李公館

營業中

休息中

星期四我和好朋友都係第一次去呢度飲下午茶！它的裝修不算得太奢華，但喺呢度非常舒適幽雅！最搶眼都算是一左一右圓形樹枝圖案落地玻璃房設計！我感覺它用咗中西合壁嘅設計，而坐嘅絲絨座位都很寬濶。多謝有一位服務小生都很親切，有介紹一d特色點心比我地品嘗。點心上檯買相都很有心思！材料都好新鮮同好味！再一提就係甜品不會太甜！非常適合我們瘦身一族呢！無論環境、衛生、招呼、食物水準我都相當滿意！下次有機會都會再去試下其他點心呢！

平時行過巳經有留意放在軒尼詩道華創大廈門口嘅水牌上面有5星字眼,咁啱當日約咗位朋友想搵個地方飲下午茶,靈機一觸,就想起這間李公館啦,都係抱住試試心態,因為灣仔區都試過哂,無新鮮感.....上到去巳經有個好好笑容伙計問幾多位,座落後,感覺環境好舒服,睇睇點心紙,睇得出花過心思,點心名有d特別,咁就試咗個脆脆野菌腸粉,野菌出面有層脆脆再包腸粉皮,再加調過味嘅醬油,第一啖,真係好驚喜,,好好食,又脆又滑(可惜呢個掛住食,唔記得影相)另外仲有3個點心值得推介就係:1.與別不同上素春卷@@@2.長針半月餃@@@3.綠茶流沙包@@@終於搵到一個環境舒適,點心精緻,價錢合理地方享受下午茶!下次想試下晚飯!

今晚約了三個舊朋友聚舊，聽朋友講灣仔開了間中菜館環境唔錯，所以决定上去試試。一到步已被裝修及環境吸引住，果然無揀錯地方，裝修典雅，清靜舒服，是一個吃飯談天的好地方。 經理介紹一個優惠套餐($1180)比我哋,價錢合理,份量亦足夠四人分享。高湯花膠炖螺頭,火候十足,螺頭的鲜味濃厚。南非鲜鲍扣柚皮的鲍鱼十分軟滑。金牌鹽焗嘉美雞(半隻),是招牌菜,雞味很濃但偏鹹了少少。風味脆炸加拿大生蠔是佐酒的首選,十分香脆。套餐可以選擇竹笙鼎湖上素或醬爆珍菌黑豚肉炒花枝片,因為我們喜歡清淡些,所以選鼎湖上素。最後個甜品芝麻奶凍就最精彩,女士們一定會喜歡,因為滋保養顏之餘,芝麻味亦十分香濃。 這一頓晚飯由食物的質素、味道以至環境都令我十分滿意,下次可以再來試一試這裏的點心。

星期日晚上一行6人7:30pm準時到達李公館, 一到埗被裝修、環境吸引, 食客大多數都屬於大枱4人以上, 心想應該無揀錯地方晚飯, 而且Citibank信用卡仲有9折。 坐低飲咗幾輪茶、吹咗一陣水之後, 發現仲未有菜牌, 都唔緊要, 菜牌之嘛一叫即送上。 枱面放住「晚飯孖寶」promotion, 有冬瓜盅喎, 好啦想order但已經售罄, 原來每晚只有2個配額!! 有d失望不過都算啦, 最後落單5餸1湯, 其中招牌嘉美雞金牌味及胡椒味各要了半隻。之後, 就係漫長嘅等待….30分鐘過去, 一點要上菜的意思都feel唔到, 亦無人嚟同我地解釋點解要等咁耐, 再環顧其他枱, 大部份同我地一樣空空的….攪乜鬼? 三催四請之下, 終於响第40分鐘來了個安格斯牛柳粒, 除了牛柳有一點點筋之外, 都算惹味; 之後再上多個啫啫通菜煲, 明明問清楚唔係水蕹先至做啫啫煲, 點知上菜時竟然變做水蕹, 而且d菜嘅份量多到個煲仔都差d載唔晒, 再加上個煲根本唔夠熱, 試問如何啫啫?? 失敗! 肉片榨菜蛋花湯响中途突然殺到, $88分到6碗都算係咁; 咸魚雞粒煲就不過不失。 之後的蜜桃咕嚕蝦球, 一致認為炸粉

係灣仔返工，基本上無邊間飲茶係好O既。一係坐得唔舒服，好逼，一係食物麻麻。李公館就解決上以上的問題。地方雖然唔係好大，但坐得舒服，每張檯既空間都好夠，裝修又不錯。今次無叫小菜，剩係食點心。點心無論賣相同味道都相當精緻。蝦食彈牙腸粉已切好 bite size 避免了平時要夾腸粉既不便， 很細心。魚柳芝士卷﹣ 有創意，但食唔到魚味又食唔出芝士味，把鬼個娃娃菜一般雖然無食小菜，但見賣相唔錯，下次再試！

李公館在年頭開業至今, 有什麼喜慶都會提議大家來這裡聚一聚, 因為這裡的裝潢及佈置很別緻而食物水準又不錯。今次人數不多,見餐牌有一個特價魚翅鮑魚餐, 每位$188都算合理, 因此各人要一客, 套餐先上的反而是竹笙元貝浸勝瓜, 勝瓜爽甜因而竹笙吸左湯汁後很可口但元貝碎偏少可有可無。之後是酥炸加拿大生蠔, 生蠔大細不一, 細生蠔為了令大生蠔看得相差的不太遠, 所以包在細生蠔外的粉很多。燉湯用了近三十分鐘才煮好, 魚翅足一兩鋪放在湯面上十分均真, 其他用料都很豐富, 有冬菇,菜膽及雞肉,但說是燉鮑翅但鮑魚就不翼而飛。最後要催促懷疑漏單的蠔皇極品六頭鮑, 因為無理由六頭鮑所需的時間比燉湯要長, 六頭鮑比想像中的細, 就如一口鮑可一啖吞落肚臨走叫了一客蒜片炒牛肉粒($62), 但好失望。牛肉粒偏肥又沒有蒜片的香味, 再加上菇片吸了油, 比起第一次品嚐時退步了, 更不值稱上李公館的推介食物。另外整體服務不錯,但有個服務員竟然將我朋友用完了碗給我再用還懵然不知,真是奇怪。

This was another food that I would like to introduce ,the name was the pawn with noodle fish soup. The fish soup was made of fresh fishes so make the soup so fresh that you could taste the real fishes ,of course the pawn was also so fresh. So why not went there and make the order then you will feel so pretty good.This was fried onion with beef ,the taste was so good that you really felt the fresh beef in your mouth,it was so soft ,juicey and yummy yummy.The price was so reasonable so you would n

侍應打開蓋, 看見奶白的漁湯, 上面放著中蝦般大的蝦球. 蝦球肉質爽甜, 配以爽脆的菜心. 好味, 經理同我們講魚湯是用鰂魚餚制, 鮮甜, 味實足, 而且不肥膩, 最啱健康keep fit的你, 這個是這餐我最鍾意的.2. 蒜片牛仔粒, 朋友話這是招牌小食, 我們也選了一碟, 蒜片夠香, 放在枱上已聞到, 原來牛仔粒是安格斯牛肉, 切厚粒, 非常有趙頭, 不會黐牙, 有豐富肉汁. 連我這個不吃牛肉也忍不住試一口.3. 鮑魚珍珠雞 , 從來無想過珍珠雞也藏著鮮鮑魚, size剛好, 最緊要它的肉汁不太濃或太小, 味道剛好, 不搶走鮮鮑魚的味道, 而糯米煙靭度剛好, 糯米不太硬, 很柔軟, 雖然很飽, 但也不忍浪費, 吃掉它4. 我們還吃了魚翅灌湯餃, 但餃子皮則較厚, 幸好肉汁及翅湯補救.5. 陽湯米外, 芝士蝦春卷, 是最值得推介的, 因為外邊酒樓很少春卷包住芝士(有點似西式做法), 再配合了脆鮮蝦, 好味. 因為新鮮, 外面炸得很脆, 裡面, 一口咬著芝士蝦, 好得意, very good.

今晚約左兩個老友!口淡淡，天氣鬼死甘悶熱攪到咩心機都無。行來行去都諗唔到食咩好! 岩岩去完灣仔睇潮流野! 老友提議不如試下之前雜誌介紹過一間裝修型格既粵菜飯館。我份人最貪試靚地方，『「好」』去試下!！原來尼間叫「李公館」既飯館開正係英皇開既明星訓練學院既樓上!嘩!拿拿聲望下有無見到明星至得!！入正題：一開門見到尼間飯館，老友無介紹錯，裝修真係幾正，好少見保留昔日夜上海風格又加入到一些新既原素有好多古玉做既門及裝飾加左綠色燈光做效果！幾型!起麻無老氣既感覺。整體比我有種電影感坐向度用餐幾舒服!一間飯館最緊要除左係裝修好之外，我都好睇食物既質素，好唔好食好緊要!！我地三個人最鐘意食小食先，首先點左一味「珍珠粒鮑汁雞腳」， 嘩!估唔到食落口係熱烘烘，真係特別好味，係出面D餐館點親尼個小食一係和和暖一係放係出面太耐攪到D汁「瓊」晒油! 尼間公館既出品食落味道岩岩好唔會話太喊又或太淡。雞腳睇得出都幾新鮮起麻唔會甩皮甩骨甘，食落去口感唔錯，花生都幾入味!！唔錯!！唔錯!！跟住叫左碟經理推介既「冰震鮑魚」加芥末醬。第一次聽尼個名，好奇既我立即叫來試下。經理話鮑魚落足料處理極之抵食又「野」味，來到見

聽聞不錯所以帶理父母朋友一齊去飲茶。所有點大致不錯，但糖水就麻麻。點了合桃露味道像豆漿；另外一撈丸個皮落得太多水非常不好食(不記得名字但類近雷沙湯丸航）。服務尚可。但不明白一個2歲細老女都計茶錢。

行過最迫人的軒尼詩道(馬會門口段),慢步期間見倒對面吉野家樓上開了間新酒樓便走上試. 坐低後, 伙記好殷勤招呼, 開了壺桂花鐵觀音.同平時飲開很濃味的鐵觀音不同,加了桂花, 感覺很清新.睇完點心紙, 叫了珍珠粒鮑汁雞腳、蜜汁叉燒包、鮑魚珍珠雞、蜜汁叉燒腸、白眉紅荳糕珍珠粒鮑汁雞腳同侍應傾開，他們的雞腳是新鮮的，而唔系雪藏雞腳，夠誠意又入味蜜汁叉燒包-穩陣的選擇，皮不會太林，裡面的叉燒多汁，不錯鮑魚珍珠雞未見過珍珠雞有鮑魚半粒, 滲入了珍珠雞的鮑魚, 味道十足之餘,又夠煙靱 可以講是必試之選蜜汁叉燒腸試過有D腸粉只有DD甘多的叉燒，但是，今次的叉燒份量足，腸粉又夠滑白眉紅荳糕很多時在其他地方只見白色沒有味道. 但這個甜品又夠椰汁味, 不會太甜, 紅荳不會過林，不會只是見到紅荳。

又是星期一和友人伉儷的每週晚餐例會，這次我選了近期的人氣館子「李公館」，友人很醒目在開飯網站列印了九折優惠劵。店主是以故「東海海鮮酒家」集團鍾錦先生的夫人李欣桐女士，店內裝修骨子，牆壁上有木雕掛畫，內設 VIP 房（正好是夜黃柏高先生在此設下金牌飯局）、小露台（照顧一些吸煙人士罷），燈光柔和，明顯走高級中菜館路線。不過，我們不是來吃裝修，如果環境高分，食物不行也留不住人客。茶壺設計特別，斟茶時很有星馬拉茶的感覺。椒鹽豆腐，外皮脆內裡嫩滑，椒鹽味適中，入口不肥膩。水準不錯，但也不算很特出。很多食友都讚這店的嘉美雞，又因餐單上寫製作需時廿五分鐘，我們一坐下便點了這一道。意外地，這半隻雞十多分鐘便弄好上檯了。外皮金黃有點像「香港大學校友會」的鹽焗雞，肉質欠彈性但頗滑，我吃了一件雞胸肉也不覺粗糙。只是，這雞的調味不均衡，部份肉沒什麼味道，部份又濃味了一點，實在是一大敗筆，而且我也嚐不出雞味。以半隻雞索價 $180 元而言，人客會有更高要求，而店家也應有更好表現。因為我不吃鹹魚，請店家把鹹魚蒸肉餅改為鹹蛋蒸肉餅。肉餅薄身也略嫌肉刴的過多不夠嚼勁。調味較濃，不過伴飯同吃也還可以。桂花炒瑤柱，蛋炒的

最近工作稍忙，很少有時間與家人吃飯，今天星期天，偷得浮生半日閑，於是與家人到新開的李公館吃晚飯。這是樓上飯店，大廳燈光黯淡，傢具殘舊，感覺一片殘舊破落戶的感覺，心情頓時變得鬱結，不暢快啊。高茶杯上闊下窄，一碰即倒，茶壺長柄長嘴，難倒茶。個別侍應雖然有禮貌，但招呼不夠主動和專業。食物：金牌秘制嘉美雞：又“鞋”又鹹，而且絕對不是同一隻雞，根本就是拼湊出來的，簡直唔知點講好。鎮江餚肉：應該是用帶膠質的湯汁冷凍而成，可是這裡是用強力彈牙的物料做，而且肉質堅硬，別出心裁，頂唔順！香芒帶子炒鮮奶：賣相像嘔吐物，味道是帶酸味的芒果加點微腥海水。士多啤梨焗肉排：用神秘紫紅色染料加糖漿澆上無火氣的肉排，唔難食。帶子海皇什菜煲：雖然用上湯做底，但用料十足，有海鮮味，這個可以的。

Book左星期六晚六位. 由於之前睇過食評, 黎前都有d期望. 去到覺得環境都不錯 (我地坐大房角位), 裝修幾靚. 仲有個outdoor area卑一眾煙民出去呼吸. 餐具都幾靚, 但個茶杯好細, 成日要斟, 頗煩.椒鹽九肚魚: 椒鹽唔算香, 但皮薄同夠脆, 不錯.蒜片牛柳粒: 估唔到會有wasabi味. 肉唔算淋亦唔得別香. 普通.肴肉: 太硬. 冇肉味. 差~ 啫啫芥蘭煲: 唔知係d男人餓得滯定點, 呢個清得勁快. 我食時得兩條細的, 香但頗油. 士多啤梨焗肉排: 汁不錯. 味唔會好假. 肉質方面, 我食的兩舊有d位置都韌, 都幾多肥膏.芒果炒鮮奶: 可能係比較遲上, 鮮奶滑但食落覺得淡口, 因為係甜的, ‘送’飯唔得. 齋食好d. 但唔算好好味. 半隻招牌秘制嘉美雞: 皮脆脆地. 肉好滑. 有雞味. 蒸肉餅: 香就香, 滑就滑, 但食得出好多肥肉.另外仲飲左個幾好味的湯. 掛住講野冇細研過...服務ok啦~ 不是高級餐廳的服務. 但都算快手同主動. 在此多謝朋友帶支好的香檳黎. Always appreciated~總結: 食到嘔甘滯每位200其實幾抵, 但係野食算一般. 加上

We had reserved a table at 8pm and arrived on time. We ordered the food quickly in 5 minutes upon arrival. In fact, we ordered ordinary food without anything special, e.g. Stir fried vegetables with Garoupa, Veal with mixed mushroom, etc. except the chicken which we were aware that it might take longer. We waited for more than 45 minutes without any food offered to us. The table next to us made the order about the same time but they almost finished while we were still waiting. The manager