影片
更多
2011-03-06
32 瀏覽
最近人氣急升的其中一間中菜館，正正在公司對面。是日同同事提議黎試下飲茶，當作開年之餘，也順便發下勞蘇。看來是店員攪錯左，我地訂左幾人檯，但卻預留了玻璃房那一張大檯，當然坐得好鬆動，但想傾下計卻是有點遠了。點心款式不多，感覺價錢公道，尤以中式粉麵，原以為會很細碟，但來到卻很足料，值得一試。茶壺咀很長，同事更加即場表演「拉茶」，但眼界卻只是一般，無信心記住唔好出醜啦。先來一窩鴻圖窩麵，賣相不期然「嘩」了一聲，上面滿滿的蟹肉，湯底有少許蟹子，伊麵也不少，真是很抵食。味道完全沒味精，是單以材料鮮味來煮的。可惜服務有點差，先是一名侍應放左係我地檯上，但好似發覺俾錯左，之後又拎走，轉頭原來係無錯的，又拎番返黎，予人感覺係唔知有無加料或俾其他人食過，是為美中不足。另外再叫左以下點心：蜜汁叉燒腸雖然好味，叉燒更加係甜到爆，岩晒我口味，但腸粉皮竟然好似月球表面咁穿晒窿，實在很難想像晚飯有如此高評價。南翔小籠包皮薄多汁，肉鮮十足，但又是一夾即穿，是因為中午比較忙而水準不穩嗎？生竹牛肉球又是另一小插曲，因為無喼汁而一直無起筷，叫左幾次侍應部長都無人俾到我地，雖然不是甚麼大問題，但感覺是暴露了新店未上手的弱點
看來是店員攪錯左，我地訂左幾人檯，但卻預留了玻璃房那一張大檯，當然坐得好鬆動，但想傾下計卻是有點遠了。
點心款式不多，感覺價錢公道，尤以中式粉麵，原以為會很細碟，但來到卻很足料，值得一試。
茶壺咀很長，同事更加即場表演「拉茶」，但眼界卻只是一般，無信心記住唔好出醜啦。
先來一窩鴻圖窩麵，賣相不期然「嘩」了一聲，上面滿滿的蟹肉，湯底有少許蟹子，伊麵也不少，真是很抵食。味道完全沒味精，是單以材料鮮味來煮的。可惜服務有點差，先是一名侍應放左係我地檯上，但好似發覺俾錯左，之後又拎走，轉頭原來係無錯的，又拎番返黎，予人感覺係唔知有無加料或俾其他人食過，是為美中不足。
另外再叫左以下點心：
蜜汁叉燒腸雖然好味，叉燒更加係甜到爆，岩晒我口味，但腸粉皮竟然好似月球表面咁穿晒窿，實在很難想像晚飯有如此高評價。
南翔小籠包皮薄多汁，肉鮮十足，但又是一夾即穿，是因為中午比較忙而水準不穩嗎？
生竹牛肉球又是另一小插曲，因為無喼汁而一直無起筷，叫左幾次侍應部長都無人俾到我地，雖然不是甚麼大問題，但感覺是暴露了新店未上手的弱點。牛肉味道一般，不過不失。
帶子鑲燒賣質素不錯，相信會比蝦餃更出色。
碧綠蝦餃皇很fresh，蝦餃皮綠色，估計是加入菜類而成，值得一試。
蟹肉腐皮卷，腐皮既薄且脆，蟹肉也很多，也是不錯。
奶皇包可分蒸／炸，炸奶皇包不是很多地方有，但一籠三隻我分不到，同事說不錯，下次再試吧。
因為是日還是正月，也未知是否因為服務上實在有所閃失，部長在埋單時主動提出送我地一客齊齊撈起，寓意新一年大家齊齊撈起。其實即係糖不甩，湯丸質感好，但稍嫌不太夠甜。味道不錯，但並非所想中咁出色，某些點心的穿窿問題看來是師傅追不上點菜速度所致。而且中午服務更加未上軌道，有機會會晚上再試試。
張貼
