骨只可以mix無骨款，有骨只可以mix有骨款。#可以食2個味道🤣炸雞🍗新出既青辣椒蛋黃醬($118)+芝士味($113)，嗌既時候都諗會唔會食唔晒，結果真係好大份😂個人鍾意芝士味多啲，甜甜鹹鹹係我嘅味道。如果蛋黃醬可以每舊雞都均勻入味會更好！仲嗌左芝士雞蛋卷 $128，熱辣辣上碟，中間既芝士流出嚟拉埋絲，問你死未，極邪惡😈果然係招牌，不過加埋炸雞食會有啲”漏”。好彩有碟酸甜蘿蔔解解佢🤣仲嗌左杯西柚、🍋 soda，正正常常還可以呀🫣2條友食低估左個份量，食完又要減啦😂😂😂

假期朋友帶我去尖沙咀的一間韓國餐廳李家原來這裡是香港第一代韓式炸雞專門店 值得一試假期下午茶時間都好多人當中有好幾枱都是韓國人 看來這家店應該很正宗這裡有多款口味的炸雞 心大心細的我們選了比較特式的兩個口味來個半半蜂蜜大蒜炸雞喜歡甜味炸雞的朋友選了這個 蜜糖味很香甜感覺沒那麼熱氣 加上原粒炸蒜 好香好惹味醬油炸雞這款沒有炸粉直接生炸 雞肉醃得非常入味醬油味道比較濃但不會太咸 擠了點檸檬汁更好味餃子年糕湯上桌時還是滾燙的狀態 讓人充滿食慾一鍋有五隻韓式餃子 非常飽滿還有好多煙韌的年糕片湯底比較清 喝完都沒有負擔感海鮮蔥餅超大一份 裡面有蔥 蝦 魷魚蔥餅偏厚 口感紥實 有多幾個朋友分享會更好辛辣麵純粹想吃點辣的所以點了這個辛辣麵一定好吃呀 吸了湯汁的雞蛋是重點

📍李家（tst）🍽 甜辣炸雞（半隻）+蜂蜜大蒜炸雞（半隻）+ 芝士辣雞炒年糕 + 蘋果梳打 + beerita cocktail (non alcoholic)😋 趁住放假同朋友出嚟食下嘢聚下～我哋揀咗呢間位於山林道嘅韓國餐廳o(^▽^)o🍗自選半半炸雞-甜辣x蜂蜜大蒜 $201炸雞份量好足，兩個人share絕對係食到飽曬～雞皮好脆口感好好，而甜辣醬份量亦係啱啱好！蜂蜜大蒜炸雞都整得好出色，蜂蜜味濃郁，大蒜味道淡淡地，咬落仲可以食到肉汁～🍗芝士辣雞炒年糕 $168呢間嘅年糕超級出色，口感十分煙韌，配上佢哋嘅芝士真係一流！雞肉都好嫩滑好好味！🍹蘋果梳打$38 / beerita cocktail $78蘋果梳打配炸雞啱啱好中和到味道，而朋友嗌嘅beerita cocktail就好濃西柚味，口感好fresh，夏日飲杯啱曬！💰$534 in total

呢間韓國餐廳我由佢舊鋪食到新鋪當年因為勁鍾意Ftisland同2pm 走去學韓文 放學一定要食下韓國菜 通常都會揀佢因為佢成個feel都勁似去左韓國啲地道小店咁依家新鋪大左 仲坐得舒服左 位置都唔難搵 就喺山林道盡頭嚟到一定要食下佢嘅炸雞 來自星星的你嘅時代 真係排成3個鐘大家都要排隊食佢嘅炸雞 好瘋狂半半炸雞（原味/甜辣）啲炸雞全部都可以揀半份我就揀左最經典嘅配搭原味個皮勁脆 炸粉都唔厚就算加埋甜辣醬個皮都係咁脆口我覺得甜辣醬口味係必食嘅咁多年都keep到水準蒸蛋湯呢個熱辣辣 口感又鬆軟嫩滑 蛋香幾重都係好正宗嘅韓國口味食炸雞一定要配啤酒仲叫左杯啱晒打卡嘅non alcoholic Beerita Cocktail一個字 爽呀！

♦️無骨半半炸雞 甜辣 蜂蜜蒜頭♦️味道失望 、份量同其他韓國鋪一樣雞 - 炸粉係脆 雞肉唔鞋 但個炸粉衰過繼光甜辣醬諗住大路 但完全唔惦 自己屋企調仲好蜂蜜蒜頭中 ok的 但蒜味唔出 雖然5、6粒蒜頭🧄係入面 但冇個名睇落咁吸引 heavy到爆嘅醬 勁多砂糖♦️雞蛋卷♦️ 冇拉絲的已經杰晒 但份量好大舊🤪份量抵讚 冇乜特別♦️芝士海鮮炒年糕♦️ 冇乜年糕 少辣但唔係惹味的辣 &偏咸。魷魚同烏冬幾好食。 個面一大pat芝士 少濟 仲要同啲椰菜魷魚混合一體， 想食菜時又局住食埋個濟死人芝士👍🏻👍🏻唯一推介= 泡菜煎餅不過都是同fd吹水為主食物還好啦如果對食物有要求另擇吧懶得po埋其他野食相 反正呢間咁多正皮又多圖

咁耐冇去過韓國 好掛住韓國菜嘅味道🤣就去左呢間由正宗韓國人主理嘅餐廳🇰🇷 亦係香港第一代炸雞嘅始祖🙊店內仲不斷播住K-pop🎶前菜有醃蘿蔔🥕同椰菜沙律🥗 可以慢慢食 仲可以解膩😚▪甜辣炸雞 🌟推介🌟半半炸雞 可以揀有骨同冇骨🍗 小編揀咗冇骨 啖啖肉真係好方便🤣 炸雞嘅份量都好多 有大約6-7舊😋炸粉亦唔算好厚 外面炸得香脆 內裏肉質鮮嫩🐓味道則以甜醬味為主 辣度較輕微😝▫️蜂蜜大蒜炸雞 🌟推介🌟炸雞沾滿蜂蜜汁 可以夾埋蒜頭蒜片一齊食🧄 食落份外惹味🤤▪雪濃湯 奶白色嘅雪濃湯味道濃醇 加入幾小片牛肉🐮 再配埋白飯同麵 可以吸哂湯嘅精華一齊食😌另附上幾粒酸蘿蔔送口😆▫️ Corona Rita 食炸雞點可以唔飲啤酒🍻 加入檸檬中和酒精味道 變得更加清新💦