影片
更多
2022-07-11
174 瀏覽
星期日難得約朋友一齊食飯，諗住可以開開心心食餐飯，點知食到一肚火😡本來我地一共8個人，但其中一位臨時有事，我地變做7個人，已經同個店長講清楚係訂 8位變7位，個店長亦清楚明白我地係7個人，並照比張8人枱我哋（兩張4人枱合成一張）。但過咗一陣，有個店員走過嚟要求我哋轉枱，因為佢出面有兩組客人（每組4人），話要我地讓番兩張枱出來。由於我地全部人已經settle好，而且叫晒野食，斟好晒水，消毒埋張枱，我地唔想咁麻煩轉來轉去，所以拒絕。但個店員一再要求我地轉枱，仲話我地霸住咗人地張枱，我地唔想為難人地，就迫於無奈答應轉枱。當我地去到佢講果張枱，完全係勁逼，我地唔想成餐飯都咁擠逼，就出去同番個店長講話我地唔會轉枱。但個店長話我地係7個人理應坐番張7人枱，同埋話佢地係full booking, 我地唔應該霸住人地張枱。最後仲講咗句：「一係你cancel 張枱囉」首先，我地book 1830，準時入席，張8人枱係個店長比我地，我地沒有要求要坐咩位，同埋店長亦都清楚我地係轉7個人，但都照派張8人枱比我地。所以佢所謂嘅full booking要我地轉枱，其實關我地咩事？你overbooking 係你地店
當我地去到佢講果張枱，完全係勁逼，我地唔想成餐飯都咁擠逼，就出去同番個店長講話我地唔會轉枱。但個店長話我地係7個人理應坐番張7人枱，同埋話佢地係full booking, 我地唔應該霸住人地張枱。最後仲講咗句：「一係你cancel 張枱囉」
首先，我地book 1830，準時入席，張8人枱係個店長比我地，我地沒有要求要坐咩位，同埋店長亦都清楚我地係轉7個人，但都照派張8人枱比我地。所以佢所謂嘅full booking要我地轉枱，其實關我地咩事？你overbooking 係你地店嘅問題，你當初比8人枱我地，就冇諗過之後會有個4人枱booking? 咁你一開始就唔好咁樣安排！因為正值繁忙時段，我地始終人多難搵位，最後唯有妥協。
轉咗枱之後，啲店員完全冇理過我地，話會幫我地轉番啲餐具小食過黎，但完全冇做過。我地坐咗15分鐘，都冇比餐具，杯又冇，我地仲要全程打側咁坐，店舖又熱又逼，簡直折磨！
我對呢間野真係零好感，食物水平都係普通貨色，未到難食，但又唔係好有驚喜，出面大把韓式餐廳同佢差唔多，甚至好食過佢。不過最難頂係服務態度，食完都背脊骨落。
張貼