影片
更多
2011-08-30
101 瀏覽
星期日晚上一行6人7:30pm準時到達李公館, 一到埗被裝修、環境吸引, 食客大多數都屬於大枱4人以上, 心想應該無揀錯地方晚飯, 而且Citibank信用卡仲有9折。 坐低飲咗幾輪茶、吹咗一陣水之後, 發現仲未有菜牌, 都唔緊要, 菜牌之嘛一叫即送上。 枱面放住「晚飯孖寶」promotion, 有冬瓜盅喎, 好啦想order但已經售罄, 原來每晚只有2個配額!! 有d失望不過都算啦, 最後落單5餸1湯, 其中招牌嘉美雞金牌味及胡椒味各要了半隻。之後, 就係漫長嘅等待….30分鐘過去, 一點要上菜的意思都feel唔到, 亦無人嚟同我地解釋點解要等咁耐, 再環顧其他枱, 大部份同我地一樣空空的….攪乜鬼? 三催四請之下, 終於响第40分鐘來了個安格斯牛柳粒, 除了牛柳有一點點筋之外, 都算惹味; 之後再上多個啫啫通菜煲, 明明問清楚唔係水蕹先至做啫啫煲, 點知上菜時竟然變做水蕹, 而且d菜嘅份量多到個煲仔都差d載唔晒, 再加上個煲根本唔夠熱, 試問如何啫啫?? 失敗! 肉片榨菜蛋花湯响中途突然殺到, $88分到6碗都算係咁; 咸魚雞粒煲就不過不失。 之後的蜜桃咕嚕蝦球, 一致認為炸粉
之後, 就係漫長嘅等待….30分鐘過去, 一點要上菜的意思都feel唔到, 亦無人嚟同我地解釋點解要等咁耐, 再環顧其他枱, 大部份同我地一樣空空的….攪乜鬼? 三催四請之下, 終於响第40分鐘來了個安格斯牛柳粒, 除了牛柳有一點點筋之外, 都算惹味; 之後再上多個啫啫通菜煲, 明明問清楚唔係水蕹先至做啫啫煲, 點知上菜時竟然變做水蕹, 而且d菜嘅份量多到個煲仔都差d載唔晒, 再加上個煲根本唔夠熱, 試問如何啫啫?? 失敗!
肉片榨菜蛋花湯响中途突然殺到, $88分到6碗都算係咁; 咸魚雞粒煲就不過不失。 之後的蜜桃咕嚕蝦球, 一致認為炸粉太多蝦隻太細, 但甜酸度掌握不錯, 不失可口。
呢個時候 (大約8:30pm) order 3碗白飯, 每個人都會覺得正常不過, 响李公館竟然可以得到回覆:「白飯未熟, 麻煩等多一陣。」除咗O咀同埋停筷等飯到, 我地仲可以點?! 咁樣都未算, 令我們最憤怒的是嘉美雞。 先上半隻金牌味, 一放低我地已經被佢凌亂嘅賣相嚇一跳, 唔知仲以為呢半隻雞係其他食客食剩左拼右湊出來的!! 不過唔嬲都嬲咗成餐, 諗住繼續食, 食完快d走啦, 喂但係仲有半隻胡椒味嘅雞呢? 呢個時候, 侍應放低一碟賣相同之前金牌味一模一樣的半隻雞, 係唔係攪錯咗呀? 問返落單嗰位侍應, 佢自己都唔肯定, 話要入廚房問問(?!), 响佢走開之際忽然殺出一位傳菜員, 佢實牙實齒話2隻味賣相一模一樣, 只係食落去有分辣同唔辣…..我地半信半疑之下一人夾一件嚟食, 出事, 唔辣嘅!! 侍應返轉頭話師傅攪錯咗!! 吓, 咁我地2碟都食過喎, 响極不情願之下侍應接受我地取消半隻雞嘅要求。 嘉美雞係餐廳招牌菜, 我地第一次幫襯話唔知佢乜長相啫, 有乜理由侍應同傳菜員都攪唔清楚??
最後, 唔知係枱枱都有, 定為表誠意, 我地獲贈糖水6碗。 贈品水準如何, 因為免費嘅我亦無謂多作批評。 而全晚, 最對板只係個鐵觀音茶, $12一位茶錢, 好彩仲有返d水準。
我唔知亦唔想估午市同晚市個廚係唔係2批人, 假設係同一個廚, 無理由午市咁多好評而晚市可以攪成咁; 而如果真真是分開2個廚, 唔該好好檢討一下晚市!!! 餐廳空有賣相, 服務欠缺誠意!!
張貼