本地薑 (已結業)

鐘意食米線的我見到有檸檬米線當然即時約人嚟葵芳食嘢啦，沒想到去到都幾淨而且仲有我另一最愛泡飯。泡飯-鮮雞，豬肚，娃娃菜，湯底幾清甜，不太有味精，不過薑味真的比較少，雞肉好滑身，豬肚同娃娃菜都足料，最後都差不多飲晒啲湯。米線-酸辣湯底面有片檸檬，幾特別，味道增加不少鮮味，辣度少少辣(待應沒問辣度)，幾清少辣帶微酸，最後飲晒當湯飲，幾舒服，不似四川得個辣字。鯇魚腩，芥菜都不少同新鮮，米線如果多點口感更好。咖哩角原來都有6件，餡不多，不太油普通。餐仲有飲品，叫了奶茶就麻麻，不太特別，最後每人約$70都飽肚不錯。

🔎:《 #本地薑 》⁣⁣⁣⁣⁣💬：⁣⁣⁣今次黎到葵芳一間屋村茶記⁣叫左個2人晚餐 ⁣茄子魚塊煲🍆同薑蔥爆雞煲🧄🐓⁣味道正常 就係普通家常便飯甘⁣如果想係葵芳簡簡單單食個茶記晚飯都可以黎依度試下⁣不過我地覺得餸既份量都偏少 兩個煲既份量都唔算多 ⁣但特別值得一提既係野飲其中一杯叫左薑母鮮奶🥛（掛住飲唔記得影)⁣好好飲 仲有啲好幼既薑絲沉左係低 可以較一較先再飲 ⁣我唸佢就係特別出名整薑味既野飲⁣味道好夠薑味但唔會好辣 易入口 而鮮奶入面應該加左啲煉奶 甜甜地 好岩女仔飲 養生feel⁣

今天12:30去了本地薑買了一個$48䜴招排骨飯加熱奶茶，我便一直等，期間店員同我講䜴椒排骨要等，但一等已經12:59，這時真不想再等，我便直接說取消吧，這時店員才入廚房叫整，等到13:05先有這盒飯，但返到屋企，我發覺杯奶茶只是微暖，盒飯已經等超過半小時，連杯奶茶都吾換返杯熱既俾我，佢哋效率散慢吾再講，杯熱奶茶擺左半個鐘都吾換番杯熱既俾我，大佬呀有無甘求奇呀

平時去葵芳一般只係去葵涌廣場搵食但原來葵廣出面都有好多良心店比如呢間以薑為主題，門面呈薑黃色價錢一樣控制到喺$100內室內空間屬正常大細，但外賣較多大多係飯麵加飲品，加入薑為原材料薑湯泡飯午餐$40，可配兩款餸揀咗鯇魚腩，但鮮雞肉俾錯豬潤再可任揀1款菜，包括菜心/芥蘭/娃娃菜/白菜/唐生菜/芫荽/芥菜娃娃菜份量真係幾多，鯇魚腩份量尚算恰好大多係魚腩末端近魚油位置，魚肉較滑嫩，無乜碎骨，但都會有骨豬潤就比較嚡口，無乜味道，似煲完湯嘅豬潤薑湯有薑味，不時搵到薑絲，只係薑味唔算太重，再濃烈啲更好薑汁梳打+$5 以薑汁+薑粒+梳打水混合，經調味後入口酸甜上面有檸檬，增添酸爽，底部有超多薑粒，幾清爽其他飲品改得幾有玩味e.g.女人四十、逆流大叔、黃金時代、希望之光等，本土味濃大多以薑汁、梳打水配搭果汁

《葵芳》話說去葵芳無理由唔去葵廣，去葵廣買衫講緊係差唔多每個後生女既共同回憶😂葵廣都有好多黃店好好味架～不過個日行街行到攰，真係想坐低chill下慢慢食，就試左呢間「本地薑」～其實佢賣既野同普通冰室/茶餐廳有點似，不過有好多薑既特飲～蜜糖雞扒煎蛋飯拼燒菠蘿 $58本身想叫d再特色d既野，但🐢可能覺得呢d聽落似頹飯既野係男人的浪漫😂我會話佢質素超額完成～蜜糖雞扒好香，蜜糖個種甜好出，煮得好入味，外脆內軟超好味😳個煎蛋流心的，蛋漿++😍個燒菠蘿勁香甜，同平時大X樂個d凍菠蘿係天與地既分別，岩哂我呢個菠蘿控，勁正！家鄉酸菜魚$88 （配例湯/熱飲，我揀左熱奶茶）係好耐無食既一人一鍋😭😭佢既酸菜魚幾好食，個湯好好飲😳～魚既份量多，又滑！酸菜份量都唔少～最讚係佢比左好大兜生菜你，係勁大兜！配埋酸菜湯底你自己淥係勁正勁好味😳你問我同大陸個d太X酸菜魚/探X比，我會話佢的確無咁好味～但我覺得一人一鍋黎講，佢真係收貨有突，起碼真係食得出酸菜味同個湯底好飲！早2年我食過X粥麵既一人一鍋酸菜魚，我會話個間真係好難食～呢間仲要黄店！八両金（薑汁，菠蘿汁，原片菠蘿，梳打水）$28（跟餐半價$14）呢個超特別😍

喱間茶記已經係我同 P san 第二次幫襯了。 入到店, 指定動作之後, 店入面唔多人, 店員無指定我哋一定要坐邊喥, 所以我哋隨便搵個四座位坐低, 方便放埋我哋啲行裝。我哋點咗一個二人餐, 揀咗西檸雞同魚湯浸娃娃菜, 飯方面除咗白飯之外, 仲可以揀湯米粉, 好啱我口味, 飲品方面, 我同 P san 都點咗凍檸茶。凍檸茶有茶味, 而且檸檬新鮮, 甜度亦適中。   西檸雞方面, 同一般茶餐廳比, 賣相唔錯; 口感方面, 肉爽而且有雞味, 雖然有個芡汁包住每件雞件, 外皮仍然酥脆可口, 而且炸漿薄, 食落唔會油淋淋; 加埋個西檸汁酸甜酸甜, 好醒胃同埋清爽而不膩。  魚湯浸娃娃菜, 喱個有少少驚喜, 魚湯入面有大量薑絲, 估計應該係店家為咗闢腥而加落去嘅, 令個魚湯有魚味之外, 再增潻咗薑嘅清幽味再加點點辣味, 但又唔會辣到好辛苦, 令個湯好順喉, 飲完個身仲有少少暖暖哋, 喱個餸除咗有魚湯、薑味同爽甜娃娃菜之外, 仲有健康木耳增加菜餚嘅口感。而我叫嘅湯米粉, 個湯無咩特別, 係清雞湯, 唔似其他茶記的味精湯咁濃咁咸; 而個米粉係爽口而且有少少米味, 好香。 P san 個飯係我哋鐘意食

今日買外賣。都講明多單要等10至20分鐘。都唔緊要啦。最後等呀等。足足等了35分鐘。望落應該主力攪foodpanda個d單。最難接受係外賣餸未得就見到已裝飯同熱飲。眼白白睇住飯同熱飲呆放15分鐘以上。回家不足10分鐘路程。但兩盒飯，一盒餸，兩杯熱飲。已經暖都唔暖。而且本地薑某些員工好有性格，幫襯好似問佢借錢咁。真係好奇怪。如果係藍店。我已經取消張單唔要。

難得朝早要外出開會唔可以帶飯返公司食, 終於有機會試試公司附的餐廳! 初時以為呢間店食日式定食, 點知原來係茶餐廳餐牌! 估錯晒! 我試試秘製咖喱焗豬扒飯 $55 (唔記得影相) + 薑味梳打 +$5 ~ 自己嗰碟飯竟然唔記得影, 港式咖喱唔算辣, 唔太油, 但都幾香口! 豬扒唔太多鬆肉粉,好大一件, 原塊上無切件! 薑味梳打有點少驚喜, 唔太甜清新爽口, 薑味可以再辣少少, 口感會更刺激! 同事試蒸排骨飯 $55 ~ 排骨份量比想像中多, 雖然有幾件只得骨無乜肉, 但係都可接受, 醃料不會過重, 飯亦軟熟! 

A little chatting moment🗣🎈本地薑/Great to have one to listen to you./是日重點不在吃 所以隨便入左一間葵芳邨附近既黃店😂叫左個全日供應既特餐同下午茶餐🥂田園蕃茄湯通粉配炒蛋、法式蒜蓉包($30)湯通粉同炒蛋都系正常普通茶餐廳味道🥣 但個蒜蓉味唔太出既蒜蓉包一咬落去 雖然外層烘過系脆身 咬到中間就覺得好硬 好似隔夜麵包中間乾晒咁😵蕃茄湯通粉(轉米粉)拼水牛城雞翼($42)🍗唯一值得一讚嘅係個水牛城雞翼串燒醃得好入味 食落去微辣幾香同開胃 加上都係第一次見到成支雞翼串燒放系碗通粉上面😆

抗疫期間，當有店員戴口罩露出口鼻，店舖是黃是藍也不重要。是日，店舖的外賣多到不勝負荷，有位女店員不停地駡廚房，又駡食客點那麼多外賣。而有位戴口罩露出口鼻的男店員，一分鐘內觸碰自己的口罩多於十次，而該男店員亦多次將衣服揭起，將手放入自己的腰R痕，完成之後，完全沒有用搓手液消毒。在視客人如無物的店，我的外賣自取亦等了半小時以上。等得太耐之下，我唯有要求取消我的外賣單，並要求退款。女店員説不可取消，因為我兩個餐，早早已出餐放在枱上，可是店員並沒有將食物入到膠袋內。結果，我又再等了十多分鐘，等店員將食物包好。由落單到我取得外賣，共用了50分鐘。外賣自取，加等50分鐘，如同貼錢買難受！

人數：4人  時間：19:00  食評：  「炸物」蝦多士 用料豐富 紫心脆薯餅 入口鬆軟 值得試食 「飯麵」豬頸肉炒一丁 基本茶餐廳水準 但火侯不足 變成麵團 湯飯令人失望 完全缺乏調味  「飲品」薑絲特飲 稍為提高餐廳水平 喜歡薑的朋友會特別開心「服務」地方光猛 但擺設沒有風格 侍應欠奉 應多加人手 ｛性價比｝$100/人  ｛評分｝65/100分

今日放假，落街食早餐，見到有間餐廳寫住本地薑，於是入去試下。入到去當然要叫佢既招牌薑牛肉麵，佢仲有個奶油豬，炒蛋，火腿/餐肉/腸仔，再加杯凍飲，都係三十幾蚊，好抵食😂除左抵食之外，個薑牛肉真係好好食，薑味重，牛肉新鮮，只係湯底咸左少少，如果唔係就完美。炒蛋好有蛋汁，奶油豬好脆，牛油搽得好好，只係煉奶唔夠多，但其實可以叫佢俾多少少，不過見餐廳咁多人食，所以無再額外加，如果大家黎食，覺得唔夠既，可以叫職員加，同埋一家要試招牌薑既產品👍🏻👍🏻😋😋

If the only thing you care about is whether a restaurant is “yellow” or “blue”, I can tell you that this restaurant is yellow.. but the service was really poor and the food was just average (and in my opinion a little overpriced for what it was. Maybe the mark up is used to support the protestors? Idk). However if supporting “yellow” restaurant is all you care about then you can stop reading my review from this point onwards...It is quite amazing when literally every single one of the wait staff

當日同朋友去葵廣行街，如果唔想掃街又想支持下本地小店，可以去對面既葵芳邨👍🏻呢間睇個店名都估到主打係薑，menu 入面除左食物，飲品都唔少係有薑既成份🙆🏻‍♀️當日就叫左一個薑湯泡飯，配鯪魚球、豆腐同埋生菜湯飯整體比較清淡，雖然係薑湯泡飯，但係唔太食得出薑既味道，但係簡簡單單清清淡淡一餐都算不錯的🙆🏻‍♀️

凍檸檬茶冇茶味冇檸檬味，有8成都係冰。本身想叫杯薑母奶茶試吓，但店員完全唔知套餐要加幾多錢，只係不斷重覆要落左單先知⋯⋯個嬸嬸全程態度好差⋯⋯上雪糕個時係話：呢個係唔知咩3.6呀！（3.6牛乳雪糕）叫左個黑芝麻醬吐司，個吐司竟然係搽左蒜蓉牛油再加芝麻醬，成件事好唔夾，但明顯係用左常餐既包再加料⋯⋯真係好hea...再叫左個生炸雞髀太陽蛋配燒波蘿飯，雞脾又細隻又柴，個片菠蘿係冇燒過既罐頭⋯其實打咁多野講出黎係真心想黃店改善下⋯因為食完真心會明點解呢間野會冇人幫襯了